أحمد هارون يقاضي قناة الجزيرة بشأن شريط قتل الأسرى.
قال والي جنوب كردفان أحمد هارون المطلوب للعدالة الدولية لارتكابه جرائم حرب بدارفور ، قال انه في اتجاهه لمقاضاة قناة الجزيرة بشأن الشريط الذي بثته حينما كان يخاطب مجموعة من قوات الحكومة المسلحة “سلمونا نضيف ، أمسح ، أكسح ، قشو ، ما تجيبو حي ، ما عندنا مكان ” ووضح لصحيفة الوان حسب زعمه ان هنالك تلاعب حدث في الشريط وانه لم يقل (ما تجيبو حى) بل قال (جيبو حى) ووصف الوالي هارون الأمر بالفبركة والتدليس الواضح.
[URL]http://alrakoba.net/videos-action-show-id-957.htm[/URL]
حقا الشينة منكورة والصمت افضل.. حيث ارحتنا من الشك بان الشريط مفبرك واثبتها على نفسك ..
انت تقول ما عندنا مكان ..((للحجز والاسر)) .. اذا كيف تريدهم احياء..
اوكامبو ليهو حق .. فمن كذب مرة لا تامنه ..
كايس ليك فى تغرة تتخارج بيها الحس كوعك هاع هاع هاع
هوي يا زول المي الحار ما لعب قعونج نصيحه مني الجزيره اخطاها احسن لك و ترى كلام القصير ما بنسمع الا النار تحمي
سننظر اكنت صادقا ام انك من الكاذبين ؟ وانشاءالله تفتح البلاغ في لاهاي ونشوف اخرتا. والمتهم بري حتي تثبت إدانته وابوقردة كان متهما فبرأ ابق قدرو وإتخذه قدوة وبرئ نفسك من جرائم دارفور.
قلت الروب ياسجمان
دا غبي ولا شنو—–يادوب الخازوق ركب فيك
ها ها ها ها هاهاهاهاهاها
نحن عايزين نجيبوك انت حي ونسلموك للمحكمة الدولية يا مجرم
طيب امسح اكسح قشو ماعندنا مكان ومادايرين عبء ادارى دى معناها شنو يامجرم ارجى الراجيك بس واكيد ده نفس الكلام القلتو للقوات فى دارفور ياسفاح لعنة الله عليك
الرووووووووووووووووووووووووووووووووووووووب!!!!!!!!!!!!!!!!!!!
هارون اخي نصحناك وما سمعت النصيحة – اركز – ما قلته بدور الدواس وما بتابا الطعن – اركز – كتر البتابت عيب – اركز – البنات ما يسمعنك – اركز – الموت واحد !!!!!
جيبوووو حي ياااا كبير قول أحي أحي هههههه
يعني بعد المسح والكسح والقش بيفضل زول حي عشان يجيبوهو !!؟؟
امسح اكسح قش كان ديل ما ادانوك يعني حرقتك ما تجيبو حي دي ؟
يا زول الصقر ان وقع كتر البتابت عيب .. وكان اوكامبو خلاك حزبك ما بيخليك يا ..
كبش الفدا الاولاني فلان الفلاني …بس ده حمل صغير وما بيضحي دايرين الاملح الاقرن اب فقرتا ماكنة ..
أنت الشلاقة الكاتلاك شنو خلى جيبو حى ولا ميت أنت زول قلت مولانا ومثقف ومتحضر وين الثقافة والحضارة دى لو أصلا عندك أمش دافع بيها هناك فى لاهاى مش تقعد تلامض لى فى جحرك دا ياخى أنت زول مهذب وأخلاقك إسلامية وسودانية ايه الكلام الفارغ البتقول فيه دا أكسح وامسح دى والله كلمات بتاعت شماسة ما أكتر خليك زول موزون وأوزن كلامك عشان يكون على قدر مسماك (مولانا) النصيحة دى مي حاااارة ..
سأل المعلم في إحدى بلاد المسلمين الطالب عن الفرق بين المسلم والإسلامي، تلعثم الطالب إذ لم يكن يدري الإجابة وبعد أن استغرق فترة في التفكير أجاب بالآتي: أولاً: أنه قرأ في القران والحديث فقط عن المسلم والمؤمن ولم يطلع على مصطلح إسلامي وسيبحث عنه علّه يجده إن شاء الله. ثانياً: المسلم والمؤمن تم تعريفها في القرآن والسنة، فالمسلم من سلم المسلمون منه والمسلمون إخوة كالبنيان المرصوص، والمؤمن مرحلة متقدمة للمسلم في درجة تقواه لله سبحانه وتعالى ويشمل ذلك الرجال والنساء. ثالثا: أن الإسلام ليس فيه غلو أو تطرف يؤدي إلى الظلم والعنف، بل هو دين سلام وعدل للجميع بما في ذلك غير المسلمين. رابعاً: أنه يعتقد والله أعلم أن ما يحدث اليوم من تصنيف للمسلمين وتمييز بعضهم بعضاً بغير تقوى الله إنما هي فتنة من الأعداء تؤدي إلى تشتت شملهم وصعود نجم الظالمين والفاسدين وتكون لها عواقب وخيمة؛ لأن الله لا ينصر من عباده الظالمين ولا يرضى لهم أن يكونوا تبعاً في الظلم والفساد. واسترسل الطالب في الإجابة فقال: إنه يعرف أن العنف والقمع ليسا بوسائل معتمدة في الإسلام؛ فالمسلم لا يجوز له أن يقاتل مسلماً أو يسلبه حقوقه المشروعة. والإسلام يعتمد السلام والحرية والعدل. ولكن بعض المسلمين يغفلون وينسون والسؤال هو هل أخطاء الطالب في إجابته أم أصاب؟ وما هو مصيرنا وموقعنا في الإسلام هل نحن مسلمون أم إسلاميون؟! وهل لنا نفس الفرص في الجنّة والنّار أم لا؟ ولماذا يقمع المسلمون المسلمين ويهمش الآمرون بالمعروف والناهون عن المنكر؟. لقد تشابه على بعضنا البقر، يريدون أن يعرفوا ماهو لون المسلم وما هو لون الإسلامي، ويريدون أن يطمئنوا إلى سلوكهم للطريق القويم المحفوف بالابتلاءات الحقيقية والمؤدي إلى الجنّة لا إلى النّار. إننا نرفع هذا التساؤل الذي يشغل بال المسلمين في هذه الأيام إلى الأزهر الشريف عسى أن يصدر لنا فتوى واضحة، ومازال الطالب يبحث في كافة النصوص الدينية والقواميس عن تعريف مصطلح إسلامي.
