مجمع الفقه الإسلامي يحّـرم بيع النقود (الفكة)
الخرطوم(smc)
أصدر مجمع الفقه الإسلامي بالخرطوم فتوى حّرم بموجبها بيع النوع الواحد من النقود والعملات (الفكة) بسعر مختلف وقال إنها من الربا المحّرم شرعاً.
وقطع المجمع في فتوى تحصلت عليها (smc) بأن استغلال حاجة الناس للفكة (الفئات الأصغر من ذات العملة) ليس بيعاً فهو رباً محرماً مبيناً أن العملات المتداولة اليوم من فئة الجنيه بمنزلة النقدين (الذهب والفضة) تأخذ حكمها بالبيع (الصرف) من التماثل وعدم التفاوت في الكم والمقدار وكونها يداً بيد.
ودعا الأمين العام لمجمع الفقه الإسلامي البروفيسور عبد الله الزبير لعدم التعامل بالربا الذي أذن الله لحرب المتعاملين فيه مطالبا جهات الاختصاص رصد هذه الظاهرة ومنعها مناشدا بنك السودان بإيجاد وتوفير العملات الصغيرة بالأسواق منعاً لانتشار ظاهرة بيع الفكة المحرمة شرعاً.
الاخوه الاعزاء في ادارة الراكوبة رحمتابنا وبباقي ديننا عليكم الله تاني ما تجيبو خبر مجمع السجم والندم داخلينا اي حاجة الدين برضو نخليهو؟
دا الفالحين فيه ؟؟ طيب رايكم شنو في مايحث في الاوقاف و الحج والعمرة واستضافة المنتخب المصرى والكمرونى على حساب الشعب المسكين؟؟؟ مارايكم في كذب كل المسئولين في بلدنا من رئيسهم لخفيرهم؟؟؟ مارايكم في الغلاء الطاحن ؟؟ و كثير كثير من الاشياء التى تحدث في السودان
أصدر مجمع الفقه الاسلامى فتوى تحرم التعامل مع هذا النظام … نحن ننتظر هذه الفتوى.
طيب يا مجمع الفقه نقول لا إعتراض في حكم رب العالمين لكن موضوع التحريم ده ليه ما جا من بدري ولا عشان الازمة والبحث عن الحلول أدى الى تحريك الافكار والخروج بهذا القرار .
طيب وين إنتو من حكاية بيع الاسهم. وايها حلال وايها حرام (في شركات تتعامل بالربا)
طيب وين إنتم من برنامج القروض الميسرة للشباب (توجد بنوك ربوية)
طيب وين انتم من حق المسلم السوداني في الزكاة والصدقة …………….إلخ
الفاضى بعمل قاضى اين هى الفكه ؟
افتونا فى الشى الذى يهم المواطن البسيط من مأكل و مشرب و مسكن و دواء وبيت يحميه من الشمس ويحفظ عياله من النوم فى العريشه مما يسبب له الملاريا ؟
افتونا فى الظلم الواقع على المسلم باسم الدين و النفاق و الكذب البين على العباد من الرئيس وحتى اخر ابليس فى النظام ؟
افتونا فى الجبايه و الضرائب و الذكاة اين تذهب و هل هى حق وواجب سدادها على العامل البسيط من راتبه الشهرى الذى يتقاضاه ويصرفه فى اسبوع و يستدين من الدكان و الجزار و صاحب اللبن و غيره ؟
افتونا فى الذين يسيطرون على الاسواق من المتنفذين واصحاب السلطه والمؤتمرجية والصرافات والمصانع التى تمد وزارة الصحة و القطاع الصحى بالمعينات والغاز و غيرها ؟
افتونا فى الافساد التى اغتصبت الوطن واغتالت الديمقراطية ؟
هل لكم بالفتوة الشرعية بحقوق المواطنة و الحريات بموجب الدستور ؟
افتونا فى النهج الذى انتهجه النظام هل هو اسلامى او اسلامى سياسى ؟
بالله كيف انكم تحكمون
