السعودية : سوداني يفجر غضبه على زوجة خاله بـ 20 طعنة قاتلة
إبراهيم علوي (جدة)
فجر مقيم سوداني غضبه على زوجة خاله بـ 20 طعنة نافذة أزهقت روحها ثم تركها وسط بركة من الدماء ولاذ بالهرب، فيما كان أطفال المغدورة يحاولون إيقاف شلالات الدم من جسد والدتهم، لكن القدر كان أسرع، استجمع الصغار لوعتهم وأبلغوا والدهم بأن ابن أخته طعن والدتهم فسابق الزوج المكلوم خطواته إلى المنزل ليجد شريكة حياته وسط نهر من الدم، فأبلغ الدوريات الأمنية التي وصلت سريعا إلى مسرح الجريمة في حي السلامة، حيث الشقة التي تقطنها العائلة المكونة من الزوج والزوجة وأطفالهما إلى جانب القاتل.. ابن شقيقة الزوج المكلوم، وبحسب الإفادات فإن الزوج دعا القاتل إلى السكن معه تخفيفا عليه من أعباء استئجار منزل، وحرص على تنبيه زوجته على ضرورة مراعاته، وخدمته وبقي القاتل عدة أشهر قبل أن يأتي بفعلته النكراء، حيث تحين الفرصة وحمل سكين المطبخ ليوجه طعناته القاتلة إلى جسد المغدورة، استدعت سلطات الأمن خبراء الأدلة الجنائية ورجال التحقيق في وحدة مكافحة جرائم الاعتداء على النفس، فيما تولى رجال أمن مركز شرطة السلامة التحري والتحقيق الموسع بغرض الوصول إلى مخبأ القاتل وتحديد مخبأ أداة الجريمة، وفي وقت لاحق انتشرت عناصر سرية في أحياء البوادي والجامعة والكيلو 7 وبني مالك بحثا عن القاتل الهارب، ووصلت معلومات لاحقة إلى أجهزة الأمن أن المتهم متوار عن الأنظار في حي الكرنتينا، لتتحرك إلى المكان فرقة من وحدة مكافحة جرائم الاعتداء على النفس بمتابعة من مساعد مدير شعبة التحريات والبحث الجنائي وضباط الوحدة، وتم فرض رقابة على المكان قبل أن يظهر رجل من ذات جنسية القاتل في أحد أزقة الحي الشعبي، وبتوقيفه وسؤاله عن هويته ظهرت عليه بوادر الارتباك، فأفصح أن المتهم مختبئ في منزله، ولم يستغرق القبض عليه غير ثوان قليلة، وأقر المتهم في التحقيقات المبدئية بفعلته، وأرجع ذلك إلى وجود خلافات مع القتيلة، مشيرا إلى أنه لم يشعر بنفسه إلا وهو يجهز عليها بالطعنات، وعندما شعر بفداحة المصيبة هرب وألقى سكين القتل في حاوية قمامة أسفل جسر الستين، وأبلغ المتحدث في شرطة جدة العميد مسفر الجعيد أن سلطات التحقيق فتحت تحريات موسعة مع المتهم لمعرفة دوافع فعلته.
