أخبار السودان

فرص عمل بليبيا تقود إلى اشتباكات في نقابة الأطباء

الخرطوم – نهال خالد، عوضية سليمان

كشفت مصادر طبية بنقابة الأطباء عن خلافات واشتباكات نتيجة لفوضى أعقبت الإعلان عن فرص عمل لكوادر طبية بليبيا. وأشارت المصادر إلى إيقاف اللجنة المنظمة لإجراءات العمل قبل اكتماله بحجة نفاد الفرص ما أدى إلى احتجاجات للكوادر المتقدمة بزعم عدم الشفافية والمحسوبية.

وقال العاجب يوسف (ممرض) إنه ظل موجودا بالنقابة منذ أكثر من ثلاثة أيام دون جدوى للظفر بإحدى الفرص مشيرا إلى تضارب في الأقوال بين اللجنة السودانية المنظمة واللجنة الليبية، وقال إن الأولى أعلنت اكتمال العدد المطلوب (500) كادر طبي فيما تؤكد اللجنة الليبية أنهم تابعون لجنوب ليبيا بينما سيأتي وفد آخر ينتظر وصوله الخرطوم صباح اليوم لاستقدام عدد آخر من الكوادر للعمل في شمال ليبيا. بدوره ذكر الطبيب (م) في إفادته لـ (الأهرام اليوم) أن الإغراءات في العروض المقدمة دفعت بالآلاف من الكوادر الطبية المؤهلة من أطباء واختصاصيين وممرضين وقابلات للتقديم، وعزا التدافع والخلافات إلى عدم توفر الوظائف المجزية لهذه الشريحة من الكوادر في السودان

الاهرام اليوم

تعليق واحد

  1. أنتظرونا الجاي احلي ….بعد شويه البشير نفسه بفتش ليهو فيزه عشان يتخارج من الوضع هناك

  2. لا حول ولا قوة الا بالله ……. يعني حا نخلي البلد … فاضية الا من العفين وامثاله

  3. طبيب الامتياز السعودى يتقاضى 9000 ريال ونائب الاخصائى فى السودان 450 جنيه بالجديد والسبب من يحكمون الوطن العزيز لا يستطيعون معالجة مشكلة صغيرة بين طفلين فى روضة على الشارع
    كل القرى والحضر والبوادى والنساء فى بلدى تعرف من هم الجبهجية

  4. يا جماعة انا واحد من الأطباء القدمو لي ليبيا …. بصراحة التقديم كان فيهو نوع من الفوضى المبالغ فيها و السبب ناس إتحاد الأطباء المسؤلين من التنظيم…. و الزاد الحكاية زيادة إنو في كلام عن إنقاص المرتبات المعروضة من ناس ليبيا بمعدل النص أو اكتر بطلب من وزارة الصحة السودانية بمزاعم إنو المرتبات الكانو جايين بيها ما حتخلي طبيب واحد قاعد في البلد

  5. قبل كده الوزير الصحةالاتحادي قال مافي اي مشكله في نقص الكوادر الطبية وبتاع الماليه قال ده جزء من الصادر السوداني بالاضافه للنبق .

  6. يعنى حتفضل الكوادر تهاجر الى الخارج
    يعنى حيفضل العسكر واذنابهم يكنزون ما يزيد عن عن 50 مليار دولار تستثمر خارج البلد
    الكيذان لا يشبعون فالكوز الذى يملك عجله عايز موتر والعندو موتر عايز عربيه الى ان تصل الى سويسرا و ماليزيا ودول الخليج اماكن استثمار المال الحرام من عرق الغلابة
    العسكر سيبقون ما بقي الشعب صامتا على قذارتهم وفسادهم
    وسيبقى العسكر ما بقى الصادق المهدى
    سيبقى العسكر ما دام الطائفية تؤهل ابنائها فى السلك العسكرى
    ولكن علينا تغير الخرطوم وتكوين عاصمة فيدرالية وخمسة عواصم كبيرة للاقاليم تتمتع بصلاحيات تتخلص بها من سفاهة تجار وعسكر الخرطوم

  7. أنا طبيب مختبر ..خريج مختبرات طبية جامعة الخرطوم…بشتغل في تلاتة مختبرات (18 ساعة في اليوم) و في النهاية اخر الشهر المحصلة لا تزيد عن 2000 جنيه ..في حين أنو في بعض زملائي في المملكة العربية السعودية بيشتغلو 8 ساعات في اليوم و يتقاضون في الشهر ما يعادل 6000 جنية و سكن مجان و عربية…و عندي زملاني في الثانوي كانو طيش الدفعة لكن هسة ضباط في الامن و الجيش لكن هسة ما شاء الله اللهم لا حسد ….أها بعد دة القاعدين ليها شنو؟؟؟؟ بلد خربانة

  8. …هذا سوق جديد وقريب وواعد بالنسبة للسودانيين ,وسوق منفتح على كل الاستثمارات الغربية والشرقية,وسيكون اضخم واجدى وانفع لنا من الخليج الذى فقد بريقه,ليس للافراد بل للدولة نفسها,ونرجو ان تكون واعية لذلك ممثلة فى زراعها جهاز المغتربين, التى يجب عليها من الان ربط السودان بالطريق البرى وفتح خط طيران مباشر, بعد ان كان سوقا منغلقا ومنكفى على الداخل لسياسةالنظام السابق ,والانغلاق الدائم لسوقنا بالداخل لاسباب معروفة,ولكن يجب الحذر من العدو الاول لسوق العمل السودانى فى الخارج وتشويه سمعة الفرد السودانى , وانتم تعرفونهم جيدا..!!

