جعفر الصادق الميرغنى – مساعد البشير يطالب الشعب بالمشاركة فى صد العدوان

وانت مالك ياود الاشراف؟ ماشالله شاب وسليم وصحيح ومعافى عميان من طريق الحرب؟ امشى انت واخوك فى الاول وبعداك تعالوا ياناس سلم تسلم انتو!

بريش دابو صحا…دى هضربة الملاريا خلى بالك

والله حلاتوا ده ماغصني و بعدين الاتحادي إنت و ابوك بتعرفوا ليه شنو يا بايعين الذمة

حاااااااااضر يا ود سيدي
إنت تأمر بس
أنا من بكرة ح أسمع كلامك وأمشي الجهاد
لكن جهادي أنا ح يكون في -شمال كردفان- على قولتك
وإن إحتجتوا لي في النيل الأبيض برضو ما عندي مشكلة

أرقد عافية يا أخوي شكلو الملاريا لسع طالعة ليك في راسك
ههههههه

ايه يا ود الكلام الكبير ده؟!
هسي ما تمشي انته واللي انته “بتساعده” تجاهدو بجضومكم الماكنة دي، نحن خايفيين عليكم من أمراض السمنة ناس ضغط وسكري وكده يعني، فيمكن المعارك على “مشارف هجليج” دي تحسن لياقتكم الضايعة شوية!

شوف بالله الغلام الأدروج الأمرد بيقول في شنو قال يشارك قال الشراء اليمعطك أنت وأبوك . ياخي ما تلف جاي ولا جاي عامل وشك المنفوخ زي أنبوبة الغاز دا.

يا أخوانا ” ســيدى ” دا مكحّــل ؟؟ و لا دى حلاوة الإيمان ؟؟… عيونو كحيلة و حواجبو غزيرة … يا ولد
( إنت ما شبه الهموم إنت ما شبه العذاب ) … عليكم الله دى ما مهزلة الولد النااااعم ده داير يحرش على الكتال !!!!!؟؟؟

أمشي شوف ليك إيسكريم واللى طحنية ( ماذا تعرف عن السودان ) يا أولاد السنة الناعمة كم مساحة السودان اليوم وقبل الانفصال آخر زمان

ماليزيا تمشوا براكم وهجليج نمشي معاكم قال مساعد رئيس الجمهوريه هسع انتكن استشاروك في امبده عندك راي عليك الله انت وابوك غاشنكم سااااااي ياناس الحكومه المريضه

يا ناس أنتو غبيانين – ملارية شنو- الملاريا بتدخل ليهو من وين زي دة. ما شاء الله عيني باردة صحتو زي الفل – الشيء المستغرب فيهو أنا انو الزول ده كان وين من يوم تم تعيينه مساعد لرئيس الجمهورية لشئون الماكياج والوجاهة- ضارب الضل البارد والحاجة الباردة واليوم تطلع علينا بجاكة لم يعرفها اسلافك: (النفرة والجهاد) والله انت شكلك بريء وصادق في دعوتك لصد العدوان- لكن الله أعلم تكون عارف العدو منو وسو شنو – اتحداك لو تعرف يا حبيبي!! لو عرفت الاجابة حا أشتري ليك عصفور ملون (ببغاء). واصل نومك الفجر لم ينبلج بعد ايها المدلل.

وانت مكسح ما تمشى تحررا

لو كان الوضوع جهاد انتو اولي بالجنه مننا عشان صالحين واولاد النبي فامشوا قدامنا وكان الموضوع حرب حاربوا انتوا عن ممتلكاتكم نحن ما عندنا حاجه وكان وطنيه ساكت نجن ما دايرين نصبقكم (ضيعتوا البلد الله يضيعكم )

هههههههههه كلامك لذيذ يا ابوشنب استنفار قلتا لي هسي لو جاءوا الي الخرطوم حاتجري تمشي مصر عاد انت شبه دواس هسي عليك الله انتا ممكن تحارب بسلاح وتنتصر…

يا سبدى يا ود الميرغى كنا نتوقع الخبر كالاتى جعفر الصادق الميرغى فى ارض المحركة مع الضباط والجنود لاسترداد هجليج – المفاجا كتبت جعفر الصادق الميرغنى يطالب الشعب بالتصدى للعدوان – يا ااع____________ار –

