ضابط سوداني يقول انه ضرب أثناء أسره.. وجوبا تنفي
قال ضابط سوداني أطلق جنوب السودان سراحه الخميس 26/4/2012،انه و12 من زملائه تعرضوا للضرب والاهانة اثناء احتجازهم في الجنوب في احدث مؤشر على التوترات بين الجارين.
ونفى جنوب السودان بشدة اساءته معاملة 13 جنديا سودانيا أطلق سراحهم يوم الاربعاء بعد ان اسرهم اثناء قتال عند حقل نفط هجليج المتنازع عليه قبل اسبوعين.
وقال وزير الاعلام في جنوب السودان برنابا ماريال بنجامين حسبما ذكرت وكالة “رويترز”: “هذا غير صحيح. لم يتعرضوا للضرب. الحكومة (في الخرطوم) طلبت منهم أن يقولوا انهم ضربوا” مضيفا ان السودان مازال يحتجز سبعة أسرى على الاقل من جنوب السودان.
وسلم جنوب السودان الاسرى لمسؤولين مصريين نقلوهم الى القاهرة ومن هناك الى الخرطوم التي وصلوا اليها في وقت مبكر اليوم الخميس.
وكان الدبلوماسيون يأملون في ان يؤدي اطلاق سراحهم الى تهدئة التوترات بين الجارين اللذين خاضت قواتهما قتالا على الحدود استمر ثلاثة اسابيع والى عودتهما الى طاولة التفاوض.
وقال الملازم خالد حسن أحمد وهو طبيب في الجيش السوداني للصحفيين في مطار الخرطوم أنهم تعرضوا لكل أنواع الاهانات والضرب اثناء احتجازهم هناك.
وأضاف ان جنود جنوب السودان ومتمردي دارفور الذين يقاتلون في صفوفهم اسروهم في مستشفى هجليج قبل اسبوعين ثم نقلوهم من خلال مكان اخر الى بنتيو وهي بلدة نفطية جنوبية تبعد نحو 80 كيلومترا عن الحدود المتنازع عليها.
وقال ان السجناء وضعوا في حاوية خانقة وضيقة وكانت تقدم لهم وجبة واحدة في اليوم والقليل من الماء. وتابع انه يتحدث نيابة عن الجنود الاخرين الذين اطلق سراحهم.
واستطرد قائلا انهم انتقلوا من هناك الى جوبا جوا وانه تم تقييدهم داخل الطائرة وعندما وصلوا الى مطار جوبا قام أفراد من جيش جنوب السودان بفك القيود حتى يظهروا امام وسائل الاعلام كما لو كانوا لاقوا معاملة جيدة وفقا للمعاهدات الدولية التي تتعلق بمعاملة الاسرى.
وقال ان هذا لم يكن صحيحا، ولم تظهر على حسن أحمد أي علامات على اساءة المعاملة. وقالت اللجنة الدولية للصليب الاحمر انها قدمت للسودانيين اثناء احتجازهم أحذية وأبسطة وصابون وشبكات واقية من البعوض وسلمت رسائل الى عائلاتهم.
وقال حسن أحمد ان مقاتلي حركة العدل والمساواة -وهي جماعة متمردة في دارفور يتهمها السودان بالقتال الى جانب جيش جنوب السودان- هم المسؤولون عن معظم الضرب والاهانات التي تعرضوا لها بعد اعتقالهم.
وتنفي جوبا انها تدعم حركة العدل والمساواة أو جماعات متمردة اخرى تخطط للاطاحة بحكومة الخرطوم.
وقال السفير المصري لدى السودان عبد الغفار الديب انه يجب على الخرطوم الان ان تفرج عن جميع أسرى جنوب السودان. واضاف قائلا انه يحث على الافراج عنهم.
وقال الصوارمي خالد المتحدث باسم الجيش السوداني ان السودان يحتجز عددا من السجناء الجنوبيين الذين لاقوا معاملة وفقا للقانون الدولي. ولم يذكر عددهم أو ما اذا كان سيطلق سراحهم.
