اعتبر احتلال هجليج تقصيراً دفاعياً يستدعي المراجعة ..المهدي يفضل الأجندة الدولية على الحرب ويشبهها بالتيمم
الخرطوم: محمد سعيد:
اعتبر رئيس حزب الأمة القومي، الصادق المهدي، احداث هجليج الاخيرة دليلاً على تقصير دفاعي ما يوجب مراجعات أساسية في آليات الدفاع الوطني، وكشف عن ترتيبات لعقد مؤتمر سلام خلال شهرين بمشاركة كافة الأطراف المعنية حول قضايا ما بعد الاستفتاء، ودستور البلاد ،واعلن عن قيادة حزبه لحملة سلام ،عبر تعبئة شعبية واسعة بالمذكرات، والندوات، والاعتصامات، والمواكب، واكد حرص حزبه على تجنب الحرب وبناء السلام بهندسة سودانية لكنه عاد ورأى ان»الأجندة الدولية أفضل من اجندات الحرب،ومن لم يجد ماءً تيمم بالتراب».
وحدد المهدي في مؤتمر صحافي عقده أمس،اربع اجندات سياسية برزت بعد احتلال هجليج اجملها في الأجندة الحربية،والأجندة الحربية الثورية،وأجندة السلام الشامل العادل واخيرا الأجندة الدولية.
واوضح المهدي ان الأجندة الحربية جاءت انطلاقا من إدانة دولة الجنوب بصفتها عدو الدين والوطن الأول، والتعامل معها ومع حزبها الحاكم باللاءات الإقصائية،وفرض حصار اقتصادي عليها وتحويل الحدود المرنة بين الدولتين عبر حالة الطواريء إلى حزام أمني يجعل الجنوب مرة أخرى منطقة مقفولة.
ورأى ان من نتائج هذه الأجندة إحياء كافة العلاقات مع قوى التمرد الداخلي في الجنوب كقوة إسناد لإسقاط الحركة الشعبية في جوبا،والاستقطاب السياسي الحاد داخل البلاد، بين مؤيدي هذه الأجندة «وفي هذه المرة سيكونون جبهة تخوينية تكفيرية عنصرية، وفي المقابل القوى السياسية الأخرى، الإقصائية الدينية والعرقية في السودان تهديد مباشر للأمن القومي» بجانب فتح المجال الواسع لدعم أفريقي وعربي لدولة الجنوب،»وسوف تواجه أية أعمال عسكرية هجومية بإعلان مناطق محرمة على الطيران، وربما هجمات على بنية سلاح الجو السوداني التحتية». وحذر من ان الحرب الاقتصادية على الجنوب ستكون ضحاياها القبائل الرعوية السودانية والقطاع التجاري العريض المصدر للسوق الجنوبي. في هذه الحرب خسائرنا فادحة.
وشدد المهدي على ان حزبه مع أجندة السلام الشامل العادل،واعتبر احتلال هجليج دليلاً على إخفاق اتفاقية السلام في تحقيق مقاصدها، كما هو دليل على تقصير دفاعي ما يوجب مراجعات أساسية في آليات الدفاع الوطني لتصير أكثر كفاءة،وقال إن القوة الدفاعية المطلوبة ينبغي أن تكون للدفاع عن الوطن لا لأية خطة هجومية على دولة الجنوب،» بل علينا أن نهجم بالسلام هدفا استراتيجيا».
واعلن ان حزبه سيرتب خلال شهرين لمؤتمر سلام بدعوة كافة الأطراف المعنية حول دارفور، وأبيي، وجنوب كردفان، وجنوب النيل الازرق، والبترول،ومياه النيل، والنقاط الحدودية التي لم تستطع حلها لجنة الحدود الفنية، والجنسية والمواطنة، والطلبة والسجناء، وغيرها من قضايا ما بعد الاستفتاء، ودستور البلاد الذي سوف يتضمن الحلول المتفق عليها،وقال انه بالنسبة لمياه النيل نرتب لإجراء مماثل للبترول في غضون هذا الشهر لأن الموقف الحالي في حوض النيل ينذر بالويل والثبور.
