الدبلوماسية السودانية تؤكد حق البشير في حضور القمة الأفريقية المقبلة بـ”مالاوي”.. رئيسة مالاوي جويس باندا ليس لها الحق في منعه الحضور لبلادها.
أ ش أ – أكدت وزارة الخارجية السودانية عدم أحقية رئيسة مالاوي جويس باندا بطلب الاتحاد الإفريقي منع الرئيس عمر البشير من المشاركة في القمة الأفريقية المزمع عقدها فى يوليو القادم والتى تستضيفها بلادها.
وكانت باندا طالبت الاتحاد الإفريقي بمنع البشير من المشاركة في القمة بسبب قرار المحكمة الجنائية الدولية بتوقيفه، قائلة: “إنه (البشير) ينبغي له أن يسامحنا هذه المرة حيث إننا نكافح لإصلاح الاقتصاد”.
وقال العبيد مروح المتحدث باسم الخارجية السودانية: “إن الاتحاد الإفريقي هو الجهة التي تقرر ذلك”، مضيفاً أن الدولة المضيفة لا تملك حق تحديد من يحضر القمة الأفريقية، مشيرا إلى أن السودان عضو في الاتحاد الإفريقي وله الحق في حضور القمة.
من جهته، أكد بدر الدين أحمد إبراهيم أمين الإعلام بحزب “المؤتمر الوطني” الحاكم في السودان في تصريح لصحيفة “الرائد” الصادرة اليوم الاثنين بالخرطوم، أن هذه القضية الغرض منها “عرض إعلامى”، مشيرا إلى أن الرئيس البشير من حقه أن يحضر كافة الفعاليات.
وقلل بدر الدين من تأثير حديث الرئيسة المالاوية على العلاقات الدبلوماسية بين البلدين باعتبار أنه حديث يراد به “المزايدة الإعلامية”.
الدبلوماسية تؤكد حق البشير طيب حق المساكين الغلابة دا باكدوا منو والشكية لا اب ايداً قوية
الوليه دى كلامه واضح وصريح .. ما دايره ابو الشباب ده فى ملاوى … حسى فى داعى للاحراج ده ..
(البشير) ينبغي له أن يسامحنا هذه المرة حيث إننا نكافح لإصلاح الاقتصاد”.
????????????????????????????????????????????????????????????
اللهم اكرمنا برئيس لا يحرجنا اقليميا
اللهم اكرمنا برئيس يمثلنا عالميا
والله الافارقة و نحن منهم مساكين .رئسة دولة و ماعارفة قانون الاتحاد؟ عشان كدا الخواجات يضحكوا علينا لانهم عارفننا اغبياء و جعانين و شحادين .
احمدوا الله انو الزولة دي واضحة من البداية وماعاوزة تدخلكم في احراج في اللحظات الأخيرة كما حدث اكثر من مرة وهي بهذا قد اهدت لكم نصحية غالية جدا حقو يا العبيد المروح ورئيسك تشكروها بدل من تدخلوا معها في من حقه او من غير حقه ان يحضر القمة. لكن في كل الاحوال هو كان راجل يركب طيارتو ويمشي عشان يشوف المكشن بالبصل دا كيف . الشيء الاخر هو ان الرئيسة ديي اراحت ما يسمى بهئية علماء السلطان في السودان من اصدار فتوى بعدم سفر الرئيس ويكون كفت المؤمنين شر القتال
“إنه (البشير) ينبغي له أن يسامحنا هذه المرة حيث إننا نكافح لإصلاح الاقتصاد”…………….انت اتاريك ما منشفة علينا برانا ؟ انتو اظنكم قاعدين تنقذوا في افريقيا كلها
جويس باندا المحترمة ما عليك الا ان تسلمى المجرم الهارب من العدالة عمر البشير الى محكمة الجنايات الدولية وسوف نصفق لكى كثيرا فى السودان ويحترمك المجتمع الدولى وقد ينصبكى شعوب افريقيا ملكة لعموم بلاد افريقيا…. التستر على المجرم هى نفسها جريمة ولا تكونى كمجرمى قطر والسعودية والصين و المجلس العسكري المصري والليبى الذين سمحوا لهذه الايادى الملطخة بدماء أبناء دارفور الشرفاء و السودانين الأبرار ، ان تدنس اراضي تلك البلدان…. العدالة تقتضى التكاتف الدولى لتحقيقها والضمير الإنساني يلزم كل محبى العدالة ان لا يفلت مجرما من العقاب … والأديان والأعراف الانسانية كلها تدعوا الي اقامة العدل ومحاسبة المخطئين فى حق الاخرين… ولا كبير على القانون …. الناس سواسىة امام القانون… ولا حرج أبدا فى تسليم البشير واذا كان بريئا فيثبت ذلك للمحكمة ولكن الهروب منها جريمة و تعطيل للعدل و استهانة بالقانون الدولى وتحدى للاتحاد الافريقى نفسه .. إذ يسمح لمتهم فى جرائم كبري كالابادة الجماعية بحضور اجتماعاته … هذا يقلل فى مصداقىة تلك المنظمة … كما قلل كثيرا فى مصداقية جامعة الدول العربية …. لا تسمحى له بتدنيس ارض ملاوي … والبشير ليس له أى حق قانونى فى فعاليات أى مؤتمر لانه مستهين بالقانون الدولى و تصريح المدعو بدر الدين احمد ابراهيم بان البشير له الحق في حضور الفعاليات خاطئ والبشير نفسه قال ان القانون الدولى تحت جزمتيه … الاتحاد الافريقي منظمة دولية قانونية … من لا يحترم القانون ليس مجال بان يطالب بان له حقوق قانونية
الزولةدى واضحة ودغرية من زمان .. ما بتعرف الدغمسة والمضاراة أختلفت مع الرئيس السابق موثاريكا فقط لتعيين أخيه بيتر … وتركت الشراكة السياسية معه فى 2009 لتترشج للرئاسة وتفوز بها ….
