موكب والي القضارف يتعرّض لإطلاق نار كثيف بمحلية باسندة
القضارف: صالحين العوض
تعرّض موكب كرم الله عباس الشيخ والي القضارف، لإطلاق نار كثيف في الحدود السودانية الأثيوبية بالقرب من جبل كركج، ولم يسفر الحادث عن أية إصابات عدا طلقات اخترقت زجاج بعض السيارات. وقال شهود عيان لـ (الرأي العام) أمس، إنّ الوالي الذي يقوم بجولة واسعة على الحدود الشرقية بمحلية باسندة لأربعة أيام كان قد تحرك بمعية وفدٍ مصغّر وتسليح خفيف للوقوف على الأحوال الأمنية، وتوقف في موقع (جمام) وجد به أثيوبياً يسقي مواشيه فسأله الوالي عمّن سَمحَ له بالوجود داخل الأراضي السودانية، واحتد النقاش ليتفاجأ الموكب بنيران كثيفة تنطلق من جهة الحدود الأثيوبية، وتبادل الطرفان النيران لينسحب بعده الموكب الى منطقة أم دبلو ومن ثم إلى باسندة، قبل أن يلقي القبض على اثنين من الأثيوبيين أودعا مركز شرطة باسندة.
الرأي العام
والله قلة أدب كيف يعني مين اللي سمح ليهو أنو يرعى في الأراضي السودانية الزول دا قايل نفسو عاش في ياتو زمن ؟ زمن المحجوب ّ! يا حليل زمن المحجوب المصريين خشو حلايب قال ليهم لو ما طلعتو بكرا انا بجي خاشي مصر طوالي المصريين طلعو تقول لي اثيوبيا! سبحان الله .
الوالي دا ما عارف رئيسو دا فاكي البلد دي ساكت ما وزير الداخلية حبشي !
يا راجل!!! هل هو حادث عرضي
أم أن هذه المناظر و الفلم لم يبدأ بعد.
خلاص ياكرم الله انت قمت بواجبك تجاه من وليتي عليهم ياحليل السودان
هم يبكى (البلد السايبة) وهم يضحك( سؤال كرم الله للراعي الاثيوبي) يا رب فرجك القريب
والله انا الوالي دا بديني احساس انو مسؤل ولديه وطنيه شويه كدا لكن العصابه الفي المركز ( الخرطوم ) ما مدنو فرصه مكتف
الجولة التفقدية التى قام بها الوالى واجبة ولكن حتى لايتعرض لاى نوع من الاعتداءات يجب يتجنب المواجهات المباشرة مع الناس ويترك تقييم ما يراه للسلطات والاجهزة المساعدة عن عودته اذكر فى احد المحليات ولايات الشرق كان المحافظ يقوم بجولة تفقدية واثنا الجولة شاهد مجموعة كبيرة من الابل مهربة لمصر دخل مع الراعى فى نقاش وفى نفس الوقت كانت هناك كجموعة من الرعا يحملون اسلحة لتامين الابل اطلقوا الرصاص اتجاه المحافظ والوفد المرافق معه والحمد لله لم تحدث اى اصابات وقع هذا الحادث عام 1994م
اها خلاص ولعوها وريحونا بعدين انت شفت يعني ماتخلي الزول يسقي بهايمو انت اصلو لقيتو باني عمارة اها شوفو بكرة حل لمن بهايمكم تمشي الجنوب
دي بداية لفتح جبهة جديدة مع الجارة الاثيوبية وباب للخلاف وينتهي باقالة الوالي
يا ربي تكون الطلقات دي أرسلتها إسرائيل العاوز تطبع معاها هههههه
فالح بس في التصريحات الخفنشارية يا كرم الله
اتنين رواعية أثيوبين خلوك تجري وتتلبد في أم دبلو
نان بتجري وين لو مليس زناوي رسل ليك لواء ديش
والله دي حاجة غريبة….ياحكومة السودان ايتها الحكومة الفاشلة امني حدودك قاتلك الله…الواحد بقي لمن يمشي السودان بقي يشيل معاهو جي بي اس عديل كده وخصوصا في المناطق الحدودية…ياكرم الله نحن معاك…امن الولاية ونحن معاك والمشكلة انو ده كالعادة طبعا يدلل ان الحدود السودانية مفتوحة علي عينك ياتاجر كل من هب ودب…..الاثيوبيين يجب الا يدخلوا الا بتراخيص والله دي انا مابرضاهه دي حاجة مستفزة وبستفز كرامتنا الوطنية والله واحد اجنبي وكمان قاعد يتلاطح وبشاكل كمان…طبعا عما قريب حدود السودان وجنوب السودان ستصبح كحدود كوريا الشمالية وكوريا الجنوبية طبعا اسلاك شائكة والغام وابراج مراقبةههههههههههههههههههههههههههه…الاثيوبيين اخوانا لكن نحن الحقارة مابنرضاها والله
كان تاخذ طلقة عشان نسال جدك الترابي هل انت شهيد ام فطيس
هل هذا جزء من مسلسل التصفيات الجسديه للمخالفين رأى الجماعه المؤتمريه اللا وطنيه ؟؟؟
وهل خروج كاشا( ما عارف راح وين!!) و سيد الخطيب مصطحبا أسرته من البلاد نوع من التحسب وتفادى التصفية؟؟؟
و هل نتوقع أو نتنأ بشئ مماثل قد يحدث للبعض الآخر أمثال احمد هارون الفضيحه و مصطفى إدريس و رزق و هلم جرّ من العارضين جوّه الجوه؟؟؟؟
و حكاية إطلاق النار دى ما جديده فقد جربوها فى عوضيه عجبنا…..