،ولفت المهدي الى ان الأجندة الدولية،تدخلت بسبب تهميش النظامين الحاكمين في الخرطوم وجوبا للمشاركة الوطنية باستمرار، ما فتح المجال للتدويل،مبيناً ان حزبه سيعمل على تحديد معالم حملة السلام ،عبر تعبئة شعبية واسعة بالمذكرات، والندوات، والاعتصامات، والمواكب.
ونوه المهدي الى ان للاتحاد الافريقي، وهو عضو في الأمم المتحدة، ،مواثيق ومعاهدات وآليات لن تسمح لقيادة البلدين بالاندفاع في حروب تقوض الأمن والسلام الدوليين ،ورأى ان المشروع الأفريقي والتبني الدولي له تطورات لا مفر منهما فلا يمكن السماح لقيادات تتصرف بعدم مسؤولية أن تهدد الأمن والسلم الدولي، ولا مبرر لرفضها.
واكد المهدي حرص حزبه على تجنب الحرب وبناء السلام بهندسة سودانية «والأجندة الدولية أفضل من الاجندتين الحربيتين، ومن لم يجد ماءً تيمم بالتراب».
الصحافة
انت ما اتيممت بتراب المؤتمر الوطني من زمان .. يلا صلي معاهم الدخلك فينا شنو يا امام؟!!!!
وانا اعتبر يا سعادة الامام ان تترك الوطنين يستلوا منك السلطة بدون اطلاق طلقة واحدة تقصير كبير في ادارتك السابقة للدولة وشخص لم يستطيع حماية نفسه ليس بجدير بان يواصل الحديث بل انت شخصيا تتحمل جزء من المرمطة التي واجهها الشعب السوداني من الوطنين لانك سهلت لهم الاستيلا علي السلطة ولم تستطيع حماية دولتك والكرسي الذي كنت تجلس عليه وجاي تقول الوطنين قصروا انت قصر اكثر من الوطنين.
ياخ عليك الله يالصادق ارحمنا بسكاتك زمنك التمرد قاب قوسين من كوستي حل عن سياستنا واصمت
أسمع كلا مك أصدقك ……
الإمام كالعادة تنظيره راقي وتشخيصه دقيق لكن يخذلنا دائماً في التنفيذ
الصادق المهدي والتنظير …لا كعبا بلغت ولا كلابا كما قال الشاعر .
يا زنقار نريد تعليقا طريفا منك عن نظريات الصادق المهدي ..
كلام x كلام ياحاج نظرية..!!الله يرحم والديك ارحمنا…خلاص ملينا ومرارتنا علي وشك (الانفقاع)..
بتاع قعدات وونسات ليس الا.تربيه صفويه لاستهلاك المفردات فقط.كفاوي السودان دي كلها بسببك منذ ان كنت صغيرا عندما عدلوا لك القانون ليناسب عمرك لترأس القطيع اليوم داك قطعت دابر السياسه السودانيه .يلا بلا لمه بللى ياخدكو كلكو
انت راس الفتنه, لعنك الله الف مره. سلحت القبائل ما يعرف بالعربيه في دار فور. رفضت مبادرت السلام التي اتي به ابو هاشم. ادخلت اولادك السلطه وكمان تنظر فيها اكثر من البشير. صدق الهادي عبد الرحمن في ما قاله فيك في الستينيات.
ست ابتسام …. كلامX كلام X كلام مافي فايده
الصادق والترابي ديل احيييييييييييييييي منهم قاطعين قلبي من جوووووه
كل البلاوي في السودان منهم الاتنين …
ياخ ما تمشو تجاهدوا واهو يبقي العيد عيدين
هلمو …………………..جرى
إنت وود الميرغني ومعاكم سوار الدهب والضلالي الترابي الوديتوه السودان في ستين ألف داهية , ربنا يخلصنا منكم إنتو الجبتولينا البشير وعصابتوه في الأول عشان نستريح منكم , بعدها العصابة بتحصلكم مجرمين أوباش لعنة الله عليكم…
ما لانفهمة والشئ المحيرنا ؟!! ….. كيف رضيت وباركت مشاركة ابنك (عبد الرحمن الصادق المهدي ) بالسلطة مع من اغتصبوا الحكم منك وانت على رأس الحكومة ومنتخب من الشعب ديمقراطيا في ذلك الوقت؟!!!!
