هل يطيح الأستاذ علي عثمان محمد طه بالرئيس البشير ؟
ثروت قاسم
1 – مقدمة !
نواصل استعراض العوامل المساعدة على إعادة انتخاب الرئيس البشير كرئيس للمؤتمر الوطني في عام 2013 ، ومن ثم مرشحا رئاسيا في عام 2015 ، ورئيسا لبلاد السودان حتي عام 2020:
2- عامل علي عثمان محمد طه ؟
أطاحت ثورة 25 يناير في مصر بالرئيس مبارك ، وبقي نظامه قائما !
زال الفرعون ، وبقيت الفرعونية !
يقول أهل النظر أن الأستاذ علي عثمان محمد طه يخطط لإعادة انتاج الفيلم المصري في بلاد السودان ، والإطاحة بالرئيس البشير ، والإبقاء على نظام الإنقاذ ، وطنطاوي مدني على رأسه !
ليس بالضرورة أن يكون طنطاوي السودان الأستاذ علي عثمان ، بل أي قائد إنقاذي يكون محل إجماع من المؤتمر العام لحزب المؤتمر الوطني ( أغسطس 2013 ) ، أو حتى مجلس سيادة وطني ، ودوار الرئاسة !
3 ? معسكران لمراكز القوى ؟
هناك معسكران يتناطحان حاليا ، وإن كان بالغمتي ، حول أفضلية استمرار الرئيس البشير ، كرئيس للمؤتمر الوطني في عام 2013 أو تنحيه:
أولا :
+ المعسكر الأول يقوده ، من وراء ستار ، وعلى استحياء ، وبالرموت كونترول ، الأستاذ علي عثمان ، ومن خلفه جماعة نيفاشا ، وبعض طلاب وشباب المؤتمر الوطني ، وبعض الشخصيات الفاعلة ، أمثال عوض الجاز وامين حسن عمر !
يدفع معسكر الأستاذ علي عثمان بقبول عرض الرئيس البشير ، الطوعي ، بعدم الترشح مرة أخرى لرئاسة المؤتمر الوطني في عام 2013، واختيار مرشح آخر مقبول للغالبية !
الأستاذ علي يحاكي مولانا الميرغني ، فهو لا يدخل يده في الفتة الحارة ! كما أنه يحاكي الككوية ، التي قاسمها الملح الملاح شطرا من عمره ؛ فهو لا يترك الغصن الذي يقف عليه ، الأ بعد أن يتاكد بما لا يدع مجالا لأي شك ، بأن الغصن الذي ينوي الإنتقال إليه ، آمن وسليم !
الأستاذ علي يلعب بالبيضة والحجر ! ويلعب الجميع سورو ! ويبيع ويشتري في البشر ! باع عرابه الشيخ الترابي ، وولي نعمته ، بثلاثين قطعة فضة !
يكره الشيخ الترابي ، ولكنه يكره الدكتور نافع أكثر ، لأنه يمثل تهديدأ لنفوذه وسلطته ، بعكس الشيخ الترابي الذي تم عزله! ولكنه يكره السيد الإمام كراهة باثولوجية لا حدود لها ، ولا مرافئ ! وهو لابد للأمير عبدالرحمن الصادق ، ليقذف به الي التوج ، ويجرعه من نفس الكأس التي تجرع منها السيد مبارك المهدي في زمن غابر ! خصوصا وقد تسربت بعض الإشاعات المغلوطة، بنية الرئيس البشير تنصيب الأميرعبدالرحمن مكان الأستاذ علي !
راقِب الأستاذ علي عثمان في مقبل الأيام ، سوف يخرج من كم قميصه كثيرا من العصافير والطيور ، خاصة خلال المؤتمر العام لحزب المؤتمر الوطني ، حيث من المتوقع أن يرمي بكل كروته الأتو ، ومن خلال وسطاء !
في هذا السياق ، تجاسر وسيطه الدكتور أمين حسن عمر ، أمين أمانة الفكر والثقافة في المؤتمر الوطني ، وأكد في يوم السبت 24 مارس 2012 :
( أن الدورة الحالية هي الأخيرة للبشير … وأن الغلبة ستكون لأنصار التغيير ، رغم ما يحمل ذلك من مخاطر ) !
وانتقد الرافضين للتغيير ( دكتور نافع وجماعته ) ، ووصفهم ( بأصحاب الأطماع والطموح في الصعود السريع ) !