عكاظ
احذروا ابناء الاخوات
مقتولة الرياض قتلها ابن اخت زوجها
وهذه قتلها ابن اخت زوجها
حسبنا الله ونعم الوكيل
لاحول ولاقوة الا بالله العظيم ، لها الرحمة والمغفرة
شنو يا جماعة القصص كلها واحدة ولد الاخت مع الزوجة
منتظرين التفاصيل يا ناس الراكوبة
الحاصل شنو يا مغتربين السعودية ؟ هذه جريمة قتل رقم اثنين في اقل من شهر ؟
ماهي الاسباب الحقيقية وراء ارتكاب مثل هذه الجريمة النكراء ؟
هل هي العزوبية ؟
هل هي الصدمة بالغربة لعدم جني المال منها ؟
هل اسباب نفسية مرضية ؟
اللهم لا اعتراض في حكمك
انا لله
وانا اليه راجعون
اللهم ارحمها واغفر لها
ياجماعه الخير افيدونا ما الذي يجري
بابناء السودان في الداخل والخارج ؟
كل صباح نري العجب العجاب ( يارب استر )
حسبنا الله ونعم الوكيل
ظل النوبيون يهاجرون من السودان الطارد منذ مئات السنين الى بلاد المهجر المختلفة هربا من الاضطهاد وسوء الأحوال المعيشية….وكانوا وقتها يشكلون غالب المهاجرين السودانين ان لم يكن كل المهاجرين السودانين…..هل سمعتم وطوال كل تلك السنون مثل هذه الجرائم المشينة…للملاحظة الجديرة بالاهتمام النوبيون هو الشعب الوحيد بين شعوب العالم والذي لا يحمل اى آلة قتل او اعتدى في يده مثل السكين او الأسلحة النارية أو العصاة حتى فى رقصهم والتى تميز بها بخلافهم كل قبائل السودان المسلحة بالعصى والسكاكين حتى فى رقصهم….هذا شعب مختلف…لا يشبه من حوله…
بأمانة كدة نحنا ما حنكون ناس الا تختفي ستات الشاي التحت الكباري والله السودانين ديل محل ما تمشي يفضحوك … تلقاهوا شارب ليهو شربة من واحدة منهم … الله يجازي الكان السبب
لا حول ولا قوة الا بالله
ايه ده … ايه ده ؟
الحكاية شنو يالمغتربين اي زول معاهو ود اختو يعمل حسابو يعني تديهو المصاريف قبل مرتك وتشتري ليهو سيارة عشان مايلم فيها بسكين ولا يخنقة ربنا يصلح الحال يالجالية السودانية دي سابقة خطيرة شديد والله زماخفية اعظم لازم الجهات المختصة تشوف حل
انا لله وانا اليه راجعون
اللهم اغفر لها وارحمها واسكنها مساكن الابرار
والهم ابنائها وزوجها واهلها الصبر والسلوان
واجعل الخير والصلاح في ذريتها واجمعهم بها في جناتك
نسأل الله السلامة والعافية وحسن الخاتمة
اصبحنا في زمن غريب اصبحت فيه النفس البشرية
سهلة الازهاق هذه النفس التي حرمها ربي الا بالحق
ووصف من قام بقتلها كأنما قتل الناس جميعا
القرآن القرآن القرآن القرآن
اين نحن منه ومن تطبيقه على حياتنا
لاحول ولاقوة الا بالله نسأل الله العافيه والسلامة
هنالك آثار نفسيه عديده للاسر بعد الحادثه لها الرحمه والمغفره
صدق رسول الله صلي الله عليه وسلم عندما قال
الحمو هو الموت
ربنا يرحم المتوفية ويصبر اهلها
زبلة الانقاذ كله جات السعودية ما ديل من عهد الانقاذ جتهم دهيا
اللهم اغفر لها و ارحمها ،، و اصبر زوجها و عيالها ،، الحاصل شنو للجالية السودانية ،، نامل من مسؤولى السفارة السودانية دراسة هذه الظاهرة الدخيلة علي الجالية السودانية المعروفة بترابطها و تكاتفها ،، لا حولة ولا قوة الا بالله العلي العظيم ،،
رسااااااااااالة للاخوة المغتربيين وتوضيح للاخوةالمعلقيين انا حاليا بالمملكة وسمعت وشاهدت بام ام عينى زوجات بكون معاهم اقارب رجال بالمنزل ومع الشقق الضيقة هنا بعض اكرر بعض الزوجات بتكون ما مرتاحة(وللاسف للاسف) بتتعمد تضايق الواحد عشان يطلع عندى نموذجييييييييين في الحى الانا موجودة فيهوالان لذلك اخى المغترب رجاءا تفادي الحتة دي لو ابدت زوجتك اي ضيق ونسال الله ايوسع الصدور و يملا القلوب بالمحنة
أصلاً المشكلة في طيبتنا الزايدة أو قول عوارتنا الزايدة تلقى الواحد عايش في شقه غرفتين وصالة أو ثلاث غرف وصالة ويسكن معاهو ولد أختو أو خالته أو ما شابه ذلك ومن هنا تبدأ المشاكل لآن ما كل النساء بتحملوا إنسان غريب معهم في منزل واحدوهذا بالطبع يعتبر غريب عليها حتى ولو كان قريبا للزوج ناهيك عن الوضع الشرعي حيث يعتبر غير محرم لأنها تضطر لأن تلبس الثوب في البيت طوال اليوم ولا تأخذ حريتها حتى في اللبس وهذا الوضع دينياً غير مرغوب ولكن ماذا نقول عن عاداتنا السيئة والتي يجب تغييرهامن جذورها.