تستاهل لانك ورئيسك الجبان لم تفعلوا شيئا امام ارضكم المحتلة من الاثيوبيين (الفشقة) بل سمحتوا لهم بالدخول افرادا وجماعات حتي غدت الخرطوم مقاطعة اثيوبية… اذكر احد العساكر الشرفاء وهو برتبة رقيب اول بسلاح المدرعات بمنطقة الحدود الشرقية قام بمطاردة هولاء العصابات التي كانت تسمي الشفتة وهو بداخل دبابته الي ان توغل داخل الحدود الاثيوبية كانت تلك شجاعة الجندي قبل عهدكم المشئوم… ولا زال هنالك بعض الجنود الشرفاء…
واليكم عضو المؤتمر الوطني
التابع لمدرسة التطبيع مع اسرائيل
طخاهو عويص
ودا اعتداء على الوطن وووووووووو
الجهاد على الاعداااااااااء
الخ الخ الخ (ابقوا رجال وردوا على اثيوبيا )
ولا امكن عملتوها منطقة نكامل زي حلايب
حرام على بلابله الدوح حلال على الطير من كل جنس
بعدين قصة 2مليون فدان للسعودية ملك حر
ومليون فدان لمصر
نقول للاخوة العرب وغيرهم (بلوا اتفاقاتكم دي واشربوا مويتها)
البيعدي بعندنا بنواسيهو والحكومة دي غير شرعية اي اتفاق معاها باطل قانونا
للتزوير في الانتخابات ورئييسها مطلوب جنائيا دوليا
والله لعبه المركز دايرين يصفوك بس المره الجايه ما تركب طياره
YASTAHL ARD ALLAH WAS3AAAAAAAAAAAA
والله حكاية!يعنى الوالى ما عارف انو الختة دى شالوها الاثيوبيين زمان قلع عديل ..لا قدرو عليهم دبابين ولا ضبابين!!!كمان يا الولى فهمك ضعيف والراعى الأثيوبى ده طلع أفهم منك!أول حاجة المنطقة اللى انت وقفت فيها اسمها (جمام) وكلمة جمام عند الأثيوبيين معناها (بيت الأدب) وبفهمك انت (الأدبخانة)..فالأثيوبى لمن شاف عربيتكم عرف انو خضرتك جاى تقطع الجمار فمن الأدب مايسألك لأنو عارف عندك( حاجة)! تقضيها فى بلدو وتفرتق!وانت لمن لقيتو بيملا فى الموية هو كان جايبة ليك تتغسل بيهابعد ما (ارتحت)! بس انت من الخوفة استعجلت ومرقت تربط فى دكتك!بعد كرم الأثيوبى دة كلو واحترامو ليك تقوم بدل تبوس جبهتو زى ما عملت للريس…بدل ده كلو تقول ليهو الجابك هنا شنو!والراجل خلاك دخلت بلدو باعتبار انك انت منهم وفيهم!مش أول أمبارح انت دعيت لتطبيع العلاقات مع اسرائيل!ويطرشنى فى الوالى البتجابد مع بياعين الموية ويقبقهم فى الشارع!!!شرطتو عينا!!!!
يا زول عايزتفتح لينا باب جديدمن تالحروب ع اثبوبيا تحن مانفصين
بالمناسبة والى القضارف دى مركب محرك سكرتير عام الأمم المتحدء تقول لى رآس دوله . نكن السبب هو عدم الانسجام والتناغم بين المركز والولايات ودى لانو المكز مافاضى للوالى والناس انشغلت فى نفسها والدولار جارى والنيل الأزرق ورررررررووووووب والمتعافى يعافر ونافع كارس اليومين ديل يمعط فى دقنو
والى القضارف راجل متهور وهذا الاسلوب فى ادارة شؤن الولايه مازى محاسبة الجنقو ىاكرم الله ……جبانه وهايصه
كوزالدرة المسعول من القضارف ابت نفسه الا ان يناطح السماء بجهله بدل النظر اسفل قدميه فالقضارف داخليا لاترقى لمستوى قرية صغيرة والمفروض يوفر بنزين رحل الصيد الوهمية للمستشفيات والمدارس اذا كانت موجودة اصلا
ده والي وبوليس حرس حدود
الاخو كرم اتصل باليهود الداير تتطبع معاهم ديل خليهم يحموك…واعمل حسابك من ركوب الطيارات..؟؟
الوالي ماكان في جوله ولا حاجه كان في عرس في باسنده وكان عامل حفله في المشؤوع بتاعو للوكيل بتاع المشروع عرس وكده والله مصدر موسوق انا من القضارف وكلامي دا متاكد منو
الزول ده يظهر عندو طموحات كبيرة , فهو يريد اقامة ديكتاتورية تانية مصغرة لنفسه فهو لديه خطط للتطبيع مع اسرائيل وايضا حشد آلاف من المجاهدين لحرب الجنوب و التمرد, السؤال الذى يفرض نفسه ان كان خاتى عينو على كرسى البشير نفسه لأن نفختو دى فاتت الحدود.