توقع دكتور أمين حسن عمر حدوث مفاجأة في اختيار من يخلف البشير !
ولم يبق للدكتور أمين إلا أن يذّكِر الناس بأن رؤساء امريكا وبريطانيا الحاليين لم يبلغا بعد سن الخمسين ، وأنه جاهز إذا عرض المؤتمر الوطني عليه الأمانة !
في هذا السياق ، اتفق الجميع في معسكر الأستاذ علي عثمان ، اتفاقا سكوتيا، على استبعاد خمسة قادة كبار من قائمة المرشحين لخلافة الرئيس البشير !
وهم :
الأستاذ علي عثمان ، الدكتور نافع علي نافع ، البروفسور ابراهيم أحمد عمر ، الدكتور الحاج آدم ، والدكتور غازي صلاح الدين !
يرى هذا المعسكر أن هذه القيادات التاريخية الخمس صارت كروت محروقة ، ولا يمكن بيعها للمؤتمر العام ، لأسباب كثيرة ، نختزل أهمها أدناه :
+ الأستاذ علي عثمان … مريض بسرطان الدم ؛ وأياديه تقطر بدماء شهداء دارفور مما قذف به لمقدمة قائمة اوكامبو الخمسينية ؛ ومتهم في محاولة اغتيال الرئيس الهالك حسني مبارك في أديس أبابا !
+ الدكتور نافع … أياديه تقطر بدماء شهداء دارفور وعلى قائمة اوكامبو الخمسينية أيضا؛ ومتهم كذلك في محاولة اغتيال الرئيس الهالك حسني مبارك في أديس أبابا ؛ وعلى أياديه كثير من دماء المواطنين المدنيين الأبرياء ، الذين تم تعذيبهم واغتيالهم ، في الغالب الأعم على يديه ، في بيوت الأشباح ، خلال عقد التسعينات !
+ البروفسور ابراهيم أحمد عمر … لفساده المالي ، حسب القصة المتداولة !
+ الدكتور الحاج آدم … لن يكون مقبولا لغالبية المؤتمر العام ، لأسباب لا داعي لتفنيدها !
+ الدكتور غازي صلاح الدين … هذا رجل لم يتم تلويثه بما يكفي ليطمح في قيادة الأبالسة ؟
كل هذا الضجيج الساكت ، ولعبة الروليت الروسي لم تبدأ بعد ؟
ثانيا :
+ المعسكر الثاني يقوده الدكتور نافع علي نافع ، ومن خلفه دراكولات منبر السلام العادل ( احد أبواق جناح المؤتمر الوطني الداعم للرئيس البشير ) ، والتكفيريون المكريون ، وبعض أئمة السلطان من الذين يشترون بعهد الله وأيمانهم ثمنا قليلا ،
وبعض الشخصيات الفاعلة ، أمثال عبدالرحيم محمد حسين ، وبكري حسن صالح ، والبرفسور ابراهيم احمد عمر ، وقطبي المهدي !
يدفع هذا المعسكر برفض طلب الرئيس البشيرعدم الترشح مرة أخرى لرئاسة المؤتمر الوطني ، والإصرار عليه للاستمرار ، رئيسا للمؤتمر الوطني في عام 2013 ، ومرشحا رئاسيا للمؤتمر الوطني في عام 2015 !
وكما قال الدكتور نافع ، وسط بسمات الرئيس البشير العريضة :
الرئيس البشير ما علي كيفو ! المؤتمر العام هو الذي يقرر بخصوص رئيسه القادم !
في هذا السياق ، شن دكتور قطبي المهدي هجوما لاذعا على معسكر الأستاذ علي عثمان ( السبت 24 مارس 2012 ) ! واتهم جماعة نيفاشا ( معسكر الأستاذ علي عثمان ) بارتكاب خطأ تسليم الجنوب للحركة الشعبية ، وباللين المفرط في مفاوضاتهم مع الحركة الشعبية التي قادت للإتفاق الإطاري للحريات الأربع ، واعترض على زيارة الرئيس البشير لجوبا ( الثلاثاء 3 ابريل 2012 ) ، كما يخطط لذلك معسكر الأستاذ علي عثمان ! وأشار الي مؤامرة للقبض علي الرئيس البشير في جوبا ، وتسليمه الي لاهاي ؛ ولكنه لم يعبر الخط الأحمر ، ويتهم مباشرة معسكر الاستاذ علي عثمان بالولوغ في هذه المؤامرة !
