كشف عقدًا سرياً ومريباً بينهما..وزير الإرشاد يكشف تجاوزات الوزير السابق وأمين الأوقاف المقال
البرلمان: سارة تاج السر :
كشف وزير الارشاد والاوقاف، خليل عبد الله، بالارقام والمستندات تجاوزات مالية ضخمة تورط فيها وزير الوزارة السابق ازهري التجاني والامين العام السابق لديوان الأوقاف القومية الإسلامية المقال، الطيب مختار، بمعية اخرين، ووصف امين الاوقاف المقال بأنه كان رأس الرمح في المعارك التي دارت في هيئة الحج والعمرة العام الماضي، وانه واصل تلك التجاوزات حتى بعد اعفائه من منصبه عبر شبكة الانترنت.
وافاد الوزير بأن الامين المقال ومساعديه ابدوا «مقاومة شديدة» لمنع فريق ديوان المراجعة العامة من مراجعة أوقاف الخارج.
واتهم الوزير في بيانه امام البرلمان امس، الامين العام المقال الطيب مختار، بوضع يده على اموال اوقاف السودان بالخارج دون وجه حق، وقال ان الامين العام كان يتقاضى مرتبا شهريا بالمملكة العربية السعودية قيمته 633.000 الف ريال سعودي، منها مبلغ 60.000 ريال سعودي بناءً على عقد سري موقع بينه وبين الوزير السابق ازهري التجاني «بدون شهود، وصيغته مخالفة لعقود وزارة العدل واشترط في العقد السرية وعدم اطلاع طرف ثالث عليه الا بموافقة الطرفين»، وبلغ المرتب الاساسي 20.000 جنيه سوداني مع مخصصات اخرى بنفس قيمة المرتب الاساسي.
واتهم وزير الاوقاف، الامين السابق بإبدال الختم والاوراق المروسة للاوقاف بإلغائه اسم الوزارة من الترويسة، وحمل وزير الاوقاف السابق مسؤولية جنح الفساد التي ارتكبها امينه العام، وقال ان التجاني طالب السلطات المختصة في السعودية باعتماد امين الاوقاف في مخاطباتها بدلا عن الوزير ما ساعده على اجراء توكيلات لعدد كبير من الناس بنظارات اوقاف السودان بالمملكة والتصرف فيها.
واضاف ان التوكيلات التي اعتمدها ازهري التجاني والطيب مختار اضرت بالاوقاق السودانية بالسعودية ضررا بالغا حيث توقف على اثرها العمل بوقف ابوذر بالمدينة المنورة الذي كان ممولا من البنك الاسلامي للتنمية بجدة، مشيرا الى قيام احد وكلاء التجاني بعمل اجراءات نظارة على مقر القنصلية والبعثة على اساس انها اوقاف مهملة بدون الرجوع للسلطات السودانية،
وكشف عن اعتماد اوقاف بأسماء سعوديين بكل من مكة المكرمة والمدينة المنورة ذهب ريعها لصالح المستفيدين حسب شرط الوقف، وقال الوزير «بعد انفصال الاوقاف عن الحج والعمرة لم يورد ولا ريال واحد لصالح الموقوف لهم منذ 2009.
وكذب الوزير ادعاء الامين المقال فيما يتعلق بجمع مال للاوقاق قيمته 2.762.295 جنيها قدم صكوكها للمراجع العام، وقال ان تلك الاوقاف لا صلة لها بوزارة الارشاد والاوقاف، وهي تابعة لناظر سعودي من اصول سودانية، ولفت الى ان الامين العام المقال واصل ارتكاب التجاوزات بعد اعفائه وعمل توكيلا عبر الانترنت لوقف ابوذر حول الحرم المكي لمدة 15 عاما تسلم مقدما لها مبلغ 3 ملايين ريال سعودي .
وقال وزير الارشاد ان امين الأوقاف بدد مبلغ 6.4 مليون ريال استدانتها الاوقاف بالخارج استلم الامين السابق في حسابه الشخصي منها 1.3 مليون ريال كدفعة اولى، بينما اظهر تقرير المراجع العام تبديد 2.229.705 مليون ريال واختلاس 1.408.000 مليون ريال و65.000 جنيه سوداني حولت من رئاسة الاوقاف بالخرطوم لاوقاف الخارج ولم تدخل حسابات اوقاف الخارج.