الحمو هو الموت ، بعدين انا زول عاطل وما محرم للمرأة ما بخليهو يسكن سكن ، يزور في فترة تواجدي بالبيت اوكي ، يتغدا يوم الجمعة اوكي ، عاوز مساعدة مني اوكي .. لكن يقعد في البيت
لا لا
اتمنى من الحكومة السعودية انها تشنقوا وتصلبوا لان الجريمة تمت امام الاطفال ..
وحتى لو الزوج الداقس دا عفى ارجو الا تعفى الحكومة السعودية ..
والله الزوج ذاتو مفروض يدوهو كم جلدة كدا
قال شنو عشان يخفف عليهو المصاريف اها خم وصر خففت عليهو مشاكل الحياة كلها
حسبنا الله ونعم الوكيل
تغمدها الله بواسع رحمته وغفر لها ..
اتوقع انه السبب خلافات بين اهل الزوج والمرحومة وأن القاتل قد تلقى جرعات قوية من التحريض ضد المرحومة وان هنالك الكثير من المشاحنات العائلية التي خيمت على علاقة المرحومة مع اهل زوجها في السودان … فهذا القاتل ( ود اخت الزوج)حقد على زوجة خاله نتيجة للمشاكل العائلية بين امه وخالاته والمرحومة .
:::::::::::::::::::::::::::::::::::::::
النصيحة :
النسوان فتنة .. والبسمع كلامهم ارعن .
والرجل مما يقعد مع النسوان ويتونس ويقطع دا بكون تاني ما نافع .
الشقق ضيقة ومافي داعي الزوج أن يستضيف إبن أخته
كان من المفترض أن يظل هذا العزابي مع العزابة لحين
أن يسهل الله أمره ويفتح عليه بعمل يقدر من ورائه تسديد
نصيبه من الإجار مع العزابة.
اللهم أرحم القتيلة وصبر أهلها.
غيتو يا ناس السعودية ربنا يكون في عونكم والله
المره الفاتت ود الأخو يكتل مرت عمو
وهسه ود الأخت يكتل مرت خالو
وزمانك سمعنا إنو أخ الزوج كتل مرت أخوه
وأخت الزوج كتلت مرت أخوها
في شنو عاملين ريسانكم الصغيرونة دي ؟؟؟؟
نساوينك ضاربين المجبوس بالدجاج واللحم الأسترالي وعاملين
فيها سعوديات وبيقلوا في أدبهم مع ضيوفهم الجاين من حر السودان ولا شنو؟؟؟
أنا غيتو الحمد لله لا عندي ود أخ ولا ود أخت
وأهم حاجة ما عندي زوجة من أصلو
فكيتا وزعلان الما جبت ليها ود عمي الجزار وسكنتو معاي زمانك
بس خلاااث عرفت الفكرة
أرجعاونمشي السعودية وأجيب ود عمي زيارة وكدا
جرائم السودانييييين كترت فى دول الخليج,,,ياترا مهى الاسباب ,,,,اللهم استرنا فى الدارين,,,,,,,,واغفر للقتيلة بواسع رحمتك
اللى معاه ابن اخته يطرده ده الانذار الثانى قبلها فاجعة الرياض رحم الله موتى المسلمين وحمى القارئيين
قلبي على ود اختي وود اختي قلبه على حجر
لها الرحمه والمغفره ولزويها الصبر وحسن العزاء وربنا يصلح حال الجميع وينجينا من مثل هذه المصائب.