ماشاء الله الامير المدلل يدعو الشعب السوداني المسكين لكي يحاربوا ليهم بالوكاله
والله دي عجيبه جدا … ليه ما تمشي انت يا امير وتاخذ معاك الامير عبدالرحمن المهدي وباقية الامراء المدللين
ليه الشعب السوداني المسكين يرسل اولاده للحرب وانتم عايشين في الرفاهيه والنعيم والمكيفات
مين الي سوف يحارب ليكم او يجاهد ليكم هذه المره يا اميرنا المدلل
في الماضي كان المجاهدين من دارفور وكردفان وبقية الهامش
لكن الان كلهم انفضوا من الانقاذ … والباقي من شباب الكيزان صاروا مع الشعبي
ومعظم ناس الاتحادي الديمقراطي غير موافقين علي المشاركه في حكومة الانقاذ البائسه
لذلك حكومتكم يا امير لن تجد لها مجاهدين هذه المره
الم تراهم الان يتوددون للشعبي لكي يتصالح معهم
اخرجوا مبادره منهم من 11 بند لكي يصالحوا الموتمر الشعبي
لكن الشعبي عرف المقلب ورفس المبادره الانقاذيه لان هدفها مصلحي وآني فقط
لماذا يريدون المصالحه الان … الاجابه واضحه … يريدون مجاهدين لكي يحاربوا ليهم
ولكن لن يجدوا مغفلين يجاهدوا ليهم هذه المره حتي ولو صالحوا الموتمر الشعبي
لان شباب الكيزان حتي الفي الموتمر الوطني نفسه ادركوا انهم فقط وقود لحرب ليس لهم منفعه فيها
حاربوا وجاهدوا بكل ما عندهم من قوه في التسعينات وعندما استقرت الاوضاع نسبيا وطلع البترول … صاروا نسيا منسيا
الافاعي الكبيره والحيتان وعواجيز الكيزان نسوا الشباب الذين جاهدوا ومات منهم الكثير …. الافاعي الكبيره والحيتان وعواجيز الكيزان احتكروا السلطه والمال وهمشوا معظم شبان الكيزان وشاباته
وتزوجوا مثني وثلاث ورباع وشابات الكيزان ما كان لهن اي نصيب من هذه الزيجات
عشان كده حتي شابات الكيزان سوف لن يجاهدن الان
الم تري مذكرات شباب الكيزان التي سموها تصحيحيه واللي ظهرت في الايام الماضيه
والكثير من اهلنا في الشماليه ايضا لن يجاهدوا معكم … قتلتم ابنائنا الشبان الضباط الشجعان في رمضان وحرمتم اهلهم من القاء نظره اخيره عليهم قبل دفنهم … دفنتوهم في مكان غير معلوم في تصرف غريب علي القيم والاخلاق السودانيه … ظلمتم المناصير وشردتوهم وقتلتوهم … ظلمتم ناس كجبار وشردتوهم وقتلتوهم
هل ستذهب انت يا امير والامير عبدالرحمن المهدي وايو الجاز ونافع ومصطفي اسماعيل و الطيب مصطفي وعبد الرحيم حسين وغيرهم من الكيزان المرتاحين للجهاد هذه المره
او هل تتوقع يا امير ان يرسل هؤلاء الافاعي الكبيره والحيتان وعواجيز الكيزان ابنائهم للجهاد هذه المره … لا لن يفعلوا … سوف يرسلوا ما بقي من مغفلين من اولاد المساكين
الحيتان الكبيره من الكيزان سوف لن يذهبوا للجهاد ولن يرسلوا ابنائهم … لانهم متاكدين وعارفين ان هذا ليس بجهاد … هذه فقط تجاره وتخدير وخدعه باسم بالدين
هذه الخدعه نجحت في التسعينات لان الكثير من شباب الكيزان والكثير ومن المهمشين كانوا عميانين بالحمية للدين … لكن الان انجلت الامور … وانكشفت الخدعه
عشان كده الكيزان ما عندهم اي طريق غير التخلي عن هجليج كما تخلوا عن حايب والفشقه وغيرها … وسوف يتنازلوا عن ابيي واشياء كثيره في المستقبل
فقط لكي يبقوا في الحكم … ولن يبقوا

جعفر الصادق الميرغني …مبرص …؟؟؟؟؟ وا شليلي
كلم ابوك يعمل ليك حجاب ضد البرص وكمان هناك في حاجة اسمها مونتاج اعملها في صورك عشات تغطي البرص الفي شفايفك وتحت ذقنكك
او امتنع عن التصوير بحجة انه حرام !!!!!!! هوي يا شباب مافي ذول تب يمشي الجهاد الا بعد ود الميرغني يروح منو البرص

” وأهاب الصادق بكافة شرائح وقطاعات الشعب السودانى المشاركة فى صد العدوان على السودان. ”

