وزير المالية يتحدى أية جهة بتقديم بدائل لرفع الدعم عن المحروقات.. دعم المحروقات يعني دعم السفارات والاجانب ومنظمة الامم المتحدة.. نستورد آلاف البراميل من البنزين..الجنيه منهار ولولا إجراءات نظامنا لوصل الدولار الى 10 الف جنيه
الخرطوم: عز الدين أرباب:
وجه وزير المالية علي محمود انتقادات لاذعة الى ولاة الولايات قائلا «في ولاة ما بعرفوا شغل» وحملهم مسؤولية ارتفاع اسعار السكر بالولايات التي تسلمها الحكومة المركزية نصيبها من السكر في المصانع بسعر 156 جنيها للجوال حسب عدد السكان. وتحدى أية جهة يمكنها تقديم بدائل لرفع الدعم عن المحروقات.
وقال وزير المالية في تنوير قدمه في مجلس الولايات أمس عن البرنامج الاقتصادي الثلاثي «اذا كان هنالك ولاة مهتمون للامر لاجتهدوا ونقلوا السكر الى ولاياتهم عبر آلياتهم ووزعوه على التجار ومنعوا ارتفاع السكر الي اكثر من 400 جنيه للجوال، وزاد «لو كان في والي صالح كان وداه ولايتو ووزعه على التجار» ، واكد ان فرق اسعار السكر يذهب الى التجار، وعزا ارتفاع اسعار السكر بالخرطوم ووصوله لاكثر من 240 جنيها الى عمليات التهريب.
وتمسك الوزير برفع الدعم عن المحروقات، مشيرا الى رفع الدعم ، وقال ان استمرار دعم المحروقات يجعل الاغنياء يستمرون في ثرائهم والفقراء يزدادون فقرا. وزاد «دعم المحروقات يعني دعم السفارات والاجانب ومنظمة الامم المتحدة».
واشتكى محمود من زيادة الاستهلاك بين المواطنين وقال «الشعب السوداني زايد عددو واستهلاكو» .
وكشف ان الدولة تستورد سنويا عشرات الاطنان من السلع الرئيسية وآلاف براميل البنزين.
واستغرب الوزير من عدم تراجع الاستهلاك المحلي بانفصال الجنوب بتعداده السكاني البالغ 8 ملايين نسمة قبل ان يعزو ذلك الى عمليات التهريب الواسعة للسلع، ولفت الى ان التهريب خلق حزاما اقتصاديا وجعل جميع الدول المجاورة تعتمد على السودان. وقال انه سنويا يتم تهريب مليون طن من الجازولين في حين ان المخصص للاستهلاك في حدود 3 ملايين طن، منوها الى ان عمليات تهريب واسعة ومنظمة من قبل مهربين مدججين بالسلاح.
وكشف الوزير عن اتجاه لزيادة الضرائب على الاغنياء ، مبينا ان مساهمة الضرائب في الناتج المحلي لا تتجاوز 6% فقط في حين ان الدول القريبة جغرافيا من السودان مساهمة الضرائب في ناتجها المحلي تبلغ 20% ، موضحا ان السودان يفرض اقل رسوم للقيمة المضافة في المنطقة العربية.
واقر وزير المالية بانهيار الجنيه السوداني وتجاوزه 5 جنيهات مقابل الدولار، الا أنه عاد وقال ان الاجراءات التي اتخذتها الدولة حالت دون وصوله الى 10 جنيهات مقابل الدولار
الصحافة
كنت أتمنى من هذا الوزير الغشيم أن يقارن ما بين عائد رفع المواد البتروليه و المحروقات و بين ما يتم صرفه كرواتب و مخصصات لبعض الوظائف العليا فى شكل العقود الخاصة مع العلم بأن فى معظمها من بنات أفكاره شخصيا و إخراجه ( مثال عقد مدير سوق الأوراق الماليه عثمان حمد _ و الرجل ذو إمكانيات و مؤهل متواضع مقارنة بالعديد من مديرى بنوك كثيرة هنا _ و عشرات مثله… حتى مستوى مديرى مستشفيات حكوميه و كنت أتمنى أن أعرف مرتب و مخصصات د..مامون حميده الملياردير… و المعروف نهمو للمال لدرجة لا يتخلى عن وظيفة مقدم برنامج بالتلفزيون و شرطو الظرف أسبوعى عقب البرنامج مباشرة )…………
للعايز يعرف تفاصيل عقد مدير سوق الأوراق الماليه هى:
1. راتب شهري أساسي : 18.000.000 ( 216,000,000 فى السنه)
2: بدل العيدين 90 مليون فى العام
3. بدل اللبس : 72.000.000 ( أثنان وسبعون مليون جنيه سنويا ) أي بمعدل ستة ملايين للشهر الواحد !!
4. بدل إجازات : 90.000.000 ( تسعون مليون جنيه ) يضاف إليها قيمة خمسة تذاكر سنوية إلى أي بلاد الله أرادها السيد المدير .
5. بدل حوافز سنوية ( بونص ) : يبدأ من 270.000.000 ( مئتان وسبعون مليون ) ويصل إلى 340.000.000 ( ثلاثمائة وأربعون مليون ) !!
6. تتكفل دولة الفقر والعوز السودانية بدفع كامل فواتير الهاتف والكهرباء والمياه
7. إعفاء سعادته من كامل الضرائب على كل الملايين ( المتلتلة ) أعلاه .