الى الذي هاتفني مهددا ومتوعدا اهدي له كلمات سيد
تا الله ما الدعوات تهزم بالأذى ابدا وفي التاريخ بر يميني
ضع في يدي القيد الهب أضلعي بالسوط ضع عنقي على السكين
لن تستطيع حصار فكري ساعة أو نزع أيماني ونور يقيني
فالنور في قلبي وقلبي في يدي ربي وربي ناصري ومعيني
أخي ستظل كلماتنا عرائس من شموع ولكن اذا قتلنا من أجلها دبت فيها الحياة
أخي ان الأمر بالمعروف والنهي عن المنكر لا يقرب اجلا ولا يقطع رزقا
أخي ماذا يفعل بي الاعداء سجني خلوة ونفي سياحة وقتلي شهادة وتعذيبي كفارة
أخي سيد الشهداء حمزة ورجل قال كلمة حق عند سلطان جائر فقتله
أخي الدنيا الى زوال وفي ذلك اليوم لن ينفعك البشير ولا غيره .. الا من أتى الله بقلب سليم وتبرأ من الفساد والمفسدين .. هداني الله واياك
(سيكونون عليكم أمراء تعرفون وتنكرون فمن كره فقد برئ ومن أنكر فقد سلم الا من رضي وتابع )
0912923816
بل هي ثمرات ثورة الدمار الشامل البغيضة يلا يا سودانين خمو وصرو
ياجماعه الخير نحنوا سودانين كان الواحد ماعندوا مكان فى المدينه ينزل مع اهل القبيله
والطالب يقراء مع اقاربه حتى يخلص التعليم
لكن هذا ماسودانى هذا من دوله جارتنا لكن تفريطنا فى الجوازات ديه نتيجتوا
ليه مافى ضابط شرطه برتبه صول نعطيه الداخليه !!!!!!!!!!!!!!
شوفو يا حبايبنا الكلام والتحليل الصحيح قطع شك قالتو ليكم ام البنيين الله يديها العافية ، النسوان بيعملن عمايل عجيبة وغريبة علينا كسودانيين ابن الاخ او ابن الاخت بيجى يقعد فى البيت باعتبارو الحالة واحدة وبى نفس عاداتنا من قومنا(بغض النظر عن هل العادة دى كويسة ولا كعبة المهم هى عندنا ) لكن فى بعض النسوان بعد ما ضرب فيهن الفريون دة وخالطن العالم النفوسن كعبه فى الغربة اتغيرن وبقن ما بتحملن الضيف وبالتالى يتعاملن معاهو بى صورة مغرفة جدا جدا والزوج غالبا بكون ما عارف المضايقات البتحصل لى ود اختو وود الاخت بكون مقطع الحاجات دى فى مصارينو والمفروض يطلع يمشى لكن مرات الظروف بتجبر الواحد يحاول يمشى اموروا ويسكت على المغايص البشوفا من المرا لحدى ما ربنا يسهل ليهو لكن وفى لحظة صفر وخروج كلمة جارحة اقوى من ضربة الشوتال بكون زى اخونا دة فقد عقلو والمنطق واى حاجة وجبد السكين وفش رقبتو فيها زيييين والشيطان وهو راكب فيها بى سكينو يقول ليهو ايوة انتهى منها اصلا هى ما بتشبه خالك ومنقصاهو قدام الرجال والنسوان راقدات باكر ياخد واحدة غيرا وهويعزق فيها تقول بيشتل فى بصل شدة ما مغصت عليهو وطاعنتو بالكلام الطعنو احر من طعن السكيين ،
لكن بتفق مع الناس القالو انو الواحد من يشعر بى انو المرا متضايقة يتخارج يشوف ليهو دبارة مه ما كانت الظروف قاهرة .