  9. والله تستاااااااااااااااااااااااااهلوا يالنسوان يعملو فيكم اكتر من كده والضحك شرطنى ياشعب ياجبان

  10. الاطباء فى السودان مهضومى الحقوق.. كيف لعسكرى نفر فى جهاز امن البشير ان يتقاض مرتب ثلاثة اضعاف مرتب الطبيب وقد يكون حاصل على مجرد شهادة سودانية… الاطباء الان فى السودان يبحثون عن حكومات تنصفهم فهم فى المملكة يتقاضون ما يعادل ستة عشر اضعاف مرتبهم فى السودان وفى الامارات قد يصل مرتب الطبيب الى خمسين ضعف مرتبه داخل السودان ولا ابالغ… لله در المثقفين والمتعلمين والطامحين فى بلادى… والاهى ينتقم من الكيزان

  11. يـا دكـاتـرة ويـا مـمـرضـيـن بـطـلـوا الـعـوارة لـيـبـيـا بـتـاعـت شـنـوا … !!
    أعـمـلـوا زي مـمـرض مـسـتـشـفـى الـعـزازي …. جـيـبـوا لـيـكـم سـرايـر وإنـشـاء الله عـنـاقـريـب وأجـروهـا بـالـلـيـلـة الـواحـدة الـسـريـر ب 150 ألـف … قـال لـيـبـيـا …

  12. بعد شويه البلد زاته ماعايزه دكاتره لانو ما حايفضل ناس علشان يمرضوالانو الناس التعبانه طالعين مخلينها للكيزان بس وهن مرطبين وما بمرضوا

  13. والله ربنا يستر كل الكوادر المؤهله هاجرت بعد شويه ح يخلو الكيزان ديل بدل يعالجو المريض يدوهو حصه جهاديه

  14. للعلم معظم الدكاترة السودانيين البعملوا مقابلات فى الخارج للعمل بيسقطوا إما لعدم الإلمام باللغة الإنجليزية أو للمظهر العام. طبعا حاتقولوا الكلام دا كذب لكن دا الحاصل

  15. بلد بقت طاردة والطبيب غير مقيم فى بلده ؟
    الهجره ومستقبل عياله وتكوين نفسه حق واجب والنظام لا يبالى بمن هاجر او قعد الكل سيان والاهتمام بمن هم ينتمون للسجم الوطنى ؟

  16. ليبيا فتحت ,,المشكلة انو الليبين يقولوا دايرين اساتذة جامعات ,,عندها لن تجد الجامعات السودانية من يدرس فيها خصوصا ان عدد الاساتذة الجامعيين قليل جدا مقارنة بعدد جامعات ثورة التأليم العالي

  17. والله الليبيين ديل ما عندهم اى حق يعنى هم ما عنهم فكره عن الطريقه البتدير بيها وزاراتنا شغلها من محسوبيه و قرف و عدم نزاهه و لا ما قاعد يشوفو السعوديين و باقى الخليجييين اكان عايزيين اطباء و لا مهندسين و لا معلمين و لا غيرو بجو براهم و بعملو معايناتهم فى اى حته و يشيلو ناسهم بمنتهى السهوله و الوضوح ………و على كل حال طلب الرزق و السعى ليهو اينما كان مطلوب و بلدنا دى و الله مافيها رزق لاخوانا و اخواتنا البادييين حياتهم و شكلو كده مافى امل قريب …..لا يوجد من لا يحب البقاء بوطنه لكننا شعب اجبر على التهجير و سنعيش حياتنا كيفما اتفق وسننام ملء عيوننا لاننا لم نكن يوما جزءا من جريمة قتل وطن جميل كان اسمه السودان و ستبقون رغم اموالكم وسلطتكم تناوش الوساوس و الهلاوس نومكم من شر منقلبكم بما فعلتم بنا……ان بلاد الله واسعه لكل طالب رزق و ان الارض ستضيق عليكم بما رحبت ان جاءت ساعة الحساب و تحسبونه بعيدا و نرى عدل الله قريبا وللاوطان فى دم كل حر يد سلفت و دين مستحق…………..

  18. والله احسن يسافروا لآنه والله الدكاترة هسع اشطر منهم ممرض قديم بالله خلينا من خريجين جامعة ……………وجامعات عمرنا ما سمعنا انها بتأهل دكاترة بالجد والله أعرف دكتورة خريجة الجامعات اياها والله فراشه ما بتعرف تركبها لما ركبها ليها الممرض لآنها قرأت طب بفلوسها وليست بعقلها وكان الله فى عونكم يا اهلى الغبش.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..