وأعلن جنوب السودان يوم الجمعة الانسحاب من هجليج اذعانا لضغوط من مجلس الامن التابع للامم المتحدة الذي خشي ان يتحول القتال الى حرب شاملة. واتهمت جوبا الخرطوم بقصف اراضي الجنوب عدة مرات منذ ذلك الحين.
dp-news
اولا حمدالله على السلامه انت و المعاك ثانيا مافى داعى للتصريحات السلبيه دى فبدلا من شكر الله اولا واخير الفكه اسركم و الصليب الاحمر و المصريين و حكومة الجنوب ،تفقتم تكيلون الاتهامات يمنتا ويسارا مما يوثر على الاسرى لديهم فى المستقبل و افضل شئ كان تنبذ الحرب وتدعو للسلام و السكين او فقط تسكت
عمك ما مسكوك الشرتيت وجاي تقول أساءوا معاملتك. عليك أمان الله لو كنت من الطرف الآخر ولموا فيك أولاد أحمد هارون ناس ما تجيبو حي كان أكلوك للطير. عالم ما بتختشي!
لم يسلبو ارادتنا
احمد ربنا انهم اطلقوا سراحك لانها دى زمان ماكانت بتحصل والناس فى الخرطوم بتخش بيوت اشباح وبتنضرب
ما يضربوك شنو يعني؟ انتو كانت مخابراتكم بتدق المسامير في رؤوس المدنيين الجنوبيين عشان يدوها معلومات عن تحركات الجيش الشعبي وكنتو بتحرقوا القرى كاملة بسكانها وشعاركم (ديك ما يطلع) هسة بقيتو تشكو من الضرب يا سفاحين يا منفذي الابادة الجماعية والتطهير العرقي
رئيسكم البشير نفسه مصنف من أخطر المجرمين الذين نفذوا ابادات جماعية في شعوبهم
يا ملة الكذب والنفاق والمتاجرة بالمقدسات
ضربك البلاء الياخدك انت وبشيرك وجيشك كله يا حثالة البشر
الجنوبين الماتو ديل ما انسحبوا ؟ وهل الاسرى ديل سلموا انفسهم للجيش ؟؟؟ والله بلوهم بل عدييييييييييييييل يا خونة
الضابط ده ما قال بعظمة لسانه واستشهد بآت قرآنية بانهم عوملوا معاملة انسانية ومازال شريط الفيديو موجود ..كيف انقلب مائة وثمانون درجة …لكن عودنا الكيزان الكذب رئيسك كذب على الشعب السوداني كله ومن باب طاعة الامير فعليك ان تقول ما شئت لكن التسجيل موجود.
انا متاكد انو الملايين البتستلمها مقابل تصريحك اكبر من المية دولار ومتاكد برضو انو الخرطوم وعصابتك بتوفر ليك اوضاع اقتصادية افضل بالذات بعد ما صرحت بتصريحاتك المدفوعة القيمة ، لكن مفترض تعرف انو زملائك فى الاسر من الجيش الشعبى ما بلقو ولو جزء يسير من المعاملة الاتوفرت ليك ومصيرهم واحد وعبر عنو هارون وتاريخ الانقاذ فى حرب الجنوب معروف بالتصفية لكل الاسرى ،، بس بستغرب لامن اكون متاكد انو ده كلو مفترض يتضاءل قدام روحك وحياتك النجح الجيش الشعبى فى الحفاظ عليها ويكفى انو ما فى ملامح تعذيب ظهرت فيك ولا فى زملائك الاسروهم معاك مع الاعتبار انو المدة القضيتوها قصيرة وكفيلة بانو تحافظ على شكل التعذيب البتتكلم عنو ده، ولو افترضنا صحة مزاعمك بالتعذيب الحصل ليكم طيب وين حفظ الجميل المتمثل فى عدم تصفيتكم؟؟ ووين كلمة الشكر فى المية دولار والشنط الظهرية والحمراء ؟؟ وطالما انت يا دكتور حريص على المعاملة الحسنة للاسرى رايك شنو فى كلام هارون ورايك شنو فى تعذيب اسرى العدل المساوة وهم اطفال قصر ،، وطبعا ده ماكان كلام سااااكت لانو موثق ومبث اسفريا وشوفناه فى اليوتيوب .. ختاما ( ان لم تقل ما جئت به لم ارتميت فى احضان هذه السدنة )
عليك الله حرام عليهم المفروض يفسحوك و يدوك راتب شهر و غريبه انه ما ظاهر عليه
آثار الضرب احمد ربك انك حي وهم بقوا احسن من البشير و اطلقوا سراح الاسرى
اهم شيء حكومة الانقاذ مايكونوا شالوا منكم الـ 100 دولار ولا خلوها ليكم .