وما اريد أن أتطرق لمرتبه شخصيا(وزير الماليه ) و مخصصاته و الظروف الرئاسية المختلفه للمناسبات الدينيه و القوميه……. ومرتبات الرئيس و نوابه و المستشارين دون أعباء إلا للديكور و مديرى مكاتبهم و الكم الهائل من الحرس و الجندرمة و الجيش الجرار الذى يسير من وراءهم أينما ساروا للكم الهائل من الوزراء و وزراء الدولة و رؤساء المجالس بمسمياتها المختلفه و الدستوريين و النواب و مديرى المكاتب و مديرى شئون الأوقاف و الحج والعمرة و ديوان الزكاة و المال السائب تحت أيديهم المتوضئة !!!!! تلك ……أعتقد و بل أجزم إذا تخلص الوزير من الجزء الأكبر من الهذا الكم ( الما ليهو لزوم) و خفض من مستحقات الباقين و إلغاء منحهم الوقود إلا لعربه واحده ومستهلكات الكهرباء و المياه لمنازلهم المتعددة و حكاية سفر الأسرة للإجازات على حساب الدولة للتسوق فى بريطانيا و دول الخليج ( و خاصة أن كل هذه الأشياء أى موظف فى الدولة يدفع قيمتها من راتبه) و وقف العلاج لكل أفراد الأسرة أينما شاء على نفقة الدولة…… حتتحل المشكله و تفيض الميزانية بإذن الله ….المشكلة هل عنده الإرادة و العزيمه ؟؟؟؟
الدعم الدعم الدعم. مافي قروش ارفعوا الدعم, في قروش ارفعوا الدعم, كرهتنا زاتو
اقتباس: استمرار دعم المحروقات يجعل الاغنياء يستمرون في ثرائهم والفقراء يزدادون فقرا..
خلاص يا اخي ارفعوا و ريحنا منو عشان الفقراء ديل يموتوا عدييييل مش يزدادوا فقرا.
وقال ان استمرار دعم المحروقات يجعل الاغنياء يستمرون في ثرائهم والفقراء يزدادون فقرا. وزاد «دعم المحروقات يعني دعم السفارات والاجانب ومنظمة الامم المتحدة».
والله مافاهم حاجة جنس عبط وغباء لم ولن اسمع به من قبل (الاغنياء والسفارات الاجنبية لو بلغ سعر اللتر مليون ما مهم عنده كم تبلغ السفارات والاغنياء وكم لديك من يستعمل المواصلات العامة وهل اي شخص يمتلك سياره خاصة غني بالله لو غلبتك اتركها وما الفرق بينك والحركات المسلحة والله هم واضحين والحكومه عارفة الكلام والقوات النظاميه جاهزه ومستعده لكن انت كالسوسه تنخر والحكومه مصدقة لم تخر *** كم تبلغ المرتبات حاليا سندوتش طعمية وحافلة ماهيتك تكمل شوف ليك حل اخر ونحن غير مستعدين والدوله غير مستعده لفتح جبهة جديده مع الفقراء المقصودين برفع الدعم اتركنا او اتركهم يلوكون اصبحت علاقة بيننا لا مفر منها بجاة الملوك نلوك والا الطوفان
ياسيادة الوزير الدولار انتو لما جيتو الحكم كان بكم وقلتو شنو في سعرة في ذلك الوقت لذلك أنسانا من مسألة انك ثبت سعر الدولار وخلينا في المهم انت لماترفع الدعم عن المحروقات كل الأسعار سوف تذيد والمواطن سوف ينكوي بنيران رفع الدعم لان أي زول حايتعلل ويقول الترحيل زاد والشي الثاني أرجع للتجارب السابقة وشوف أي زيادة في أسعار المحروقات ماذا يعقبها وسوف تجد انه زادت الاسعار والشي الثاني قصة ان تشيل الدعم عن المحروقات وعشان تدعم شرائح الفقراء دا كلام للأستهلاك ماكلام أقتصادي وأنك سوف تدعم مدخلات الانتاج وتدعم الكهرباء هذا اخي الوزير كلام سياسي وليس أقتصادي ياريت الحكومة توسع صدرها وتستعين بالخبرات( وليس الولاء) السودانية الموجودة بالخارج لتطوير الاقتصاد السوداني لأن المواطن المسكين أصبح لا يقوي علي الحياة
هذا زمانك يا مهازل فامرحي
الا يعرف هذا الاهبل من هم الاغنياء في هذا الوطن؟
الا يعرق هذا الاهبل ان هؤلاء الاغنياء لا يضرهم شئ برفع الدعم عن المحروقات وخلافه؟
الا يعرف هذا الاهبل ان كل شئ في هذا البلد تحت يد هؤلاء الاغنياء المزعومين وان اي زيادة تطراء علي المحروقات وخلافه تجعلهم يقومون تلقائيا برفع اسعار ما يوردونه ويبيعونه لهذا المواطن المغلوب علي
امره؟
الا يعرف هذا الاهبل ان المتضرر الاول والاخير هو المواطن البسيط الذي ارهقوه جوعا وعطشا؟
تبا لكم ولكل كلب يهتف لكم يا افشل من وطات قدمهم ارض السودان الحبيب وحتما سياتي يوم سيعرف الناس اجرامكم وخداعكم واني والله اري هذا اليوم قريب
والله شر البليه ما يضحك
زمان حكومة السيد الصادق اسقطوها عشان زاد سعرالسكر250قرش جعله 300قرش مقابل انوا يكون متوفر في كل المحال
والدولار كان سعره ثلاثة جنيه فقط فرق والله وفعلا استجاب الله للمواطنيين والعمال الانساقوا خلف الكذاب الاشر التر ابي وعلي عثمان ونافع وبقية اللصوص امثال عباس الخضر وهتف الشعب العذاب ولا الاحزاب واستجاب الله
المكتشف الخطير وزير العواسة والنكاح
يستغرب لعدم انخفاض الاستهلام رغم انفصال الجنوب ؟!!!!!!
دا حسه يقولو ليهو شنو اعوذ بالله من غضب الله
انا مواطن سوداني
اقبل تحديك وعلى علم ودراية كاملة بما اقول
وعلمي اليقين ان هناك الالاف من الدكاترة والبروفات يستطيعون حلحلة
العلل الاقتصادية بل ان راعي الغنم في الخلاء يستطيع اخراج البلد من محنتها
كلم رئيسك وتعال لينا صاد بالاكيدة
كان هو زاتو قال الروووووب
بتتحل المشكلة
ارفع الدعم خلينا النشوف نهايته
هل سينجح حزب المؤتمر الشعبى بالاضافة الى بقية المعارضة والحركات المعارضة بدارفور فى تحريك ثورة الجياع والشارع عموم ضد الحكومة؟ الموتمر الشعبى بدا بتجهيز كوادرة فى الاقاليم لتحريك الشارع ضد الغلاء الفاحش والازمات المختلفة
اها ياشعب ياسوداني يافضل_رايكم شنو بعد دا ؟
(واقر وزير المالية بانهيار الجنيه السوداني وتجاوزه 5 جنيهات مقابل الدولار، الا أنه عاد وقال ان الاجراءات التي اتخذتها الدولة حالت دون وصوله الى 10 جنيهات مقابل الدولار
) الراجل المخرف دا قبل يومين بس قال جاتو قروض ضخمة و قال الدولار بنخفض 50% – يعني (لحس قضافو) – والله مصيبتنا مصيبة (البصيرة بت محمود) كل يوم طالعة بتصريح يرفع الضغط
The solution is very obvious…”Albashirs” regime of fools must vanish, must get out of Sudans life…I sense a massive storm on the way, unstoppable one
من جهتهم طالب نواب مجلس الولايات بزيادة رواتب أفراد القوات المسلحة الى ثلاثة أضعاف رواتبهم الحالية حتى لو أدى لرفع الدعم عن المحروقات.