كما تنبأ الطيب مصطفي ( السبت 24 مارس 2012) بأن أبواب جهنم ستُفتح على السودان ، إذا حدث تغييب للرئيس البشير في جوبا ، وربما في المؤتمر العام للمؤتمر الوطني ؟
يؤمن الطيب مصطفي أن السودان سوف يضيع بدون البشير رئيسأ له مدي الحياة !
هل سمعته يقول :
( السودان أمانة في عنقك ! بعد أن وُلِّيت أمره ، فلا تُضيِّعه ) !
بدأت الحرب بين المعسكرين المتدابرين ، بسجالات ومكاوات ومطاعنات بين أمين حسن عمر وسيد الخطيب من جانب ، وقطبي المهدي والطيب مصطفى من الجانب الآخر !
المديدة حرقتني ؟؟؟
4 ? أسباب تغيير البشير ؟
هنالك عدة عوامل تدفع الأستاذ علي عثمان لقبول طلب الرئيس البشير ، بالتنحي وعدم الترشح لرئاسة المؤتمر العام ، نستعرض منها عاملين مهمين أدناه :
العامل الأول : مشروع قانون الكونغرس الأمريكي ؟
العامل الثاني : مطالب الحركة الإسلامية والمعارضة السياسية بالتغيير ؟
نواصل الأستعراض في حلقة قادمة ….
[email][email protected][/email]
يا عمر جابر من اين اتي رافع العلم السوداني عند استقلاله اسماعيل الازهري ؟ والي اين تنتمي مقبولة جدة الصادق المهدي ؟ ومن اي جهة كان التعايشي الذي حكم الودان حكما فرديا لمدة عقدين تقريبا ؟ ابناء الغرب منثورون في كل مفاصل السودان وهم طينة لازبة لا غني عنها في كل مناحي الحياة ! حكاية الحاج ادم هي الرجل الثاني الذي خان رئيسه الاول ! هل يطمع ان يثق به رئيسه الثاني ؟
أمين حسن عمر الشيوعي السابق أكبر عمراً من غندور ومندور وكرتي فهو في العقد السابع وفي أحسن حالاته في نهاية العقد السادس. إنه خريج العام 1976 في جامعة الخرطوم.
مجموعة الخمسة المذكورين كلهم تعدوا الستين من العمر ما عدا الحاج آدم وهذا ممنوع من الصرف لأسباب أولها أنه من غرب السودان!!!
في تبريرك لاستبعاد الخمسة من سدة الرئاسة أصبت في ثلاثة منهم وأخطأت في إثنين. عن الحاج آدم أوردنا السبب أعلاه. وعن الغازي صلاح الدين السبب بسيط فهو من الشعوب التي لا قبائل لها وتحكيمه على رأس السودانيين ربما يجر ذكريات الحكم التركي السابق ولهذا فهو مستبعد.
تخريف سياسى مضحك ..
على عثمان لا يريد أن يطيح بالبشير ، فالبشير بنفسه أعلن أنه لا ينتوى الترشح لدورة رئاسية قادمة.. ولم يبع على عثمان الترابى كما ذكرت بفضة ولا ذهب ، فالترابى نحر نفسه بنفسه عندما صادم العسكر و أراد أن يتغدى بالبشير فتعشى به البشير مسنوداً بالمؤسسة العسكرية.
ياخى ولا سنه أولى سياسة بيحلل زى تحليلك ده.
بالله إنت بتككلم عن المؤتمر العام لحزب المؤتمر الوطني؟
يا عزيزي ثروت قاسم…
أنا عندي مشكلة في الشئ اللي إنت بتقدموا لينا تحت مسمى “تحليل سياسي”.
أولاً التحليل السياسي دا لتقييم الاحتمالات (الممكنة) لمسارات التفاعلات بين القوى السياسية في المجتمع وتفسير علمي واضح لنوع العلاقات بينهم. لكن أنت تقدم لينا أسئلة أكتر من الأجوبة … وأنا بحس بيك مرتبك زي القراء البرة، الفرق في الأمر إنو في ناس بتخلي إرتباكها في دماغها .. وفي ناس بتسجل إرتباكها … زيك كدا. المشكلة إنك ما معترف بإنو راسك جايط بل بتتدعي المعرفة بإدعاء إحترافيتك للتحليل السياسي.