والله لو ما سحبت ولدك من الحكومة دى كلامك دا كلوا بطلع للاستهلاك ساكت.
يا ناس ويا آل المهدي فيكم الخير لموا عنا هذا الرجل الجعجاع … يا أخي ده مصاب بمتلازمة مؤتمرات صحافية وتصريحات إعلامية. يا الصادق أنت شخص فاقد للأهلية السياسية … نحن بعد ده كلام ما بيتوافق مع رؤية عبد العزيز الحلو وناس الجبهة الثورية لإدارة وحكم السودان نعتبروا لغو ساكت.
هم سبب ماساتنا الحقيقية وماستنا ايضا فينا نحن كان حواء السودان لم تلد الى هم
متى نفيق من غفوتنا التى طالت واظنها اصبحت غيبوبة متى نحاسب هولاء جميعا على ماجنوه فى حق امحمد احمد المغلوب على امره
لاندرى كيف يسيس الجيش مع العلم انه قوميييييييييييييييييييييييييي ياخلايق الله . قلنا جهاز الامن مامشكله اهو مهمة الاولى المحافظه على امن وسلامه الفئه الحاكمه والمهمه الاخيره حمايه المواطن والمحافظه على اذلاله وتركيعه.!!!!!!!!!!! بس القوات المسلحه بتكسروها ليه؟؟؟؟؟؟ لاتسليح يرد الروح ولاتدريب يرهب ولا روح معنويه تهد الجبال .ان شاء الله جبل حلتنا والله لو كانت قياده محترمه كانت استقاله منذ الدقيقه الاولى لدخول قوات الحركه الشعبيه هجليج. ياربى وزير الدفاع وضع خطه لتجهيز وترميم القوات المسلحه افقيا وراسياحتى نطمئن على وطنا.ولا لسه مشغول بشركاته والريس حيلبس شنو بكره ؟؟؟؟؟؟؟؟؟؟؟؟ اهه اهه اهه انت وزير ولا … ده كلو منك يامدام ماشايفه شغلك عاملها لينا سجمى اقول شنو !!!!!!!!!!!!!!!!!!. بالطريقه دى والله خايفين الواق الواق تحتله برج الفاتح !!!!!!!!!!!!!!!!!!!!!!!!!!!!!!!!!!!
من الذى يلجم هذا الناعق ليل نهار هل نسى او يعتقد ان الشعب نسى اخطاؤه الجسيمة فى حق البلاد ايام حكمه ألم يتم احتلال الكرمك وقيسان ايام حكمه من قبل متمردى الجنوب انذاك ألم يتم احتلال معظم مدن الجنوب من التمرد انذك ألم تعوث القوات الليبية والتشادية فى دارفور ايام حكمه ألم تفقد الجيش الحذاء واللباس قبل السلاح والزخيرة ايام حكمه الاخير مما مهد للانقاذ ان يستولى على الحكم بزريعة انهيار الجيش ألم ينعدم الخبز والوقود والامن وكل شيئ فى عهده والصفوف كانت ابرز مظاهر البلاد صحيح الاستحوا ماتوا
ان مجرد النجاح فى عقد مؤتمر للقوى كافة لهو امر وقفزة مطلوبة ضد احادية القرارات الانقاذية.وبالتالي يكون, ولا شك, نظر اللقاء فى امر السلام جيدا كونه مضاد لطريق الحرب الانقاذي.
غير ان الرد نقطة بنقطة لما تفعل الانقاذ لا يتناسب ولن يغطي حجم معضلات البلاد.
من اكبر ازمات البلاد التى تنسف احتمالات مستقبل امن, لهو احجامك انت سيدي الصادق عن لقاء تفاكري تتبادل فيه النقد مع الجبهة الثورية.