عيب كده نضع كل الشباب في خانة القتلة فلكل قاعدة شواذ
وحرام نضع الشباب المع اخوالهم او اعمامهم في هذا الوضع
الحساس وربنا يهدي ونطلب من الله الستر ومن اخواتي عدم
استفزاز الشاب او ابن الاخ او ابن الاخت لان ضغوط الحياة لها
تاثير كبير علي الشباب واستفزازك قد يخرجة عن طوره ويقدم
علي فعل الخاسر فيه انتما الاثنان وهناك من هم خير عون للاسرة التي يتواجد معها
الحمد لله جمعياتنا على طول المملكة تسكن وتنوم زى ما عاوز بلاش تسكن مع عوائل وكلام فارغ اللهم ارحم القتيلة واغفر للقاتل لانو فى اسوا حالاته الان 00 لو رجع به الزمن لما فعل ذلك
أولا:علينا تطبيق القواعد الشرعية من حيث التعامل الاسري و مراعاة اداب الاستئذان و حرمة الخلوة بغير محرم و عدم مصافحة النساء و الحجاب الشرعي فهذه الامور يجب الالتزام بها و ان لم تكن هناك مشاكل
ثانيا : الدافع وراء جريمة الرياض كان دافعا اجراميا بحتا يتلخص في السرقة +ممارسة الفاحشة مع انسانة ميتة ,اما في هذه الجريمة لم تنجل الامور بعد و لكن السيناريو المذكور يدل مبدئيا على سبق الاصرار.لذا أعتقد أن السبب في هذه الجرائم بالاساس هو تغير طباع الناس في السودان مما ادى الى التفكير في هذه الجرائم و من ثم تنفيذ الفكرة و علينا أن ندرك أن الاقارب قبل عشرين عاما كانوا يعيشون كأسرة واحدة اما الان حتى داخل السودان اختلفت الامور و كثرت الكيمان
أما مضايقات النساء للحمو أو مضايقة الحمو لهن فمن المفترض أن تؤدي الى أمور دون القتل لو كانت هي الدافع الاساسي
ود اخوك ود اختك مايسكن هنا مع زوجتك ده غلط وحرام والرسول ( صلى الله عليه وسلم ) قال الحمو الموت لكن نحنا عاملين فاهمين اكتر منو ودي النتيجة قتل الام امام اطفالها والله شئ يحزن اي واحد ساكن مع اسرة يشم ويمرق يدبر حاله مع اي داهية تاخدوا سيبو الاسر في حالها ياناس افهموا حسبي الله على عديمي الفهم. يقول ليك ده خالي خلاء يبلعك انت ما راجل امشي دبر حالك براك خالك عنده زوجة واطفال هو غير مسئول منك .
الحاصل شنو وهذه الجرائم الدخيلة وقبل ايام سمعنا نفس الجريمة؟ وكمان يعطفوا عليه ويغدر؟ الله ينتقم منك؟ كان راجل ليه هرب؟ ما كمان يطلعوه مجنون؟
الراجل القفاتل كان بيشتغل معي في مكتبة بشارع حراء وهو ذو أخلاق عالية ودماثة خلق لكن فاجأنا بفعلته هو من أولاد كسلا من قبيلة البني عامر واسمه عبدالله محد اسأل الله أن يهديه
السلام عليكم . أولا رحم الله المغدورة و أسأله تعالى أن يصبر زوجها و أبناءها و كل من فجع بمقتلها فوالله لقد كانت كريمة, طيبة المعشر, بشوشه لا يمكن أن تقابلك إلا بالإبتسامة و حلو الكلام . ثانيا بالنسبة للقاتل فإننا لننتظر بفارغ الصبر لحظة إعدامة عسى الله أن يشفي غليلنا و صدورنا بإعدامة .
بس غريب انو السودانى يقتل..
الله يصلح الجميع ونسأل الله المغفرة للضحية ويسكنها فسيح جناته ودعكم من العنصرية والقبلية التي ضيعتنا وأخرتنا فكلنا سودانيون والحمدلله لما يسأل اي أحد في اي بلد بيقول أنا سوداني فقط بغض النظر عن القبيلة .
