مشعوذون بالخرطوم يحتالون على سعودي
الخرطوم: سلمى ادم: أوقفت الشرطة أمس، ثلاثة مشعوذين سودانيين بضاحية مايو جنوبي الخرطوم احتالوا موظف سعودي بمبلغ (95) ألف ريال سعودي و(13) الف جنيه سوداني نظير معالجة ابنة شقيقته من المس الشيطاني، وعلاج الموظف من عوارض العمل.
وعلمت (الصحافة) ان الدعوى تقدم بها سوداني كان وسيطا في عملية العلاج بين السعودي والمشعوذين، وأفاد في أقواله التى دونت بمحضر التحري أن صديقه السعودي طلب منه ان يبحث له عن شيخ في السودان لمعالجة ابنة شقيقته من المس الشيطاني ومعالجته من عوارض في العمل، وبعد البحث اخبره بأنه التقى بشخص ودله على شيخ «يخاف الله» ويعالج بالقرآن وتحصل على رقم هاتفه الجوال واعطى الرقم للسعودى الذي سارع على الفور بالاتصال بالشيخ المتهم الأول وقص له حكاية ابنة شقيقتة ومعاناتها من المس الشيطاني، والعوارض التي تواجهه في العمل.
وأكد الشيخ للسعودي مقدرته على العلاج شريطة أن يدفع له مبلغ 95 الف ريال سعودى لاستخراج الجن وحسب اتفاق ابرم بينهما ارسل مبلغ (19) الف ريال سعودى نقدا والباقي استلم على دفعات، اضافة الى مبلغ (13) الف جنية سوداني، لكن ابنة شقيقة السعودي لم تتحسن بل ازداد حالتها سوءا ليكتشف انه وقع ضحية احتيال.
واوضح الشاكي في البلاغ ان صديقه السعودي أوكله بتحريك دعوى جنائية فى مواجهة المتهمين، وعلى اثر البلاغ تحرك فريق من المباحث الى ضاحية مايو جنوب الخرطوم محل اقامة المشعوذين وتم القاء القبض عليهم واقتيدوا الى قسم شرطة الخرطوم شمال، وباستجوابهم اقروا بالتهمة الموجهة اليهم ووجهت لهم النيابة تهما تحت مواد الاشتراك الجنائي والاحتيال والمعاونة تمهيدا لتقديمهم للمحاكمة.
الصحافة
والله يستاهل السعودي
الحمد لله الامر تم فى السودان لو كان الامر دا تم في السعودية سوف يلحق الشيخ امهات طه
كان جابوك لينا يا الشيخ في ساحة الاعدام
والوسيط السوداني دا مسحة شنبو كم في الموضوع
القانون لا يحمى المغفلين.
سعوديين الوداهم مايو شنو وحقوا ناس الامن يقبضوا عليهم قبل المشعوذيين لانهم ناس حقراء يجروا وراء السراب والوهم والطمع ودر ما جمع
جهل مركب – يااخى لو قلت للجن بديك الف ريال اتخارج من البنت كان شال القروش ومشى شاف ليهو شغلة تانية – انت يالناجح تقوم تدفع 95 الف ريال لى دجال – والله فعلا القانون لا يحمى المغفلين
حسبيى الله ونعمة الوكيل
الخطأ كلو يقع على الرجل السودانى صديق السعودي، الشيوخ الصالحين البعالجوا بالقرآن و الدعاء لا يطلبون مبالغ مالية و لا غيرها من الأشياء على الاطلاق اذا أعطيتهم بعض المال بعد شفاء مريضك قبلوامنك الهدية و اذا ما أديتهم ما بطالبوك.
من أمن العقوبة أساء الادب … الموت للدجالين
السعودي يستأهل كل خير .