المشكلة في تحليلاتك إنها ما ممكنة … وضعيفة جداً من ناحية الإحتمالات .. ثانياً لأنها جاية من تحيزات عنصرية وأيدولوجية … والدوغمائية Dogma بتخلي الواحد موقن ومتأكد من أي حاجة .. عشان الأيدولوجيا بتهديهو أجوبة لأي سؤال هو عايزو … ودا أسلوب ما واقعي وما علمي.
البروفيسور Robert A. Dahl روبرت دال أستاذ الجمعية الأمريكية للعلوم السياسية قال في كتابه التحليل السياسي الحديث:
” إن أي فرد يستطيع أن يفهم السياسية بقدر، ولكن السياسة موضوع غاية في التعقيد، بل وربما هي أكثر المواضيع التي يواجهها الإنسان تعقيداً. وتكمن الخطورة في حقيقة أنه مع افتقاد الخبرة اللازمة للتعامل مع تعقيدات السياسة، فإن المرء ينزع إلى تبسيطها بصورة مخلة”.
يلا إنت المقصود بالجملة الأخيرة دي … بتحب تبسيط الأمور بطريقة مخلة … كلنا كسودانيين بنفهم ألف باء السياسة … حتي السياسة الدولية … لكن ما كلنا ركبنا مكنة كتاب ومحللين سياسيين.
عليك الله رسل إشتري الكتاب بتاع بروفيسور دال من أمازون ستورز …
http://www.amazon.com/Modern-Political-Analysis-6th-Edition/dp/0130497029
ما تخليك جلدة الكتاب دا بـ 96 دولار بس
:)
وعشان ما أثرثر أجيك لمقال اليوم
عندي نقطة واحدة بس
:)
إنتإستبعدت غازي صلاح الدين عشان (تركي) … والحاج آدم عشان (دارفوري)!
ود دليل علي الأيدولوجيا العنصرية بتاعتك … يا حبيبي .. السياسة دي فن الممكن … الموضوع دا مصالح … إذا مصلحتنا بيقضاها لينا حلبي ولا فوراوري ولا حبشي البيمنعنا شنو نضر نفسنا؟
ثم إنو … منو القال ليك إنو التحليل السياسي بطريقة إحتمالات المؤتمر العام ح تنجح في قراءة حال المؤتمر الوطني؟ دا حزب مكون من رجال الأعمال المرتبطين بالمؤسسة العسكرية والأمنية .. يعني لو في تغيير ح يكون من زول علاقته قوية بالجيش والأمن كويسة … إذا فرضاً المؤتمر العام دا قال نجيب فلان ونشيل البشير … هل بتتخيل إنو البشير ح يلتزم بقرار مؤسسية الشوري والإنتخاب؟
البشير دا عسكري دُمك … وممكن يقول ليهم أنا حليت المؤتمر الوطني زاتو .. مش أنا العلمتو؟
:)
والله إنت وبقية أعضاء المؤتمر الوطني إلا خشمكم يبقي ملح ملح وتقعدوا تجقلبوا في الخلاء ما تلفوا ألف مرة حول صينية الزمن
:)
ح تبقي عليكم حالة فاطمة عبد المحمود مع جعفر نميري
قال ليك النميري بعد ما رجع السودان في عهد الكيزان قاموا قالوا ليهو تعال معانا المؤتمر الوطني و حل الإتحاد الإشتراكي … نميري فكر و دبر وقال ليهم … طوااااااااالي!
فاطمة عبد المحمود رفضت حل الإتحاد الإشتراكي وتقعدت تجقلب وتكورك … “يا ريس .. نحنا .. ونضالات حركة قوي الشعب العاملة .. وزمان .. وعملنا .. وسوينا … ونحن نرفض حل الإتحاد الإشتراكي!”