هذا التشادي، ماذا يريد من السودانين وقتل العديد في دارفور، ومرة أخرى هو يكرار ذلك في جبال النوبة
اقترح علي الجبهة الثورية ان تكون مجموعة انتحارية لقتل هارون وهو في عقر داره مثل هولاء لا ينفع ان يقدمو للمحاكمة : محاكمة هارون هي ان يتم يضرب رصاص فقط .
سوف نقف معك وندعمك ضد قناة الجزيرة يا سيد أحمد هارون التي زورت وفبركت كلمة ( جيبو حي ) وأضافت كلمة ( ما ) والصقت ( التاء ) حتى انقلبت الجملةبقدة القادر إلى ( ما تجيبو حي ) وأن قراء موقع الراكوبة من المحامين والقاتونيين سوف يدافعون عنك بالمجان أمام المحاكم لأنك فقير ومعدم لا تملك أي شيئ غير كام مليار من الجنيهات لا تسمن ولا تغني من جوع ، إضافة إلى عدد بسيط من الفلل والعمارات والأراضي الفاضية ، وأيضا سبب هذا الدعم من الأخوة هو تقدير لسعادتك ، لأنك صادق وغير كاذب ولا غشاش فأنت لم تنكر ما قلته من كلمات مثل ( امسح – اكسح – قشو – ماعندنا مكان ومادايرين عبء إداري ) .
شوفوا الأهبل دا
والله تحاول تلعب مع ناس الجزيرة ديل إلا يوروك الويل ..
يعني شنو ما عندنا مكان وما دايرين عبء إداري ؟؟
وانت لو ما أهبل البخليك تتكلم قدام كاميرا شنو ؟؟
احمد هارون انت ركبوك في السرج دا ساي الراعي في كردفان كن مسكو ما بيقول الروب و كيف انت مسوي نفسك والي خليك قدرها ما دام قلت سلمونا نضيف خلاص ما تنكر و تراوق قل لهم قلت اللي سمعتو و الدايرني يجيني في الميدان لكن قلبك في يدك و كمان حاكم لا و الف لا الحاكم ماببقى جبان يا جبان
والله خجلة كبيرة مسؤول يكذب عينك عينك.وينكم ياسودانيين ووين الرجالة
الحمد لله العلي القدير المعز المذل الذي أرانا فيك يوم رجفتك يا أحمد-المجرم الجبان- هارون, و خلانا نسمعك و إنت بتقول: الروووووووووووووووووووووب. أرجى الراجيك يا جبان. ده حالتو المناظر بس. تبا لمجرمي الأنقاذ
هو اصلاً مطلوب للمحكمة الجنائية .. يعني كان ما خاف من الله والمحكمة الجنائية ثاني يخاف من شنو؟؟ومعاه كمان الرئيس ووزير الدفاع .. يعني مافي خوف ..
والله التسجيل كما كان نضيف
اؤممممممممممممممممممممماك !
ما قلت ليكم زول دا بينكر
يا هارون ارجع الراجيك وفى شريط اخطر من دا فى طريقه للبث فى القريب العاجل
ونحن نقدمك للمحاكمة عدلة امام محكمة وطنية مش لاهاى عشان اهل الضحايا يستشفوا شوية
اصبر ليك يوم
جابت ليها كدا .. خلاص راحت عليك وفضيحتك بقت بجلاجل ويوم عن يوم بتقدم للمحكمة الجنائية دليل ادانتك .. (يمهل ولا يهمل )
سنريهم اياتنا في الافاق وفي انفسهم حتي يتبين لهم انه الحق.
الحق عز وجل سينصر الحق
ههههها راحت عليك يا هتلر السودان
دقيت جرس مالك اركز وابقى قدر كلامك
والله الواحد ما عارف يضحك من سخرية المعلقين الشرفاء أم من سخرية القدر الذي أبتلانا يمثل هؤلاء المعتوهون من أمثال هذا الهارون وضار علي نافع
يا هارون يا شقى الحال كان لحقت تقيف فى محكمة عشان تقاضى الجزيرة ما لحقت أمات طه تدخل “الكزيرمة” بتاعة لاهاى طوالى.
تهبش الجزيرة دى … الشيخة / موزة تسلمك الجنائية فى يوم واحدماشفتها مع اكامبوولا شنو … والى كسلا ذيك كدى عامل حكومة ماسك المايك لى شيخ حمد طوال الإحتفال بى طريق السودان اريتريا…
فيما يخص حقوق الإنسان ومبادئها.. فأنت وجه بشع لعالم الغابة الذى تجاوزته البشرية منذ قرون
ضائع وطن ..أصبحت وجوهكم عنوانا له
” وانه لم يقل (ما تجيبو حى) بل قال (جيبو حى) ”
تعليق:عندنا في السودان في ناس غباؤهم مستحكم .
كان من الممكن لهذا الرجل أن يتملص بطريقة أسهل حيث أنه من المعروف في الدارجية(العامية) السودانية أن “ما” تستخدم أحيانا بل كثيرا للحض أو التأكيد مثل قول “يا زول ما تجي يا اخ” أي تعال
قال مولانا قال….