واعتبر الوزير ان النزاع الذي نشب في الفترة الماضية بين الارشاد والاوقاف كان له اثر سالب على سمعة الاوقاف، وان تهميش الامين المقال دفع رئيس مجلس الامناء واحد اعضاء المجلس الى تقديم استقالتيهما احتجاجا على تغول الامين العام على صلاحيات الامناء.
واحال نائب رئيس المجلس، هجو قسم السيد، بيان وزير الارشاد والاوقاف الى اللجنة المختصة لدراسته واصدار توصيات بشأنه تمهيدا لرفعها الى المراجع العام.
الصحافة
Mr. Basheer, I think this is a nother example of corruption, let us know what you will do, I think if you read ALRAKOBA each day and take the necessary action as required nobody will be there from the goverment
حسبى الله ونعم الوكيل هولائى حثاله ويعملون فى وزارات دينيه وهم حراميه وفاسغين من اليوم اقول للشعب السودانى ماتتبعو الفاسدين ولهم يوم
المدير ده اققطعوا رقبتو طوالي لكن منو البقدر ؟ده شكلو كوووووووووووز كببببببببر وما بقدرو عليهو ده انا عارفو من البدريييييييين والبدرييييييييات والله حرام عليكم تتسمو بالبدريين ياخ اقول ليكم حاجه انا غيرت جنسيتي لانكم جنس عفن
وهى لله هى لله
سبحان الله نهب فى مؤسسة زات طابع دينى
القساد داخل وزارة الاوقاف لاحول ولا قوة الا بالله
يجب اعادة الوزير السابق للبلاد فورا وتقديمه للمحاكمة العاجلة فهو حسب علمى سفيرا للسودان الان فى احدى الدول الاوربية………عجبى
الملاحظ انو هو الامين العام – سبحان الله الامين العام يخون الامانة وقال اسلاميين !!!! متى نصر الله الإ ان نصر الله قريب.
ما شاء الله دة كلو بحصل في وزارة الاوقاف؟ طيب وزارة البترو البحصل فيها شنو يا ربي؟
قالوا لا دنيا قد عملنا….ربنا ياخدكم من وشنا
آل كايزوني ” من كيزان”
( على وزن المافيا الإيطالية آل كابوني)
لا حول ولا قوه الا بالله
الله يفتنكم ويقلل من حجازكم
كل يوم يظهروا حراميه جدد
وانت المتضرر ياسودان العزه والكرامه
اذا فضل فيها عزه ولا كرامه
بالغتوا
سبحان الله !!!!!!!!!!!!!111
ديل ناس الدين فما بالكم بناس الدنيا
هييييييييييييييييييييييييييييييييييييع
رفعها قال يكون رفعها من التي لا تحال للمحاكم
هييييييييييييييييييييييه خلوها مستورة
هيييييييييييييييييييع هي لله
هييييييييييييييييييع يا شيوعيين
هييييييييييييييييييييع الفينا مشهودة عارفانه السرقة نحن بنغطيها ونحميها ونحمي حدودها
اذا كان هذا فساد وزارة الشئون الدينية و الاوقاف المسؤلين عن حماية الدين و السلوكيات فماذا يفعل المستشار احمد بلال ؟ المفروض ان لا يكون هناك اى تهاون او تحقيقات مطولة او مطاولات لانو ده كلام واضح يعنى الجماعة ديل حرامية درجة اولى و فاسدين المفروض يعلقوهم من الدقون فى ميادين عامة حتى يكونوا عبرة و نخلص من حكاية اى واحد عامل دقن اكبر من راسو و هو اكبر نصاب و مجرم و ما اكثرهم و نخشى ان لا تسعهم الميادين ، لعن الله كل ملتحى حرامى منافق .
اذا كان هذا حال وزارة الارشاد وحالة الاوقاف (تهليل .. تكبير)!! ومن الطبيعي والمنطقي والمفترض ان تعمل هاتين الجهتين وفقا للشريعة الاسلامية التي يحكمون ويعملون بها كما يقولون!! فما هو حال الجهات الاخرى؟؟ حقيقة اختصر الراحل المقيم الطيب صالح يرحمة الله كل ما يجري في السودان بسؤال واحد : من أين أتى هؤلاء!! هل يعلم أحد؟؟ لأنهم لا يشبهون السودان ولا السودانين في شئ على الإطلاق!!
