حريق هائل يقضي على البيت الشامي بالطائف
الخرطوم: عيسى جديد:
التهمت النيران عصر أمس البيت الشامي للمأكولات بضاحية الرياض بالخرطوم، وقضت على معدات المحل، وقال شهود عيان لـ(آخر لحظة) أمس الأول إن الحريق شب في ماكينة الشواء نسبة لطبيعة لمواد البلاستيكية الموجودة داخل المحل، وامتدت ألسنة اللهب إلى داخله مما ساعد على القضاء على كافة المعدات وتمكنت شرطة الدفاع المدني من مكافحة النيران وحالت دون امتدادها للمباني المجاورة.
وأضاف شهود عيان أن الحريق لم يسبب خسائر في الأرواح، وأشادوا بسرعة استجابة شرطة الدفاع المدني التي خفت لمكان الحادث وسيطرت على الحريق.
من جهة أخرى سيطرت قوات الدفاع المدني على حريق شب عند الساعة الرابعة صباح أمس بمجمع تجاري بأبي سعد في عمارة من طابقين قرب محطة سراج.
وقال اللواء عبد الله عمر الحسن سلطان مدير الدفاع المدني ولاية الخرطوم، إن الحريق صاحبته انفجارات نتيجة لوجود عبوات من المواد الغذائية والعطور والمبيدات الحشرية، مؤكداً أن عربات الإطفاء تحركت لمكان الحادث فور تلقيها البلاغ، حيث تمت السيطرة على الحريق وعزل الفرن الآلي الذي يحتوي على كميات من اسطوانات الغاز بواسطة أربع عربات إطفاء، مشيراً إلى أن التحريات مستمرة للتعرف على ملابسات الحريق والتي قال إنها ترجع الى التماس كهربائي، بجانب حصر الخسائر
آخر لحظة
يا جماعة الحاصل شنو؟ امس مغلق فى الفتيحاب
خسائر بالمليارات وقبيلها فى الخرطوم واليوم البيت الشامى
يعنى بكرة نترقب شنو
كلو مال كيزان ومال سحت…الله في وبنتقم منهم..
الموضوع ده فيه مشكله ما حكاية حراق دي ثالث حريقه نسمعها في خلال اسبوع
المفروض يتم التحقيق في لموضوع بشكل اوسع و اغلبها في المحلات التجارية .
ههههههههههه، الله يضحككم، اول حاجه الحريقه كانت بالليل بعد ما انتهت كورة برشلونة وشيلسي في بطولة دوري ابطال اوربا، يعني ما العصر زي ما مكتوب هنا، وتاني حاجه دفاع مدني بتاع الساعه كم دا الكافح النيران وحال وانقذ الناس من اسطوانات اللهب، ياخ انا وصلت لقيت الحته كلها اتحرقت، والعمال بتاعين المحل قاعدين يطلعو في الاسطوانات، وبعد دا كلو قعدت اتفرج ربع ساعه حتى يادووووووووووووبك جات اول عربية مطافي، قال الدفاع المدني قال!!! عليكم الله ما ناقصين تعتيم علي الحقايق نحن!!
هل اصحاب الحق سئلو انفسهم يوم لمصدر اموالهم (راس المال )
اكيد دي حركات من اصحاب المحلات عشان ياخدو التامين
طبعا مافي حركة شراء والحال واقف والمحلات بتخسر بيقي احسن اعمل الفيلم دة واخد التامين وخلاص