تعليق:الناس ديل مجانين؟ يعني كل هذا الاستنفار عشان يحرروا الهجليج الصغيرونة هذه من الدولة الوليدة هذه

طيب لو عاوزين نحرر حلايب من مصر نعمل شنو ؟معناه في الحالة ده لا بد أن نستنفر دول الجوار

يجب عليك يا ابن السيد ان تنضم و تشمر سواعدك الى ساحات القتال ولكن لانكمن ابناء السادة و ترفل فى النعمة و ينتابك الجبن فلن تذهب كان عليك ان تكونانتو غلى عثمانوالحاج ادم فى الصفوف الامامية فى منطقةالعمليات الا انكم تحبون الدنيا و نعيمها الزايف و تنكنكشون بالسلطة – تامون الشباب المسكين المظلوم بقهركم و تنسون انفسكم

ياى ي جعفورى مالك ومال الكلام الخشن دا انت ماشبه الحاجات دى هسي برضيك تعرصت الناس الغبش ديل فيك امشي مصر ي حبيبى ولا وري ليهم ابوك يشاكلهم ناس وحشة اوى انا خايف عليك يسحروك ي ناير يلا سريع ع مصر وماتنسي ترضع بزتك ي جوجو فالح سيدى

بالله عليكم الله شوفوا الولييييد دا جضمو كبير كيف ؟؟

اذهبوا انتم الى الهجلجة فنحن لسنا بالمهجلجين نحن هنا قاعدون

حلاتك انت!! امك خابرة انك نضمت في التلفزيون بابجضوما كبار؟
كدي دحين خبرنا ات ماش تجاهد بتين؟ و من وين ليك الجضوم الكبيرة دي؟ من قريشات ابوك؟ وابوك جاب القريشات دي من وين؟ ما ياهي من قروش البلد دي؟ اصبح انت يا ود امك عندك قروش والقروش دي لازما تدافع عنها! يعني انت لازم التمش تجاهد حفاظا علي جضيماتك دي و دفاعا عن حقك انو يكون عندك جضيمات سويتها بي قروش البلد دي و عرق الشعب الداير ترسله يدافع عنك وانت قاعد في الخرتوم تحت المكيف

كدي امش جاهد انت، و كان جيت راجع بنهلل ليك و كان ما جيت راجع احسن

الكحل الفي عويناتك اسمح من الكحل في عيون مرتي يا…..

الحنكوش ده مايمشى يحارب مالو ماعندو ايادى…….ولا الحرب دى للغلابة والمساكين…خلاص الفيكم اتعرفت….واهدى ليكم اغنية ما بصدكم..مابصدكم… الاغنية دى يتغنوا بها الشباب الايام دى…سؤال الزول يساعد الرئيس فى شنو؟؟؟؟؟؟؟

هذا زمانك يا مهازل … ود سيدي الحسن بحرض الناس على القتال!!!! …. والله يا اخوانا الود دا مسكين ومغشوش ….. براحه عليهو الزول دا ما قصدوا شئ الا انو يكبر كومو لي يوم بكره ( بكره يكبر ويجلس على كرسي ابوهونمشي لهو ونشتري من عنده صكوك الغفران ) ونمدح نقول (مرحبا بي مرحبا ) هذه كروت احترقت لا هو ولا ابوه بقدروا يقنعوا لهم زول شغال كمساري بسيط انا المحيرني في البلد في ناس فاهمه وواعيهفيهم اطباء ومحامين ومستشارين وبرضوا بنساقوا وراء ناس سيدي الحسن ديل ( انا ما قاصدك يا المنطط عينك ) ….

على الطلاق الولد ده غشيم

وانته حتضربهم بالمصاصه ولا بالايسكريم

ياناس مافي داعي للسخريه وخليكم في الكلام الهو قالو لو عندكم انتقاد لانو هو ماخلق نفسو وكمان مافي داعي للشماته في المرض

يابومبا يامدلع….اذهب انت والبشير وقاتلا اننا هاهنا قاعدون دايرنا نقاتل عشان الناس الشبهك والخلق الزيك…امشي اتمسح كريم ولاالعب ليك لعبة اتاري ولا شوف ليك نوم …انت واحد خيبان ماعارف اي حاجة في اي حاجة….عليك الله هسع داير النناس يطلع عشانك ياابو شلاضيم….غايتو كضومك ديل بمغصوا عديل كده..

ديل جهادهم في الفتة أم توم … أمشي نوم ليك نوم يا ود وسيب الدلع شبهك ده شبه أتاري ومكيفات نااااعمة… البلد ديك قالوا ما فيها تكييف وكده.