بالله ياريس لازم تمشى مالاوى..يعنى انت قلت الجمعة الجاية ح تصلى فى (كاودا)..فعايزنك من (كاودا) انت ونافع وعبدالرحيم وال50 الباقين المطلوبين للمحكمةالجنائية الدولية..لازم من كاودا تحركو الجيش و(تكسحو)..و(تمسحو)و(تقشو)أفريقيا الجنوب شرقية دى من كاودا لمن تدخلو(ليلنقوى) عاصمة مالاوى يعنى تقريبا كدة ح تصلو بعد جمعتين..الجمعة التالتة تصلوها فى (ليلنقوى) وعبد الرحيم يرفع التمتم من هناك قبل الخريف..وبعدين تدخلوهم كلهم الاسلام وتفهموهم كيف مرة تحكمهم..والمرة ناقصة عقل ودين..وبعدين تعملو فرع للمؤتمر الوطنى فى مالاوى تودو فيهو عبدالرحمن الخضر ونرتاح منو قبل كرم الله مايصل الخرطوم..لسة ماخلصنا من شكلة جادين-سناء-مسار..أفو يالجعلى حرمة تقول ليك ماتجى بلدى وانت تسكت تقعد..بالله سافر مالاوى فى نفسها وغصبا عنها..وخلى الردحى لنافع..هو بيعرف يلحسها كوعها..أمشوا عشان هى تربطك انت وجماعتك فى عمتها الكبيرة دى وتسلمكم ل(أوكامبو)..ونرتاح شوية هنا..الحر براهو طلع زيتنا..كمان يبقو اتنين علينا ..انتو والحر..عليك الله لو بتعزنا وانت القائد وانت الرئيس ..عليك الله تمشى..وماتسمع كلام أمين..ديل عايزنك تقعد وهم يسافرو ويستمتعو..أنا عارفك بتفهمها طايرة!!
يبقي راجل يمشي عشان نشوف
من حق الرئيس ان يمشي و لو بالقوة و يمكنه ايضا تغيير نظام الحكم في ملاوي بالقوة عملا باستراتيجية دخلوها و صقيرها حام ، و ليس من حق” ملاوي” منع الرئيس من الذهاب الى “ملاوي” …و يمكن للمروح ان يصرح بما يشاء و يمكنه ايضا ان ” يروح ” مع الرئيس الى ملاوي…كله ممكن، بس نريد بيانا بالعمل… نريد ان نرى الرئيس يقدل في ملاوي …. لو يقدر
الزول السابك خليهو لا تطرا الماضي الماضي تبكيهو
انساه وفارق واديهو والريد البينك وبينو اطويهو
هسة في داعي لي جنس الاحراج دة ؟؟؟؟؟؟؟؟؟؟؟؟؟؟
ما دايرك ما تدورو بلا من حق بلا ما من حق يعني هسة لو مشي يعاين ليها كيف زول ما دايرك والله اكتب شنوو ماعارف اح ح ح ح ح ح ح حح ح ح
خلوه يمشي إنشاء الله يقلوا القبض عليه هناك نرتاح من هذه الجعجعة التي أزاقت الشعب السوداني الويل رئيس لا يفقه شيء لا يحترم شعبه دمر البلد وهو والحرامية الذين معه أمسكوا قوي يا ناس ملاوي ده حرامي كبير ومطلوب دولياً وذلك اليوم الأمة السودانية سوف تصفق لكم وتحييكم متعكم الله بالصحة والعافية
والله الذى لا الة الا هو يا البشير المرة ام ضرعات دى لو لمت ومسكتك من رقيبتك والله منو منو ما يخلصك منها والله تفرفر كدى تلقى العافية لمن تسلمك لاختها فتو باسندة محنتك محنةتمرق من جويس باندا تقع فى فاتو باسندة يا عواليقيا فعو
والله مصيبتك كبيرة يا العرة البشير بين نارين جويس باندة وفاتو بنسودا والله يسودن عيشتك ويخلن ريحتك طير طير
ياخ ديننا بيقول لا ضرر ولا ضرار .. حتى لو مافي خوف من انو يقبضوك لأنك مجرم ما في داعي تدخل الناس في عقوبات اقتصادية وتضرهم زي ما ضريت بلدك
حس ياخ حس
بلا عرب بلا افريقيا قبلي النيفاشا ( السودان و بس ) انتهم جالسين في الراكوبه بتاكلو في التبش ماعرفين السيل النيل دا فيهو شنو
كذابين ساي
والله جاتكم من السماء
بشبش ذاتو بكون أتكيف منها لانه اصلاً شايل هم السفر
بعد يومين بجيبو ليك يكورك ويقول عميلة وخاينه
جنس مهزله
من يهن يسهل الهوان عليه ما لجرح بميتٍ ايلام
حتى انت يا ملاوى ………….!!!!!