على مهمة أوكامبو في التحقيق ستكون في غاية السهولة فالجماعة لا يجيدون المكر و المراوغة الا في الحلة “دهاء تايواني”
بالله عليك انت رجل قانون؟زن كلامك ثم ثانياانت قلت كلام اثبت عليهومافي داعي للفضائح سودت وجهنا سود الله وجوهكم ياملاعين ياسنة اولي سياسة يافاشلين 0000
المجرم احمد هارون نحمد الله انكم بقيتو تلفوا حبل المشنقه حول عنقكم براكم
نحن السودان ده مابشيلنا معاكم يا انتو يانحن فيهو
أمسح ، أكسح ، قشو عشان ماتزعل سحبنا الباقي للكن يامولانا الكلام التاني (مافيهو حاجة)
بعدين اهلنا هناك مابستخدمو نفس العبارات دي عايزين نعرف جبتها من وييييييييييييييين
ما تبقى قدر كلامك الكبكبه فى شنو
الجرسة والجقلبة الليك شنو؟؟؟!! …. ماتبقي قدر كلامك …ما عامل فيها راجل وشابك الناس ((امسح -اكسح – قشو- سلمنا نضيف -ما تجيبو حي…. )) .. خلاص بقينا في النكران …. ياخ الواحد لو ما قدر الكلام مايحرج نفسوا … والله الظروف…بس… هي الساعدتك وخلتك تبقي والي وتدي في التعليمات …. ((لا بتفهم في السياسة ولا في العسكريه ولا في القانون )) … عباره عن اداه في يد الغير …. مثلك مثل العصايه الشايله دي واحد…..
كاتل الروح ما بروح ( وهي ارواح كثيرة وليست روح واحدة )
أمسح ، أكسح ، قشو ، اكله ني (جيبو حي) ما عندنا ليه مكان…. كيف يستقيم المعنى بعد المسح والكسح والقش والاكل سوى مطبوخ او نئ ؟؟!! يا عالم ارحموا عقولنا!!
بالله عليكم شوفوا ( وقاحة ) بتاع الترمس ده…والله الإستحوا ماتوا …إخص
يا لغباءك يا مولانا.. بتصريحك وراء الجزيرة ربطت الحبل حول عنقك ..
الان فقط عرفنا ليه شيخ الترابى من زمان جمع حوله مجموعة من الاغبياء واللصوص كى تسهل قيادتهم ويكون ماسك عليهم ذلة ما بقوا احياء ..
يا احمد هارون الصقر لو وقع كترت البتابت عيب وانت الكلام قلته وخليك علي موقفك وانت اصلاً مافارقها معاك لو قلته ولا ما قلته اوكامبو وخليفته ما بخلوك والمصريين بيقولوا ضربوا الاعور في عينو قال اهي بايظة
احمد هرون دا ما دربوا مارق عديل ما داير ليها اجتهاد كتير لكن جنرالات هتلر الواقفين و بأمنوا على كلام هاروت ديل ما ادوات تنفيذ الجريمه وبنص القانون ادوات الجريمه يجب مصادرتها وابادتها.
يعني دا شريط جابت ليها كوته ثمينه من الرؤوس العسكريه الذين ان رأيت نياشينهم لحسبتهم من بقايا جيش تشرشل.
اسود على المواطنيين العزل *** نعام وقت يجيبوا سيره حلايب واللا الفشقه
إنت ما خلاص ركب فيك خازوق متالت لكن الكلام الخروفين الأملحين الأقرنين قريبا حنسمعهم ينجرسوا زيك كدة
الفينا مشهودة عارفانا المكارم نحن بنقوده…………..
الخواف البقع ةسطنا نحن بنسنده….. ولكن سندتنا بنوصلك لاهاي طوالي…. أركز يا أخو الحارة..أركز يا أبوفاخورة…. أركز قتال الأبرياء… أركز يا أحو فاطمة وأخو نسيبة…..الجايات أكثر من الرايحات… وووووووب أوكامبو جاء… ألحق يا الطيب مصطفى بالارهابيين…..
ان حظي كدقيق فوق شوك نثروه
ثم قالوا لحفاة يوم ريح جمعوه
صعب الامر عليهم قال قوم أهملوه
ان من اشغاه ربي انتمو لن تسعدوه
وبعدين يا جماعة الزول ده من ياتو طينة؟ هو نسى انو يوما ما حيقابل رب العالمين لو ما قابل اوكامبو ؟ ممكن هو زعلان كدة عشان الاسود طرده وجرى حفيان من العتمو لييي كادقلي والشوك كمل رجلينو.هاهاهاها في غرفة ما يغمض ليك جفن جاينك من ورا وقدام شد حيلك دايرنك انت حي.
نوباوي وحواء النوباوية تلد مليون اسد ثائر!!!!!!
اذا بتخاف ما تقول ،،،، واذا قلت ما تخاف ،،،،،،،
شيل شيلتك , بطل الجرسه وأثبت يا جبان لو ادسيت فى بطن امك جاينك أردت ان ترضى المخسئ البشير وعصابته ونسيت ارواح الابرياء . كما تدين تدان .
انتو قلتوا بتانيه ولا بتاريه هههههههههههههههاا قلت جيبو حى ماماتجيبو حى حى حى حى حييييا أنا هههههههههههههه
يعنى انت مقر انك قلت كلام موش كويس با احمد هرون ..طيب التلفزيون ووزير دفاعك بيكرر فى اكسح امسح كل يوم وانت لقيت الموضوع ماشى وقلت تطينها الى الاخر وترددها اعلاميا علشان المركب تغرق بالجميع ياهو دا تفكيرك لكن والله احيك على ما قمت به لان كل اهل السودان الان عرفو مين انتو يا تجار الدين ياتو دين البتؤمن بيه انت يا جاهل زمانك
قاضي وبتقول إسلامي وكضاب، كل الشواهد والقرائن تقول أن سياسة قتل النوبة والمعارضين مبرمجة، وبعلم وتوجيهات القيادة العليا، تقرير هيومن رايتس ووتش الذي ورد في كتاب زوال أرض السودان والتقارير الصحفية تحمل مضمون نفس العبارت،( تضفو طوالي) بمعنى (تصفو طوالي)، الهجوم على قناة الجزيرة وتهديدها بالمقاضاة دليل على صحة التقرير ومحتوياته، ويأتي لتخفيف حجم الصدمة التي وقعت على الشعب السوداني، ومحاولة للتشكيك في مستند إدانة قد يستفاد منه في قضية الإبادة الجماعية لأهل دارفور، وأنت قاضي قد تكون تفهم القانون، كن رجل وتحمل تبعات أفكارك والمبادئ التي تؤمن بها،ولا داعي للبكاء بعد أن كشف سترك الله.