غيتو جيت لي شلاقتك انت مالك ومال القتال وبعدين امشي براك ماك ود السيد

هو انت لو مشيت هجليج ومصيت ليك لالوب تروح منك الملاريا ع طول بس يا ولد سيدي خلينا نبني الاستراحة حقت حماده والشباب وتعال خيم معاهم في هجليج لانو الحكاية باين الجماعة ما بيطلعوا من هجليج زي ما قال نافخ علي نافخ لو طلعوا وووووب ………. الخ يعني استراحة المحاربين ستطول ومعنات الشعب ايضا تطول . بس اعمل حسابك لو ما مشيت للتحرير بيطيروك من مكتبك بعد التحرير يعني لابد ان تشارك وشارك في الاستراحة احسن ليك من بدري علي شان تضمن وجودك في القصر في فترة ما بعد التحرير .

استثمار تمشو براكم إستنفار نمش نحن …..أذهب أنت وأبوك فقاتلاء إنا ها هنا قاعدون يا جعفورى

أمرن أحلاهما مر
الكيزان يسوا المشكلة ونحتملها نحن.
أيام النعيم والرغد براهم .
أيام الحارة دايرننا معاهم .
المرة دي بنسامحهم فيها .
لكن لي قدام إن شاء الله تجيب ليهم قلب .

قلت شنو00يا00ود00ماما00وحيات أمك؟00وانت قاعد تعمل شنو؟ ولا محنن!! مولانا لم عليك جناك ياشيخ!!وانصحك ان تتجنب غدر الجماعه ديل00العاقل ما بيضرب راسو فى حيطة النفاج مرتين ولغلمك يا مولانا أنا إتحادى بالميلاد وما زلت على العهدوأشهد الله على ذلك لكن الذى يحدث الان بإسم حزبنا العريق يجعلنا ننتظر الغد وقد ربيت أبنائى من الذكور والاناث على حب هذا الحزب إكراما للذين تركوا لنا إرثا نعتز به واعتبر ما يحدث الان من الزعامات الحاليه مجرد كبوه وسوف ينهض الحزب من جديد لكن ليس بأمثال نجل مولانا طبعا وقد آن لمولانا أن يتنحى جانبا ويترك الحزب لمن يقدر على قيادة الحزب بشكل جاد!! ويكفى الزعامات الحاليه أن الحزب تآكل فى عهدهم ، ونتعهد لمولانا بأننا سوف نحفظ له حقه كمرشد دينى ونذكر له أنه كان سياسيا محنكا ودوره الذى قام به فى ما مضى ويعلم فضيلنه أن الجماعه المتأسلمه الحاكمه الان تعمدة طمس جهوده التى قام بها من قبل ولا أعتقد سوف يتيحون له فرصه آخرى مستقبلا ودليلى على ذلك جرهم لابنه لكى يتعرض لمثل هذه التعليقات الساخره لانه حاول مجاراتهم فى تصريحاتهم التى لم تقنع أحد فجموع الشعب مازال لديه قناعه بأن الجنوب سوف يعود لاحضان الوطن شاء من شاء وابا من ابا، وإنتهز السانحه لاقول لعبد الرسول النور الساعد الايمن للصادق المهدى بمناسبة ما تقياء به فى برنامج (أجنده مفتوحه) فى تلفزيون ال BBCالعربيه امسية امس واقول له (إخس00والف إخس) وأسأله هل فقدتم الامل فى أن تحملكم الحركه الشعبيه لكى تضعكم فوق كراسى الحكم؟!!وأين نتيجة الزيارات الماكوكيه التى كنتم تقومون بها بين الخرطوم وجوبا؟!!يالها من إنتهازيه يمارسها السياسيون (العجائز) وهم لا يكترسون بمصائر شعوبهم!! وأهى 00دقنى00يا عبدالرسول (لو ضوقتوها)كما قالتها المناضله فاطمه احمد إبراهيم يوما للصادق المهدى ومن يومها مسموح لهم فقط (أن يمطقوا ساكت) وغبر مسموح لهم بأن (يضوقوها) والله غالب على أمره0

الحمار دا لسة مفتكر انو الشعب السودانى ماعارف عدوه منو

المعلق باسم النيل الأبيض :
ماذا استفاد الشعب السوداني من موسوعية الصادق المهدي ( دودة كتب كما ذكرت ) ؟
الصادق المهدي حكم السودان لفترتين ولم يقدم شيئا سوى استعراض مهاراته اللغوية ..
أما أبناء الصادق المهدي فهم يحملون جينات أبيهم ومن شابه أباه فما ظلم ….
آل المهدي لا فائدة منهم …….
قال الشاعر :
أما الرجال فنجحها في **** فعلها لا في الكلام