نميري عاين ليها وهو مندهش وقال لفاطمة:
“يا مرة … إنتي جنيتي ولا شنو؟ أنا دا الإتحاد الإشتراكي زاتو! … وعليك الله تعالي هنا … أنا الجبتكم الإتحاد الإشتراكي ولا إنتو الجبتوني الإتحاد الإشتراكي؟”
:)
أها ناس المؤتمر الوطني هم الجابوا البشير … ولا البشير الجابوهم؟
:)
بالمختصر المفيد يا ثروت قاسم … إذا عمر البشير تنحي .. أو زهج … أو قبضوه ناس الـ ICC فتأكد إنو البديل ح يكون عبد الرحيم محمد حسين .. لإنو معاهو ترسانة السلاح … وإذا الكيزان عايزين التجديد شديد ح يختاروا نافع علي نافع … أما ناس علي عثمان وغازي صلاح الدين ف ديل ح يروحوا في الكازوزة
مع تحياتي
لمبرجاك
الشماسي المتفلهم
تقضي لعبة الروليت الروسية ان يمسك الشخص بمسدس محشو برصاصة واحدة فقط (مسدس ابوستة بتاع الكاوبويات )ويحرك القرص الدوار ويطلق رصاصة واحدة فقط !!!! والنتيجة يا جابت خبرك يا كسبت الرهان واتكتب ليك عمر جديد !!!!
وانا شايف يا مسيو ثروت نديك واحد ابو ستة ومحشو بالستة وبالتمام والكمال وتجرب حظك ….. وبكده نرتاح منك ونريح ناظرينا وتروح شمار في مرقة ببساطة لانك تكتب بانتقائية ولا تراعي عقولنا…
الأخ / عمر جابر اصبت وقلت الحق في قولك بخصوص تولي السيد/ الحاج آدم يوسف بأنه ممنوع من الصرف لأنه من الغرب لأنه عندما قرأت المقال وخاصة الفقرات الواردة لتولي منصب الرئاسة من عضوية المؤتمر الوطني غير البشير أشار الكاتب إلي الحاج آدم يوسف وقال غير مؤهل للرائاسة ولأسباب لا داعي لذكرهـ قلت في الله فقط لأنه من الغرب ليس حقاً لقد وافقتني
يل لأخى اتق الله في نفسك وفى السودان وبلاش أثارت الفتن الفبيليه والسودانيون يوما مانظرو لهذا من الغرب وهذا من الشرق وماتنسى ان الحاج ادم كان يوما واليا بدنقلا أقصى الشمال وكان محل احترام الجميع
يعنى نقنع من ان السودان يتم فيه تحول ديمقراطى حقيقى و يبقى دولة مؤسسات و سيادة قانون و فصل سلطات و هلم جرا و نقعد فى منو البيخلف الرئيس و مراكز القوى و هلم جرا زى كانه هذا النظام ما ح يتغير ابدا يعنى زى نظام انقلاب يوليو المصرى و البعث فى سوريا و العراق و كوبا و كوريا الشمالية و الصين و الاتحاد السوفيتى السابق و اوروبا الشرقية و هلم جرا؟؟؟؟ ماذا يعنى اسم اى واحد قيادى فى الانقاذ؟؟؟ انهم لا يعنون شيئا بالنسبة للشعب السودانى ولا فيهم واحد يملا العين و فى السودان آلاف ممكن يقودوا البلد احسن منهم لانهم افشل من انجب السودان بس عندهم حاجة واحدة هى القوة المادية و ليست الفكرية للاستمرار فى الحكم!!! لكن تاكدوا ان الديمقراطية و الحرية راجحة و عائدة و غصب عن عين ناس الانقاذ وبلا لمة فارغة!!!!! هل هم متخيلين نفسهم ان يطراهم الشعب السودانى باى خير او احترام زى ناس الازهرى و المحجوب و مبارك زروق و يحيى الفضلى و عبد الجواد كمثال لا حصر؟؟؟ لا اعتقد ذلك و هم عارفين ذلك ذكراهم تنتهى بنهاية حكمهم !!!!
بهذا المستوى السطحي من التحليل سنجد أن باقان أمون أذكى من الجميع فكل الجقلبة الحاصلة الان في المؤتمر الوطني بسبب انقطاع أموال البترول الذي ذهب لناس باقان و بالتالي كلهم حسبوها غلط .
