حتى لا يذهب دولار واحد الي هؤلاء المجرمين..البشير: خط الانابيب في السودان لن يفتح لنقل نفط الجنوب
الخرطوم (رويترز) – قال الرئيس السوداني عمر حسن البشير يوم الجمعة ان السودان لا يريد رسوما نفطية من جنوب السودان وهدد بابقاء خط الانابيب في السودان مغلقا أمام صادرات الخام من الجنوب في اعقاب القتال الذي نشب بين الجانبين في منطقة حدودية متنازع عليها.
وقال البشير الذي كان يتحدث الي حشد من الاف الاشخاص في الخرطوم “لا نريد الرسوم من بترول الجنوب.. لن نفتح الانابيب وما في بترول من جنوب السودان سيمر في اراضينا الطاهرة حتى لا يذهب دولار واحد الي هؤلاء المجرمين
جيت ليك يا أب جاعوره إذا كان الدول تدار بهذا الشكل الأهوج والقرارات تؤخذ بهذه الطريقة الرعناء.
الترابه فى خشمك وخشم البلد أللى إنت رئيسها
اشوف الفساد استعجب زي الموتور الشغال بالشحن و الريموت خارج التحكم و النهب شغال تش
ربنا يحفظ البلد من المفسدين والفاسدين
Kazaab ya Bshir. Bashir is a liar , he will send his negotiating team to addis ababa afer one week to beg South Sudan to accept 10 dollars per barrel to transport South Sudanese oil through Port Sudan because the econoy of Sudan is about to collapse.
اللله يكفينا شر امثالك
خلاص خلوهم يودوا بيها موية لناس بورتسودان ويدفعوهم 32 دولار للبرميل الواحد عشان يدعموا الاقتصاد المنهار دا { لكن الخال الرئاسى البصيرة ام حمد قاعد حيلقى حل ممكن يقول ليهم دا أفضل مخبأ}
سيمر في اراضينا الطاهرة حتى لا
اول مرة اعرف انو فى بترول نجس و بترول طاهر افيدونا يا جماعة مخنا اتلحس الواحد بقى ما قادر يفكر يا مهندسيين الكيمياء العضوية يا عصام احد البشير ورونا نوع البترول النجس موجود وين هسع يعنى بترول الحشرات ديل طلع نجس احسن نشوف بترول بورتسودان و قريب من مكة و محوط بماء زمزم
الما بتحلقوا جدعوا الظاهر البشير الجماعة الكبار فرضوا عليهو شروط و بيقدم الكلام من هسع
إنتصار علي الحركة الشعبية دعاية ليس إلا …
فقد رحبت الولايات المتحدة الأمريكية وبريطانيا وكذلك باني كي مون بإنسحاب قوات دولة جنوب السودان من هجليج …
هذا الترحيب جاء قبل أن يعلن البشير دخوله وإنتصاره الكاذب في هجليج .
قرأت خبرا في صحيفة يوغندية أنه في يوم الخميس السابق تم تفاوض بين حكومة السودان ودولة جنوب السودان
بضغط أ مريكي وأممي أفضي إلي إنسحاب جيش دولة جنوب السودان ولم تذكر الصحيفة ما هية الإتفاق الذي جري وبموجبه تم الإنسحاب.
بعد إعلان الإنسحاب سمعنا الزغاريد والتهليل والتكبير من ( فناجيط ) الإنقاذ ودهمائها ودلاهمها .
الفضائية السودانية قطعت برامجها لتزيع وتبشر بأخبار إنتصار القوات المسلحة والقوات الصديقة الأخري
وطرد الغزاة بل وصرح بعضهم لبعض الفضائيات العربية أن القوات المسلحة السودانية قد أبادت الجيش
الغازي عن بكرة أبيه.
ما أكذب هؤلاء القوم!!!!
إن القاسي والجافي والفظَّ الغليظ والطعَّان واللعَّان والفاحش البذيء لا يكون وليًّا لله ولا نصيراً لدينه ولا داعيةً لسبيله ولا مفتاحاً من مفاتيح الخير ولا أباً مربياً ولا أستاذاً ناجحاً ولا طبيباً ماهراً ولا كاتباً لامعاً؛ لأن هؤلاء باختصار “أشقياء”، والشقي محروم من الرحمة، مخذول من الله، مرفوض من الناس، منبوذ من المجتمع، ممقوت من القلوب، منسي من التاريخ. إن الأشقياء جنود للشيطان وحزب للباطل؛ لأنهم حُرموا رحمة الله
علي الطلاق الله اكبر
ما عندنا شغلة بحزب البشير ولا الحركة الشعبية ..