شفنا ضرب السيدة الفاضلة نجلاء سيد احمد بالصورة ممكن تورينا ضربك بالصورة عشان نصدق
حتي ولو أساءوا ألمعاملة فهذه حرب ويكفي أنهم اطلقوا سراحك، مهما حدث مع كل مشاعر الكراهية هذه، فالحركة تستحق الشكر هنا. وحتي لا يتاثر أي أسير بمثل هذه التصريحات السلبية مستقبلا.
اولا هجليج ليست من المناطق المتنازه عليها كما ورد فى المقال ولا استبعد ممارسة قوات جنوب السودان التغزيب اذا كانت تقوم بنصفية خصومها
والله ناس الحركة ديل مقصرين كان يودوك تشوف ابودجانة وعلى عبد الفتاح .. لكن معليش المره الجايه. بالمناسبه خالد ده كوز ملتزم من ايام جامعة جوبا لمن كان بيجي الجامعة مسلح بي مسدس.الحسنة فى المنعول زى الشره فى القندول
والله والله والله لو الاخوة فى الشمال وصلوا هذه الدرجة من النفاق ونكران الجميل يكون السودان فى
حاجة لاستراد اناس مسلمين من الخارج ليعلمهم تعاليم الدين ( القران) .لان ما قاله هذا الضابط الاسير كله كذب نفاق نكران الجميل هم كانوا فى فندق بمثابة 5 نجوم الله يرحم السودان واهل السودان
انتو الجابو في الجزيره مش الحيوان دا
لمن قال الله قال و الرسول قال
ونحنا اخوان
بكره حا يعمل العماره التانيه و الحرمه معاها
احيييييييييييييييييييييييييييييييييييييييي
دكتور خالد اتقي الله في ما تقول الم يستقبلك زملائك الضباط الجنوبين من خريجي جامعة جوبا ويذهبو بك للميز تعيش معهم واخر ترطيبة الم تقول لهم بلسانك ان وضعك هنا احسن منهم بصرف النظر عن فعلتهم الخرقاء باحتلالهم هجليج والتي اغضبتنا كلناكان الافضل ان تقول الحقيقة وترد جميل معاملتهم وشكر الجميل من صفات المسلم اخس اخس اخسسسسسسسس
حرام عليك يا راجل من يصدق كلامك دة ملامح وشك كأنك جاي من شهر العسل و تقول تعرض لعزاب ما بتخاف ربك اخيرآ انا متأكد امنيين و كيزان هم الاجبروك علي زلك انا بعزرك.