اخى هداك الله السودانيون يخطئون ويصيبون كسائر البشر.اما ان تنصب العيوب للاخرين بحجة ان السوداني لا يخطئ فإزن السوداني هنا ملائكة وليس بشراً.اما الجنسية السودانية لاتسمن ولاتغني من جوع.وشكراً
المشكله نحنا بنتكلم اكثر من مامنعمل ….ودي سبب المصايب
ياخي نوبي ول عرب جزيره هو سوداني وارتكب جريمه بشعه و ح يحاكم بي لقصاص والصلب وهو السوداني قال ليك مابرتكب جريمه والله السودانيين بقو احقر بشر واعفن مله المهاجرون الجدد بيع مخدرات ووووووو اما الفي الداخل كذب ودجل وحاجات تانيه فكونا السودان والسودانيين من 88 وتحت
بالفعل وبكل صراحة الاخوة المحس والدناقلة هم الذين بدازا الاغتراب وكانوا خير سفراء لنا وتعجبنى فيهم روح التكاتف والتعاون واتحدى اى شخص يقول غير ذلك
ربنا يرحم المرحومه يخفف العزاب علي المتهم. والحقيقه يا اخوان واخوات الغربه صعبه وقطعه من نار؟ وخاصه الشباب لانهم في السودان دائما لفين هنا وهنالك وابدا لايقعدوا في محل واحد؟والواحد لما يغترب في السعوديه خاصه القفله وخاصه اذا في مشكله في الاقامه؟بيكون صعب عليه الوضع وعدم المال وهل العم او الخال دا بيعطهو قروش اسبوعي ويطلعوا للفسحه كل يوم واشتري ليهو كمبيوتر علي الاقل يفرج عن نفسوا ويشكي للناس في النت؟والمعامله ذاتها من الاخوات للاهل الزوج بتكون كعبه, يحرشوا ليه الابناء مرات عشان يزهجوا الواحد عشان يرحل او لايهتموا بالملابس حقته من غسيل ومكوه او يضيقوا عليه في دخلهو الحمام او منعوا من التلفون او التلفزيون او الكمبيوتر وحتي الطعام دا مرات لايجد طعام حتي يعود الخال وحتي في النوم يعملوا ازعاج ليهو ويكرهوا الحياه؟وما ممكن يكلم عموا او خالوا لانه لن يصدقوا ؟ الحل شنوو يشيل صوت ويدق مرأة خالو او عمو ولي يعمل شنوو؟ وبعدين نحن في السودان بنخاف علي اخوانا وابناء الصغار في السن من بيوت العزابه دي عديل كدا كيف اثق فيهم واضع اخي او ابني معهم؟ وكان بيكون احسن لو وجد العمل ليهم اول وبعدين يحضرهم للعمل طوالي عشان يكونوا مشغلين بالعمل ولي شنوو؟
فضااااااااااااااااااائح …بقينا فضيحة في السعودية والإمارات وحاليأ قطر والإمارات وقفت إصدار تأشيرات دخول للسودانيين تحديدأ والسعودية إقتصرتها علي بعض التخصصات ..يلا خمو وصرو..الناس جاية من هناك فاكرها نفسها مفتحة وفاهمة والناس ديل هنا طير ساكت والريال مشتت في الشارع والدرهم ..كان ليكم ياشطار ..الناس في الخليج إتعلمت وهس في خطط لخلجنة وتوطين الوظائف وكل قرد إمشي إطلع جبلو..انا بستغرب زول في غربة إمشي إتسافه وإبقي لص وإنهب وإتنازل عن كل اخلاقه بسهووولة كدا..ياخي اتذكر الشيء البطال البتعمل فيهو دا بصيب سمعة بلدك ياخي وابناء بلدك ..عارفين المصريين شغالين قصادنا في الخليج وإنشرو في إشاعات السودانيين كانو زمااان ونجحو بعد ان عضدت اقوالهم افعال السودانيين ..والله العظيم ثلاثة يا شباب انا إشتغلت في قطر والإمارات والمملكة كلهم مقرين بإنه بلدهم قامت علي اكتاف السودانين وكانو خيرة الناس ليه ما نحافظ علي السمعة دي..ياخي العاوز إتجرد من اخلاقنا إشوف ليهو جنسية تانية ما إقول انا سوداني ..الله يانتقم منكم يا الطلعتو جيل زي دا..
اللهم اغفر له وارحمه.المفروض مايسكنو معاهو في البيت لان (الحمو الموتي )قصده يخفف عليهو صرف الحياة من سكن لاكل ل….لكن طلع خسيس.المهم كل القصص التي نقراها من قتل وغدر وسرقة و…..الرجا الناس تتعظ منها وتنبيه الاخرين وتحذيرهم منها ..واكرر الحذر..الحذر هناك جرائم بقت تظهر محتاجة الحذر والانتباه..اللهم احفظ عبادك المسلمين..
