جوبا: لن ننسحب.. وهجليج منطقة جنوبية.. ما تناقلته وسائل إعلام سودانية مسرحية كلاسيكية خيالية يتم اخراجها بواسطة الجيش السواداني على أسوأ صورة
دبي، الإمارات العربية المتحدة (CNN) — شددت حكومة جنوب السودان بأنها لن تنسحب من هجليج مؤكدة بأن المنطقة الغنية بالنفط، التي سيطرت عليها الأسبوع الماضي، جزء لا يتجزاء من الدولة الحديثة، وفندت في ذات الوقت تقارير متناقلة باستردادها من قبل الجيش السوداني.
وأكد فيليب آغوير، الناطق باسم الحركة الشعبية لتحرير السودان الحاكمة في جنوب السودان، في حديث بالهاتف مع CNN بالعربية، إن هجليج لا تزال بقبضة قوات الجيش الشعبي، وذلك في معرض نفيه لتقارير عن بسط الجيش السوداني سيطرته على المنطقة بصفة كاملة.
وقال إن مقدمة القوات السودانية تقف على بعد 24 كيلومتراً من “هجليج.”
وفند ما تناقلته وسائل إعلام سودانية عن تدمير الجيش السوداني لآليات عسكرية تابعة للجيش الشعبي، وتشمل أسلحة أمريكية وإسرائيلية متطورة، وعقب ساخراً: “هذه مسرحية كلاسيكية خيالية يتم اخرجها بواسطة الجيش السواداني على أسوأ صورة.”
وجزم آغوير بأن حكومة جنوب السودان لن تنسحب عن هجليج مؤكدا بأنها منطقة جنوبية “تاريخيا وشعباً” على حد قوله.
ولوح محذراً بأنه في حال محاولة القوات المسلحة استردادها بالقوة فأنها لن تكون آخر معركة بين الطرفين، اللذين خاضا حربا أهلية دموية استمرت عقدين من الزمن، والقتال الدائر حاليًا هو الأعنف منذ انفصال جنوب السودان العام الماضي.
وتقع منطقة هجليج في ولاية جنوب كردفان السودانية، حيث تدور معارك عنيفة منذ عام بين القوات السودانية ومتمردين قاتلوا في الماضي إلى جانب الجنوب.
وكان الرئيس السوداني، عمر البشير، قد رهن التفاوض مع جنوب السودان بسحب قواته من منطقة هجليج المنتجة للنفط.
والاثنين، حذرت الحكومة السودانية دولة جنوب السودان من المساس بالبنى التحتية للنفط بهجليج، وقالت إن أى تخريب فيها يفتح الباب أمام حرب شاملة.
كما صنف البرلمان السوداني، بالإجماع حكومة الحركة الشعبية في الجنوب باعتبارها معادية للسودان.
وفي الأثناء، دعا الأمين العام للأمم المتحدة، بان كي مون، حكومة السودان إلى وقف القصف الجوي لأراضي جنوب السودان على الفور.
كما دعا أيضا حكومة جنوب السودان إلى الانسحاب الفوري من بلدة هيجليج، واستخدام الأدوات القانونية والدبلوماسية لمعالجة حججها الخاصة بوضع البلدة، التي يدعي الشمال سيادته عليها.
وأعرب المسؤول الأممي عن قلقه العميق إزاء استمرار الأعمال العدائية بين الدولتين الجارتين ودعاهم لوقف القتال فورا، وإلى احترام القانون الإنساني الدولي، وحماية المدنيين، على ما أوردت الأمم المتحدة.
وجزم أغور بان حكومة جنوب السودان لن تنسحب
عن هجليج مؤكدبانها منطقة جنوبية”تاريخا وشعبا”على حد قولة
والله ياها الفضلت ليكم بعد كدة والله يا هجليج القالو الجنوبيين حقتم
صراحة انا عاجزة عن التعبير
هولاء هم الجنوبيين لا تامن قدرهم نحن عاشرناهم في الحي والشارع والمدارس وتداخلنا معهم لن
يتركوا السودان يعيش هنئيا ابدا الي ما لا نهائية ان اخرجتوهم من هجليج هنالك مليون هجليج
سيحاربون من اجلها في ابيي وفي كردفان ودارفور وممكن يطمعون في كوستي والابيض وهلم جرة
لماذا ؟ لماذا ؟ تم توقيع اتفاقية سلام شاملة وبدل تم ايقاف الحروب في جبهة واحدة اليوم
هنالك ثلاثة جبهات قتالية كيف يحارب الجيش كل هذا التمرد الله وربي يكون في عونهم والله القلب
يحزن والعين تدمع وليس امامنا الي التوكل علي رب العباد من اجل السودان واطفال السودان
ومن اجل من يموتون في مسارح العمليات من جيشنا من دون ذنب اقترفوة سوف ترمل نساء وييتم
اطفال ويصاب بالعجز ملايين منهم ان استردادها سيكلف الكثير من الانفس لماذا نيفاشا
وما ادراك ما نيفاشا وما بعد نيفاشا هذة ما فعلت بنا نيفاشا والخسران الشعب السوداني
المغلوب علي امرة لله درك ياوطن ………….