تلاتة كباري
وشارعين و سدّ
قدّيتونـــــا قصــادهــــم قــــدّ
لو جينـا لكشف حساب وجرد
******
أمسك واحد أول بدء:
سرقتو وطن واسع ممـــــتد
فكفـكتوهــــو
وزعزهتوهو
وأرهقتوهــو
وبشتنتوهــو
وهديـــــــتوهو هــــدّا هــــدّ!!
******
وهاك التاني أمرا إِدًّ:
حكمتو شعب كان زي الورد
أفقـرتوهـــــو
وشرّدتوهـــو
وجهجهتوهو
وعنصرتوهو
وقطعتو حبل كان واصل ودّ!!
******
آخد التالت لو ترتد:
وجدتو مصانع لقيتو مزارع
وسكـــة حديـــد جدّ بالجــــدّ
عطلتوهـــا
وفرتقتوهـا
ووقفتوهــا
وشلعتوهـا
وقطعتو رزق عمـال من حدّ!!
******
أحسب رابع وتابع العدّ:
وين تعليمنا؟ ووين ترنـيمــنا؟
وين آدابنــا؟ ووين كتــابنــــا؟
وين رياضتنا؟ ووين ريادتنا ؟
مرمطّوهـا
وأخّرتوها
وأفشلتوها
وطيّشتوها
وخلفـــتوها جهـــل عن قصد!!
******
شوف الخامس أخذ وردّ:
كيف وحدتنا؟ وكيف دولتـــنا ؟
كيف عيشتنا؟ وكيف حالتــــنا؟
ووين ثرواتنا؟ ووين أموالنا ؟
وين غيرتنا؟ وكيف سمعتـــنا؟
خرمجتوهـا
وبشتنتوهـا
وضيعتوهـا
وبـددتوهــا
ولوثـتوهــا
وبي سمعتنا مسحتو الأرض!!
******
هاك السادس ونفسك سدّ:
رئيسا راقص رقصا شين
مسئول مزواج ركّاب سرجين
وزارة تجارة وبياعين
ناسا عايشة ومبسوطين
جضوم منفوخة ملمّعة زين
كروش ممدودة متر مترين
أيادي طريّة نعومة ولين
طالعين ماكلين نازلين بالعين
مناشر تنشر مطحونين
بفقه السترة محميين
ومندسين ومدسوسين
بفقه ضرورة وقوّة عين
نهّابين ومغتصبين
فساد شفناهو رأي العين
وشمّيناهو أبو العفين
وناس بهناك دايشين دايخين
بطونهم خاوية وما لاقين
وجوهم هايمة وفقرانين
وعينهم طالعة وكمان صابرين!!
وليه ساكتين ؟
ولي متين ساكتين ؟
بإسم الدين الخدّاعين
خلو حياتنا زفت وطين
تجّار الدين الأفاكين
ملعونين ملعونين
ملعونين لي يوم الدين
غشيتونـــا
وبشتنتونـا
وعذبتونـــا
وجننتونـــا
وبكيتونا دمع ودم
ولطمة خدّ
******
وتقولّي كمان؟
تلاتة كباري وشارعين وسد؟ !!!
ياخي قول: ميتين كبري ومليون شارع وألفين سد
إيـــــــــــه بيسوّا قصاد وطنا إتبخر وإتفتت؟!
إيــــــــــه بتعني أمام حلـما إتلاشـى وإتبدد؟!
إيــــــــــه بتغني مع فشـلا إتأصّل وإتوطّــد؟؟!!
