يجب تغيير نظام الحكم..الصادق المهدي : السودان «يحتضر» ولا مجال لانتظار الانتخابات
قال زعيم حزب الامة القومي، الصادق المهدي، انه يجب تغيير نظام الحكم اعجل ما تيسر لأن وضع السودان حاليا حرج ومتأخر وهو يحتضر، ولا يمكن الانتظار حتى اجراء الانتخابات في 2015.
واكد في حديث لقناة الشروق ان الحكومة الحالية اذا ما اشرفت على الانتخابات ستكرر ذات الاخطاء التي ارتكبتها في الانتخابات الماضية من تزوير وخلافه.
وقال المهدي، إن إيجاد نظام جديد يقوم على هندسة قومية سيجد المباركة من الشعب السوداني وفعالياته، كما سيجد التأييد من الأسرة الدولية، وأضاف: «إسقاط النظام ليس هدفاً بل وسيلة لتحقيق هدف، ويجب أولاً أن نتفق على البديل».
واعتبر المهدي لقاء الرئيس عمر البشير ورئيس دولة جنوب السودان المزمع عقده بجوبا غير ذي جدوى في حالة عدم التحضير له بشكل جيد، وكشف عن تكليف حزبه لجهات فنية ومختصة بإجراء دراسة حول ملف النفط بين الشمال والجنوب ، موضحا انه سيخاطب البشير وسلفاكير بمخرجات الدراسة.
كما كشف رئيس حزب الامة القومي عن اجتماع لرؤوساء الاحزاب والمختصين الاثنين المقبل لمناقشة مشروع قانون سلام السودان الاميركي والعلاقات مع الولايات المتحدة، ورأى انه ليست هناك جدوى من شتم وسب اميركا «لكن سنجلس بهدوء لندرس المخرج»، ودعا لان يتخلى كل عن حزبه وانتمائه والتمسك بحزب السودان». وطالب المهدي، بإعادة هيكلة المعارضة وتغيير اسم التحالف ومراجعة الاشخاص الذين يقودون الكيان لان مرجعيتهم شمولية.
صحيفة الصحافة
إذا كنت فعلاً حريص على المحافظة على ما تبقى من السودات وكذلك تحقيق الامن والاستقرار والسلام المستدام فيه وحفظ دماء وارواح الغلابة والمستضعفين ودفع الظلم عنهم ويرضى الله عنك لابد لك أن تيدأ الآن فى خطوات جادة دون تردُُد لتوحيد المعارضة الداخلية والخارجية ومناقشة كل القضاية بما فيها الفترة الإنتقالية والمحكمة الجنائية وبالتالى تغيير النظام فوراً…..مافى زمن للكلام والشعب السودانى يموت كل يوم فى الفاضى.
الأطرش فى الزفة.
وجدتها الأن ياسيد الصادق … بعد الرماد كال حماد !!
لم يبقى وطن للحديث عن إحتضاره ومماته ،،
فقد نجحت عصابة الإنقاذ وبإمتياز من أن تجعل من هذا الوطن كبش فداء لرغباتها الشيطانية فى أن تظل حاكمة أو توزعه إشلاءا وركام !!
كلكم مسئولين امام الله والوطن والأجيال بصمتكم وتنظيركم.. وموالاتكم .. وتغبيشيكم لواقع ورمال الإنقاذ التى دفنت الوطن حيا .. منذ زمن مديد!!
الآن بعد ما ركبت ولدك وحطمت همت الشباب ووقع الفأس في الرأس نسيت مناداتك بعدم اسقاط النظام بل قلت اصلاح النظام روح لوحدك واسقط النظام نحن فراجه
و انت وين من زمان يا عبد ربه منصور هادى الصادق عينو على الطريقة اليمنية عشان كده بيماطل و يجهض فى الانتفاضة طيب يا الصادق منصور هادى نستعين بمنو بمجلس التعاون الخليجى عشان يحلوك.انت فهمت يادوب الشغلة خلاص انتهت انت ما قعدت تتمرك, ناس مناوى احتلوا امدافوق امبارح على حسب البى بى سى لم تتاكد بعد.