مبررررررررررررررررررررررررررررررررررررررررررررررررررررررررررررررررررررررررررررررررررررررررررررررركوالف
مبرررررررررررررررررررررررررررررررررررررررررررررررررررررررررررررررررررررررررررررررررررررررررررررررك
يا اولاد ( يا جدعان )
نحي فيكم يا القوات المسلحة لجنوب االسودان الروح القتالية واذ انتم تبرهنون الينا البيان بالعمل
انكم رجال قادرين علي تلقين قوات نافع والبشير دروس وفنون القتال :
عاشت قوات دفاع جنوب السودان وهي تزلزل الارض تحت القيادة المدنية والعسكرية للكيزان
قالوا وجدوا اسلحة في منزل رياك مشار انتم ماعرفين الاسلحة موجودة وين :
الاسلحة موجودة في حقل هجليج : اذهبوا وجوبوها لينا
قربنا لهجليج وباقي ساعات وقواتنا في المقدمة وطلائعنا في الامام : بلاهي دا كلوا اسطوانة مشروخة
هجليج راجعة راجعة مافى كلام و لكن الكلام بعد هجليج بنسمع شنو و نشوف شنو؟
دا رجالة عديل كدة والداير الشكل يطلع ليهم برة تحالف الجبهة الثورية جاييكم زنقة زنقة شبر شبر لحدى التلفيون بالصوت والصورة وبلاش مسرحية ونفاق وكذب
بحللنا الحلا بله
طيب ما تم ضبطه فى منزل مشار دا كان فلم هندي ؟
والذي تم القبض عليه وادلي بالتصريحات دا كان بتكلم لاوندي
الخرائط والأختام دي كانت فى منزل نائب رئيس السودان
هجليج ســــــــــــــــــودانية رقــم انـــف دولـــــــة الجنــــــــــــــوب
وقـــريبــا الخــــبر الســـارة ، بعــد التكتيــك .
التحية للجيش الشعبي والحركة الشعبية لتحرير السودان. ما يشرح الصدر ويطمئن النفس، هو أن السودان الجديد بدأ يلوح في الأفق كبدراً في كبد السماء. السودان الموحد بأمياله المليون وهو طموح كل سوداني وطني شريف. نعم تحالف الجبهة الثورية وقادة الحركة الشعبية جنوب سيوحدون هذا البلد العملاق مرة اخرى.
ألف … ألف مبروك مقدماً للشعب السوداني في شماله وجنوبه
طيب وين القوات المسلحة قيادة وهيلمانة وعمارات تشوف القبه تقول تحته فكي ابراج وقيامة وضباط طالعة وعساكر نازلة واخر سيارات ونيشينان ورواتب وبدلات وسيارت بالتقسيط طيب وينه الجيش ده ينهار بالسرعة دي وفي معركة صغيرة وله صار الجيش موظفين بس ؟ يا جماعة ديل بيأخدوا رواتب عالية المفروض نستاجر ناس من برة شان يحرروا سودانا والرواتب ممكن نوفر منها كمان مائة قيادة ومليون سلاح مدرعات ودبابات ومشاة وطوارى واحتياطي ديل مشوا وين والله شي غريب ذي سقوط بغدادبالضبط من اخذ الاجر حاسبه الله بالعمل من وزيره الي اخر جندي حللوا رواتبكم وحوافيزكم وخلونا من الهيلمانة دي بصراحة ده جيش غير مستعد والقادم اكبر صحوا النوم واتركوا المكاتب ودربوا الجيش بضمير وبلاش لعب دى بلد اتقطعت كثير اوى لقطع صغيرة والله حال حال جيشنا بقي ذي حال معيشتنا وربك يسترنا
بقينا ماعارفين نصدق منو الحركة ولا الجيش السوداني كل واحد يقول انه مسيطر على هجليج
كضاااااااااااااااب ياسلفاكير كدي المحاصرين ديل طلعوهم من هجليج كان بتقدرا!!!!!!!!!!!!!!