تلاحظ سيدي كيف انك الان مسئول من مستقبل البلاد كانك فى السلطة بالفعل.
فهلا جلست اليهم فى كاودا او اي مكان اخر.
لو تصورت انك بعد وصولك للسلطة( ولا يعلم احد كيف يتم هذا) ستنادي قوى الهامش, فلن تستجيب لك ستفشل بالقطع.فالمركز ليس ولن يكون المركز, والهامش ليس و لن يكون الهامش.
حقا الاختشوا ماتوا ….. من تظن نفسك يا الصادق المهدي ؟ ليس هنالك تفريط اكثر من أستلام السلطه منك وتعيين ابنك مستشار للذي فرطت له !!!! قال مؤتمرات ومذكرات وندوات !!!!
شكراً للسيد الصادق وهو يجتهد من أجل إخراج السودان من أزماته
وفي البحث عن الحلول التي تحفظ الأرواح والسودان
اولئك على هدى من ربهم واولئك هم المفلحون
يا المهدي عمنا أسمعني يا لبيب!
حيرتنا بولدك مع بشبش ليه تسيب
أنا شايفو دِخل لو في جحر ضبيـب
والله ريحنا منو والحمدلله يا حبيب !
ندعوا بحكومة وحدة وطنية بقيادة السيد الصادق المهدي رئيس وزراء على ان تتالف الحكومة من الوزارات السيادة فقط …
انت والميرغني سبب بلاوي السودان كلها ؟؟؟ نٍسالك ونسأل الجميع ماذا قدمتم للسودان منذ استقلاله ؟؟؟ انكم تأخذون فقط ولا تقدموم وأشك في أنكم تزكون ؟؟؟ انكم اسر متسلطة جشعة تحبون المال والجاه علي حساب جماجم كل السودانيين لأنكم أسياد وتنظرون الي غيركم كعبيد ؟؟؟ حتي في الأعمال الخيرية أشيروا الي اي عمل خيري قمتم به حتي ولو مزيرة ؟؟؟ هنالك اسر وأفراد من عامة السودانيين بنو مدارس ومستشفيات خيرية وغيرها ماذا قدمتم أنتم غير استلام الندور والعطايا من الكيزان وما تدره عقاراتكم الغير محدودة وأراضيكم الشاسعة التي ملكها لكم الأستعمار علي حساب تبعكم الفقراء المغيبين دينياً( الميرغني الآن يقوم بطرد أسر سودانية من منازلهم بحجة ان الأراضي المبنية عليها تخص آل الميرغني الذي قدم الي السودان ممسكاً بلجام حصان كتشنر الغازي البيريطاني ؟؟؟)
نحن الأسياد الأسرتين الكبيرتين المقدستين مع خدمنا وحشمنا ومريدنا المخلصين البركعوا لينا ويبوسوا ايدينا اقسمنا بالله ان لا نعاديي البشير وأخوانه ونسوانه وصحبه أجمعين لأنهم ما قصروا معانا ؟؟؟ صرفونا وشغلوا لينا أولادنا في وظائف تتمناها كل أم لأولادها ؟؟؟ ورجعوا لينا ممتلكاتنا وأراضينا وبنوكنا وشركاتنا ومزارعنا الشغالة وربحانة ومريحانا ؟؟؟ وأنتوا يا حساد كان عايزين تطلعوا الشارع شوفوا ليكم طريقة ونحنا ما بنقدر علي المضاربة والجهجهة ودخان البونبوبان؟؟؟ وأخبار حلم الإمام شنو ؟؟؟
الصادق والميرغنى يفكرون بان السودان ملك اجدادهم وابائهم الى متى يا ناس الصادق والميرغنى الن تتغير هذه الوجوه الديمقراطيه مش عايزينها مش مفصله علينا مقاسها واسع فكونا الله يخليكم
لما تكون في ديمقراطية السلطة بتكون للشعب و الرئيس بكون منسق بس. المشكلة انو دا ما واضح للشباب. بعدين منسق دي ما دايرة عقل كبير زي الصادق. دي حاجة بمشيها اي زول من البلغلو يعني الرئيس بكون زي الزول البدخل الاشرطة في حفلات الدسكوبناءا على رغبات الراقصين. دي وظيفة بيحسدوا فيها زول؟
وانت التقصير العملتوا بسيط … يا حاج .. الكلام ده ما تقولوا تانى .. عشان ما تجيب الهواء لى رقبتك .. قال تقصير قال .البلد ضاعت بى تنظيرك الكتير .انت اخر واحد يتكلم عن التقصير يا حبيب …ارقد تم تومتك يا اخوى شكلك بتهضرب ..