سبحان الله مازال الرجل يكذب ويتحرى الكذب حتى يكتب عند الله كذابا وكويس انو ما قال انو الشريط كلو مفبرك لكان والله الواحد ممكن يصدقو لكن قال انا ما قلت ماتجيبو حي بل قلت (جيبو حي) ؟
فلنفرض جدلا انو الرجل قال : جيبو حي ! والجملة اللي بعديها ما عندنا ليهو مكان فكيف يستقيم الكلام ؟يعني جيبو حي وما عندنا ليهو مكان ؟ دي غلوتية ولع شنو يا أحمد هارون ! والله دي دايرة ليها واحد كوز من علماء السلطان يكون ملم باللغة العربية يحل لينا اللغز دا وانه اي احمد هارون لمن المنصوريين وانشاء الله حنعمل ليهو حفلة بقيقم عشان يرقص وينطط هو وصحبو البشير ، بالمناسبة يا جماعة قيقم حي ولع ميت ؟ ما علينا منو هو كان وردي ولع نقد ولع حميد ؟
طيب يا جماعة افتراض تاني قول الزول فاطي في المدارس والجامعات وقادي عربي وما بيعرف يكون جمل تمام كدا وزينا كدا نحنا المحس بلخبط اللكلام عشان العربي دا ما لغتنا لانو نحنا لغتنا النوبية والعربية دا بيجننا عديل ووالله لو جينا الخرطوم كان احمد هارون دا بالنسبة لينا كدا معلم عدييل، وموضوع العربي ومحاولة تعريب غير العرب في السودان زي ما كان بيقول المرحوم بروفسير ابو سليم انو زمان في المدارس في مناطقنا انو اللي بيتكلم نوبي دا كان بلبسوه قلادة معينة كشكل من انواع العقاب يعرف من خلالها انو الشخص دا اتكلم نوبي ويصير مضحكة من المدرسين ! على العموم دا ما موضوعنا ، موضوعنا انو اذا احمد هارون لو غلط في تركيب الجملة فهل الجنرالات اللي خلفو خانهم التعبير ففي واحد فريق في الجيش واقف ورا احمد هارون بيقول ما تجرو لينا جوا واقطع بس الظاهر من لهجتو انو من ناس الغرب لكن شكلو جنجويد والمزعلني اكتر انو في واحد لواء جيش برضو ظاهر في الصورة ومن شكلو ظاهر انو نوباوي وميت من الضحك ودا يا ايما ما عندو أصل عشان هو بيكتل النوبة اخوانو وبدم بارد يا ام طابور خامس للحركة الشعبية .
نداء من هذا المنبر الحر لكل الضباط والجنود الاحرار في الجيش السوداني قيادة السودان وقيادة الجيش السوداني غير جديرة بالاحترام لانها تقتل الاحرار في الجبهة الثورية بدم بارد والغرض من هذه الحرب ليس وحدة السودان ولكن تفتيت السودان الي دول وممالك كما كان فهل انتم متعظون ؟ اتركو سلاحكم وابتعدوا عن هذه الحرب او انضموا الي الاحرار في الجبهة الثورية .
والله كلام يامولانا…. داشنو الكلام الفارغ القاعد تقول فيهو دا… وعاملينا مولاناوبتفهم في القانون ووالي كمان…. جد والله حكومة الانقاذ دي جابت لينا الهم عشان الماسكين فيها الحكم مابفهمو اي حاجة في السياسة زي مولانا هارون دا… وربنا يكون في عون الشعب السوداني والله
دي والله زي نكتة صاحبنا الراكب القطر وبردااان بكدد من شدة البرد ..
شويتين كده وجا عسكري بسأل الركاب : في واحد رايحة منو بطانية ؟؟
قام صاحبنا الشليق نطا وقال : ايوا انا يا جنابو “بكل ثقة “..
قام العسكري ساقو معاهو لمحل البطانية وقال ليهو : دي حقتك ؟!
صاحبنا بدون تردد : ايوا حقتي ..
العسكر مصر يتأكد : انت متأكد يا زول !!
صاحبنا مصر برضو : ايوا يا جنابو حقتي انا متأكد 100%
قام العسكري فتح البطانية قدامو وكانت مليانة بنقو ..
قام صاحبنا المسكين بكل وخوف وخلعة : انت قلتا بطارية ولا بطانية !!!
دحين يا ” خارون ” (بالخاء وشيك على لباسك ) انت قلتا ما تجيبو حي ولا جيبو حي ؟!!؟
أخخخخخخخخخخخخ
كيف يكون سعادة الوالي قال: (جيبو حي) وهو أصلاً قال: (ما عندنا مكان)!
ما عندكم مكان معناها ما يجيبوا ليكم زول حي عشان ما عندكم مكان (لاستضافته)! صاح ؟
(ويطعمون الطعام “على حبه” مسكيناً ويتيماً وأسيراً) صدق الله العظيم..
يا ناس .. لا تستهتروا ولا تستخفوا بكلام الله .. اتقوا الله في عباده ..
“الأسير” هو في نهاية المطاف “أسير” لا يملك كم امره شيئاً .. ارحموا من في الأرض ..
يرحمكم من في السماء..
يا ناس الراكوبة عليكم النبي ارفعو الخبر دا فوق
سجم أمك!!!
