نشوى مصطفى : «مبسوطة خااااالص من الشعب السوداني»
الخرطوم ? أبوبكر مختار، مناهل يوسف
قبل أن تحل النجمة المصرية نشوى مصطفى بالخرطوم بدعوة من دار شيشر لتأهيل المعاقين، كان تفكيرها منصباً على ما حذرت منه مراراً وتكراراً (ارتفاع درجة حرارة الطقس)، لكنها فوجئت بارتفاع حرارة الاستقبال ودفء المحبة التي يكنها أعلى الوادي لأسفله، قبل أن تتفاجأ أكثر وأكثر بأن البلدين يتقاسمان نفس الملامح ويحتكم شعباهما لنفس الصفات.
عندما التقيناها عاجلناها بسؤال مباغت عن انطباعها تجاه السودان، فجاءت إجابتها وكأنها صدى للسؤال: «مبسوطة خااااالص من الشعب السوداني… ما فيش فرق بين السودان ومصر». ولأنها جاءت من بلاد توصف بأنها هبة النيل آثرت نشوى الذهاب إلى مقرن النيلين وهي تتفحص طبيعته الخلابة. وعن زملائها السودانيين قالت إن الفن السوداني «كويس» فقط ينقصه الإعلام الذي ينشره للعالم. وحثت الفنانين السودانيين لإخراج الفن السوداني من المحلية للعالمية بوصفه من أفضل الفنون على المستوى العربي، ودللت على ذلك بأن كثيراً من المطربين السودانيين لهم محبة خاصة في مصر.
ودون أدنى انحياز لفرضية الجندر أبدت إعجابها الشديد بالفنانة السودانية فائزة عمسيب وشخصيتها، من واقع مشاهدتها لها في فيلم (عرق البلح) دون أن تلتقيها على الواقع، وكمن تترافع عن الفن السوداني قالت نشوى إن الممثل السوداني يجيد الأدوار باحترافية وفن، لكنها أبدت حسرتها على ما سمعته من أن المسارح في السودان لا تجد اهتماماً من المسؤولين. وعن المخرج السوداني سعيد حامد اختزلت شهادتها المجروحة بعوامل الحب: «سعيد بارع وزي ما هو ابنكم نحن أخونا وهو امتداد لحضارة وادي النيل».
نشوى لم يقدر لها تناول وجبة سودانية شعبية رغماً عما سمعته من أن السودانيات بارعات في طهي الطعام، وأبدت نهمها في تناول العصيدة في زياراتها القادمة للأرض التي قالت إن الإعلام المصري ظلمها بعد مباراة مصر والجزائر الشهيرة، واستشهدت بما نقله لها الفنان محمد رياض من أنه كان تحت ضيافة حاتمية من أسرة سودانية منذ وصوله للخرطوم وحتى وداعه في المطار دون أي مقابل غير ذاك الهيام.
عندما أتحنا لنشوى فرصة إرسال برقية لجمهورها في السودان هنأت المصريين قبل السودانيين بتحرير هجليج وأردفت مازحة: «جيتنا خير على السودان».
(تحيا مصر) هي العبارة التي حملتها ما وسعها من وله وأمنيات عندما سألناها عن الثورة المصرية في ختام مقابلتنا لها وزيارتها إلى السودان وهي في طريقها لمواصلة ثورتها من الجانب الذي يليها
الاهرام اليوم
الشعب السودانى زى القرود ,, واحده فنطوطه زى دى تقول إنها مبسوطه من الشعب السودانى, الناس تقوم تفرح وتنبسط ,, وكمان تكتب الكلام ده فى الجرائد,, والله حاجه عجيبه ,, والله العظيم أنا فى السعوديه المكوجى بتاع الملابس الشغال معاى فى البيت ,, هندى الجنسيه ,, لوكان فى السودان كان قلتوا ليهو يا خواجه ,,سبحان الله , والبغسل السياره بنقلاديشى ,, عندكم فى السودان يقدل زى شامى كابور , وكمان البنات بيتغزلن فيهو ,, يا ناس بالله عليكم ,, أدوا نفسكم وضعها ,, وسيبكم من الكبكبه بتاعتكم دى , أى واحد أبيض وشعره ناعم ,, يبقى خواجه ,, والله الناس ديل هنا ملطشه
شكرا نشوى والكلام مهدى لابراهيم حجازى وغيره وفعلا الشعب السودان واعي وفاهم ومثقف فقط تنقصه القيادة السياسية الرشيدة
الظاهر عليها تذوقت العجور والخيار السوداني ؟؟
لا تجونا و لا نجيكم ، انا شخصيا اعتقد انو الحبش افضل مليون مرة من اي جزمة مصرية ، انتي منو زاتو عشان تحكمي علي الشعب السوداني ، لكن العيب في اعلامنا المتملق الساكيها عند المصريين
كويس انك جيتي هجليج لو ما جيتك ما كانت اتحررت .ممكن تزوري حلايب معاك
ماعندكم موضوع ..أسألتكم بايخة ومكررة وعابسة زي وجوهكم ابوبكر ونهلة اسي دا كلام يتشر يا صحيفيين الغفلة
رد في التنك يا مصعب لا فض فوك
ما عندى تعليق على الموضوع لكن بس اسئلة انطباعك شنو عن السودان و رايك فى الاكل السودانى شنو …..الاسئلة دى استهلكت شديد وبايخة …… الحاجة الدايرة اعلق عليها مع احترامى للجميع لكن المفترض التعليقات تكون محترمة لانها بالجد بتعكس شخصية صاحبها .
