طالب بتوفير «200» مليون دولار..السيسي:وثيقة الدوحة في (مهب الريح) بسبب تلكؤ الحكومة

هل سيسي غبي ام يتغابى.
من وين يبجيبو ليك قروش ما حاله البلد باينه, ولا داير ليك مخارجات من العجين الركيتوا دا.
اسوأ شيئ السيسي افتكر نفسوا اذكى من الاخرين وجاء يجرب المجرب. خم وصر احنا انكوينا من انتهازيتك ومررارتنا انفقعت من زول كان مدخرنوا للكبيره. لكن تقاصرت الهمم وطلع ابجلمبوا ساكت

والله البلد مصيبته مصيبة ، داير 200 مليون دولار يعنى بالسودانى 950 مليار جنية؟ وهى الحرب مدورة وكل يوم حركة جديدة ونهب وسلب واغتيالات والسلاح منتشر – وبعد دا كلو داير تعمر – وكيف يكون فى تعمير والقلناهو دا كلو موجود – وطبعا بكرة يظهر واحد تانى ويعمل اتفاق ويقول داير قروش والساقية دى مدورة كدا لمتين – ويمكن يكون شغالين بالمثل القائل – دار ابوك كان خربت شيل منها شليه.

يا السيسى اوصف ليك درب مناوى بوين؟

حاضر يا السيسي سوف نوفر لك 200 مليون كما نفيد سيادكم بالحضور لاستلامها الاسبوع القادم وليس هناك ما يثير عضب معاليكم :

القائد العام للقوات المسلحة
رئيس الموتمر الوظني

لن يدفعوا لك 200 جنيه يا السيسي لأن جماعتنا ديل لا يرون إلا بالعين الشمال… داير تقعد زى مناوي زمان تاكل وتشرب وتفتتح المؤتمرات وتكورك مع الناس أقعد…داير ترجع الجامعة تدرس الطلبة أرجع …داير تتمرد براك عارف الدرب لملم باقي قواتك (كان أصلاً عندك قوات) وألحق الجماعة في كاودا وياهو القحة ولا صمة الخشم… قال ميتين مليون دولار قال أنت بتحلم ولا عندك حمى يا أبو السي.

ماقنا ليك
ورضيت براك
اهو دة العذاب
اتحملو

اخي دكتور التجاني سيسي من بداية المفاوضات اوضحنا لك ان الذي تقوم به خطا في خطا /؛ هؤلاء لا يؤمنون بالعهود ولاالمواثيق ؛ والان بنفسك جئت وشفت الحاصل اذن يجب عليك ان تلحق بالركب وتكشف الحقائق للعالم عن هذا النظام ؛ هذا هو الحل الوحيد يمكن ان يشفى لك اهل دارفور ؛ علما بان الاعتراف بالخطا فضيلة كبيرة وهو بمثابة توبة عند الله سبحانه وتعالي؛ وفقك الله يا اخي بما فيه الصلاح لاهلنا في دارفور

الجقر ما خلى حاجة للسيسي !!!

لكن الخوف من الكديس

قال مال التنمية ؟؟؟! هي لوالحكومه بتنقف على التنمية، كان ده حال البلد ؟؟! هذه نتيجة تجريب المجرب …! دوحتك هذه ولدت ميته فهل كنت لاتدري ؟؟؟

احنا ما قلنا ليكم زمان انو الاتفاقية دا عملوه في الخرطوم والديكور في الدوحة وبالتالي لا جدوي منه في الاساس هم ارادو بها اثارة النعرات القبلية واللعب علي الوقت لا غيره.

هم اصلا شايفنك زول يالسيسي! وكمان راجيهم يدوك 200 مليون وتحرمم من الضرب واللهط. عشم ابليس في الجنة امش شوف ليك شغلة تانية اخير

ياالسيسى المالاحق حقنة كاملة قلنا لك حينها لكنكم رفضت ووقعت الاتفاق المسما باتفاقية الدوحة يجيبو ليك قروش من وين هجيليج وتوقف انتاحها يعنى لازم يشحدو من شوارع الخرطوم باسم دعم المجاهدين ويدوك مرتبك وتغلق فمك شى محزن الحق اقوتك فى الجبهه الثورية لا الشغلانة قربت والنظام العنصري لايستجيب اليكم نحن شعب دارفور تركنا حقنا ماعايزينو حقنا نقاويه ونقلعو وما عايزين قروش من الشعب المسكين عايزين فقط دخول الخرطوم … نموزج ثوار ليبيا فى شوارع الخرطوم.

ياجماعة الخير سيسي لا يطالب من خزينة جمهورية السودان …سيسي يطالب من المال المودع باسم اتفاقية الدوحة والبالغ قدرها 2 مليار دولار والذي بموجب الاتفاقية يتم استلام 200مليون من المبلغ لمجابهة كل المخاطر الاولية لانفاذ الاتفاقية ومن حظه العاثر ان الكيزان اوقعوا نفسهم في حرب خاسرة الا وهي حرب هجليج المفروض على الشعب الفضل وبكم ان سلفا قد اقفل البلف لم يبق امامهم الا لهط المبلغ وهذا يعتبر خصما لاستقراردارفور ويذكرنا بحادثة طريق الانقاذ الغربي والتي مرت بنفس الظروف فقد تم صرف مبلغ الطريف في الحرب الدينية في الجنوب وراح الطريق شمار في مرقة وها هي الاحداث تتكرر مرة اخرى وبالملي والعبرة كيف لود دارفور ان يتعظ من هؤلاء الانجاس

هذا اتفاق ( الدوخة ) وليس الدوحة

يا السيسي متين مليون يجيبوها من وينو البترول بقى بالسيسي و أذا لقروش دي أدوك ليها

بالسيسي يا السيسي يكونوا ما قصروا و كان سكيتهم بيجيبوا ليك أم سيسي .

ليس الامر بسبب تلكؤ الحكومة… وانما الحال الاقتصادية التى تحاول دوا الاستكبار ان تفرضها على السودان

والله اخر زمن قالو جدا ماجلدك جر فوقو الشوك اسي كان قفلو لينا الحدود دي من زمان ماكان دا بحصل الكيني والتشادي واليوغندي ادخل اتعلمو في جامعاتنا واخشو الغابة وبعد شوية اشيلو السلاح واقولو عندنا قضية ومامعروف السودان سيدو منو زاتو خلاص قسموهو كيمان وانقعد فراجا

انتو ابقوا ناس اخره ساكت خلينا ليكم الحور ما تضايقونا فى الجكس