لكن البيهبش ارضنا بنخش ليه جوة عينو
والبيمس سيادتنا وكرامنتا بنصلو في عقر داره
خلاص بترول جنوب السودان بقي ما طاهر عشان منعوك من لهطه. ياما إمتلأت حساباتكم في ماليزيا والصين بعائدات هذا البترول وتطاولتم في البنيان أنت وعصابتك من آكلي أموال السحت. ماذا إستفاد عامة الشعب من هذا البترول قبل العام 2005 وحتي عائداته لم تكن تدخل ميزانية الدولة في الفترة من 1998 إلي 2005. ألم تكونوا تعتبرون عائدات البترول غنائم وتوزعزنها بين منسوبيكم؟. طيب وينها هي عائدات البترول النجس السرقتوها؟
والله رئيس كضاب بصوره غريبه هو المحتاج لنفط الجنوب ده اكثر من الجنوبيين نفسهم وبكره حانسمع بيهو جري مشي قعد يتفق معاهم في بلد من البلدان
اولاً يجب ان نفرق بين الحكومة وبين الافراد ?
عمر البشير انسان ليس بالسيئ ابدا والكل يعلم ومسئولياته تتوجب عليه ان يقول مثل ما قال?
انا من اكثر الكارهين لهذا النظام الظالم ولهذا البشير كحاكم ولكن ان يتطاول عليه الجنوبين واليوغنديون فانا معه في خندق واحد البشير فرد سوداني احترمه واحترم كل اهله ولكن في النفس الوقت اكره حكمه وكل حكومته نسأل الله ان يفك العباد من ظلمهم هذا من الجانب السياسي اما الجانب الشخصي الانساني لا اضمر له اي كره ( اذا اخطا يحاسب كحاكم لم يفهم حاشيته وانصاره نام عنهم فالي الله مصيره في الاخرة وان شاء الله في الدنيا له يوم ) ( اذا ما حدثت انتفاضه واطيح بنظامه اول المعفي عنهم سوف يكون هذا البشير والايام سوف تثبت هذا ) ( اكثر شخص مغضوب عليه دنيا واخره ان شاء الله هو ذلك المتعفن الما هو نافع/ نافع
ومثل ما قال احدهم تهمنا فقط هذه الديار فيا عرمان وياحلو ويا عقار انتم من يبحث عن الدولار لا تجبرونا ان نضع ايدنا مع هذا البشير رجاءً
ما زال الرجل يكذل ويتحري الكذل حتى يكتب عندالله كذاب ( ايه الالفاظ السوقية دي عليكم الله دا رئيس دولة اسلامية وجاء باسم الحركة الاسلامية ؟؟؟؟؟؟؟؟؟؟؟؟؟ يصف الناس بالحشرات ……….. سبحان الله وحسبنا الله ونعم الوكيل ولا حول ولا قوة الا بالله العلي العظيم ( ليس المسلم بطعان ولا لعان ولا فاحش ولا بذيئ )
كان في بتاع دكان إتشاكل مع ناس الحلة وقام قفل الدكان وقال ماببيع ليكم بضاعتي _ دا عامل زي البشير_وبتاع الدكان رغم غباوته ممكن يبيع بضاعتو في مكان تاني لكن البشير دا يودي أنابيبه دي وين غايتو جنس غباء_يعني نظام علي وعلي أعدائي
هل هذا كلام رئيس؟
المشير البشير أمس قال كلاما كثيرا وخطيرا، وكلامه عبارة عن رسائل، منها أنه طمأن عبدالرحيم محمد حسين بأنه باق في منصبة، لرفع التمام بعد الخريف، وهذه إجابة لمن حرض و ظن بأنه مقال فورا بعد إسترداد هجيليج، ومنها قوله بأنه أخطأ بتسليمه الجنوب ( للحشرة)، وبأنه سيحرر أرض السودان من دنسهم، إلا أنه أرسل رسالة يطمئن الجنوبيين، بأنه لن يتراجع عن نيفاشا، وبأنه يقصد أرض الدمازين والنيل الأزرق، وقد كنت بسبب وحدويتي السافرة، كنت أظن أن البشير سيكون مثل الشاويش علي عبدالله صالح عندما أزعجته اليمن الجنوبية، أن قام بإكتساحها وإلغائها من الوجود، فتمنيت أن تأخذ البشير الهاشمية والعنترية ياها فيقوم ويسحب إعتارفه بنيفاشا تماما ويقول لسلفا لا وجود لك بالسودان شماله وجنوبه وعلى العالم أن يفعل ما يريد! بس بكل أسف كان الخطاب تطمينا للآخرين برسائل مبطنة وإمتصاصا لغضبة من هم من أمثالي، وإنفض السامر لترجع حليمة لقديمها من التنازلات ( للحشرة)، ومعلوم كسائر أعمال ( الحشرات) فإن منفستو ( الحشرة) هو السودان الجديد، حسب نظرية الهالك ( جون قرنق)، وبأن العمل مستمر لتحقيق هذه النظرية وبمساهمة بعض بنى جلدتنا، و( الحشرات) بعد الرش تهمد ويموت القليل منها، إلا أنها غالبا تعود وقد تعودت على ذلك المبيد، فإن لم يكن المزارع حصيفاويغيره، فإنها تقضي على الزرع تماما بعد معرفة التعامل مع المبيد الأول، وهكذا ( الحشرة) لن تألو جهدا ودأبا لتحقيق هدفها وهو لا قدر الله إقتلاع جذوة ( دين الإسلام) من السودان مثله مثل الأندلس……. الله يكضب الشينة.