وجرة قلم من أوكامبو يمكن أن تنهي أحلام أي طامع في السلطة و يصبح كرت ممقوت كما حصل أخيرا لوزير الدفاع
اتوقع القبض على عمر البشير خلال اسبوع ابتداءً من اليوم … او حدوث امر جلل في السياسة السودانية .. اراهن على ذلك وسوف يحدث باذن الله …
هذا التوقع مبني على تحليل من قراءة الاحداث وعلم الارقام والألوان وليس له اي صلة بمعلومات حساسة .. ننتظر ونرى…
هل مصير السودان اصبح مربوط بحبال هذا المؤتمر وساداته وكل من ياتي ويحول ويقول البشير ولا علي ولا نافع ولا عبدالرحيم ولا غازي ولا الحاج ولا ابراهيم……….او حتى تحت كبار شيوخ القوم من الاحزاب الاخرى الترابي او الصادق او الميرغني ………..سياتي يوما يزول عنا هذه الظلال والغيوم ..
لا اعلم عن فكر السياسه او علومها او خباياها ولكن اعلم ان يوما ما سينصلح حالنا ويدوم فينا الخير
واعتقد انه بقريب فلا مؤتمر وطني او شعبي او اتحادي او امة او غيره…..كلها ستنهار ويبقى من يريد الخير
لاهله وبلده
هذا البلد مليء بالخير واهل الخير ولن يسكتو طويلا على هذا الحال
اسئلة ليست للاجابة
*من هو اول رئيس سوداني قسم السودان الى دولتين في عهده
*من هو اول رئيس سوداني قتل اكثر من2500000من شعبه في جنوب السودان
*من هو اول رئيس سوداني قتل اكثر 300000 الف في دارفور وحرق اكثر من 4500 قرية وشرد اكثر من 2500000 الى دول الجوار
*من هو اول رئيس قتل صديقه ورفيق دربه وتزوج بزوجته
*من هو اول رئيس سوداني لا يبداء خطابه الا بالرقص
*من هو اول رئيس سوداني انتشر الفساد والرشاوى والمحسوبية في عهده
*من هو اول رئيس سوداني قال لشعبه من اراد حقه عليه بحمل السلاح او لحس الكوع
*من هو اول رئيس سوداني مطلوب لدى محكمة الجنايات الدولية
*من هو اول رئيس سوداني قال القانون الدولي تحت جزمتي
*من هو اول رئيس سوداني ادخل سياسة التمكين في السودان خاصة الخدمة المدنية
*من هو اول رئيس سوداني تشتت النسيج الاجتماعي السوداني في عهده
*من هو اول رئيس سوداني بداء بالإغتيالات السياسية
*من هو اول رئيس سوداني لا يجيد أي من اللغات حتى اللغة العربية بل حتى العامية السودانية
لله درك يا وطني
ياليتنا نسعع خبر عاجل فى الايام القادمة ان طائرة الريئس السودانى عمر احمد البشير قد اختفى من الرادار او تم اختطافها واجبر على الهبوط فى مكانآ ماء حتى نستريح من هذا الكابوس الذى كبس الشعب السودانى برا وبحرا وجوا
مابين المعسكر الاول والثاني يوجد معسكر ثالث لم تذكرونه وهو معسكر الشعب السوداني وسوف يقلب كل الموازين لانه هو صاحب الشأن أولا وخيرا
التغيير في ضفتي السودان حيكون زي حق مالي. الاخنلاف فقط انه لن يكون بالعسكر او العسكرتاريا. و انما بالشارع السوداني. و خالي من مقبلات الكيزان و الاباقنة .كل بني كوز وبني ابقن باذن الله سوف يخرجون منها مذموميين , ملعونين و مدحورين.
و قبل ما يغادر اي كوز او كوزة , ابقن او ابقونة- و هؤلاء طبعا الذين تمت تبريئتهم من القضاء السوداني – سوف يكتب علي جوازه يحذر وزير الداخلية السوداني بان حامل هذا الجواز يرجي التعامل معه بالحيطة و الحذر.
و اما للاخرييييين سنعرف ان شاء الله يوم تشرق شمس السودان من قدام .
و سوف تكون شمسا لن تغيب ابدا
دائما ضحوية. لن تغيب ابدا دايما ضحوية.
لن تغيب ابدا دايما ضحوية. لن تغيب ابدا دايما ضحوية.
لن تغيب ابدا دايما ضحوية. لن تغيب ابدا دايما ضحوية.
و سوف تعود بلدي باذن الله بمساحتها المليونية.
و خططة الحريات, الاخلاق ,الابداع, الانتاج و التنمية تقطع خيوط العنكبوت في الفجرية.
و سوف تعود بلدي باذن الله بمساحتها المليونية.
