زوجة تقتل زوجها ضرباً بيد الفندك
أم درمان: مي:
شرعت شرطة قسم دار السلام أمس الاول في التحقيق مع الزوجة المتهمة بتهشيم رأس زوجها ضرباً بيد فندك داخل منزلهم بمنطقة دار السلام مربع «32» غرب سوق ليبيا، إثر نقاش حاد دار بينهما قبل يوم من الحادث، وسجلت الزوجة اعترافاً في يومية التحري بعد مواجهتها بمعلومات تؤكد تورطها في الجريمة. وتعود تفاصيل القضية إلى أن الزوجة عقب قتلها لزوجها ليلاً نامت قرب الجثة وفي الصباح أخطرت الجيران بأن لصوصاً سطوا على منزلهم ليلاً وقاموا بقتل زوجها ليتم الاتصال بالشرطة التي هرعت إلى مسرح الحادث وقامت بمعاينة الجثة ورفع البصمات من مسرح الجريمة وأحالت الجثة للمشرحة لمعرفة أسباب الوفاة، وقامت الشرطة بالتحري مع الزوجة التي أكدت أن اللصوص هم من قتلوا زوجها لكن أحد الشهود أكد للشرطة أن المجني عليه كان قد تناقش مع زوجته قبل يوم من الحادث ليتم مواجهة الزوجة بتلك المعلومات فانهارت وأقرت بارتكابها للجريمة في حق زوجها ليتم القبض عليها وتدوين بلاغ تحت المادة «031» من القانون الجنائي القتل العمد، وما زالت الشرطة تواصل الإجراءات اللازمة حيال القضية.
آخر لحظة
أنا مع الذين يشجعون زواج الاجنبيه على الاقل ما عندها فندك.
تصدقو ياجماعه بقيت اخاف من مرتي عديييييييييييل كده وانصح كل العذابا بعدم العرس تحياتي ( الخواااااااف)
النسوان ديل مالهم الأيام دي واقعين في الرجال قتل أمس واحده “بكوريك” على راسه وأول أمس بسكين على قلبه والليله بفندك الواحدي يعمل شنو مع مرتو؟ نعمل عملية نزع أسلحة الدمار السامل من البيت عشان نعيش؟؟؟
يا جماعة ورونا الحاصل شنو امس واحدة بالكوريك اليوم بيد الفندق مع انو يد الفندق لم تكون من الاسلحة الفتاكة الله يعين الواحد يكون عنده شغل فى الصباح والليل حراسة على روحة او يلم اسلحة الدمار الشامل عند الجيران
الحاصل شنو اليومين دول الحريم شايطه على الرجال قتل كل يوم الظاهر الرجال انتهو
سبحان الله الجرائم دى كلها فى دار السلام ……أل سلام ال……..
]دي ثقافة ادخلها المؤتمر الوطني ما سمعنا بهذه الاحداث في العقود السابقة
بس المؤتمرجية دايرين الرجال يكونوا مشغولين بقفة الملاح وهلوسة من انو المره
تقتلوا وشغلوا النسوان بانوا يباصروا الغداء ومذاكرة مع الاطفال بالمناهج الكثيره وهم يودوا اولادهم المدارس البريطانية وماليزيا وهكذا
واحد صاحبنا وقدامنا كمان زوجته فكت فيه مكوة فحم لو ما زاغ منها كان جابت اجله وبالمقابل رد صاحبنا بطلقة فورية لم تسمعها الزوجة من شدة الغضب ولكن سمعها كل الحضور فوقعت الطلقة بالشهود وما هكذا تدر الامور يا عالم هذه بيد الفندك وتلك بالمكوة وأخرى براجمات الصواريخ الخارجة من اللسان…حريم آخر زمن !!
قالوا في الخبر ان الولية هشمت رأس زوجها بالفندك ثم حولت الجثة للمشرحة لمعرفة اسباب الوفاة اكيد سبب الوفاة ملاريا
المره بس يجيب ليها اختها (ضرتها )تعيش معها في البيت وساوي بين الإنثنين في الحقوق والواجبات
ماتشوف الا الهنا زعيط ومعيط في بعض وانتا الحكم وسوط العنج في الطهر لي الاثنين لم يقولن كفى
اكيد تلاقيها متخرجة من الدفاع الشعبي وعاملين ليها غسيل مخ الجماعة ديل اقتل عدوك تدخل الجنة الله يرحم زوجها وهو من السابقين وهي سوف تكون من اللاحقين القلوب صارت كاحجارة او اشد قسوة الواحد فينا لمن يشوف ليه جنازة ماره ساكت تلاقيه جسمه كل بينتفض ما بالك ده قالت نامت جنبه الواحد فينا ما عارف الراجل منو من التاني ضغوط نفسية عاملة انفجار الله يعينا على بقرنا
يا اخوان النسوان قلبن مالن ما كانن شغالات قطع ساى الواحدة تقول ليها زحى من قدامى بس تخليك تشخر وتجيب سكينتها وجب تقطعوا من لغاليغو المهم الزول كان لحقو بعيش لكن ما يد الفندك دى ودق الكفتة ده الله يستر
نقص في التربية ثم فى التفاهم وفوارق في السن
أديها حبة منومة قبل ما تنوم وما بتجيك عوجة
الله يجازي الكان السبب كل يوم نشوف ونسمع
ونقرا مايشيب الراس تعيش كتير تشوف كتير ربنا يجيب العواقب سليمه
ياجماعه النسوان ديل يعملو ليهم شنو ؟