والله يا البشير انت اسد عديل الناس دي بقي بتخاف منك خوف كل ما يقول يخوفك بحاجه تمرق ليهم بحاجه جديده الجماعه قالوا الروب ولكن اسد افريقيا قال هجليج هى البدايه لست النهايه وقال يعين والي دباب في ولاية جنوب السودان بعض كدا ممكن بترول ولاية جنوب السودان يمر بالشمال مافي مشكله البلد بلدنا والولايه ولايتنا
1. بترولنا النجس ده هو اللي جعل منك إنسان بقي عندو فيلا في كافوري ، بيت في الرياض و شقة في مدينة النصر ..بعد ما كنت مجرد ضابط في ألجيش السوداني و عايش في بيت الاسرة في حي العبيد بكوبر !
2.بترولنا النجس ده هو اللي مكنك إنت و مراتك و اخوانك و كل الأخوان الأباليس ( المسلمين )في السودان : طه/نافع/متعفن /مندور /غندور المهدي /وزراء /معتمدين /مستشارين /مساعدين /ولاة الولايات والقائمة طويلة
3. من البترول النجس ده يا أباليس الحركة العنصرية عملتو امبراطوريات لشركات داخل و خارج الحدود لم يستفيد منها المواطن المغلوب الى أمره وحتى مجاهدينكم اللي بيحمي مصالحكم بيمشوا في الجهاد في (بانتاو) هجليج لابسين سفنجات!
4 . بترولنا النجس مكنكم كحزب على أنقاض الشعب السوداني. و بقيت عندك حسابات بالعملة الصعبة في آسيا واوروبا بالمليارات
5
6.كمان بترولنا النجس غيرت ولبستها زي عصري بعد ما كانت في العصر العباسي على حساب الجنوب حتي رشحتها العرب عاصمة لهم لعام 2005
سوال واحد يا سبورة: طالما بترولنا ده نجس لماذا تصرون على حيازتها و اغتصابها رغم نجاستها لدرجة اعلان حرب جهادية على اصحابها و مالكيها ؟؟؟؟؟؟مساجد السودان و مسجد أبوك اللي بنوها باموال بترول الحشرات نجسة ولا طاهرة ؟ دي تساولات للسيد الريس و نخبة علماء دينه .
داير اعلق على الجملة التى قالها البشير عن الحركة الشعبية ووصفها بالحشرة،هذه الجملة خلقت نوع من الانتقاد للبشير،ولكن ذلك بسبب الجهل،اصلا تمرد الجنوب بدا بانانيا1 ثم انانيا2،طبعا كلمة حشرة هذه لم يطلقها البشير من فراغ ،انما هى الاسم الذى اطلقته حركة التمرد على نفسها،كلمة انانيا تعنى الحشرة بلغة بعض قبائل الجنوب،تاكدوا من ذلك من جوجل
ياريس نرجو ان لاتكون القرارات على الهواء الطلق ولاتقل نحن مادايرين من الاولى تدرس رسوم العبور للبترول مع لجان متخصصة وتناقش مع لجان اخري فنية واقتصادية وهذه مصائر شعب حاضر واجيال قادمة وليس قرار حماسى من فرد يتحدث باسم الملايين .
ان شاء الله البشير ينفذ تهديدو فعلا و لايقبل مطلقا بتصدير جالون واحد من بترول الجنوب
و مايكون كلام انفعالى سرعان ما يتغير يتغير الاحداث
ناس الحركه الشعبيه قالو حيعملوا خط انابيب مع كينيا
يا يورونا شطارتم و يسعوا فى خطهم ده
الشمال مفروض يغلق امامهم بالضبه و المفتاح
هم صوتوا بنسبه فاقت 99% للانفصال
حان الوقت ليعرفوا نتيجة تصويتهم هذا
والله ياجماعة بقت المشكلة فى انوالواحد ما قادر يفرز البترول الطاهر من البترول النجس والخوف كل الخوف يكون البترول الفى عربيتك من النوع النجس وانت فى طريقك الى صلاة الجمعة ففى هذة الحالة يبقى فى شك كبير فى صلاتك الا اذا صليت فى مسجد الشهيدفانه جائز مع الاكراه اما اذا اقدمت على اى عمل وسيارتك تتحرك بهذة النجاسة فعليك كفارة اقلها ان تتبرع بسيارتك للجهاد فى سبيل التطهير اقصد الطهارة فانا فى رأى الشخصى يجب ان يضعوا علامة T وتعنى طاهر وعلامة N وتعنى نجس على طرمبات البترول فقط من اجل الانتباه وانشأ الله حكاية طاهر ونجس دى تقيف لحدى هنا