خلي النظريات و إشتغل عملي … الوطن ع حافة الضياع
اطلع منها انت ,,, جربناك
سوداني أصيل يحكم السودان – نبعد الدين عن السياسة – لكم دينكم ولي دين – نوحد الشعبين الجنوبي والشمالي حتى نعيش بأمان وبعدين ربنا بيحاسب الناس على أعمالهم وليس نحنه بنحاسبهم .
كلام الليل يمحاه النهار ؟! هذا الرجل كل يوم هو في شان !!!
شكلك راجع لينا تاني !! الله يستر .
عمكاتها كلها تهتدون و تستبشرون و تخرخرون و تتجابنون و اخيرا تعترفون كفاية كفاية كفاية
لو الاخبار السمعينها امبارح صاح يعنى انو السودان اصبح بلا هوية ومنتهك الحرمات والاكثر من ذلك معاناة المواطن لو هذا الشخص الغير سودانى والعنصرى الذى حتى لايعرف يتكلم العربية بطلاقة احتل منطقة ام دافوق التى هى تقع فى جنوب دارفور وفى هذه الظروف الحالكة التى تمر بها البلاد بدل اقود جيشه لنصرة هجليج يقوم بغزو ام دافوق اصبح اهتمام الناس على الكراسى فقط لاغير اتمنى من الله ان يعين السودان على ماابتلاه وان يخلصنا من هذا المازق على يد رجل مخلص لله ولا غير .
مشكلتة فاهم …. لكن دايما جبان
و منو الرئيس الجديد …
يحيرني كثيرا هذا الصادق. ويحيرني اكثر الناس البتعلق علي الموضوع
يحيرني لاني لا استطيع استبيان قيمته وشأنه في القوم. فتارة احس انه الاعلى قامة في قومه لان كل الشعب ينتظر قيادته للمعارضة واسقاط النظام بما في ذلك الاحزاب المعارضة , فهم جميعا يسخطون وتفتر همتهم في اسقاط النظام اذا ما تريث الصادق , وكأني به هو الوحيد من بينهم الذي يستطيع فعل ذلك.
ومن ناحية اخرى اذا ماحضر لقيادة المعارضة ضد النظام, تجد الجميع يرددون عبارات من شاكلة جربناك , ديناصور ,متردد!!!!!!! يعني “لا بريدك ولا بحمل براك”
يعني يطير؟؟؟؟؟؟؟؟؟؟؟؟؟
الرئيس الجديد ممكن يكون اي مواطن سوداني يخرجنا مما ادخلنا فيه البشير
البشير عندما تلب في السلطة ذات ليل كان نكره بالنسبة للشعب السوداني
وفضل طوال ربع قرن من الزمان يجرب فينا ويعادي في كل العالم
حتي قسم البلد وادخلها في هذا النفق المظلم والمنعطف الخطير
اي مواطن سوداني سيكون افضل من البشير والترابي ونافع وعلي عثمان
نقول لى ناس الانقاذ اريتكم مانقذتونا مالو الدولار ابو 12 جنيه ويعنى شنو لوسقطت توريت الليلة الدولار6500 وتوريت بقت فى بلد تانى وهجليج وحلايب والفشقة تحت الاحتلال
يا سيد الصادق الوضع الحالي للسودان لا يقبل ابدا الحركات التي تقدمها انت للانقاذ في تشتيت الانتباه بخطبك الهلامية دي الفيك اتعرفت كل ما الناس تكون علي اهبت القيام بعمل تطلع انت تهضرب ليك بكلمتين معروفات لتوحي للناس انك تعمل في عمل يخلص وتسبط همم الناس احسن شئ تقدمه للشعب الغلبان ده انك فقط تصمت والحكاية بتتحل ولا كمان لو عايز قوم جهز متحرك المهدية لهجليج علي شان نعرف اخرك انت ختيت ابنك في القصر وانت تمرر في رسايل تسبط الهمم . وزي ما قال نافخ خت رجليك في حتة واحده مش واحده في القيف والتانية في الموية . العالم مشي قدام الهلمجر بتاعتك الزمان ما بتنفع تاني استريح ما بقي ليك من عمر واختمها بسلام احسن ليك ولسيرت المهدية . انت غير قادر علي ان تقدم اي شئ للسودان فالاحري تستريح يمكن البنيات يضيفوا ليك سيرة في التاريخ …..