أخوتى وأخواتى أبناء بلدى
رب صدفة خير من ألف ميعاد ، الحمد لله أن جعل الصادق و الميرغنى يقذفا بإبنيهما لدورة تدريبية تلميعية فى رحاب القصر ، فكلاهما يعلم أن الشعب السودانى كله قد قنع من خير فيهما و إحترقت كل كروتهما السياسية فى وجهيهما لذلك لجآ إلى هذه الخطة لتجهيز بدلاء (خلفاء) لهماو كان أن واجهتهما مشكلة هى أن هاذان الخليفتان ليسا معروفان و ليس لديهما الكاريزما القيادية فبعثا بهما لبابا عمر حتى ينقذ وجود أسرتيهما الغارقتين فى بحر خداع الشعب السودانى ، و تلك كانت فرصة ذهبيه للكيزان لدق المسمار الأخير فى نعش ما يسمى بالمعارضة.
لكنهم جميعا(كيزان و كبابى) لم يعلموا أنه الفرج الإلهى حتى يحترقوا جميعا و يتم عزلهم عن إدارة الدولة السودانية و للأبد ، ستتم محاكمة الجميع و مسائلتهم عن تشريد و تجويع و تجهيل و تغييب و إفقار و تخلف الشعب السودانى حتى جعلوا الغالبية العظمى منهم على حافة الجنون.
لن نتحدث كثيرا فقد أصبحنا فى مفترق طرق (نكون أو لا نكون) و لن نستمر كثيرا فى كتابة التعليقات على الراكوبة و غيرها فقد حان وقت العمل و يجب علينا جميعا بداية التحرر من الإرتهان للأحزاب السودانية جميعا و عدم تمجيد الأشخاص و أكرر عدم تمجيد الأشخاص و الإفتتان بهم فتلك علة كبيرة جدا فى شعبنا المجيد.
بناء السودان لا يحتاج لكثير عناء و لا لأموال كثيرة و لكن فقط لأناس لا يقدمون مصالحهم الخاصة فوق العامة و لا يعتفدون أن قيمة الإنسان موازية لما يمتلكه من أموال فتلك النوعية من البشر هى التى تقوم بسرقة أموال الشعوب و يسهل شراء ذممها و (صمتها).
سنبنى هذا البلد و نوفر الحياة الكريمة لأهله الطيبون حتى لا يصبح الزلط علامة مميزة و عندما يهم أحدنا من الخروج من منزله فإنه يقول (أنا ماشى الزلط) ، و الله حرام أن يحدث هذا لبلد ضارب الجذور فى الحضارة و لكنها طمست بواسطة هؤلاء جميعا و جعلونا نتخيل أن السودان هو ما عرف من خلال المهدية و الإستعمار الإنجليزى المصرى التركى.
سنفتح كل الملفات المغلقة ، سنغير المناهج التعليمية الضعيفة فى المدارس و الجامعات ، سنقيم أجهزه إعلامية محترمة و محترفة ، سينغير هذا الشعب لشعب منتج دقيق يحترم (الوقت) ، لن تكون هناك مناطق فقبرة فنحن لدينا موارد ضخمة ، ستكون هناك خطوطا للسكك الحديدية تربط جميع أرجاء السودان مسنودة بشبكة طرق برية سريعة و نظام طيران داخلى منضبط ، سيكون لكل مواطن نصيب من الدخل العام للدولة ، ستكون للسودان علاقات دولية محترمة من الجميع دونما مساس بحريتنا و فوق ذلك ستتم إعادة كتابة دستور البلاد لتكون (المواطنة و الهوية) هى الأساس ثم تأتى بقية الأمور ، حتى هذا النشيد الوطنى يجب مراجعته لأنه لم يحقق الهدف المنشود منه و صار نسيا منسيا.
شعارنا (السودان – بناء لا يتوقف) Sudan – Non Stop Building

المستشار الهمام لم يبحث عن وظيفة ولم يعاني ووووووووو سنتبعة كالانعام لانه له حظوةعندالله لان اول عمل له مستشار للرقاص بشبش يساعد في التدريب علي الرقصات المعقده ايوى انصتو لهدا الشبل المغوار يا اهل الراكوبة ارجو ان
لاتنشرو مثل التصريحات وده للمحافظه علي مرارتنا ما تطرشق