توقيف شاب تبدى في هيئة المهدي وادعى المعجزات

والله الزمن ده فى السودان كل شئ جائز , فى يوم كنت أمشى فإذا أرى لافته منصوبه بالشارع العام ومكتوب عليها فلان الفلانى , لعلاج البواسير والفكك ,., وحاجات عجيبة كده بيعالجها ,, وفى النهايه كاتب ,, كما يوجد علاج للحمير !!! أى والله العظيم , وكاتب رقم جواله ,, ماقلت ليكم البلد بقت هامله عديل لاحول ولاقوة الابالله

حرام عليكم هل إدعاء المهدية ردة؟

طيب الصادق المهدي يقول في جده شنو ما برضو إدعى المهدية حاكموهو غيابياً وحاكمو الصادق المهدي وكل شخص يعتقد هذا الإعتقاد الباااااااااااااطل

والله هي النهاية اولا يعلم هولاء الشباب ان للمهدي شروط للظهور ولا بس موجة شهرة ولا هناك مس ضرب الشباب نتيجة للاستياء من الوضع الاقتصادي والسياسي المتردي للبلد ان ما يحدث لابد من تفحصه من جوانب عده حتي نتلمس السبب الاساسي لحدوث كل هذا التفلت والشباب هو اساس الامم رفقا بالشباب ونامل النظر لحاله بعين الاعتبار فالبطالة والحالة الاقتصادية المتردية تعمل بالعقول العمايل الا ما رحم ربي . انا لا استغرب في خضم ما يحدث ان يخرج اخر ويدعي انه المسيخ الدجال لينال شئ من الشهرة او يقضي نحبه علي يد متفلت وفي كلي الحالين يكون قد استراح من اسباب دعته الي ان يفعل ما فعل …….. علي اهل السلطة والرائ ان يلتفتوا لشبابنا اليوم فهو شريحة كبيرة وضربت به السياسات المتعاقبه عرض الحائط لزمان طويل وان لم نقف وقفة حق لنري الاسباب غدا سنندم علي الخسارة الكبيرة التي تنال مننا بايدينا لا بايدي العدوا والويل كل الويل ان فقط مررنا امام هذه الاحداث مرور الكرام فغدا سيكون الواقع امر مما نحن فيه اليوم ان لم نعالج الاسباب ……

وكسرة بكسرة وزيرنا الهمام ……….. الراجل ده تلاقيه شرب لالوب مخمر ولا ايه ؟

طيب ماتخش علي القصر الجمهوري طوالي بالسيف البوديك جامع مصطفي الامين شنو علي الاقل الشعب وقف معك من مهدي تبقي ثوري

وباستجواب الشرطة للشاب، افاد بأنه المهدي المنتظر وله معجزات ودون بلاغ فى مواجهته تحت المادة (26) من القانون الجنائي المتعلقة بالردة، وامر رئيس القسم بإحالته للكشف الطبي للتأكد من قواه العقلية.
طيب الرجل ادعى أنه المهدي المنتظر ايه دخل الردة بالادعاء قوانين غريبة هل ترى هذه قوانين الشرعية الاسلامية للانقاذ

يا جماعة الجوع بعمل أكتر من كدا … الشاب ده أكون خريج جامعة و عاطل و مالاقي البيأكلها … بعدين اول مرة اسمع بأنوا إدعاء المهدوية ردة شريعة الكيزان دي كيف

الاحباط وعدم الموضوع والجوع والفلس بسوووووى العجائب

ردة شنو يا جماعه . هذا مريض نفسي وهذه الحاله تتكرر كثير جدا

علاييق تك شغل تك تشدير تك شتتوا بدل كل يوم واحد طالع لينا بي وهمه علي اليمين الكيزان العملواوالحايعملو بكره ياما حنشوف قال رده قال

قالوا في السودان اما فنان او مادح او مجنون ولكن ان تكون المهدي بذاته قد بعث من جديد فهذه آخر النوادر وباب الاجتهاد مفتوح في الزمن الكتر