وكشف ممثل ولاية البحر الأحمر بالمجلس عوض حاج علي عن دراسة أجراها أن عدم رفع الدعم عن المحروقات خاصة لدى أصحاب المركبات الخاصة يوفر لكل صاحب سيارة خاصة مبلغ (500) جنيه، (مقابل 300 جنيه راتب الجندي) وشدد على أهمية رفع الدعم عن المحروقات وعدم “مكافأة المترفين” على حد تعبيره ومضاعفة رواتب الجيش ثلاثة أضعاف.
وطالب صلاح الغالي بزيادة الدعم المالي للقوات المسلحة وقال إن راتب اللواء في الجيش يترواح بين (1.1 ? 1.3) ألف جنيه ، مشيراً الى أن راتب الجندي يبلغ (300) جنيه أي ما يعادل راتب (الخادمة) في المنزل
وللللعت المهاترات والتصريحات بقت فى وضح النهار
باقى ليكم ايام وتروحوا فى ستيييين
LA wallahi?
والله نقول شنو فى النصيبه دا ما عارفين!!!!!!!!!!!
لكن غايتو برضو فهم نعمل شنو
مااصلو الانفاذ بتاعت فلتات ودجل , في بدايتها ظهر عراب اقتصادها صلاح دولار وقال قولته المشهورة : لو ما نحن جينا كان الدولار حصل 12 جنيه(ان لم تخني الذاكرة). ابي التاريخ الا ان يعيد نفسه وبنفس اسلوب البجاحة وقلة الحيلة. ولكن في شخص وزير مالية الانفاذالهمام السيد/علي محمود ليشنف اذاننا بهذه المقولة : لولا اجراءات نظامنا لوصل الدولار الي 10 الف جنيه ، مع ملاحظة البون الشاسع بين: 12 جنيه و 10000 جنيه… دا اقتصاد ماشي امفكو ساكت…..وليكم حق انكم تفتخروا بانجازاتكم الخائبة خيبتكم وخيبة آمالنا فيكم منذ اكثر من عشرين سنة…..ياها دي قدرة فهمكم وتخطيطكم وسياستكم, لانو وببساطه : كل اناء بما فيه ينضح……….
ايه زول عارف انه ارتفاع اسعار البنزين والديزل يودي تلقائيا لزيادة مختلف السلع بداء بالمواصلات.
الاغنياء ديل زيد ليهم الضرائب
السفارات والمنظمات الدولية بيع ليهم بالدولار بكروت خاصة بترخيص سياراتهم من منافذ معينة.
التهريب ده بدل الحرب مع الجنوب ماقادرين تحاربوا التهريب ما ناسكم ديل جايين من وين يعني
فساد وزارة الأوقاف ده في اي وزاره ،،، اي وزير أو والي أو مدير شركة او مصلحة عامل موقعه اقطاعية خاصة ينهب ذي ما عاوز .
قال ليك في القبر الملكان منكر ونكير لمن يموت واحد من ناس الانقاذ بكتر الفساد بتاعه يقولوا ده ما حيخلص اليوم القيامه نمشي ونجيهو تاني
والله يا سعاده الوزير أظنك جديد في شغلة الوزارة والامور المالية من قال لك أن رفع الدعم من المحروقات هو بسبب انو الاغنياء يزادو ثراء والفقراء يزدادو فقرا علي اي نظام اقتصادي تمت هذه الحسبة اذا كان الاقتصاد حر اي اقتصاد سوق فهذا يعتمد علي الانتاج ومن حق الغني يزداد غنا اما اذا كان اقتصاد اشتراكي يمكن اي أن يكون صحيح
والله جهلكم بابسط الامور واستخفافكم بعقلية المواطن جعل الامور تختل واصلا انت غير مؤهل لتصير وزير مالية لانك لا تفقه شئ والامر الاخر أن ارتفاع سعر الدولار وانهيار قيمة الجنية نتيجة لعده اسباب اهمها انكم بتهربو الاموال الي استثمارتكم في الخليج وشرق اسيا لذلك حتعملو المتسحيل عشان تموصوا دم الشعب السوداني عشان شركات النقل بتاعتكم في كولامبور والفلل في مدين النخيل والحسابات بتاعتكم هناك تكون عال العال
ملخص كلام وزير الماليه عن مشاكل الاقتصاد السوداني.
1- مسؤليه ارتفاع السلع بالولايات ومن بينها السكر مسؤليه الولاه.
2- الشعب السوداني كتار وبيأكلوا اكتر.
3- البلد ما عندوا انتاج وعايش على الاستيراد.
الحلول المقدمه من السيد الوزير
1- رفع الدعم عن المحروقات هو الحل مع كثير مبررات المرة دي دخلت منظمات اجنبيه وسفارات.
2- التهريب اس البلاوي ولابد من تفعيل سياسه Shoot to Kill.
3- رفع السقف الضريبي والتبرير ليه انو فقط الجبايه من الأغنياء والدول المجاوره حصيله جباياتها الضريبيه 20%.
اما النقطه الاهم هو الاقرار اللحظي بانهيار الجنيه مع الملاحظه انوا في نفس اليوم وفي لقاء آخر من ناس آخرين سوف يغتلف الكلام شكلاً ومضموناً انو اقتصادنا تمام التمام.
اما اخطر ما في الكلام كلوا الفقره المقتبسه التاليه “الا أنه عاد وقال ان الاجراءات التي اتخذتها الدولة حالت دون وصوله الى 10 جنيهات مقابل الدولار”
التاريخ لا يتكرر الا في شكل ملهاه..