هو بالله السعودى ده وبت أختو دى لسة ما خلصو من موضوع الكلية اللى شالوها من طالب الجامعة وأدوها لي بت أختو دية يقوم توش من الزيتونة للفكى ده فى مايو…يعنى هو جايبة يعمل ليها عمرة كاملة فى السودان..وبعدين هو أصلو جايب معاهو قروش قدر شنو؟؟؟يعنى أدة الطالب اللى باع الكلية لبت أختة 150 مليون ومستشفى الزيتونه400 ألف ريال سعودى..والجراخ اشترى ليهو شقة فى دبى!!!والطالب أداهو شقة…بعد كل دة لسة باقى معاهو مصارى..وكيف ذاتو ناس الزيتونة يدوهو رقم الفكى ويقولو ليهو على ضمانتنا!!!!ليهو حق لأنو الجراح العمل العملية قال حنيت على الراجل لأنو لف الأردن وأفغانستان..يعنى بت أختك دى واضح انو حالته نفسيات من ضغط طالبان الكانو حارمنها مشية البقالة…السؤال هو كيف واحد سعودى يدخل أفغانستان ويجى الخرطوم..والجماعة هنا يقول ليك توبه من العملو فينا (الشيخ) وانخنا ضد الارهاب..هسع ياناس الزيتونه يعنى المريض أداكم أسراره والمفروض تحافظو عليها..مش تقومو تكتبو فى الجرايد انو السعودى دة كان فى أفغاتستان..يعنى ياناس السفارة السعودية نحن ضد الارهاب وتعالو استلمو زولكم ده بعد ماعدمناهو نفاخ النار…عالم ما عندها ذمة..ولا ولاء الا للبيز…!!!!!
ربنا يعوضك .
ياجماعة الراجل المسكين قروشو الظاهر راحت شمار فى مرقه , ناس النيابة ما بخافو الله
ونسأل الله الشفاء العاجل لأبن أخت الراجل من المس
أولاً : اخوانا السعوديين يثقون في اخوتهم السودانيين جداً ولا شك أن الدولة الوحيدة التي تضع مكانة خاصة واحترام خاص للسودانيين هي السعودية وهذا ما جعلنا نكن لهم كل حب وتقدير ، السعودية يوجد بها الان أكثر من 3 مليون سوداني يعملون يعولون أكثر من 10,0000 مليون شخص في السودان .. نحن لا نرضى ولا نقبل التجاوز عليهم ، فيجب أن تكون التعليقات منصبة حول القصة والفخ الذي وقعوا فيه كأي شخص ..
يا ناس والله ما عارفين السعوديين ديل بحترمونا كيف وماتتخيلو بحبونا كيف وبيثقو فينا لي اي درجة..لي شقيق يعمل في شركة سعودية عقارية عملاقة شراكة بين رأس مالية سعودية وكويتية هذه الشركة فقط بها في الإدارة المالية مالايقل عن خمسين سوداني وحتي فروعها الخارجية يرسلو لها السودانيين …يا اخوانا ما نحنا الناس البنعضي اليد البتساعدنا..
هسي الدجال ده اكيد اغتصب البنت و فعل المزيدزورا وبهتانا باسم الدين و نقول للاخ السعودي اين انت من الرقية الشرعية
تلقاهو من أول مرة قال للدجال آآآآآآآآآآآآآآآي يازول
الله يشفيهو وبت أختو لكن خليهم يخلو التريقة بتاعتهم دي وما يستغشمو السودانيين من طرف.
والله شئ محزن ومخجل لأنو دي ما أخلاقنا وأكيد الدجال ما سوداني وتلقاهو حاصل على الجنسية السايبة. وقالو السايبة بتعلم السرقة.
يجب محاكمة الدجالين والوسيط ، وإسترداد حق السعودي كاملاً غير منقوص ، فهذه الدولة لها أيادي بيضاء على السودان ولاينكر ذلك إلا مكابر وبه مرض ،،، فالسعودية دولة تحترم السودانيين جداً وتتعامل معهم كابناء الوطن ، ولايعني وجود شواذ في البلدين أننا ننكر جمائلهم علينا .
ولا لا للدجالين والمشعوذين الفاسدين ..!!
دا كلو بسبب عمر البشير ما قال السودانيين هم اهل القراءن وبيطلعطو دي في التلفزيون القومي ويرقص وينطط ويذكر اسم الله كل مرة والله اكبر ووووو كيف ما يخلي السعودي يصدق ان السودانيين بيعالجو بالقراءن وانو هم صادقين في كل حاجة , فعلا الجهل مصيبة.
الدجال والشعوذه والعيازه بالله منهما يابلد ليك الله في سودانا الدجالين اأمه للمسجاد والله دي من علامات الساعه كثرت الدجالون