لا حول و لا قوة الا بالله…خاف الله يا راجل..اين انت من الاسلام و تعاليمه..و ما زال العبد يتحرى الكذب حتى يكتب عند الله كذابا
والله
الكيزان منافقين
اطلاق سراح اسرى الجيش السوداني دليل اخر ان الجيش الشعبي يحترم المواثيق الدولية بشان الاسرى وقد فعله من قبل عندما اطلق ثلاثة الف اسير من ق ش م دون مقابل من الجيش الشعبي عقب اتفاقية السلام عام2005 ,لا نتوقع اطلاق سراح اسرى الجيش الشعبي لانهم يكونوا قد قتلوا في ظل وجود شعار ,,امسح اكسح قشو ماتجيبو حي,,الذى رفعه مجرم الحرب الاول احمد هارون
لو سمحتو البلقي الرابط بتاع الفيديو بتاع المراة البتسب فيهو البشير ينزلو ومشكور
Apparently, for some reasons, he has been forced or pushed to say what he said, but never mind , its war…Personally i can not blame him for this action..the good news for him and his family, he still a live in one peace
والله البسمعك تقول الكلام دا يموت من الدهشه الناس ديل جو اخدوك من بت ابوك م انت في حرب معهم انت شخصيا قائد معركه يا قاتل يا مقتول احمد الله انو فك اسركم واسأل الله ان يفك اسر الاسري الاخرين
ما تحترم نفسك ضربوك وخلوك عايش لبسوك واكلوك وادوك قروش وجابوك بالطائره لحد بيتكم انت فاكر نفسك شنو ورينا متين دولتك كان بيحترم اسري.
هههههههههههههههههههه
إستحى على دمك , أحمد الله إنك خرجت حى وحالتك تمام وصحتك ذى البمب
نحن نختلف مع حكومة دولة الجنوب وكذلك اننا في حالة حرب فكونوا يتم اطلاق سراح الذين احتجزوا فهذه بادرة طيبة وايجابية ربما تخرجنا من شبح الحرب بعد ان انفصل الجنوب بمحض ارادته علي حكومة الجنوب احترام العهود وعدم دعم متمردي النيل الازرق وجنوب كردفان لان اهل السودان تعاهدوا على حل مشاكلهم بطرق سلمية وكفاية احتراب لان بسبب هذه الحروب فقدنا جزء عزيز من الوطن
اولا حمد الله علي السلامه ونحن سعيدين برجوعك لارض الوطن سالم
تاني حاجه والله كلامك عن الجنوبين دا بخجل ياخ الناس ديل قبضوك وفكوك من غير ما يعذبوك واحمد الله انهم ما كتلوك بعدين شنو يعني 30في كوتنينر حسي انت في الجيش بتاعك دا ما قاعد يشيلوكم ميه نفر في لوري كان نسيت انشاالله تكون متذكر العيانيين البدبلوهم في السراير في نص مستشفي الخرطوم والرعايه الصحيه بالله انت دكتور وعارف البير وغطاها فماتتكلم عن الرعايه الصحيه لانو في ناس في نص العاصمه مالاقين رعايه وحالتهم مواطنيين يعني ما اسري حرب ذيك وعن المويه في ملايين السودانيين ما عنهم مويه ولا كهرباء لي يومنا دا وانت زعلان عشان ماادكوك مويه كفايه ووجبه واحده في اليوم دي في ناس بتمنوها وهم حريين وما اسري فمعني كلامك دا انو الاسير عند الجنوبيين عايش حياة احسن من عدد كبير من سكان الشمال واحسن من بعض سكان الخرطوم وبعديين لمن تتكلم عن الكذب والنفاق وتضليل وسائل الاعلام بتخيلي انك بتوصف الحكومه حقتك دي في الاول لانو دا بالضبط البتعملو انتو في الموتمر الوطني
.
والله الاختشوا ماتوا امسيكوكم وووووب يخلوكم,,,,,,,,, احي انا الاعلام السالب
ده ذكرنى فيلم النقاله جنب الصاله أللى شفناه بالألوان وكان بطولة نجم الآكشن سامى الحاج.
ونحن الآن نعيش مهرجان الفيلم الوطنى الكبير جوبا شلت نوم عينيى بطولة خالد حسن احمد…والفيلم برضو بالألوان ولنفس السيناريست والمخرج.