اففففففففففففففففففففففففففففف ؟؟؟؟؟؟؟؟؟؟
يا جماعة دي مشكلة إجتماعية يمكن أن تحدث في أي دولة فالقتل موجود والسرقة موجودة والزنا موجودة ووقعت الحادثة ولا نملك إلا أن ندعو الله أن يبعد عنا البلاء ونتعظ مما يحدث عبر هذه القصص والروايات وبلاش عنصرة الموضوع ومناقشة الهامش .. نحن أمام قضية يجب أن نتفاكر حولها ونجد لها حلول مع أنفسنا .. سائلين الله أن يسترد لنا سمعة بلادنا داخل وخارج الوطن … مادلي بلد ..
اولا من المؤسف حقا انوا دي واحده من الامور المفروض تعالج بين السودانيين اجمع بغض النظر عن قبيلة المدان لانو عواقبها حاتكون علي جميع السودانيين لكن لحس جزم الاسياد بتخلي بعض الجهلاء يجعلونها قبليه ظنا منهم ان هذا لن يغضب الاسياد منهم وسوف يكونون راضيين عنهم كامل الرضاء يا اسفي علي السودان واهله وبعدين انتوا يا النوبيين ليه عاملنها لوبيات وجمعيات وووو ما تكونوا سودانيين وخليكم من العنصره وبعدين انا ما فاهمكم انتوا مش قلتوا بتكرهوا العرب والعروبه الحصل شنو ولا دي نظرية السيد لو بدفع الحس ليهوا طي…… حتي .خلوا العنصريه وانتوا اصلوا ما عندكم شئ يخليكم تتعنصروا علي الناس وتميزوا نفسكم وتفصلوها عن باقي اهل السودان كونوا جماعه ياسوادنه لانوا كل حالكم من بعضوا والاشياء دي في كل المجتمعات موجوده انتوا ما منزلين
الناس بتكتب وبتعلق ويتحلل المشكلة والاسباب ولو ما كان كده كان كده زى البيقطع فى فروع شجرة عاوز ينتهى منها وناسى الجزور المشكلة وما فيها إنو إنتو بتتكلمو عن جيل منحل يعنى شنو الفرق بين جيل مغتلربين ما قبل1988 الكانو بيرفعو الراس فى اى مكان حلو به من كرم وشهامه وطبع اصيل….الخ وجيل ما بعد 1988الجيل الولد ضعيع تعليم وتربية وأخلاق ومربة نظريات حمقاء لا ترمى لأى نوع الحكمة التى بيتصف بها ولاة الامور فكيف ترجوا من مثل هذه التربية ان تنتج رجال او اناس بتحلون باقل صفات الاجيل والامة التى عمرت الارض وحوالت اليابس والى اخضر وتحدت الظروف وضحة بالغالى والنفيس من أجال مبدأ.اليوم أسال أى شاب سودانى لو عرض عليه خيار انتو يمشى يشتغل فى إسرائيل شوف حيقول شنو؟؟!!
ليه يا ناس الركوابه لم تنشروا الرد حقي علي المحسكوووو؟ هل هو من كتاب الراكوبه ولي شنو؟هو اتهجم علي بدون سبب واضح وتفه علي بدون سبب واضح وتف ولعن تربيتي بدون سبب واضح ؟ بدل مايقيف معي وقفه راجل ود رجال ويساعدني بحكمه عملوا في القصر واكيد كل شرير في الاشر منو وممكن يقلع الحق منو ويخوفه ولي شنوو؟وانتوا سمحتو ليهو بالاهانه لي؟فلماذالم تنشر الرد حقي بالمقابل؟واذا ما عاوزين تنشروها علي الاقل احزوفوا كلامه ؟وبعدين ليه حزفتوا كلام المحسي عن انهم كل شئ في يدهم لانهم شغالين في القصور خدم وانهم اعلي مكان من السفاره؟علي فكره انا سجلت كل المكتوب بكمرت الفيديو كل شئ؟مافي داعي للحزف هذه راكوبه الحقائق والحق وكل مظلوم باحث عن حقو والحقيقه يا اخوان واخوات والله علي المفتري الظالم في كل مكان مثل محسكوووو وشبهووو؟