دا الجيش يا سلفا
نصايب قوم عند قومن فوايد انا و اخي علي ابن عمي و انا و ابن عمي علي ود بلدي و انا و ود بلدي الاجنبي يعني هنا ما في معارضة اما معا السودان و علي السودان ما في اي خيار ثاليث استان بس يام تشوف شوف البلاد مش فيه 28 مليون رجال من غير البشير لا سلام لاحوار لا خوا كسح مسح رش بس
الجيش السودانى حاله زى فريق صقور الجديان زوبعه فى كستبان
جوه هلا هلا وبره إستغفر الله.
الناس مفروض تعود لرشدها وتبطل الوهم المعشعش فى الرؤوس لأن الواقع المعاش يغنى عن ذلك والحياة متجدده ونحن حصصنا كلها تاريخ فى تاريخ…فلقتونا.
هناك فرق كبير من الاختلاف مغ النظام والاختلاف مع الوطن اهل الجنوب فصروا علي الغدر والاعتداء لعقد قديمة وهم ياكلو انفسهم ان لم يجدوا من ياكلوه لقد قطعنا الجزء المريض من الوطن لينجو الباقي الاعتداء علي هجليج اعتداء علي الوطن ومن يؤيد ذلك خائن جبات لا يسنع له راي فالابطال الذين يزدون عن الوطن لهم المجد لن يردوا هجليج فحسب بل جويا ستعود والسلفا خلاص بطلت الان في امبسللين كل الخونة الي مزبلة التاريخ والله اكبر والعزة للوطن والاخ بتاع القنابل الحياة بايد الله والموت بايده وعمر الخوف ما حل جبان الموت في الركاب سنه ونحنا ما العراق دي بلدنا وما بنخليها اديناه الانفصال قام طمع اهدي كل المرجفين والخونة حكمة بليغة اذا افلت من الاسد لا تطنع في صيده واذكر سلفا ابو الطاقية الكاوبوي كرهنا الويسترن ذاته براس غردون وين اتعلقت
اندلعت الحرب فى السودان منذ استقلاله فى العام 55
مرت على السودان حكومتين ديمقراطيتين و ثلاث حكومات ديكتاتورية ومازالت الحرب مستمرة
جاء عهد الانقاذ وتحولت الحرب من حرب مطالب و تهميش الى حرب جهادية بين مسلمين وكفار
و بعد سنوات من الاقتتال و الاحتراب واعراس الشهيد ايقنت حكومة الانقاذ ان هذه الحرب لا نهاية لها لذا جنحت للسلم ووقعت اتفاقية نيفاشا
و بموجب الاتفاقية تم انفصال الجنوب وظن البعض ان بالانفصال ستنتهى هذه الحرب اللعينة الى الابد
ولكن هيهات هيهات لاجن ولا سحرة
يقول السيد الرئيس ان هنالك قضايا عالقة كان يجب ان تحسم قبل الاستفتاء والله العظيم قال مفروض تحسم بس ماقال السبب شنو
وقع الانفصال و فقد الشمال ثلثى انتاج النفط و ثلثى الاراضى وثلث السكان
ثلث السكان معهم ثلثى البترول فى السودان و ثلثى السودان معهم ثلث الانتاج من النفط
صارت المعادلة غير موزونة فقررت حكومة الشمال خوض الحرب لانها فرضت عليها
و تستمر احداث المسلسل المكسيكى باعتداءات بين الجانيين
لم تستطيع الحكومة ان تحسم التمرد وهم فلول يجيبون الارض هنا وهناك فهل ستتمكن من حسمهم وهم دولة ذات سيادة
هل تتمكن حكومة الشمال من حسمهم و جميع سكان الجنوب يحملون حنقا لحكومة الانقاذ التى اذاقتهم الامريين
الغريب فى الامر انه كان فى القوات المسلحة السودانية مجاهدين جنوبيين
اى حرب الانقاذ سابقا كانت مع عدد بسيط من الجنوبيين اما الان فالوضع مختلف انها تحارب كل الجنوبيين
و باتت الحرب بين الشمالين و الجنوبيين سبحان الله اليس فى هذا البلد رجل رشيد
الحل من هذه الازمة الوطنية