احي من فقع المرارة
نحن السودانيين خصوصا الاعلاميين عندنا مشكلة كانها احساس بالنقص .يعني اي واحد يجي زائر نسالووا رايك في السودان شنو؟ يعني كانما نطلب مدحه لنا ولو كان تلميذ قال السودان حلو وجميل وناسو طيبة نبسط ونفرح اها ده اسموهو شنو ؟
دي منو الفاشله دي حتى تقول رايها فينا
ماعندها اي بصمه فنيه غير انها البنت البايره مستخفة الروح
و الله كل ما يفشل قرد او قرده يجينا يتنططو لينا
هزلت
هانت الزلابيه
شكرا الفنانة نشوى على ذوقك واحترامك وتقديرك للشعب السوداني ،،،،،،،،،،، والناس كلها امة واحدة لولا الحدود والطباع والحب والكراهية والالوان واختلاف اللغات واللهجات والاديان ،،،،، شكرا يا نشوى يا عسل ،،،،،،،،،
علللللللللللللللللللللللللللللللليكم الله بطلوا السؤال السمممممممممممممج بتاعكم ده: ايه انطباعكم عن السودان. قرفتوووووووووووووووووونا الله يقرفكم ..انتوا السودانيين ايه انطباعكم عن السودان جاوبوا عشان تعرفوا راي الناس بصراحة؟؟؟؟؟
كسرة: نشوي دي مش برضو كانت بتردح ايام مباراة الجزائر؟؟؟؟
من تكون نشوى مصطفى هذة وبعدين هذة المخلوقة كانت تسب وتلعن فى السودان مع ابراهيم حجازى والعفن محمد فؤاد بعد مباراة مصر والجزائر فى السودان يا جماعة الخير هل نسينا بسرعة اساءة هذة المخلوقة الى بلدنا السودن مفروض تكون فى الخانة السوداء وبعدين هذة ليست نجمة شباك فى مصر تطلع فى ادوار درجة ثانية طبعا الناس الهبلة عندنا سوف يعملون لها مؤتمر صحفى وسيارة تكون مرافقة لها وأفخم فندق سبحان اللة هؤلاء المصريين لا أحد يعبرهم فى الدول العربية سؤال حصل فى يوم من الايام ان اى احد فى مصر اهتم بوصول اى فنان سودانى كما نفعل فى السودان فعلا كما يقول علينا المصريين احنا شعب طيب هل تفهمون معنى هذة الكلمة الخبيثة التى يقولها علينا المصريين
عندما التقيناها عاجلناها بسؤال مباغت عن انطباعها تجاه السودان؟؟؟؟؟؟؟
سؤال عبيط ومكرر وممجوج دعوا من في قلبه حب وإعجاب أن يعبر عن نفسه ويبادر هو دون استجداء!!