اجنده…اجنده…اجنده…اها وبعدين, والله يالصادق انت عارف كويس انو الجماعه ديل مابمشو بالتي هي احسن, وانت شكلك خايف من الدم, بس في غيرك حاياكلو الجماعه ديل زي التبش, انت بس اعمل شخيت واقيف بعييييد
انت اخر واحد يتكلم عن التقصير يا حبيب .. انت تقصيرك كان صعب شديد .. وضيع البلد .. ارقد تم نومتك شكلك بتهضرب ..
الصادق دا عايز زول يبطحو يديهو سوطين , واللا اقول ليكم احسن نعمل ليهو صورة مقطعية للدماغ علشان نشوف فيهو شنو بالضبط.
الصادق المهدي ؟؟!!
أين سمعت بهذا الاسم ؟؟
( اعتبر رئيس حزب الأمة القومي، الصادق المهدي، احداث هجليج الاخيرة دليلاً على تقصير دفاعي ما يوجب مراجعات أساسية في آليات الدفاع الوطني،)
إبنك هو مستشار للرئيس و القائد الأعلى و هو عسكرى ( عقيد أعيد للخدمة للكفأة !!) طيب رؤيتو و شورتو قبل الأحداث للرئيس كانت شنو ؟؟؟ أم آثر الصمت عشان الجماعه ينهزموا و تقوموا تشمتوا فيهم يالحبيب ؟؟؟
إقتباس : ( واعلن عن قيادة حزبه لحملة سلام ،عبر تعبئة شعبية واسعة بالمذكرات، والندوات، والاعتصامات، والمواكب . )
ود المهدي أبقي بس على دي و زي ما بيقولوا الشباب ( قرط على كدا ) و الباقي هين ..
يا رعاك الله :
تم إنتزاع السلطة منك في 30 يونيو 1989 و ظللت مختبئا لأكثر من أسبوع و تنكرت في عدة أزياء و أشاع أهل المؤتمر الوطني أنه تم إعتقالك و أنت ترتدي ( توب مرا و شايل حواجبك )!! يعني متنكر في زي سيدة!!
و والله ليس هناك إهانة أقبح من ذلك ( إنتزاع للسلطة و بشتنة)فبالله عليك كف عليك أحاديثك و لا تحدثنا عن التيمم لأن التغيير يجب ان يكون ( داخليا ) و إلا فإن كل ما تقوله من أحاديث سيؤكد لنا ما رواه عنك جماعة الإنقاذ ..
الشعب السوداني اليوم يبحث عمن ( يبدأ ) العمل لا الخطابة كن بارا بالشعب الذي أنتخبك في الديموقراطية الثانية و كن بارا بتاريخ أجدادك و أخرج و أعلن (فقط) في أهلك الإنصار عصيانا مدنيا و ستجد أن الشعب كله كأنه ( أنصار ) ..
و الدعوة موجهة لك أنت و صنوك الميرغني بأن تكونوا سباقين و على رأس الجماهير و قوموا بإخراج نجليكما من تحت ( كم البشير) و أعلنوها صريحة ( و مافي زول بيموت قبل يومو ) و حينها فقط سنستمع لمترف القول من خطبكم و أطروحاتكم لحلحلة مشاكل السودان ..
يا شيخنا انت والميرغنى اولادكم مستشارين للبشكيرالجعيروانتو عاملين فيها معارضة دى يفهموها كيف انحنا ما عايشين فى كلكتا
[اقتباس ] تخوين أو تكفير كل الذين لا يواكبون هذا الفهم.
