عوض هارون
[email protected]
Pay it forward رد الجميل ويلا نسد فرقتو الفكرتين متشابهات – والفكرتين بينفعو في سودانا فكرة رد الجميل بنات افكار شاعرنا محجوب شريف رحمه الله , ومشروع pay it forward فكرة طفل امريكي صغير – بتقوم على مبدا تقديم المساعدة .. لأناس نعرفهم أو لا نعرفهم .. مهما كان جنسهم او دينهم او عقيدتهم او هويتهم او لونهم او طائفتهم .. وبدون مقابل ..
سلسلة ثلاثية الفروع .. نطلب من الشخص الذي قدمنا المساعدة له .. أن يساعد ثلاث أشخاص .. وينقل لهم الفكرة .. بدون مقابل
سلسلة متزايدة .. ستتكون من اعمال الخير .. لأناس لا نعرفهم وبدون مقابل .. مبدؤها (رد الجميل ونفذها محجوب عمليا في السودان وانتشرت – ومحجوب مات وفكرتو ماماتت – الاجازات قربت لي ناس برة – نجيب معانا اي شي – اي شي مهما كان صغير بس يكون مفيد ونعمل لينا مشوار صغير لي مكان تواجد ناس رد الجميل ونسلمهم الحاجة الشايلنها – وياناس جوة بس عايزين منكم تعملو ليكم في حلتكم جنب باب البيت – جنب دكان الحلة – في ضل ست الشاي – هنا نقبل تبرعات رد الجميل – وحاتجيكم لافة عربية رد الجميل ” طبعا في ناس تنسق معاهم ” ونكلم تلاتة من اصحابنا من اهلنا من جيرانا ونقول ليهم كلمو معاكم تلاتة تانين وقولو ليهم يكلمو تلاتة.
شكراً ليك ياعوض هارون ،، الكاتب الجيد ماهو المتمكن من اللغة ، هو البشيل الكلام الفى الخشم ويحولو لمقال وفكرة ممتازة ، شكراً لك قدر حلم محجوب شريف وبطل فليم بي فوروورد
والله فكرة جميلة بالجد تحياتي لك ياعزيزي يد على يد
اقترح ان تنظم عروض مشاهدة لفلم pay it foroward في عدد من الاماكن العامة لان عبقرية الفكرة تكمن ا في ان مصدرها طفل ووالدتة