انا تمنيت من الضابط الذي يكذب ويتحرى الكذب ان يوجه رسالة لاحمد هارون ويقول له اسحب كلامك القلته في الجزيرة عن الاسرى ..امسح قشو اكسح ماتجيبو حي …وتقدم استقالتك وتستعد للمحاكمة لان اذا كان كل الناس عندهم نفس نزعتك الانتقامية ما كنا على قيد الحياة ونحرف الكلم عن مواضعه طبعا خوفا من آل حوش بنقا لان اذا حاولنا قول الحقيقة سوف لا نحصل على شق تمرة لان آل الانقاذ قست قلوبهم واصبحت كالحجارة بل اشد قسوة …
قال وزير الاعلام في جنوب السودان برنابا ماريال بنجامين حسبما ذكرت وكالة “رويترز”: “هذا غير صحيح. لم (يتعرضوا للضرب. الحكومة (في الخرطوم) طلبت منهم أن يقولوا انهم ضربوا” مضيفا ان السودان مازال يحتجز سبعة أسرى على الاقل من جنوب السودان.)
اذا تمت المحافظة علي هؤلاء الاسري لمقايضتهم باسراهم ولكن اعتقد ان الهدف الرئيس هو تغيير الصورة القبيحة التي رسمت لحكومة الجنوب امام المجتمع الدولي
طيب ياسيادة الوزير لو افترضنا كلامك صحيح والناس ديل مامورين ان يقولوا انكم عاملتوهم معاملة سيئة فهل التصوير ده وهو من تلفزيونكم ويظهر فيه جنودك وهم يجهزون ويقومون بتصفيه الاسري السودانيين فهل هوبرضوالحكومة السودانيه امرتكم بتصويره؟ وبالمناسبةالفلم مهدي للذين يقولون ان الجيش الشعبي لايسئ للاسري ونرجوا ان تفيدونا باراءكم والفلم
علي هذ الرابط:
http://www.youtube.com/verify_age?next_url=/watch%3Fv%3DboFrV5zynWA
او هذا الرابط
http://www.norigreen.com/vb/showthread.php?p=3313
وهناك اكثر من رابط اذا الرابطان لم يعملا معكم انسخوا هذه الجملة في محرك اليوتيوب وسيقودكم الي الفلم:
تلفزيون جنوب السودان يعرض تصوير للمعارك من هجليج
وللذين لم يتمكنوا من الدخول اليه الخص لكم ما فيه من المشاهد وهي:
1- الاجهاز الاول كان علي جندي سوداني وهو بين الموت والحياة ودمه يجري علي الارض
2- الاجهاز علي الثاني وكان مصاب في الشاحنه ولكنه حي فقالوا له انزل انزل وفي النهاية جروه من الشاحنه فسقط علي وجهه
او رقبته ولم يتحرك بعدها ابدا
3- الجندي الثالث يده كانت مكسورة او مجروحة وكانت ملفوفة بضمادات ومعلقة في رقبته بشريط شاش يعني كان مصاب وليس
وخارج الخدمة وليس في حالة قتال وربما يكون من الذين كانوا بمستشفي هجليج ومع ذلك اجهزوا عليه وتركوه مضرجا في دمه
4- الجندي الرابع كان مصاب وراقد علي ظهره فاتي االعسكري لجنوبي ببندقيته واجهز عليه باكثر من طلقة
لكم الرحمة ايها الشهداء الكرام والي جنات الخلد مع الصديقين والشهداء وحسن اولئك رفيقا فانتم في الجنه وهم في النار وما
اكرمها من شهاده وليس ميته
بالمناسبة كان هناك تصوير كامل للفلم ولكن تم حذفه وبقي هذا المختصر واتوقع ان يتم حذفه قريبا لحماية سمعة الجيش الشعبي
لذلك الحقوه والافضل تحملوه في كمبيوتراتكم قبل ما يتم محوه
بالمناسبة حاولت اكثر من 10 مرات رفع هذا التعليق وكل مرة اجد انهم رفضوه ولم يتم اعتماده ولا ادري لماذا وحت المرة الوحيد التي نزل معي نزلم منه نقطة فقط !! لكن ساظل مصرا علي انزاله حتي في اي مكان اخر او موقع اخر`
ياخي لو قبضك جهاز امن السودان حقنا كان جاب اجلك
بعدين انت زول مجاهد احسبو جهاد برضو
والله عيب عليك وخسارة زيك يكون ضابط فى الجيش السودانى وكمان كذاب ومنافق