لا عزاء ولا تعاطف مع الاغبياء
دون وصوله الى 10 جنيهات مقابل الدولار وبعديييييين ياصلاح دولار تعال تانى
والله ياجهلول لو ماجيتو انتو وسفاحكم البشير
كان سعر الدولار لسع 12 ج بدل 6000ج
الله يقطع خبركم جننتونا جن
؟ !!!!!!!!!!!!!!!!!؟؟؟
كان رفعتو الدعم عن المحروقات ولا خليتو الدولار طاير تطيرو ماتركو
لو فتحتو تصدير السيارات امكن ترحمو الغلابه ديل شويه
بعدين وين دعمكم للمغتربين زول جايب سيرتم مافى طب بعد كدى القو ليكم دولارات ولا حتى ريالات
تشموهم كشنه
وكان لى كلام نافع المانافع……….. شكيناكم على الله …………..
ربى لا أسألك رد القضاء ولكنى أسألك اللطف فيه وحسبى الله ونعم الوكيل
أفشل وزير مالية مر على شعب السودان ، هذا لا يصلح الا فى اللجان الشعبية فى الاحياء فقط لجمع الهتيفة و متابعة ظل الشمس من جهة الى اخرى .
البديل يا سيادة الوزير
تقليص حقيقي لنقات الدولة
قلص عدد الوزراء و الوزارات و الوظائف الهلامية و الامتيزات الخرافية
و خليك من كلان البنزين ماشي للسفارات و الكلام دة
خليك امين مع نفسك و وريني الحكومة في المركز فقط بتصرف كم على المحروقات
الكلام دا بعد ( المورد الضخم ) ام قبله ؟
اقتباس ( الشعب السودانى زايد عددو واستهلاكو ) سمعتو ب ( الشبخترى ) دا قبل كدة ؟؟
المفروض يسكتو كُتاااااااااااااار من الوزراء ومصيبتنا كبيرة . ربِّ استر .
من الاحسن والافضل لك ولرئيسك ان تخرسوا ولا تتكلموا ابدا
ابدأ عند نهاية حديث وزير المالية … عند مجى ثورة الانقاذ زكر صلاح دولار اقصد كرار ( قال لو ما جينا نحنا كان الدولار وصل 12 جنيه)هذا فى بداية التسعينات
ونسال السيد الوزير البلد دى مافيها الا المنظمات الاجنبية .. مافيها مواطنين زيتهم طالع وح يطلع زيادة بقراراتك الغبية دى
ومن الاخر كدة الشغلة كان غلبتك قدم استقالتك .. البلد دى فيها عباقرة فى الاقتصاد يستطيعون الخروج بها الى بر الامان بدون اعباء اضافية على المواطن المغلوب على امره .. واخيرا راجع مقال اسحق فضل الله ( وده زولكم ) بتاريخ اليوم 16/5/2012 وشوف البستهلك وقود اكتر منو المنظمات ولا حكومتك .
– ولاة ما بعرفوا شغل»
– ولاة غير مهتمين بنقل السكر لولاياتهم
– لو كان في والي صالح كان وداه ولايتو ووزعه على التجار
– 240 جنيها للشوال بسبب عمليات التهريب.
– دعم المحروقات يعني دعم السفارات والاجانب ومنظمة الامم المتحدة ( عليكم النبي ده كلام يقولوا وزير ))
واشتكى محمود من زيادة الاستهلاك بين المواطنين وقال «الشعب السوداني زايد عددو واستهلاكو» .
طيب ليه ما يزيد إنت معرس ثلاثة أحسب أعضاء البرلمان من أصحاب المثنى والثلاث))) حتى السكر مستخسرنو يكون متوفر ليهم ،، سبحان الله هؤلاء قوم لم نر أقسى من قلوبهم ،،،،
_______________
في الختام كلها تبريرات إن دلت على شيء تدل على جهل هذه الشرذمة ،، والحمد لله اعترف قال ما في والي صالح ،،، هو لو صالح كان بقة والي ،،،، كلكم طينية واحدة ربما عمل غير صالح ،،، لكن أظن الترابي مبسوط لأنو من أحد أسباب الانشقاق انتخاب الولاة وعدم تعيينهم فقال القوم بصوت واحد مليء بالطمع (( بعد ما لبنت نديها الطير)) أها قطعت تاني وعدمت نقطة اللبن،،، تسوي تلقة ،،
وتمسك الوزير برفع الدعم عن المحروقات، مشيرا الى رفع الدعم ، وقال ان استمرار دعم المحروقات يجعل الاغنياء يستمرون في ثرائهم والفقراء يزدادون فقرا. وزاد «دعم المحروقات يعني دعم السفارات والاجانب ومنظمة الامم المتحدة».
الوزير دة غبي ولا شنو سؤالنا له كم هو عد السفارات و سيارتها و عدد الأجانب و كم هو تعداد سكان السودان في المقابل؟
أليس يعني رفع الدعم هو ازدياد في فقر الشعب وهؤلاء الذين لا يملكون غير المواصلات العامة وسيلة تواصل ؟ الا يعني رفع الدعم. ارتفاع تعريفة المواصلات بكل شرائحها ؟
أليس يعني رفع الدعم ازدياد في كل مستلزمات الحياة اليومية لرفع تعريفة النقل في الشحن و جميع الشاحنات المختلفة المملوكة للقطاع الخاص ؟
ما علينا الا ان نقول الوزير جبان يفعل هذا من اجل دعم ماليته لضمان بقائه في مقعده وينعم هو أهله على كنف الرغد على حساب الفقير.