الاكرم يا ود مروح ويا بدر السكووووووووووووت
الحمد لله
والله الاتبلبل يعوم… يا جماعة, خليكم ناس عاقلين ورجال ضكرانين. البشير حسى رئيس السودان وشينة فى حقنا زول يتكلم فيهو كلمة لحد ما تغيروا نحنا بضراعنا مش بمحكمة خايبة وكلام فاضى. يا حليل السودانى الضكران البيقيف مع اخوه ظالما او مظلوما. كونو البشير جوازو سودانى حتى ولو كان أحمر ونحنا جوازاتنا خدرا ولا سودا معناهو مننا وفينا… ما ملاوى ولا اوكامبو ولا الجنائية الدولية البتذل غفير ولا حتى راعى ولا حتى اسفه القوم لو كان سودانى.
ان شاء الله الاتحاد الافريقى يسمح ليه يا وزارة السجم والرماد – الخارجية. بس هو بيبقى راجل ويمشى
الله يريحنا منكم يا كيزان يا حرامية وكذابين
الشكية لي الله يا جويس باندا
نحنا زاتنا ما قدمنا ليهو دعوة لكن براهو جانا ناطي بإنقلاب
كان شالوه ما بنشال وكان خلوه خرب الدار
وحسبي الله ونعم الوكيل فيك يا عمر البشير
ياود كترينا رئيسة ملاوى دى صاحبتى وقرات كلامك فى الراكوبه وماتت من الضحك .. وقلت ليك عافيه منك ادينى مقطع تانى .. وهى حترسل ليك الدعوه لحضور القمه بدل اخينا التعيس دا ….
اسألوووووووووووووووووووووووه,,,كان ماشي داك الدرب,,,هاك ملاوي دي,,,, بالتونسيه ولا المصرية لأ احسن بالييييييييييبية القذافيييييية
من حق البشير أن يذهب للقمة؟ أريتو بالحقنة الشرجية
أين الحكمة الافريقية, الحل بسيط وهو تغيير مقر انعقاد القمة الافريقية, وفرصة للسودان استضافتها.. هدى القاعات (بالذات قاعات الافراح) ما تديك الدرب.
يا زول انت موش جعلي جدامشي ساكت اشان نتخارج من رقيصك و كواريك
يا جماعة الولية دى كلامها واضح وكتر خيرها على النصح بقولها( البشير ينبغى له ان يسامحنا هذه المرة).. يعنى هى مستعدة لتسليمه لمن يدفع لها من جماعة لاهاى لاصلاح اقتصادها ان تجرا و حضر للقمة وقد اعذر من انذر .. اها يالمروح عقبال نشوفك هناك .
والله أنا المحيرنى ياناس البشير بتحمل كل التعليقات دى كيفن من بين المعلقين لا واحد مؤيد لحكم البشير يا أخى حس وريحنا غور فى ستين داهية أنت وحكمك الفاشى كل العالم كرهتك زى الجربان تذهب بالقوة وتحرج الرئساء كما فعلت بأمير قطر ظل يرافقك فى الفندق حتى إنتهت الاجتماعات طالما ما بتحضر أجتماعات الرئساء اليوديك هناك شنو وقالو ماعايزنك تجى خليك عندك ضمير وشوية دم وأحسن شيىء طالما بتحب الزيارات أمشى لاهاى وحل مشكلتك مع أكامبو بدل السفر أى مكان فيه أجتماعات دول محترمة ودى يوم المنى ونسفق ليك إنك أرجل راجل حرم وطلق وأحلف مقلظ إنك غير خايف من أكامبو تورينا رجالتك ولى ماك جعلى ..
الرؤساء الافارقة بالاجماع يعتبرون البشير رجل ما عاقل – لذلك رفضوا ان يجعلوه رئيس للاتحاد عندما انعقد بالخرطوم بالرغم من رشوة الفلل الرئاسية – عموما يمكن ان يذهب البشير في معية الفرقة القومية للفنون الشعبية باعتباره راقص محترف يحمل اعدة اوسمة ينافس بها فيفي عبدو وشويكار
*** ( مشيرا إلى أن السودان عضو في الاتحاد الإفريقي وله الحق في حضور القمة ) ***
مالو ما يمشي القرار بيده ( الجماعة مبيتين النية ) بلاش مرجلة وحماقة