السلطه الفاسده
الكلام كتر يا كرم الله وكنا متوقعين ان تتم تصفيتك قي اقرب وقت
ولكن الحاقظ الله ونرجو ان لا تفادر الولاية لا بعربة ولا طيران
فانت اصبحت شوكة حوة الانقاذ يحقظك الله ويرعاك
والله العظيم والله العظيم والله العظيم ، وزير الداخليه (ابراهيم محمود) دا ارتري جدا عن اب واسالو الاخوان فى مصر من كان رئس الجاليه الارتريه واعتقل فى مشكله باحداء الجامعات 0
والله على ما اقول شهيد
هى البلد باظت من شويه ماعينت ظعيط ومعيط وترضيات ناس الشرق وناس الغرب وناس الجنوب 0
انشالله تحرق ما يفضل فيها نفاخ الرماد اذا دا حالها
فى زمتكم فى والى بمشى يسئل ليهو راعى الدخلك شنو؟؟؟؟
و هنا تساوى راعى الرعيه و الضأن سويا
كرم الله شارررررررررررررررون
السيد كرم الله من اسره ممتازه لكن عيبه تابع عمه احمد عبالرحمن وبقى كوز وبرنامج الكيزان فى الكذب والفساد والانحاء (لما ينضغطوا)وكل المواصفات السيئه المعروفه عنهم فهى ملزمه للجميعممن ان ارادوا اقتسام السلطه وبرضه تشكر انك متذكرانه لسه فى باقى ارض بهناك فى الحدود , لكن اوعه اوعه اخو الريس ولا الطفل المعجزه يسمعوا الحقيقه دى وتصبح الارض فى خبر كان لانهم ديل بينموا وهم بهلوسوا فضل شنو ما بعناه فضل شنو ؟ والاحباش غدارين بطبعهم وحتة الفشقه دى خلتهم يحلموا بالاقليم الشرقى كله , ما هى بقت هامله والمال السايب يعلم السرقه
حسبى الله وهورنعم الوكيل مصيبه وحلت على البلد لطفك يارب
وزير الداخليه سودانى وجده كان اميرا امارة اويتلا فى كسلا واحتمى الميرغنىى بامارة اويتلا ودخلو فى حرب مع المهديه وانتصروا على المهديه فى معركة كسلا وزير الداخليه من عائلة عد شيخ الشهيره ولهم كلمة مسوعه فى شرق شرق السودان وتحالف قبلى من شرق السودان الى جنوب ميناء مصوع الاريترى حتى قبائل العفر فى جبوتى وهو الذى قاد معارك الدفاع عن ولاية كسلا . وقد اختير واليا لكسلا من ابناء كسلا فى المجلس التشريعى
اخر الزمن الحبش بقو اسياد في البلد دي ملعون ابوك يابلد
عجبوني اولاد الكيزان
خلو الغنم والخرفان
لبسو البدل والقمصان
ركبو الهمر والتوسان
نهبو البلد من زمان
من نيالا لي قيسان
عجبوني الليله جو
ترسو البلد نضفو
عجبوني اولاد الوالى
طول الليل لافين طوالى
دقسونا بالكبارى
وسرقو البلد باللواريى
عجبونا الليله جو ترووو البلد نضفو
عجبوني الليله جو ترووو البلد قسمو
عجبوني النفخو الجيوب
عجبوني الفصلو الجنوب
يوم الحاره يقولو وووب
عجبوني الليله جو شلو الوطن والمواطن زلوووو
Li
شوفوا الناس حارسين حدودهم كيف مش زي ناس قريعيتي راحت بلادهم كلها اتشرمت شي مصريين محتلين وشي حبش محتلين
وهم قاعدين مولعنها في اهاليهم وفي اصحاب الاراضي بالاقاليم بالنيل الازرق وغيره
لعنة الله عليكم
زمان البقولو ليهو حبشي ما خلو ليهو شي
هسه البقولو ليهو كوز ما خلو ليهو شي
هانت الزلابية