تاني جاب سيرة البحر .. الكلام دة يا اخوي قالوا صلاح كرار زمااااااااااان قبل ما يصل الدولار 12 جنيه بالقديم .. جيت تفتش الماضي ؟؟ وتتحدى مين يا اخوي ؟؟؟ وانت بهمك في ايه؟؟ انت ماكل ما لذ وطاب وشارب موية وعصائر من دم الشعب الغلبان الفقير عشان تؤدي شغلك بمهنية عالية وولدك يتعالج في امريكا من وجع اضان وناس عندها فشل كلوي ما لاقية غسلة واحدة وووو وناس كتاااااار يعانوا من الفقر والجوع والمرض وانت تتحدى؟؟ يا اخي اختشي والا اقول ليك او اذكرك خاف الله فينا – كان نحن ما شايفين رب العالمين شايف وعالم … بعدين بتقول لرب العالمين شنو؟؟؟
الزول دا اما جاهل او مستهبل، يعني مايعرف الزيادة في البترول تعني الزيادة في كل شئ بدءاً بالمواصلات وانتهاء بما لانهاية؟؟ المواصلات العامة بركبوها الاغنياء ولا الفقراء يا سعادة الوزير؟؟؟؟
افشل وزير يمر علي السودان ولو غلبك المالية ارجع جنوب دارفور ارعى بباقي بقرك دا لو عندك بقر زيادة المحروقات لم يستفيد منه الشعب فقط المستفيدالسلطةوزيادة السكان ما عندك جهازللاحصاءللمواليد والوفيات لتحديد السكان الحل الوحيد تخفيض الصرف السيادي المخصصات وتفعيل الانتاج المحلي لزياد الصادر انت الوزير خريج جامعة برام لان دائما يتحدث عن العواسة
” حين ان الدول القريبة جغرافيا من السودان مساهمة الضرائب في ناتجها المحلي تبلغ 20% ، موضحا ان السودان يفرض اقل رسوم للقيمة المضافة في المنطقة العربية. ”
تعليق : لماذا لم يذكر لنا هذا الشاطر “و كلمة شاطر لها معنى معروف” اسماء تلك الدول حتى نتحقق من معلوماته .أما ضريبة القيمة المضافة فتوجد عدة دول عربية لا تعرف هذا المصطلح .
على هذا الشاطر أن يذاكر كويس قبل اي تصريح
نحن كان ما ارادة الله وحكم القدر تكون انت وزير ماليتنا يالقيط يامستجد النعمه يا اهبل والله اجزم انه ليس لك علاقه بابجديات علوم الاقتصاد , والله المالية دي لو مسكوها لتاجر قطاعي يديرها احسن منك,,,,,,,,,,,,,,,,,,,,,,,,,,,,, حسبنا الله ونعم الوكيل فيكم
بالله الراجل ده ما همبول
الراجل ده أهبل و لاشنو أغنياء شنو و سفارات شنو لو رفع الدعم حيطلع زيتنا زيادة لأنو تماسيح السوق من الفصيلة الكيزانية حيستغلوا الفرصة و يرفعوا الأسعار 3 أضعاف بحجة زيادة الترحيل
انا المحيرنى الدعم االعايزين يرفعوه دا ويييييييين
دا كلام يا عبد المعطي!!
الحل سعادة الوزير الإنبطاااااح أنت ورئيسك الرقاص وخاله العنصرى وماتنسى ابو العفيين علشان الريحة ماتطق
أعتقد لو عملتوها يا كيزان حتكون القشة القصمت ظهركم
“وكشف الوزير عن اتجاه لزيادة الضرائب على الاغنياء ، مبينا ان مساهمة الضرائب في الناتج المحلي لا تتجاوز 6% فقط” اذا كان هؤلاء الأغنياء الذين عناهم الوزير هم كبار التجار و أصحاب الشركات فهم سيضعون أي زيادة فى ضرائبهم على كاهل المواطن المسكين و فى النهاية سيتحمل المواطن هذه الضريبة و لن يدفع الأغنياء و لا مليما واحدا.
ثم لماذا لا يري الوزير السبعة و السبعين وزير مركزي و مئات المستشارين و الخبراء الوطنيين و عدة مئات من البرلمانيين النائمين، و خمسة عشر والي مع نوابهم و مستشاريهم و مساعديهم و خبرائهم ، و خمسة عشر مجلس وزراء ولائي و مجالس نيابية و لائية بالالاف، و مئات المعتمديات بمعتمديها بدرجة وزير بجانب مجالسها النيابية ، لماذا لا يري الوزير هذا العدد الضخم من آكلي اموال الشعب و الذين فشلوا في كل شئ و كل مجال ثم يريد ان يعوض عجز ميزانيته بمزيد من معاناة الشعب بفرض مزيد من الضرائب و رفع الدعم عن السلع الأساسية (ان وجد مثل هذا الدعم)؟.
الأهبل ده مافى فرق بينو وبين ماسورة الهلال غارزيتو … طلعتو الجنوب بى بترولو الكتير ده وجايين ترفعو الدعم عن المحروقات كبدييل ترقعو بيهو الميزانية المقددة دى ……………….
وتمسك الوزير برفع الدعم عن المحروقات، مشيرا الى رفع الدعم ، وقال ان استمرار دعم المحروقات يجعل الاغنياء يستمرون في ثرائهم والفقراء يزدادون فقرا.
بالله عليك اذا رفعت الدعم يعنى حيصل العكس ؟ اللهم ولى فينا من يصلح
على فكرة الوزير دا شوم على إقتصاد السودان .. ولا أقول ليكم بصراحة الكيزان ديل كلهم شوم على البلد .
والله صحي ..!!
شابكنا كل شوية ارفع الدعم عن المحروقات – ارفع الدعم عن المحوقات – يحرق جلدك لو ما رفعتو – هل مشكلة الاقتصاد السوداني كله سببه دعم المحروقات؟ يا غبي المحروقات يتم استخدامها في تدوير حركة الاقتصاد باكمله: في النقل والمواصلات والزراعة وكل احتياجات الحياة اليومية – وان المنظمات الاجنبية والاغنياء الذين تتحدث عنهم لا تتجاوز نسبتهم 1% من الشعب السوداني الفضل. ولو اردت ان تحرم المنظمات الاجنبية والامم المتحدة من بنزينك (المدعوم الرخيص) اطلب منهم استيراد ما يحتاجونه من وقود من الخارج – والله سوف يستوردونه باقل من تكاليف بنزينك المدعوم. ولو ان المنظمات الاجنبية والامم المتحدة عاملتك في بلدانها بنفس اسعارك المحلية لاغلقت كل قنصلياتك وسفاراتك في تلك البلاد واعدت دبلوماسييك الذين ترهلت بهم الي السودان. ياوزير الحيرة والمحنة مشكلة الاقتصاد السوداني تكمن بشكل اساسي في تولي امثالك وزارة المالية ومن قام بتعيينك. ارحل انت والجابك الله لا عاد ايامكم.
