نائب البشير : البلاد تجاوزت المرحلة الحرجة من الأزمة الاقتصادية

بالله شوف مسيلمة الكذاب ده كمان.

ما زلتم تتلاعبون بي المفردات خرجنا الازمة الاقتصادية . اكبر اقتصاد عالمي حقيقي مر بازمة اقتصادية من عام 2008 الي يومنا هزا يعاني . مازا فعلتم تخرجونا من الازمة اولا اخرجوا انفسكم من المحكمة الجنائية في لاهاي ونحن نعرف البلد من ازماته لانكم انتم كبري ازماته .

23 سنة يا الحاج آدم ما كفاية عشان البلد تكون فى وضع تانى افضل من ذلك سياسيا و اقتصاديا؟؟؟؟ اذا كان حكمكم و ادارتكم للبلد حكيمة كانت البلد استقرت سياسيا و انطلقت اقتصاديا و اصبحت دولة مؤسسات و ما مهم مين اليحكمها اسلاميين او غيرهم لانه كان ح يكون فى دستور و حريات و رقابة و شفافية و قضاءمستقل و هلم جرا و ذلك طبعا بعد ما السودانيين يكونوا قد حلوا مشاكلهم السياسية و كيفيةحكم البلد من خلال المؤتمر القومى الدستورى و اصبح صندوق الانتخاب هو البديل لصندوق الذخيرة ويكون الجيش و الدفاع الشعبى و الامن مهمهم هى حماية النظام الدستورى الجديد و اراضى الوطن و المواطنين مش؟؟؟؟ تعالوا نفتح ليكم فصل فى السياسة و ندخلكم الروضة!!! ولا الموضوع ما موضوع الوطن و السودان و المواطن و عندكم اجندة اخرى ده اذا سلمنا انكم بتفهموا فى السياسة؟؟؟!!! هل تنظيمكم و بقائكم فى الحكم اهم من الوطن و بقية المواطنين والله اذا بتفتكروا ذلك فالله يقلعكم اليم قبل غدا وما ذلك على الله بعزيز!!!!! و بالمناسبة انتو ما احسن ولا افهم ناس فى السودان واذا بتفتكروا ذلك اكيد انكم مرضى نفسيا!!!!!

ده كلام صحيح مية المية ..القال منو فى ازمة اقتصادية؟؟ مالحال فل الفل والمواصلات فاااااااااضية …والدولار بجنيه ..والاسعار رخييييييصة..ياوهم!!!

هو آخر العنقود في سلالة التافهين، فما عسانا قائلين له غير أن يشيل شلية من بيت أبوه الخرب دا، بس “ينقّطن”ا بسكاتو، على قول اخواننا المصريين.

عندى أقتراح ..
*علماء السودان وخبراه فى الزراعة يعملوا أبحاث ودراسات لمزرعة عمر البشير..بتزرع شنو ..وكيف وكل شئ عنها..ثم بعد ذلك نعمم الطريقة السحرية هذه على جميع من يريد حتى (نتخارج)من هذة الازمة الاقتصادية الرهيبة ..وحسب كلام الرئيس فأن إنتاجها (أضعاف أضعاف راتبة كرئيس جمهورية)..يا الله هلكنا وبلغ السيل الذبى ..ورونا السر العجيب للمزرعه

هو في وادي وعمر البشير في وادي عمر لبشير الايام دي عريس لاكن الجرايد ما دايرة تنشر الخبر ليه

Sudan has been in critical, miserable economic conditions ever since your bloody “gang” seized power…whatever the situation in the country, the so called “ISLAMIST” will not be affected in any way , so stop talking rubbish…your days are numbered ….killers

إقتباس:
قطع د.الحاج آدم يوسف نائب رئيس الجمهورية بتجاوز البلاد المرحلة الحرجة للأزمة الاقتصادية *جزء من النص مفقود‏*‏

النص الكامل:
قطع د.الحاج آدم يوسف نائب رئيس الجمهورية بتجاوز البلاد المرحلة الحرجة للأزمة الاقتصادية الى مرحلة الإنهيار التام لمؤسسات الدولة.