الله يصلح حالكم يارب
السؤال المكرر دائما للضيوف في حالة الزيارة للسودان ماهو رايك في السودانيين ؟ هل السودان أعجبكم؟ وماهو رايك في الاكلات السودانيةومن شاكلة هذة الاسئلة البايخة وأتمني من كل وسائل الاعلام البحث عن طرق تانية لسؤال الضيف للتعبير عنها
غياب الاحترافيه فى اللقاءت وكان من الافضل ان تكون اسئله فى الصميم
وانا والله العظيم لو كنت مسؤل لكنت منعت اى فنان او ممثل واو ناقد رياضى او اعلامى مصرى تخطى حدوده وسب وشتم السودان الذى اكرمه وقدم اليه كل سبل الراحه من المطار الى المطاعم الى الفلل الى الاستاد
كل الاعلاميين والقياديين الرياضيين هم سبب الاهانات التى تاتى الى السودان يكفى عندما طلب من الزمالك المصرى للمبارة وديه مع فرق القمه طلب 100الف دولار غير الطيران والاقامه والاعاشه تقولوا برضوا وداى النيييييييييييييييييييييييييل
المصريين ديل شعب بكسر تلج بالطريقه الصاح .. دى بتكون وصلت مطار القاهره كده( اااااه الارف ده يا ولا يا حماده … مودينى السودان عايز تاتلنى يا ولا .. طب ودينى انا مش سايباك )……. قومى لفى واضربى ليك كبايه عرق سوس .. حركاتكم دى ما بتمشى فينا ..
صراحة نحن شعب ساذج في اغلب الاحيان . الاجنبي اذا ما اتعز عندنا , تاني حياته كلها مايضوق فيها عز.ياصحافةادوا كل انسان حجمه الطبيعي بدون تقديس , بدون انتقاص وبلا انبهار……..
داير اعرف البت دى البرلمان وافق على زيارته ولاجبتوها تهريب ؟
اهلا وسهلا يانشــــــــــــوي ..صاحبت ملف التمثيل المتزن النظيف ..بين محبيك السوادنة …
والله نحنا اكتر شعب سسسسسسسسسساذج وعبيط بلا نشوا بلا قرف بس اي واحد اجنبي يجي البلد دةويكون شهره سبيبي ولونه فاتح شوية يلمه فيهم ناس الاعلام العبطة ديل – اكلته عصيدة شربته حلو زفت والقريبة لوفات اي واحد مننا لبلادانهم ولو علي مستوى الرئاسة مافي حد بهببه ليهم بس نحنا نعرف للجقلبة والكبكب لو جا حتت اي واحد منهم حتى ولوكان في بلده نكره
شباب والله انا عندى احساس المصررررين بضحكووو علينا بالعربى الفصيح
احساس السودانيين بالدونيةوالاعلام السوداني للاسف ساهم فى تجزير هذه المشكلة
والسؤال الغبي الزي يسئل لكل زائر الى السودان من زوي اللون الابيض ما رايك فى السودان
انطباعك السودانيين
ونعمل ليهو قومة وقعدةحتى لو كان فى بلدههو خفير مع اترامي لكل من يعمل في المهنه الشريغة
ايها القوم اعرفو قدر انفسكم
كان انبسطى ولا ما انبسطى كلووووو ستة ,,,, نحن شعب طيــــــــــــــــــــــــــــب وسااااااااااذج لانو بعمل هيلمااانة لاى زوووول لونه فاتح سبحان الله لانهم مامقتنعين بلونهم الاصلى غايتو الله يكون فى عون الشعب السودانى
انا عايز اعرف المشكلة وين ؟ كل المعلقين اتعاملوا مع الموضوع بفهم ضيق جدا …كل الحكاية انو في نجمة افلام مصرية مشهورة زارت السودان … واجري معها لقاء صحفي و طبيعي جدا انو لو جاك ضيف في البيت اكيد ح تكون قلق جدا و بتحاول ان يطلع منك مبسوط ومرتاح حتى لا تشعر بالتقصير … وعلى هذا الاساس كانت اسئلة المحرر باعتباره سيد بيت … وين المشكلة طيب ؟ واي واحد اتناول الموضوع من زاوية ابيض واسود يراجع نفسو .. والله نحن اكتر شعب واثق من نفسو وبيحب وبيعتد بنفسو …وما عندنا شغلها بالوان الشعوب ابيض احمر اسود اصفر ما بتهمنا …نحن لونا مختلف وصفاتنا مختلفة ولا ننتمي لأي عرق لا افريقي ولا عربي …نحن امة سودانية تقع في محيط جغرافي يقبل مننا ان نكون ما نشاء …يعني نقعد نقوم على كيفنا ….
المشكلة يا اخوان اانو بلدنا معفنةووسخانةوزبالة عديل والله والله تخجل عديل.
قلتي شنو
الشريف مبسوط مني
و الله البنت دي عسل و دمها خفيف