كمان طلبنا سحاره تعال اخصينا عشان تر تاح
ارحمنا قدم استقالتك ابقى راجل وخلي اسد العرب و جماعته
الراجل كل يوم كلام بطل الهضربه………. خلي القوات المسلحه تحرس الحدود قا عدين بسوا في شنو…….. البلد نقصت من كل اطرافها وراح الثلث لسع قواتكم المسلحه ……. حرام عليكم….ديل كلهم حراميه حتى وزارة الوقاف اللهم لا شماته……اللهم لا شماته…..اللهم لا شماته…..اللهم لا شماته…..اللهم لا شماته…..اللهم لا شماته…..اللهم لا شماته…..اللهم لا شماته…..اهل الشعارات الزائفه الرائد الذي لا يكذب اهله
ياحليلك يا كرم الله .انتو يا ناس ويينو زول كندا داك؟
هذا الوزير يعالج أبنه خارج السودان بملايين الجنيهات .. حسبنا الله ونعم الوكيل
النظام ده فيه كم لمبي يعني من الرئيس الى الوزير كلهم لمبي فقعتو مرارتنا حلو عنناوأمشو عيشو بمانهبتوه خلال السنوات الفاتت
بديل رفع الدعم ما محتاجه تحدى ولا أدنى تفكير …وانا (العنقالى) الما فاهم شئ بقولك ..أوقفوا الفساد ..وتبديد المال العام والصرف البزخى ..ثم حتى لو رفعت الدعم وانتم بمثل هذه الطريقة فى المال العام سوف يستمر الانهيار والتدحرج نحو الهاوية
اقترح لحل مشكلة زيادة سعر الدولار (6000 جنيه) ان يتم الرجوع للدينار وتكون قيمته تساوي الف جنيه وبكدا يكون سعر الدولار يبقى 6 دينار فقط مع ملاحظة ان الدينار فيه بركة لانه عملة اسلامية وكدا ولا شنو يا اخوانا قايلين روحكم براكم بتفهكو في الاقتصاد
حجة حواء ست الطعمية لو زدت ليها جاز اللمبة القاعدة بيها فى الشارع بتزيد سعر الطعمية والغلابة مايقدروا ياكلوا ؟ قلت نقرب ليك المسالة ياويز الهنا لو ماعايز تفهم
الكذب لو فات حده بينقلب على ضده هسى 5 جنيهات فرقها شنو من ال10 هم كان قادرين اصلا ارجعوه الى زمن 1 جنيه ب 3 دولارات هه
سؤال برئ يا جماععة……نحن لى بنعتمد على دولار الدول الكافرة؟ ما نعتمد على جنيهنا الاسلامى
(واقر وزير المالية بانهيار الجنيه السوداني وتجاوزه 5 جنيهات مقابل الدولار)
ياوزير الغفلة الكلام دة وين؟ في الجخانين ولا في البنك المركزي؟
أها طيب وكت انت مقتنع انو دة سعر الدولار الحقيقي المنتشة العليكم شنو؟
أنا غايتو متفق معاك يا أبو علوة فى جملة واحدة من كلامك..الجملة الانت قلت فيها:(..فى ولاة مابعرفو شغل..)!..أخيرا شهد شاهد من أهله..سامع ياوالى الخرطوم..على عبدالمحمود..وزير المالية قال عنك انك انت مابتعرف شغلك..وما شايف شغلك..أها ده منك وفيك..ما قلنا ليك ياوالى الهنا..الخرطوم قذرة..الخرطوم وسخانة..الخرطوم عفنة..مارضيت كلامنا..ياوالى أكياس النفايات مالية الشوارع ومردومة كيمان كيمان..ومردومة يومين وتلاتة لاعربية نضافة واحدة بتمر..ياوالى المجارى طافحة فى كركر وجاكسون والمحطة الوسطى بحرى والسوق العربى والسوق الشعبى..الوساخة مردومة أكوام..وانت دى بطينة والتانية برضو بطينة..ياوالى ريحة البول فى كل ميدان وموقف مواصلات فى العاصمة..ياوالى تعال يوم واحد زورنا مرة..حتى (نفرة)بنعمل ليك..كيمان الوساخة..باقى خضار وباقى لحوم وباقى أعضاء بشرية..ياخى تعال مارى بجنبنا هنا نحن فى كلية التكنولوجيا الجنب كركر دى عشان (تآمنو)..متسولين..مهمشين..مشردين..شحاتين..ناس ببيعو روسين نجيفة..وناس بياكلو والضبان.الضبان..الضبان..وفى البيوت..الباعوض..الباعوض..الباعوض..وفوضى الحافلات والركشات والفريشة..والأعمى شايل المكسر..بالله زورنا مرة..يابلال زورنا مرة..عشان تتمشى وتتبختر كدة وانت شايل عصايتك دى وتقدل وتعفص بول هنا..فضلات حيوانات هنا..فضلات بنى آدمين..يعنى ماممكن يكون جلدك تخين كده..وانت والله على محمود صدق لما قال انك ما شايف شغلك..انت فالح بس النفرة..النفرة..نفرة البطاحين..نفرة برى المحس..نفرة الصوفية..وواقع بيع و( تجنب )!..عايز تبيع مستشفى العيون..عايز تبيع مستشفى الخرطوم..عايز تبيع وزارة الشباب..عايز تبيع ديوان المراجع العام..عايز تبيع أبوصليب.. عايز تبيع صالح باشا..عايز تبيع السكة حديد..والى انت ولا بتاع دلالة….ده كلو حتودى وين..ماليزيا؟ يومتها مشينا نعزمك عشان نفرة كركر.. قالو مسافر..سالناهم خير نعل مافى عوجة..قالو لا زيارة لألمانيا واسبانيا عشان الوالى عايز يعمل(مترو) فى الخرطوم..مترو ايه..مادايرين مترو..نضف الخرطوم وشيل الأوساخ المكومة فيها دى وريحنا من الريحة الكاتلانا دى ومن الضبان والبعوض..ونظم المواصلات بعدين أمشى اشترى لنفسك مترو..وماهمانا انشالله يبيعو ليك نفس المترو الباعوهو للصعيدى فى القاهرة..