هاهو الامام الصادق صار من التكفيريين وبذلك يكون الرجل قد فقد مصداقيته الدينية بعد ان فقد مصداقيته السياسية !!! فبأي حق تكفر الذين لا يشاطرونك الرئ ؟ وبأي حق تعتبر كل الجنوبيين طابور خامس ؟ واتحداك ان تجاوب علي تساؤلاتي هذه
شـــكرا لاجتهاد الصادق المهدي
شكرا له
فهو اول من ادخل المرتزقة للســـودان
وهو اول من فرط فى الكرمك وقيسان واستولي عليها متمردو الجنوب فيكفى فلسفــة والمثل بقول الفيك بدر بيه والعليك اتناساه وكفايه راسنا وجعنا منك شوية انت ويم ولدك وشوية بناتك يوم اسود يوم ماعرفكم الســودان انتو فاكرين نفسكم من ال البيت ولدك شغلوه ليك كفاك خلاص اكل واشرب وانت ساكت وعيش باقى عمرك وخلى البلد ماشيه احسن من عهدك الشــــؤم
[muiz + [عبد ألله]+ [محمد الشيخ
غايتو ربنا يشفيكم والله بيدي المخ لمن يشاء اكيد قاعدين بره البلد وتتفاصحو فرقكم من صادقكم ده شنو
1/انت يا الصادق لو بتعرف خطط عسكرية زي ديل كان قعدت في السلطة الي
الان لكنك راسك خاوي من الخطط ناس الحكومة خلوا ناس سلفا دخلوا هجليج
لكي يكسبوا تاييد الجبهة الداخلية وقد كان0
2/ناس الحكومة متورطين وفكروا ان يورطوا غيرهم وها انت والميرغني قد
استجبتم لهم وادخلتم ابناءكم معهم لتتسع دائرة الدم كما فعلت قريش
عندما ارادوا قتل الرسول صلي الله علية وسلم
3/علية ارجي الراجيك انت والبشير والميرغني والترابي كلكم في الجريمة
سواءوسوف تنالوا حقكم من العقوبة
4/ فنصيحتي لكم الميرغني والترابي والصادق ان لاتخرجوا في اي مظاهرة
مع الشعب السوداني لان السودانيين لاولم ولن ينسوا ما فعلتموه به ومن
المحتمل ان تغتالو في المظاهرة ان كان هنالك ربيع …وحتي نلتقي…
والله اكتر حاجة بكرها فى الدنيا دى المؤتمر الوطنى ورموزه- لكن اصبحت اكره الصادق المهدى اكتر منهم
ياخى انا بكره الزول ده كره ماعادى الله ينتقم منو — غير يحنن شعرو ودقنو ماعندو شغلة
رد علي الجمولابي يعني يكون الرئيس الصادق شاهد ما شافش حاجة ؟؟؟ اي كما يقول اهلنا المصريين فلان دا زي القط لا يحرس ولا يتاكل لحمه ؟؟؟
الانقاذ بقيادة الداهيه الترابى شلت كل الاحزاب التقليديه والعقائديه وشلعت كل جوانبها تفرتق الحزب الاتحادى الديمقراطى الى عدة احزاب ثم حزب الامه القومى الى عدة احزاب
وصبحوا هم فى بعض غير قادرين يتوحدوا شوفو مبارك وابن عمه منفصلان وابن الصادق العسكرى البارز دخل مع المؤتمر الوطنى !!!!
وكمان اقطاب الاتحادى تشلعوا الى ثلاثة احزاب الجزيره حزب لوحده والوسط للوحده
هل انتم منتظرين منهم شئ لا اظن لانوا انتظاركم سوف يطول
انا بقول للسيد الصادق وهو عقليه فذه فى الفكر والياسه والثقافه ان يكتب لنا كتب تكون فائده وذخيره لكل ابناء السودان لكن يا سيد الصادق حرام تحرمنا من فكرك وثقافتك وعلمك ونحن بل العالم كله فى حوجه الى مؤلفاتك سريعآ