ياود هارون ياجبان خليفة اوكامبو فى الميدان .. أثبت كم ثبت دوقنه تحت الترماج _ عارف دوقنه ده ثبت تحت الترماج كيف ؟ أسأل ناس بيت المال وسوق امدرمان بيوروك ,, دقنه وقع من الترماج ويده الشمال اتقطعت دخل يده التانية يطلع بيها المقطوعة لحقها ليها ,, انت بتثبت قدر ده .. تحياتى ليك يادقنه يارجل اما اشباه الرجال فلا تحية لهم.
.
ياراجل متجرس مالك بعدين كده كده إنت مطلوب ولو الشريط مزور او صاح مابقدم ولابأخر في طلبك للجنائية
يعني اصلا انت مسيك ومطلوب دوليا
لاتقرأ هذا التعليق ___ يازول أربط السروال والتكة وألبس الطاقية والجلابية جناح ام جكو .. وشيل معاك الجبراكة والتيران الإثنين الجخص الكبير(( الرئيس ووزير الدفاع )) إلى لاهاى .. ونجنا حانعمل ليك محامين ونشكل ليك مفوضية وألوية ردع ومجلس تشريعى ومعتمدية ومحلية للدفاع عنك .. الحرامى فى راسوا ريشة والعلى راسوا بطحه بيحسس عليها … شكرا ياحبيب نتقابل فى سويسرا يامعلم من جبال النوبة لجنيف والله لكن نقلة حضارية لدرجة قف تامل (( جماعة الوطنى الأيام دى منبطحين للجنوبيين ,, الخواف ربا عيالوا )) … سلم لى على الأخت بشريات والأخت إشراقات والأخ إندياح .
طبعا مولانا احمد هارون متخصص زوغانات ومحارجات قبل كده قال انو كلمة الاغتصاب نساوين دارفور بقصدوا بيها الاجيار على ترك الارص والممتلاكات وليس الاغتصاب الجنسى يا سبحان الله
اول حاجة لازم تمر بي عود القذافي وبعدين الجنائية الدولية
حى انا يا كبير انا قلتا جيبو حى . الجرسه شنو
سيب الجرسة ظاهرإنك فلست داير ليك تعويض من قناة الجزيرة لكن تشموا قدحة
السيد الوالي الكناس اقول ليك حاجه الجزيره اشتكيها لفاتو بنت ا وكامبو هي الوحيده البتنصفك يا الكساح
أحمد هارون حفر قبره بأيده، بعد دا ناس المؤتمر الوطني حايخلوه شهيد، ممكن يقولوا وقعت فيه دانة، ولا إنقلبت بيه عربية ولا وقعت بيه طيارة (وغالباً ما تكون هيلكوبتر)،وهي نفس الطريقة التي سيتم بها تصفية البشير ووزير دفاعه (بشر القاتل بالقتل ولو بعد حين) . هسي يا جماعة المجرمين ديل لما يمشوا الآخرة حا يقولوا لربنا شنو؟ دا إذا أصلاً مؤمنين إنه في حساب ونار وجنة.(( وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً ))
اقول ليك بامانة عمليتك ما ظريفة وحركتك جبانة مقاضاة شنو انت قضى باقى عمرك دة وسط الجبال زى الدبيب الرايح
ان هنالك تلاعب حدث في الشريط وانه لم يقل (ما تجيبو حى) بل قال (جيبو حى)
طيب فسر لينا كلمة اكلوه ني دي معناها شنو؟؟؟؟؟؟؟؟؟؟؟؟؟؟؟؟؟
رسالة الى السيد احمد هارون المحترم
تعلم ياخى ياسيادة الوالى بانك مطلوب فى الجنائية من غير مخاطبتك وتعليقك اتمنا الا تدهور علاقتنا مع قناة الجزيرة انك تعلما تماما بان دولة قطر خيرة كثير على السودان وممكن الحكومة تخسرك انت ونكسب قناة الجزيرة (قطر)
والله يا سعادة السفاح احمد هارون
نحنا معاك في موضوعك دا وياريت تبقى مرة في حياتك راجل قدر كلمتك وترفع القضية اشانة سمعة وتدليس ضد الجزيرة
وما تخرخر زي المرة الفاتت وتقول منو القال ليكم أنا ح ارفع قضية في قناة الجزيرة
رقد سلطة يا زول اثبت ؟ الجقلبة فى شنو انت شفت حاجة كل شئ موثق
ممتاز أرفع القضية!! عشان ناس الجزيرة إطلعوا باقى الوسخ الساكتين عليه من زمان
لولوتكم دى ممكن تمرروها فى السودان لكن برة NO WAY
واى واى ما قلتا
والزول دا ناوي يقاضي الجزيرة في الخرطوم وللا في المحكمة الجنائية بلاهاي!!
هى قناة السجم والردمان دى اول مرة تفبرك ولا تكذب على السودان ما اشتهرت بالاكاذيب على السودان
عشان الناس تعرف أنه الكلام ممكن أقوي من الرصاص
الفديو ده فيه كم لقطه لي ناس بتضرب رصاص وقذايف
يا ربي يكون كم زول مات بي الرصاص ألفي الفديو دا؟
وكم زول حيموت بي الرصاص الطالع من كلام أحمد هارون؟
—-
كدي ركزو معاي
وقد أمرهم بقتلهم وسحلهم
وصاحوا في هياج ضاحكين
مهللين مكبرين بإسم الله الذي يقفون أمام أحد بيوته
وقد كان هذا في العام ٢٠١٢
وما المغزى من انك تحث وتطالب مقاتليك ان ياتوا بالاسرى احياءا هل تفتكر الناس مغفلة لهذه الدرجة
الشينة منكورة ، لكن دى ما شينة دى جريمة و كمان موثقة صوت و صورة. انت قلت ما تجيبو حى ما عندنا مكان. كيف تكون قلت جيبو حى و فى نفس الوقت تقول ما عندنا مكان؟ يا ود الحلال أحسن تكفى على الخبر ماجور و ما تفتح على نفسك أبواب ما بتنسدّ.
ما قولتوا نوبة!!!!