غريب أمر هؤلاء الكيزان المنافقين ,, أصدقهم كاذب وأكذبهم وقح لعين !!!! يعتقدون بأن هذا الشعب لا يشاهد تلفاز أو يعلم بوجود انترنت ولا يسمع على الأقل راديو ,,, نحن بتنا نسخر منهم كما يفعلون هم بنا , وأصبحنا نعلم جيدآ بأن النصر قادم لا محالة وأن فجر الحرية لقريب ,,, وأمسينا ندعو الله أن يهلكهم بما كسبو وأن ينتقم لنا وهو الجبار المنتقم القدير ,,,, آميين ,,,, بغض النظر عن حديث هذا الأراقوز الدلدول النكرة, وبغض النظر عن أكاذيب الأنقاذيون المنافقون ,, هناك حقيقة جلية لا تخفى الا على أعين السجج والتابعين ,,, الا وهي فشل هذه الزمرة الخبيثة في ادارة البلاد والعباد, وحتمية كنسها الى مزبلة التاريخ دون تردد أو وجل , ودون النظر للعوامل أو المبررات ,,, فبعد أكثر من ثلاثة وعشرون عامآ قضوها في قيادة هذا البلد, نجد أن محصلة حكمهم هي الصفر , بل ودون الصفر بكثير , وسوف لن يسعني الخوض في التفاصيل, سوى الأشارة الى بعض أدنى الماقييس التي على أساسها يعلم الشعب نجاح حكومته أي كانت , من فشلها .

1- البنية التحتية
2- التعليم
3- الصحة
4- مستوى دخل الفرد

والحق كل الحق ومن الأنصاف, أن يحكم كل فرد من أفراد الشعب على أداء حكومته ويفيد نفسه بالنتيجة ويتحمل مسؤليته الوطنية بناء على تلك النتيجة ومن ثم يبدأ يعرف حقو وحق أولادو وأهلو وين ويدافع عنه. الحق لا يمنح ,,,,,, الحق ينتزع ,,,, مش لو جابو الدفاع شعبي ,,,, والله حتى لو جابو الحرس الثوري زااااتو

يعني نحنا كنا في ازمة عشان نتجاوزها !!!

يا زول انت عايز تجيب الهوا لنفسك ولا شنو ؟؟

مش الرقيص الكشير قبل يومين قال وين الازمة دي؟؟؟ وروني ليها ؟؟!!

انت الظاهر داير تمشي كما كنت مطلوب وهارب من العدالة زي رقيصك الكشير ..

أخخخخخخخخخخخخخخ

يا جماعة

الزول دا…نايب بشيرنا حق السودان وللا بشيراً حق بلدًاً تانى؟؟؟

الازمة الاقتصادية انفرجت في ياتو سوق ولا ياتو
بقالة عشان نلحق الصف يا سعادتو

اقترح ان يسمى هذا المافون ب ( عوير الفلم ) بالمناسبة ماذا فعلت مع مولاهم محمدفريد( اسوا مثال لفساد و عدم نزاهة و عدم حيادية للقضاء السودانى)

الهارب) الحاج احمد ادم يوسف بعد أن تنقل من خندق المعارضة في اسمرا إلى أحضان الأبالسة (في الخرطوم) – وجد نفسه بالصدفة في مكتب فخك واصبح يحمل (ديكور ) لقب نائب رئيس الجمهورية – صار مطبل من الدرجة الأولى – لكن المهم الراجل الباع شيخه (الترابي ) وباع قضية اهله في دارفور أصبح لديه هوس رتاسي واصبح يعتقد ( حسب سكرة السلطة الوهمية) انه رئيس بحق وحقيقة له سلطات – وهذه السلطة تجعله يكثر من ( وجه ) وجه من – وكم توجيه يصدره في اليوم؟ – انا لا استبعد انه يخط كل يوم اوامر خيالية ويختمها بعبارة (صدر تحت توقيعي بقصر الشعب بالخرطوم ) ثم يقوم بتوقيعه المهم يا ناس الراكوبة – عندما تقراوا او تسمعوا عبارة أكد ووجه – تذكروا ان مسؤول (مبتلى في دينه ) ولدواعي السلطة ركب مكنةاكبر من حجمه (أَيُّهَا الَّذِينَ آمَنُوا لِمَ تَقُولُونَ مَا لا تَفْعَلُونَ)(كَبُرَ مَقْتاً عِنْدَ اللَّهِ أَنْ تَقُولُوا مَا لا تَفْعَلُونَ)

يقطع رقبتك بركة الصباح ورب الفتاح