وبعدين انت دكتور بيطرى العرفك بالمترو شنو..مافى مهندسين فى الولاية كانو فى الخليج يمشو يشوفو المترو..وانت تنضف الشوارع دى..الجماعة امبارح فى السوق قالو نحن حارقين دمنا فى الفاضى..ليه..قالو الوالى ده طبيب بطرى ولما اتخرج اشتغل فى البطرى بتاع حلة كوكو..والسكن كان فى نفس مكان الشغل..فهو مازيكم يعنى هو متعود على ريحة بعر الغنم ودبال المعيز وروث البهايم..فحتى لو جا كركر..ماح يشم الانتو شامنو..بالعكس حيقول ليكم الواحد حاسس كدة انو فى بيتو.لأنو القاعد فى المرحاض ما بشم العفنة….وبعدين ترام شنو..انت يومتها فى الاجتماع معانا قلت لحل أزمة المواصلات ح تتفق مع عبدالرحيم وتشترى ال200 دبابة وتنزلها فى خطوط المواصلات بدل ماهى مركونة فى مصر..وغشيتنا لليلة ما شفنا دبابة واحدة نزلت فى الخط..مع انو انت قلت فيها مشكلة بسيطة لأنو لما يدورو مكنة الدبابة بترجع حركة ورا..ودى قلت عندنا خبرة سودانية مية المية ح تصلح الدبابات دى أسرع من ما اتصلحت حقول النفط فى هجليج..والله انت أفشل حكمدار..أو..محافظ..أو مدير مديرية..او معتمد..أو والى يمر على الخرطوم اللى جدود جدودنا اتولدو فيها وعارفين تاريخها..ياخى عليك الله أرجع القضارف..لو داير حق المواصلات ماعندك مانع..ده نتحله منو كيف ده..نصيحة ليك أوعك تنقل كركر لميدان شرونى..ناس نمرة اتنين ديل ما مساكين زى ناس صالح باشا..ديل متنفذين..مش متنفذين بتاعت الموتمر الوطنى لأ..ديل الواحد جد جدو كان سفير وأولادهم كلهم فى المنظمات الدولية..وعارفين القانون كويس..يعنى ما ح يشتكوك لمحكمة الخرطوم شمال..أوعك منهم ..حيلحقوك لستة ال (هيق)!..فهمتها..أعمل حسابك..وقد أعذر من أنذر..حل عننا!
الاخ وزير المالية المحترم
بالله عليك الله ما تفقع مرارتنا واصلا مافي علاج في البلد لو اتفقعت….
تصريحك دا يعني فشلك واعلان وزارتك الفشل في وجه موجه الغلاء التي عمت البلاد…
وفي الحالة دي انصحك بتقديم استقالتك ان كنت تتمتع بالشجاعة الكافية لكن ما اظنك تقدم علي فعلة زي دي لانك شغال شغل معين ولازم تنفذه بي ضبانتو!!!!!!!!!!!
ثانياً تحديك للاخرين بان ياتو ببدائل اخري خلاف رفع الدعم عن المحروقات … انا ح اسأل سؤال السبب البخلينا نرفع الدعم عن المحروقات شنو؟؟؟؟ ياها الاسباب الذكرتها دي؟؟؟ طيب اعمل دراسة بسيطة لنسبة السفارات والمنظمات المستفيدة من الدعم وشوفا بتمثل كم في المية؟؟؟ اذا كان استهلاك المنظمات والسفارات دا بيعادل 50 % فهنا انت علي حق … لكن المنظمات العاملة في البلد دي والسفارات لو جمعت استهلاكها كله ما بيفوت 1-2% والاغنياء في البلد دي بيمثلوا بالتقريب نسبة 25-30% يعني كل الشرائح الداير تحاربها برفع الدعم ما بتتجاوز ال32% من المستهلكين اما بقية ال70% فهم نحن الكادحون العينا مارقة المتحملين سخفكم فاذا رفعت الدعم ما يعادل 70% من الشعب حيتضرر ضرر كبير جدا لانه زيادة الوقود تعني تلقائيا زيادة اي شي حتي المويه الفي الدكان دي بتزيد …. فيا عبقري افندي انت لما وضعوك في المكان ما ختوك عشان تجي تقول اتحدي اي زول يجي ويجيب بدائل خلاف رفع الدعم… انت ختوك لانه الناس الختوك ديل وثقوا في امكانياتك فلو كنت ما جدير بالثقة دي سلمهم امانتهم وكفاك اللهط اللهطتو وكفاية انه لقيت طريقة عالجت ابنك من امتيازات منصبك فاحمدالله علي كده وامشي استثمر قريشاتك دي في حاجة تنفعك انت واولادك وحواء السودان والدة بالعباقرة…
قال اتحدي اي زول قال!!!! بالله دي عقلية المؤمننو قروشنا؟؟؟؟ حسبي الله ونعم الوكيل
يا اخ نحن لانفهم فى الاقتصاد لكن حاجة بسيطة بدل المحروقات وهى مخصصات الدستورين والمستشارين والمحسوبيين وحوافزهم والبرلمانيين واصحاب الكروش الكبيرة ومسئول عن الخير كم كلف عشاء باقان واهلنا فى المستشفيات لابنج ولا شاش يا اخ الحكاية واضحة
واستغرب الوزير من عدم تراجع الاستهلاك المحلي بانفصال الجنوب بتعداده السكاني البالغ 8 ملايين نسمة قبل ان يعزو ذلك الى عمليات التهريب الواسعة للسلع،
سعادة الوزير هل شاهدت لك مواطن جنوبى عادى غير دستورى , يمتلك ويقود سيارة لاندكروز
اوكرولا ؟ هل يمتلكو منازل مبنية من الطوب الاحمر ؟ هل لهم مزارع على ضفاف النيل ويرونها
بطرمبات الديزل , وهل وجدت ابن مواطن جنوبى يلتحق برياض الاطفال ؟؟
الجنوبيون كانو يعيشون الفقر بعينه , والله تعالى حررهم من الفقر واسبابه ,
ونسال الله ان يحرر الشعب الفضل من نحسكم وبؤسكم .
