يوسف الكودة يفتي بعدم جواز التهجُّد بمكبرات الصوت

نعم نحتاج لمثل هذه الفتاوي …. الازعاج العام ومضايقة خلق الله …

والله انا سمعت الكلام دا من الشيخ الشايقي داك محمد احمد —-من قبل—-كنصيحه لائمه المساجد—دا هسع عملها فتوه—شكرا

فتوي مائعه جدا, اماكان الاولي ان تفتي بمنع الغناء في الشاشات الفضائية في رمضان , لكن نحن نعرف انك بقيت تتطلع فتاوي علي نسق ما يطلبة المستفتون , وخبرني بربك علي ماذا استند من الادلة علي هذة الفتوي الغريب ,ولا دي شمعة الوسطية الما فاهمه وعملت ليها حزب عديل , ربنا يهدينا ويهديك ….

فتوتك فى محلهاواول مرة منذ 30يونيو 1989 اسمع لى كوز بقول الكلام الصاح وبحس بعامة الشعب والحمدلله الفتحت بعد خمسة وعشرين سنه والله يفتح الباقين المعاك وعاملين عمى وطرش وبكم وعلى كل حال مشكور ياكوز

نسأل الله العافية والسلامة من هكذا فتاوى :o

ياسبحااااااان الله ياخالد صالح تستفضل السكن جنب الكنيسة علي السكن جنب بيت الله استغفر وتوب الي الله مماتقول من منكر اعوذ بالله من هذا ضلال!!!!!!!!!!!!!!!!! ربي ربي لاتحعلنا ممن يهوون الي النار بالسنتهم

والله العظيم بيتنا منذ الطفولة بين كنيستين – اسقفيه وواحدة اقباط ارزودوكس – ما عمرنا اتضايقنا منهم ولا اشتكينا منهم لاي سبب –
حتى يوم الاحد الناس ديل يوقفوا عرباتهم بنظام دون حاجه لشرطى مرور او غيره – الصلاه بمكرفونات داخلية فقط (الداير يسمع يجي جوه – منتهى احترام الحريات الشخصيه للجيران)
الان نسكن علي بعد حوالي 150 متر من جامع (الحمد لله ما كنا اقرب من كدة) وتعال شوف المكرفون لما يجعر خاصة هذه الايام في التراويح – والله تقول المكرفون مركب في اذانك…… يعني حتي يفقدك الاحساس الجميل الناتج عن سماع القران……
كل ما ذاد عن حده ——— اتقلب لضدة
ياجماعة في فرق بين الانصات والازعاج….. واذا قرأ القران فاستنطوا له….. اي يستمع اليه بخشوع …..
ان ما يحدث من الائمة في المساجد انما هو عدم الاكتراث باحوال من هم يسكنون قرب المسجد …. هناك اطفال وهناك مرضي وهناك كبار سن وكذلك هناك من هم غير مسلمين وايضا هناك من هم مسلمين ولكنهم ليسوا من رواد المساجد – انك لا تهدى من احببت – امام المسجد يسهر الليل وينوم النهار لكن احنا لازم نقوم للعمل من 8:30 وحتى 5:00م كيف اقدر اقضي يوم عمل طويل زي كدة وصايم وانا لم استطيع انا ارتاح بالليل عشان الدكتاتور قاعد يجعر في المكرفون طول الليل- بالله هذا ما اوصي به الاسلام؟؟؟؟
الامام ماشاء الله اكيد زنوبه كتيرة وبيفتكر انه بهذا التصرف يقدر يمحي جزء منها…….
اتحدى اى شخص ساكن جنب كنيسة يكون عنده اى شكوى منها – تعال شوف شارع الستين وقت صلاة التراويح – منتهى التخلف – منتهي الجهل – عدم احترام للقانون وبمساعدة رجل القانون –
طبعا الناس بتجري لهذا المسجد لعل وعسي يقيف جنبه في الصلاه واحد من البيظهروا في التليفزيون
ورجل القانون هناك لعل وعسي ان يقدر يطلع ليه بحاجة من المتملقين اللي بيحاولوا ان يصبحوا متسلقين
مع العلم باني مسلم واتمنى ان اري في السودانيين السلوك الحضاري اذي اوصي به الاسلام ونجده من شيمة وطباع غير المسلمين في السودان…..
وربنا يصلح الحال