*****
بس يــا ودّ
حيلك شـــدّ
ويد علي يد
كلنـــــا ضدّ
ضد العسكر وحكـــم الفرد
ضد الظلمــة ومــن أفســد
نضال وارثنو أبّ عـن جدّ
أكـتوبر أولى لــنا بتشــــهد
وأبريل التانية أعادت مجد
والتـالتة قريبة وما بتبــعد
خليك واثق وإتأكــد
للأحلى حيكون الغد
اخخخخخخخخخخخخخخخخ
القصيدة منسوبة في كثير من المنتديات خطأ للاستاذ محجوب شريف والحقيقة ان القصيدة لاخونا قرفان خالص من قراء الراكوبة المنتظمين
للأفضل راجنّو الغد
للأجمل حنبني الغد
للأحلى حيكون الغد
للأفضل راجنّو الغد
للأجمل حنبني الغد
__________________
طيب عرفنا السرقة بالعلني والواضح حتم محاكمتهم ولا زي السابقين ادوهم مناصب ترضية ،والقروش المنهوبة حترجع ولا عفا الله عما سلف وواوجعتي عليك يا بلدي مخروبة من كبيرها ربنا يجازيهم في صحتهم وعافيتهم من اليأس الدعاء ما بمشي فيهم حسبي الله ونعم الوكيل ما تنسوا الكلام ده في البرلمان
إنهم عمل غير صالح وبس !!!!!!!
SHIT
واحال نائب رئيس المجلس، هجو قسم السيد، بيان وزير الارشاد والاوقاف الى اللجنة المختصة لدراسته واصدار توصيات بشأنه تمهيدا لرفعها الى المراجع العام.
ههههههههههههههههههه حلوة كلمة احال ياهجو .
ما دام فيها لجنة , خلاص الموضوع إنتهي , والعزاء بالمقابر ممنوع إصطحاب الأطفال
القصة ذكرتني بنكتة : كان في حفل في كلية من كليات الشريعة وفجأة بدأ رجل يصيح -محفظتي محفظتي محفظتي اتنشلت،فقال له رجل بجواره مهدئاً يا راجل نحنا في كلية شريعة وديل كلهم شيوخ،هنا رد عليه صاحب المحفظة-ما خوفي في كده ،كلهم شيوخ ،أحسن يستحلوها بحديث ضعيف!!!!
ارض المدينة اخذوا عشرة مليون ريال مقدم ايجاروالسعودي المشارك في الجريمة مكتبه يقع غرب أمانة المدينة المنورة
ههههههههههههههههههههههههه حسبة الراتب ده هسي بتعمل بالضبط في حساب الريال 1510 جنيه سوداني بالقديم ( حوالي 955.830.000 جنيه سوداني ) …. وهذا ما نسميه ( مليار لاعمال الدار ) تهئ تهئ تهئ
ربنا على الظالم والمفتري
ربنا يستر وماخفى كان اعظم وهذة وزارة مطلوب ان تكون قدة حسنة فى النزاهه لباقى الوزارات والسودان ليس فقيرا ولكن ملى بالحرامية
حسبي الله ونعم الوكيل……. الناس دي ما بتشبع ….. وين اسد العرب رئيس الهنا…. بس اكيد الضحايا الاتنين ديل من الهامش ….. بدا جديع الناس من السفينه…… الاطراف اولا…….
نعامة المك المابقولو ليها تك !!!!!!
لا للسطلة ولا للجاهـ هي لله هي لله
ولا نامت أعين الطاذفية
دا حالته كان وزير للاوقاف؟؟ امال لو كان وزير السياحة كان حيعمل شنو؟؟
انا اشك في الكلام ده لان شيخ ازهري رجل مجاهد والله اعلم يختلس , فعليكم الله ماتشوهوا سمعة الناس ساي وعليكم ان تعلمو حتي لو عمل هذا العقد بدون شهود معناها للمصلحه العامه وليس لمصلحه شخصيه
سبحان الله ياناس إنتو مابتعرفو شيخ ازهري ولاشنو, ازهري التجاني واحد من مجاهدي الحركه الإسلاميه ودايماً يظهر في المواقف الصعبه ولعلمكم هو رجل زاهد في الدنيا ورجل بسيط جداً, ده كلام فارغ ماعندو معني وانا اتوقع الصحيفه التي نشرت هذا الخبر بكره تنفيه جملة وتفصيلاً
دى حاجه بسيطه عباره عن ملاليم امشو وزارة الطاقه شوفو الحاصل شنو
هى لله هى لله لاللسلطه و لا للجاه
يخس عليكم الف الف مره!!!صحى (تاكلوا مال النبى)!!!