سوف نقف معك وندعمك ضد قناة الجزيرة يا سيد أحمد هارون التي زورت وفبركت كلمة ( جيبو حي ) وأضافت كلمة ( ما ) والصقت ( التاء ) حتى انقلبت الجملة بقدرة القادر إلى ( ما تجيبو حي ) وأن قراء موقع الراكوبة من المحامين والقاتونيين سوف يدافعون عنك بالمجان أمام المحاكم لأنك فقير ومعدم لا تملك أي شيئ غير كام مليار من الجنيهات لا تسمن ولا تغني من جوع ، إضافة إلى عدد بسيط من الفلل والعمارات والأراضي الفاضية ، وأيضا سبب هذا الدعم من الأخوة هو تقدير لسعادتك ، لأنك صادق وغير كاذب ولا غشاش فأنت لم تنكر ما قلته من كلمات مثل ( امسح – اكسح – قشو – ماعندنا مكان ومادايرين عبء إداري ) .
وكت انت يا العامل لينا فيها سيدا والخالقا.. ما قدر كلامك وهرشاتك ..مالك بتنفخ في الهوا وتجعر ..ما تثبت علي كلامك ولا ماكا زول حارة ..الكلام قدام ناس الأعلام حلو والهوا كان ضربك تدش ساكت الا اتحمل العقب ..واركز يازول ..بتنطط مالك ياكم القلتو لا لدنياقد عملنا وكلو شغلكم السويتو ياهو بتاع الدنيا وكمان قلتو اوكامبو تحت جزمكم ..ودحين بتجرو كايسين للمخارجة…أع ,والله رقدتو سلطة
I wonder why this man is denying his words
أحمد هارون إتق الله في أرواح الأبرياء
الزول ده من غير ما يتكلم كلام مفهوم الغلاط في شنو اثبت وبطل الجرسه
seek…seek mo3liq feek ya haroon…
اولا ناس الجزيره منتظرين مثل هذه الفرس بس ما تدقس لانك مطلوب بس انا داير اسالك اي محكمه تقاضي فيه ناس الجزيره؟
حيرفع القضية وين في لاهاي ؟
حي أنا ماقلت راجل الجرسة والجقلبة في شنو ؟
TEST
حتى الجزبرة عايز تمسح يا مولانا قشو (( سبحان الله…يمهل ولا يهمل… ))
ما قلت يا كبير مسيرك قوانتنامو
حي حي ماقلتو نوبا
قال : الروووووووووووب
اركزو للجايات
ثـــــــــــــــــــــــــورة ثـــــــــــــــــــــــــــورة حتى النصر
ياخي خدها من قصيرها واتوكل على الجنائية عديل .. انت مُش بتاع قانون .. يلا ورينا شطارتك .
أبو قردة طلع منها وإنت قاعد تجقلب وتخرخر .. الراجل بيمسكو من لسانو.
ريح بال وسلم نفسك .. كتلوك ولا جوك جوك!!
سلمونا نضيف ، أمسح ، أكسح ، قشو ، ما تجيبو حي ، ما عندنا مكان ” ووضح لصحيفة الوان حسب زعمه ان هنالك تلاعب حدث في الشريط وانه لم يقل (ما تجيبو حى) بل قال (جيبو حى………………………………………………..
طيب وأنت رجل قاضى شلنا كلمة(ما) لكن .سلمونا نضيف . أمسح . أكسح . قشو . ماعندنا مكان دى تدل على شنو يا حضرت القاضى الانقاذى تفصل وتحكم فى الكلمات دى كيفن فى القضية ..وقناة الجزيرة تشتكيه لمنو ووين أو مين يترافع لك فى القضية والله شر البلية مايضحك فعلا قاضى وداقس فى الادلة البودى المجرم للمشنقة أول مرة أشوف قاضى يدقس فى قضية مكتمل كل أطراف الأدلة وإدانت الجانى .كلام يخجل المحامى المرافع عن القضية ..
طيب صدقناك قلت ما جيبوا حي بس في نقطة مهمة إنك قلت ما دايرين عبء إداري ده معناه شنو (يعني ما دايرين تجيبوا لينا زول نمسكه ونحاكمه ونسجنه ونصرف عليه أكل وشراب) ودي الأمور الإدارية والتخلص منها بيكون بأنه (ما نجيبوا حي) والراجل الوراك اللابس عسكري (أشك إنه دخل كلية قبل كده) أكد علي كلامك واعاده
طيب أكلو ني ، توديها وين ، ياراجل اركز ،،،!