الشعب زايد عددو لأنه سيادتكم متزوجين مثنى و ثلاث و رباع. الشعب زايد ورمو…. زايد ألمو زايد ضغطو و انتو ماشاء الله كبرتو زدتو حلا
اقتباس:«دعم المحروقات يعني دعم السفارات والاجانب ومنظمة الامم المتحدة». يا ناس يا بشر يا هوووو معقولة ده كلام وزير .والله كلامك صاح لانو الشعب السوداني كلو بقي وزن الريشة وشعب هوان كان بتقارن مصالح شعبك كلو بشوية سفارات وموظفي الامم المتحدة داهية تاخدك يا عرة يا وضيع يا رمة وانا اشعر بالاسف لهذه اللغة المسئة لكن والله كلامك دة بتاع خضار ما بقولو قال وزير مالية قال.تفوووووووووووووووووووووووووووووووووووووووووووووووووووووووووووووووووووووووووووووو.تقارنا بشوية سفارات يا رمة يا لق.. يا المبتشبه الرجال وتاني تفوووووووووووووووووووووووووووووووووووو
اقتباس:((واستغرب الوزير من عدم تراجع الاستهلاك المحلي بانفصال الجنوب بتعداده السكاني البالغ 8 ملايين نسمة )) بكل بساطة لانو اخوانا الجنوبيون ما كانو محسوبيين في ميزانياتكم لانهم كانو علي هامش الهامش و لامن البترول ظهر جقمتوهو ولامن مشي بقيتو تجقلبوا السماح دينق،ديو،نوقور،وكل احرار الجنوب.
ان غلبك سدها وسع قدها واطن اخوان نسيبه ناوين على توسيع القد برفع سعر المحروقات وطبعا نحن ساكتين ساكت ومابنقول بغم ما الفينا معروفه والحاره ما بندورها والشينه منكوره لكن الخوف يا حنين من الجماعه الحارسين الشغلة 23 سنه بالتمام والكمال ندفع لهم امتيازاتهم من وين مع المطبعة الشغاله هرى فى قيمة العمله والحلاقيم الببتكورك صباح وعشيه لسحق الحشره الوهميه و مكملين علينا الزلابيه والطعميه وحركة الانتاج فى كل المرافق عامله اضراب لعدم توفر المدخلات الضروريه والتجاره كسدت لارتفاعات الاسعار الجنونيه وشغلة الجمعيات التعاونيه جربناها زمان وعارفين دروبها ومصايبها وتكويش وتجنيب اصحاب المصالح الشخصيه اما جشع التجار ومصادرات ناس رامبو التلفزيونيه فدى مسرحيات اطفال بهلوانيه شفناها زمان و مليناها وتكرارها بيجيب المغصه واحتمال السكته القلبيه والتاجر يا شطار ربنا خلقه وفى طبعه حبة انتهازيه وعشان يبيع بما يرضى الله وفر له السلع الضروريه واملا جيب المواطن بعمله عندها قيمه حقيقيه وخلى حركة السوق طبيعيه واكيد السكر المدسوس بيرقد هبطرش ونشرب الشاى والقهوه بمزاج من يد الحبشيه القاعده تحت اللبخه قصاد وزارة الداخليه ونتغالط فى الكوره ونهلل لطلابنا الخلو قرايتهم وعايزين يعمرو مدينة هيجليج النفطيه كيييييييييييييييف الله اعلم يا افنديه
انت كل يوم بتثبت انك عبيط
واقر وزير المالية بانهيار الجنيه السوداني وتجاوزه 5 جنيهات مقابل الدولار، الا أنه عاد وقال ان الاجراءات التي اتخذتها الدولة حالت دون وصوله الى 10 جنيهات مقابل الدولار
الكلام ده سمعتو وين وين وين ؟ اها سمعتو في الاذاعة ..متين متين متين اها لم النقلاب حصل قال صلاح كرار لو ما قلبناه كان سعر الولار بقي عشرين جنيه بالقديم يعني الناس دي لسه مصرة علي الكضب ؟ عجبي!!
وقال وزير المالية المعرس 3 نسوان: الشعب السوداني زايد عددو واستهلاكو
هههههه
معليش يا سعادتك إستحملنا عليك الله
على قول المعلق الاول في البوست: king
علييييييييييييييييييك الله يا وزير المالية كان ما شلت الدعم الذالينا بيهو دا
أها النشوف بعد كدا ح ترفع شنو تاني !
اولا الحكومة لا تدعم اى حاجة
البترول حق الشعب ويجب بيعه له بسعر التكلفة فقط وليس بسعر الصادر
اقترح رفع الدعم عن التمر والمياه الغازية وغير الغازية وفول الحاجات
التى يستهلكها المسعورون فى الورش الكثيرة يوميا بلا فائدة
يكتفى كل مسعور يسافر للخارج ب 10 دولار نثرية فى اليوم
تخفيض مرتبات المسعورين للحد الادنى (300ج)شهريا مع استمرارهم فى التمتع بالايات الحكم والادارة مثل الموبايل والعربة والوقود والسكن والماء والكهرباء بالمجان
قال الوزير ان «دعم المحروقات يعني دعم السفارات والاجانب ومنظمة الامم المتحدة». اها ونعمل ليهم شنو !!!!!!!
انا ما عارف دا وزير مالية كيف ……. حسبنا الله ونعم الوكيل في الناس ديل
استقيل احسن ليك اذا ما قادر عليها
يا ناس انا عاوز افهم .. كيف يرفعوا الدعم والبترول اساسا يستخرج وينتج من السودان… ومفروض يباع للسودانيين باضافة هامش ربح بيسط من سعر التكلفة وعدم الالتفات للاسعار العالمية لان المنتج محلي وكل الشعب السوداني له الحق في البترول ..
نحن عاوزين نعرف سعر تكلفة البنزين كم وبعدين نشوف الحكومة دي خاتة كم ارباح؟؟؟؟؟؟؟؟؟؟؟؟؟؟؟؟؟؟؟؟
وبعد ده كلو قال ازيد الضريبة بس سؤال يا جماعة
القروش بتاعت رفع الدعم عن االمحروقات والضرائب بتمشى وين
والمواطن بستفيد شنو من الكلام ده اى حاجة زايدة والله دى بقت ما ملعبة
دي نهايتكم انشاءالله
ابقوا رجال وارفعوه
عشان تشوفوا الما سمعتوا به