ان تخلى الانقاذ طرفها تماما من هذا الملف اى ملف الجنوب لفشلها الذريع فى ادارته
على ان يتم التفاوض بواسطة عقلاء هذه البلاد اقصد احزاب المعارضة ذات الوزن و الثقل الجماهيرى
و عليه يجب على حكومة الانقاذ الالتزام باى اتفاق يتم بين الطرفين اى حكومة الجنوب و الاحزاب السياسية الاخرى عدا الجبهة الاسلامية اقصد المؤتمر الوطنى ومن شاكله منبر السلام المؤتمر الشعبى
حقيقة الانقاذ ادخلت البلاد فى جحر ضب خرب مما تسبب فى شلل مشاعرنا حتى بتنا لا نعى اين الحق فنتبعه
مافي إنسحاب بدون ضمانات بعدم الإعتداء علي الجنوب مرة أخري علما بأن إحتلال هجليج سببه قصف طائرات الإنتنوف وتوغل الجيش السوداني داخل أرض الجنوب_الحقيقة التي لايراها الكيزان وأشباههم (زي البقول ليك يجب التفريق بين الوطن والحكومة) أن طائرات الأنتنوف ظلت تقصف الأراضي الجنوبية منذ فترة وقتلت أشخاص وتوغل الجيش السوداني داخل الأراضي الجنوبية وكانت نقطة إنطلاقهم هجليج_فغضبت حكومة الجنوب من هذه الإعتداءات الشنيغة وإحتلت هجليج وقالت إنها مستعدة للإنسحاب من هجليج بشرط أن لاينتهك الجيش السوداني حرمة أراضي الجنوب وكذلك طائرات الأنتنوف العويره_ببساطة كده يا أخواننا نحنا بنهبش وما بنقدر علي رد الفعل وإذا أصر الكيزان علي إسترداد هجليج بالقوة وعدم الإلتزام بعدم إنتهاك حرمة أراضي الجنوب عن طريق القصف الجوي والتوغل البري فهذا ليس من شأننا فنحن غير معنين بتصرفات الكيزان العويره وعليهم إرسال مليشياتهم المكونة من المجرمين للقتال في هجليج_والجيش السوداني زاتو أصبح مليشيا تابعة للكيزان وبلاش متاجره بالوطنية
الجيش السوداني نمر من ورق ..
فالحين يستعرضوا قوتهم علي النساء والاطفال في دارفور والدمازين وجبال النوبه وكجبار
وفالحين بس في الانقلابات الفاشله الدمرت البلد
السبعين في الميه البتمشي للجيش الفاسشل ده اوليذبيها الصحه والتعليم
واسرائيل تضرب والخيابه مابحركوا ساكنا ومصر تشيل حلايب وشلاتين والخيابه قاعدين يتفرجوا
واثيوبيا تشيل الفشقتين وهم يتفرجوا
والجنوب يشيل هجليج وهم يجروا ولي هسع ماقادرين يحرروها
فضحتونا ياجيش الخنا يالناهب مالنا ودمنا
انفصال وحروب وكمان الدولة الحديثة الكان جيشها لحد قريب متمردين يحتلوا ارض شمالية وحكومة الانقاذ تقوم البلد وتقعدها لاستردادها من الدولة الوليدة؟؟؟؟؟ يعنى ناس حلايب والفشقة ننسى موضوعهم تماما لان الجيوش المصرية والحبشية اقوى من جيش الجنوب بمليون مرة!!! لا وحدة لا تحول ديمقراطى لا سلام لا اقتصاد قوى متنوع لا استقرار سياسى ولا حتى جيش قوى يخوف الجيران؟؟؟ الانقاذ دى انقاذ للسودان من منو ومن شنو؟؟؟ هل من اجابة مقنعة؟؟؟!!!! وبعد ده كله يخونوا فى الناس وما عايزين يفكوا الحكم عشان يعملوا شنو يعنى؟؟؟؟؟ والله دى محنة السودان ما شاف زيها فى تاريخه القريب او البعيد!!!!!!
المفروض يتنحى وزير الدفاع ويقدم لمحاكمة عسكرية بسبب هذا التقصير المتعمد والتفريط في هذا الجزء من الوطن ، لااعتقد بان الجيش يمكنه استعادة هجليج بسهولة لان الجيش في اضعف حالاته ونطلب من الحركة الشعبية بان لا تغزو الخرطوم