سلام الزول ده انا داير اعرف برفع القضيه دى وين عشان ندافع والسحر حا ينقلب على الساحر ناس الجزيره يفبركو ليش فى كلام زول ضعيف زيو كده ليه فى ناس اكبر وداير اعرف(اكسح امسح ما تجيبو حى وما عندنا مكان)بكون قلتا انا ههههههه
المجرم احمد هارون خبراء الأصوات وجهاز كشف الكذب لك بالمرصاد
أنكر والي جنوب كردفان أحمد هارون السفاح المطلوب للعدالة الدولية لإرتكابه جرائم حرب
بدارفور ماجاء بشأن الفيديو الذي بثته قناة الجزيرة ( حينما كان يخاطب مجموعة من قوات الحكومة المسلحة – سلمونا نضيف – أمسح – أكسح – قشو – ما تجيبو حي – ما عندنا مكان ) … وقال إنه في إتجاهه لمقاضاة قناة الجزيرة لأن هناك تلاعب في الفيديو وأنكر ماجاء فيه !!!!!!!!! يدا بيد ياشعب السودان مع قناة الجزيرة فالمجرم احمد هارون انكر ماجاء علي لسانه وشيء طبيعي ان ينكر هذا الجبان جريمته فالشينة منكورة لكنه نسي بعض آثار وبصمات جريمته لأنه مجرم غبي ! فهو الذي يقول في الفيديو -ما دايرين عبء إداري – ومعناها مادايرين زول نأكلو ونشربوا ونصرف عليه ودا عبء إداري علي الولاية – المهم لو شلنا ايضا ( ما ) … تظل كلماته أمسح – أكسح – قشو —- تدل علي تحريض العساكر علي قتل الأسري وأنا المواطنة السودانيه أدين بشدة ماجاء في الفيديو علي لسان هذا المجرم واطعن بمصداقيته امام الرأي العام العالمي متحملة المسؤولية كاملة علما بأن الشريط المنسوب لهذا السفاح هو نفس الصوت ونفس الشخصية ونفس السمات المعروفة وهذا هو إسلامهم وشريعتهم الإسلامية التي ينادون بها ديدنها القتل وإغتصاب النساء والاطفال وممارسة الشذوذ واللواط ، واؤكد للرأي العام انني كناشطة إعلامية وكاتبة سأطالب من خلال وسائل الإعلام والصحف الأجنبية القضاة والمحاميين مع قناة الجزيرة والعدل الدولية ومنظمات المجتمع المدني بعرض هذا المجرم وبخصوص هذا الفيديو وماجاء فيه على جهاز كشف الكذب وعرض الفيديو علي خبراء الاصوات للقول الفصل والذي لا اشك علي الإطلاق إنه سيثبت تورطه ومطابقته مع بصمة الصوت الخاصة بأحمد هارون التى جاءت خلال مقاطع الفيديو الذى يحمل تحريضا صريحا بقتل الأسري وستبين للرأي العام عدم وجود أصوات مركبة أو مضافة في الفيديو وأن الحوارات فى مستوى صوت واحد وسيكتشف الشعب السوداني إن العصابة التي تحكمه أفرغت جيوبها من كل الأوراق التي كانت يمكن أن تلعب بها ولم يبقي أمامها إلا تقديم أفرادها للعدالة الشعبية او الدولية ، بالإضافة لما سبق اعلاه اتمني ان تقوم الجزيرة بإجراء مقابلات مع اكبر عدد من المواطنين السودانيين لإيصال اصوات إدانتهم لجرائم المؤتمر الواطي واحمد هارون بشكل خاص آملا بوطن يرثه ابنائنا في الغد خالي من الجرائم والفساد والاحقاد والاضغان ، وطن يعمه العدل ، وحكومة جديدة تخاف هيبة وثورة وصيحة الشعب
بائع الترمس ده ماشى يفتح البلاغ بتاعواضدقناة الج فى لاهاى و لا وين لو فتح البلاغ فى لاهاى يكون احسن و لا شنو يا جماعة الخير اهو يكون روج للترمسزيره السودانى و ترمس ترمس كبكبى………
سبحان الله يا أحمد هارون يا دباغ الجلود وعزراً لاهلنا فى هذة المهنة الشريفة تنكر يا فاجر يا ظالم يا قاتل قبح الله وجهك ( الأستحوا ماتو يا هارون )(ضربنى بكى وسبقنى اشتكى) يا ملعون) أنت تنكر بأن تمت عملية دبلجة لصوتك ما اعتقد هنالك صوت يشبه صوت اللعين يا قاتل لو تمت دبلحة صوتك وهل فى حاجة تبلجة صوت حضرة اللواء الذى يوقف بجانبك وكان يردد كالبغبغان وقسم بالله سوف يكون شاهد العيان الاول فى لاهاى يا هارون يا قاتل .. كيف انت تنام وتقتل الروح التى حرم الله قتلها .. لو أنت راجل ورجل قانون وكنت صادق أذهب الى المحكمة وواجه التهم التى موجه اليك…
جقللللللللللللللبة جقللللللللللللللبة جقللللللللللللللبة
بشتتتتتتتتتتتتتنة بشتتتتتتتتتتتتتنة بشتتتتتتتتتتتتتنة
آآآآآآآآآي ده الشغــــل ده الشغـــــل ..
آآآآآآآآي ده العصــــر في مصــــــر ..
الصقر إن وقع كترت البتابت عيب
والمقدور إن وقع ما بنفع الجقليب
هذا الإنسان تقراء في جهه الإجرام المركز … والقبح والحقد وكل ما هو كريه…فعلاً مجرم بحق وحقيقة والمخذي بأن هذا المجرم يتكلم بإسم الإسلام لعنة الله عليك يامجرم.
حسب تحليل المادة اللغوية أو الواقعة التواصلية-الكلامية speech event فان السياق في بعديها اللغوي والاحتماعي يشير الى أن المتحدث قال (ما تجيبو) بمعناها (النافي) وليس (التأكيدي) لأن ما في العامية السودانية تؤدي معنى النفي والتوكيد ( ما تقوم تمشي) !!
تحليل المادة التواصلية dicourse event/act بشكل يؤكد أيضا أن المعنى الذي قصده المتحدث هو ( قتل الأسرى) بوضوح وعدم التقيد بأية اعراف أو قوانين حربية أو انسانية !!!
— هذا يقع في باب اللغويات الشرعية Forensic linguistics التى تستعين بها المحاكم في مثل هذه الحالات !!
قريت خبرو في جريدة الوان اليوم الشي الضحكني في الموضوع انو قال انا قلت جيبو حي وقناة الجزيرة اضافت ما النافية لتصير الجملة ما تجيبو حي —- احييييييي احييي من جرسة الرجال اموت انا في جرسة الرجال
اول حاجة يا احمدسفاح انتهى من قضيتك الاولى فى لاهاى وبعدين فكر فى مقاضاة الجزيرة
الحكومة المسلحة:
“سلمونا نضيف ، أمسح ، أكسح ، قشو ، ما تجيبو حي ، ما عندنا مكان…
والله الحاكومه دي لو لقت زول ما بمسحم ولا بكسح ولا بقش وعندو مكان..تسلمو البلد نضيييييف.
الحبل في رجلك خاتي في رقبتك ليه.
(الكركاسه) هارون .. ياخي هي فرقت شنو .. بدل 25 سنه حتبقى 45 سنه ، بعدين لاهاي دي بلد سمحه ، و نطمّنك انو العداله مكفوله هناك تب ، إت قايله زي زنازين (نافع) ديك .