و خططة الحريات, الاخلاق ,الابداع, الانتاج و التنمية تقطع خيوط العنكبوت في الفجرية.
(ومتى كان عبد الرحمن الخضر خرطوميا )
مبروك لعبدالرخمن الخضر—نشرت المنظمة العربية للسكان الاسنوع الماضى ترشيحاتها لانظف المدن العربية واسواها نظافة–وقد فازت ابوظبى بلقب عاصمة النظافة العربية للعام 2011–اما ترشيح المنظمة لاقل المدن العربية نظافة فحازت عليه عاصمة واخدة هى الخرطوم–مبروك للخضر جائزة عاصمة العفونة العربية!!! وهى تستحقها دون منافسه–فى اتجاهات الخرطوم الاربعه اينما وليت وجهك هناك رائحتان مميزتان رائحة البول ورائحة الغائط–اكوام القمامة ملقاة فى الشوارع والايام تمر–المجارى طافحه على الدوام–البعوض والذباب فى كل مكان—وماهم الوالى فهو لايمر بتلك الاماكن ابدا وهو مشغول هذة الايام ببيع مستشفى الخرطوم و17 مربع فى ابوصليب من شارع على عبداللطيف الى شارع المك نمر وكذلك بيع 7 مربعات فى منطقة السكه حديد من شرق كبرى الخرية وحتى شارع بيو يو كوان
ذكر اسحق احمد فضل اللة فى الانتباهة ان جماعةمن المتنفذين فى الموتمر الوطنى ذهبوا للتوسط للمستشار مدحت لدى على عثمان محمدطه فكان الرد===ومتى كان مدحت اسلاميا====عطفا على ذلك نقول ومتى كان الخضر خرطوميا حتى يحس بوجع الخرطوم!!!!!!
قلت شنو يا خليل العازة؟؟ الجزيرة شنو؟؟ لكن ضحكتنى .. والله دى مهازل
شايفك مستهتر بالناس وتقول علمتوهم الأكل وما عارف شنو ..وناس الشمالية حكموا بالعسكرية وذكرت النميرى .. وبعد شوية تفتخر بمدرسة حنتوب وبأنها انجبت النميرى؟؟ .. يعرفوك من اهل العوض كيف؟؟
وضحكتنى حكاية انو لو انفصلتوا الخرطوم حقتكم لأنو بنوها بقروشكم .. ياخى الكان حقتكم ما كنتوا بتبيعوا فيها اللبن بالحمير والواحد بالكتير حلمه بوكس وبرضو عشان يبيع اللبن..عشان تانى ما تدوشونا ويغشوكم بى حكاية القطن دى .. انت تعرف انو زراعتكم للقطن بالخسارة لأنو بيرجعوه ليك ملابس جاهزة واقمشة .. يعنى بيشتروه منك ويربحوا فيك .. مافى شى اتبنى من مشروع الجزيرة..
انت تعرف انو مشروع الجزيرة القاعد تتبجح بيهو دا عملوهو الأنجليز فى الجزيرة ليه؟؟
لأنو ناس الشمال ابوا يتنازلوا عن اراضيهم لأنهم مزارعين وارتباطهم بالأرض كان قوى بينما ناس الجزيرة كانوا رعاة وارتباطهم بالحيوان أكتر من الأرض .. فهمت؟؟ وبعدين لأنهم ما بيعرفوا الزراعة .. جابوا الناس من الشمالية يعلموهم الزراعة..
قلت لى علمتوا الناس الأكل؟؟ انت تعرف الفيتريتة بتاعتكم دى ناس الشمالية بياكلوها الحمير والحمام؟؟
ياخى عليكم الله انفصلوا
عليكم الله انفصلوا .. عليكم الله انفصلوا
انا خايف كلكم تجوا تقولوا والله نحنا اصلنا من بربر وانا زمان جدى جاء من دنقلا
وانحنا جدودنا حلفاويين .. علييييييييييييييييييكم الله انفصلوا
بلا يخمكم قال مشروع الجزيرة قال
شنو يا المسمي نفسك اهل العوض خلاص عايزين تقبلوا علي ناس الجزيرة كلامك فيهو تجريح واستخفاف غير مبرر ليه دائما انتو ما بتحسوا بقوة شخصيتكم الا بالتقليل من شأن الاخرين عندكم مركب نقص