الكلام اد لله السرقة والفساد لله
الزول دا لو كان مدير مصنع بيرة كان عمل شنو
حسبى الله عليهم – وهل الان ياكلوا مطمئنين مع اطفالهم ؟؟؟؟؟؟؟؟ عليى الطلاق حيرونا معاهم ؟
يا رب اخسف بالكيزان الارض
هذا هو حال الكيزان تسرق وتنهب تعفا من المنصب ويشوفو لييك منصب اكبر
اذا اختلف اللصان ظهر المسروق بس لامتين يختلفو ناس نافع عشان نشوف معلقات تتدرس في قاموس جينيس للارقام القياسيه والفلكيه بس انا المحيرني الحرمنه حقت ازهري التجاني دي ماظهرت عند احونا ويليكس كيف عارفين ليه ولا اوريكم
السرقه خشم بيوت والله
عارفنو كان بيعمل شنو في موباتيل
خوتي الكرام،
كل ما في الأمر عن قصة أزهري التجاني أنه صراع بين “أولاد علي عثمان ” وأتباع البشير، الفساد يعم كل وأقول أركان النظام الحاكم ولكن التركيز علي أن البرلمان ينفرد بمناقشة قضية أزهري التجاني يهدف إلى الضرب تحت الحزام علي تصفية علي عثمان وانصاره سياسيا” ، الآن بدأت الحرب الحقيقية والتي سوف يستخدم فيها أهل الانقاذ كل صنوف الأسلحة الفتاكة أشد من معركة الجنوب السابقة مع جون قرنق، أنا متزوجة رجل من بيت الكلاوي وأقول للنظام أتحداكم تفتحوا ملف تجارة علي كرتي أو ممتلكات الست وداد بابكر أو أسامه عبد الله أو الطيب مصطفي وحتي نافع علي نافع ، سوف آتيكم بالمثير المدهش في الأيام المقبلة علشان تصدقوا أنا من جوه الكلاوي ، نسكت لمتين صم بكم؟؟ ربنا يسألنا واو الله العظيم ما بتكلم علشان فقدت وظيفة أو زمان كنت مستفيدة أولا” أنا أقيم في الخارج منذ 13 سنة ، ثانيا” أنا وزوجي كنا فاكرين الشي” نظام إسلامي والصدمة هي اللي خلتنا نكتب ، بت الكلاوي .
الله في
إذا إختلف الكوزان
ظهر المال المسروق
الخرمجة والطمبجة واكل اموال المساكين والايتام في السودان واجب في ظل الانقاز والبشوفكم مطابقين لموصفات الحرامية ما كضاب ونشكر بت الكلاوي الي حست بروح الوطنية ومرقت المدفونة لكن في حاجة الناس نسو اخونا بش بش السكن كل اهلو في الكافور من بنقا وحولهم من حمار لحمر دي عندو كم في البلد ده والحرامية كتار يظهرو يوميا القريبة ده الموكل لبيت الله الحرام والموكل لبيت المساكين السودانين ديل يكون سو شنيو عليكم الله
هذا دليلٌ واضح للفساد الاخلاقى الذى يميز هؤلاء الناس .
أن أحسنهم الذى سلموه مفاتيح الدعوة قد فسد ، فكيف حال باقى القوم.
حسبى الله ونعم الوكيل.
احالة الموضوع للجنة لدراسته يعنى قتله نهائيا,هذا الموضوع مفروض يحال للقضاء ليقول كلمته
ياا خونا اتقوه الله فى انفسكم ، نحنا باسم اسرة السلطان على دينار نناشد السلطات السعودية بان ترد الاموال وعائدات الاوقاف الخاصة باوقاف السلطان على دينار اسرة السلطان هى المحتاجها لى حقها لانوه نسبة الفقراء فى الاسرة بنسبة 80% بدل ما ينهبوه القراصنة حقوقنا واموال جدنا ، الحكومة الظاهر انه ماله كتير لدرجة انها ما بتعرف الموظفين بشيلوه كم وبيختلسوه كم نحنا ما علينا حقنا وواقفنا لازم ترجع لينا ربنا بحاسب كل ظالم خش فيهوه…………………….
الامير/ على دينار محمد ابراهيم على دينار
حفيد السلطان على دينار