دي زنازين امميه ، واسعه ومرطبه ، و ممكن يجيبوا ليكم نساوينكم مثنى وثلاث ورباع ، تقضوا وطركم بي مزاج و والله ما ظنيتو تشتاق لي كتاحه ناس كاودا ديك المتّوره نفسكم كل يوم وهاجماكم .
وفي ملوحه و وزلابيه كمان ، وازيدك من الشعر بيت ، قالوا في (فول وكوارع) عديل كدى ، العالم دي ما بتلعب ، وكون انك (مولانا) وفاهم في القانون وكضاب كبير ممكن تغش الخواجات الهُبل ديك وتطلع منها ، بس ما تنسى (الريس) وابو (رياله) ، بالله دافع عنهم .
والجماعه متسامحين مازيكم ، ممكن تلف علي الزنازين بي جردل (تُرمس) وتطلع بي كتره (يورو) .
دا ما رووب عديل كدا و بعدين ضابط الجنبو دا ما رددا نفس الكلام (ما تجيبوهم لينا كلو كلو اقطعو)
الجنرال الواقف جنبه بي كرشه اكد الكلام و الجنرال ده اتوثق خلاص
ياجماعة الزول دا كان واقف قدام عساكر فلا بد ان يتكلم بهذه اللغة حتى يفهموا كلامو ويرفع الروح المعنوية للجنود لانها فى التراب عديييل بعدين الولاية دى ناس الحلو ديل عاصرنو فيها وهو فى حالة دفاع وفى حالة حرب وفى الحرب عند المخاطبة ما على شرط تختار الكلام المنمق والمعسول (يا هارون مرقناك من دى لكن البمرققك من لاهاى شنو وكدا كلام الجزيرة خليهو)(النصيحة دى ما حاااااااااااااارة)
هزا مجرم لايعرف هناك اجهزة بل يقول ثم يفكر هزا هو مدرس الكيزان وللة ازا قالت او لاتقول انت مارتكايب جاريم سوء كان فى دار فور او جبال نوبة بدلا تقضاء قناة الجزيرة ازهب الى لاهاى
الرجل الذي خلف هارون .. امسكو فيهو قوى
هسه كان سألنا نفسنا الجزيرة مصلحتها شنو في انها تزور كلام احمد هرون وتضيف ما وتزيد عليها ت. الجزيرة دي ومعاها قطر متسترة على كل عمايلكم الشينة يا هارون وعاملة أضان الحامل طرشاء. بس المرة دي يا أما الحاية فاتت عليهم ساي أو قصدوها. ويظهر الحكاية مقصودة وقطر بدت ترفع ايها من النظام او على الاقل دي محاولة لتغيير وجه النظام بإزالة بعض الرموز زي هارون والبشير وغيرهم. عايزين يلفوا علينا… لكن دا على منو … ويا هارون الشعب السوداني هم حيكسحكم ويمسحكم وما يخلي واحد فيكم لكن بعد ما ياخد كل حقوقه النهبتوها … وانا شايف انت أخوك البشير احسن ليكم محكمة لاهي من محكمة الشعب.
بعد الجري من العتمور كداري في ثلاثة أيام لكادقلي لا بد يتجرس
ناس الحركة قربوا يقبضوا على أحمد هارون في معركة العتمور
جرى و كل الجنود جروا و خلوا السلاح و العربات
ما قلت راجل و المره الجاية الجري ما بحل
يا جماعة خارج الموضوع المعارضة اليمنية عندها قناة فضائية
ما تعبنا خلاص النت دا كلو 10 أنفار ومرطبييين زي ترطيبتي دي قولوا لينا ندفع نساهم نمسح نكشح ما نخلي شيئ وإلا نعرضو
امتحان عربي ل(لمولانا) احمد هارون
اضع الكلمة المناسبة في المكان المناسب.
الكلمات ( جيبو حي , ماتجيبو حي )
سلمونا نظيف امسح اكسح قشو……….ما عندنا محل اكلو نئ ما تعملو لينا عبئ اداري
لو نجحت في الامتحان دا انا بشهد ليك انك بري
ولو رسبت ما تخش نفسك بانك موالانا
أحمد يا هارون …. بقيت تنكر عديل ؟المفهوم من كلامك هو ما أوردته من جملة انطوت على معانى التحريض من سحق وقتل . و أنا اتحداك و اتحداك مليون مرة …لو تقدر تقاضي الجزيرة . والله انت نفسك مقتنع انك كذاب وأوسخ وأحقر انسان .. انت والمعفن التاني نافع على نافع .
يا رجل لماذا تسب الأخت الأستاذه في وصفها للواقع؟الفاظها قمه في الأدب عندما شرحت أفعال الموامراتيه الوثنيه ونسبتهم لقوم عصوا نبيهم(لوطا)فأنزل الله بهم قضبه والعقبه لهارون وصحبه مشوهي صوره الأسلأم الجميله..كنت دايرها تقول شنو عن واقع معاش أعتزر منها يارجل أو أظنك رجل..بعدين أنت لو صحي وطني أعرف كيف يعالج وطنك وهذا الهارون عباره عن اله حمقأ حفرت كل مقابر دارفور ثم وجه لحفرها بلجبال ..أن دواء البلأد والله في ذهاب هولاء الرجرجه المنافقين..وبعدين هو ماشريط وأحد ولا كلأم جديد حكايه المسح دي وقاله قداموا رئيسو بشير موت الشعب والوطن بمدينه الجنينه عام 2006وطبقت بيان بلعمل وكسحت القري والمدائن ومسحت النساء بلأرض وقشت الحياه قشا وبقيت الأطلأل والقبور شاهدا حتي باكر ..أدعوك لزيارتها أذا بقيت لديك زره رجوله..بعدين ياهارون حتشتكي في أي بلأد وبأي قانون؟ أمام كافر عادل خير من مومن فاجر.أف..أف