نرقص بخلاعه وفي بلادنا مجاعه !!!!
الحال المايل في البلد الهامل
نرقص بخلاعه وفي بلادنا مجاعه
بهلال مريخ
ساهمنا في فشل البلد وضياعا
أصحوا بالله بس يا جماعه
حتى ولو ساعه
وشوفوا الحاصل
واقيفوا مع أهلكم بشجاعه
بالدين الكاذب كم سوقنا بضاعه
ومنها اتحللنا في ساعه
أكلنا الشعب ضفادع وحمير
ونسينا شعارنا نزرع ونصنع للتعمير
بلدنا الكان خيرا كتير
راحت ضاعت والأمر خطير
أصحوا يا ناس من هذي الغفوه
وأبدا ما تقيفوا قريب الفجوه
أقيفوا مع أهلكم الما لاقيين حتى الدكوه
وأصبحوا يشكوا مر الشكوى
دا ما لاقي حق الكسره
وداك ما لاقي حق الحقنه
والسيل العارم كسر بيتنا جرفنا
وكلنا واقفين ضد الطغمه
نحن خلاص اتوحدنا
واسقاط النظام يبقى هدفنا
عشان نرجع تاني نبني بلدنا
حترجع كل الناس تتلما
ليبقى السودان فوق في القمه
ويرجع كل زول عالي الهمه
ونعمل بنشاط نزيل الغمه
ويرجع سودانا ونرجع زي ما كنا
ونفرح ونمرح عشان حققنا أملنا
مع تحيات منى خوجلي أحمد
[email][email protected][/email]
مني خوجلي بكثير من الاطلاع انت مشروع شاعر حلمنيش لا يشق لها غبار
يا سلام عليكي يا سلام
يامنى ، إن لم نستيقظ من غفوتنا سنبكى كالنساء وطناً لم نحميه كالرجال ، وهذا ما سيحدث سنبكى كالنساء ونولول، هذا الشعب يحتاج لأن يباد جميعه
مني خوجلي بكثير من الاطلاع انت مشروع شاعر حلمنيش لا يشق لها غبار
يا سلام عليكي يا سلام
يامنى ، إن لم نستيقظ من غفوتنا سنبكى كالنساء وطناً لم نحميه كالرجال ، وهذا ما سيحدث سنبكى كالنساء ونولول، هذا الشعب يحتاج لأن يباد جميعه
شكرا يا منى على هذه الخواطر المتواضعة والتى تدخل القلب بدون تأشيرة ورغم بساطتها فانها تعبر عن مشاعر حب الوطن الغالى