اين انتم من الحال المايل دا من زمان سؤال ولا اجابه له اكيد
امين الزكاه الفات متبرع بقروش من دم المواطن لانشاء محطه فضائيه باسم الضحي اين الضحي اليوم
لااجابه
ماذا يحصل في الاوقاف اليوم بعد مااكلو مال الشعب قبلو لمال الله
لااجابه برضو
وماذا عن تحويل النقد لبنوك سويسرا
لااجابه
اين عايد البترول
اين اين واااااااااااااااااااااااااااااين لك الله ياسودان الايوجد حرام في ذالك برضو لااجابه
الغريب أن هذا المجلس لم يتحدث عن الربا الاكبر في البنوك و برعاية البشير و مجلس وزرائه و اكتفوا فقط بالحديث عن نوع من الربا لا يشكل الا نسبة صغيرة جدا من المعاملات الربوية و هذا النوع يتم بصورة غير رسمية مع أن الانواع الاخرى من الربا يتم التعامل بها و كأنها حلال
سكتوا دهرآ ونطقوا يومآ
ياعلماء السوء ويابطانة وحاشية السوء
من امثال عبدالكريم وعبدالحي
التكفريين والمتعصبين الجدد
اكالي اموال المنظمات المشبوه تحت اسامي وهمية اوقاف وتشييد مسجد كفرآ وضلال للناس
مفرقي الجماعة والزوج من زوجه والاب من ابيه وووووووووووو
قاتلكم الله انا تؤفكون
ألله يفضحكم يا علماء الفكة والتوافه. الزيادة مقابل الخدمة وليس رباً في المال والخدمة هي توفير عناء البحث عن الفكة وهو امر مقدر ومطلوب ويأتي في اطار العرض والقبول في مباح والا فلتحرموا رسوم تحويل الصرافات لو في منطق زي دا.
طبعاً يا اخوانا الجماعة ديل كل زول حيران في صفقة ولا داير ينافس زول في تجارة يقدم ليهم طلب بالفتوى وهم يدورو على اساس دي وظيفتهم وكدا والغريبة لو قدمت ليهم طلب عشان يفتوى في عورة من عورات النظام يرموها في الزبالة بل لا يقبلونها اصلاً بموجب فقه نصرة الولي!!! حاجة تفقع المرارة
الشعب با عوهو صمه وما طلعوا فتوة
الله يفككم في نار جهنم
طيب الكلام دا ليهو سنيني يدوب تفتو فيهو هسي؟!!! وبعدين رايكم شنو في الفساد بتاع الاوقاف والحج والعمرة؟؟؟!!!
أها يا مجمع فتوانا ..شن قولكم في دعم الحرب وليس الجهاد زي ما يقولوا..من ريع الحفلات وهز البطن ..أفتونا جزاكم الله خيرآ وبالمرة كمان تشوفوا لينا تمويل سد مروي وأخوانه..أما موضوع الفكة دا ليس هو الشي الوحيد البقي ربا
بس يقت على الفكة ؟؟؟؟ دى زى تحويل الرصيد انا بدفع مبلغ وبيتحول رصيد ناقص … نفس الموضوع بتاع الفكة … ليه ماافتيتونا فى الامر ده ؟؟؟
انتو كجكع الفقه ده غير شهر رمضان تاني عندهم معانا حاجة!!!!
مجلس الفقه الغوغائي لايفتي الا في ارزاق المساكين الذين يتاجرون في هامش سوق الحرامية بتاع الكيزان .. ادخلوا في السوق وافتونا عن الشركات الصورية والتي ليس لها مقر وتستلم ملايين الدولارات من اموال الشعب بدون وجه حق وسكر النيل الابيض ليس ببعيد وافتونا في العمولات التي يستلمها رجال الدولة بدون وجه حق لماذا لا تسألوا البشير واخوته وحكومته من اين لكم هذا انكم علماء السلطان وكفى
علماء الصغائر (تشوفو الفيل وتطعنو في ضلو) ده كل البتقدرو ليهو بقت في الفكة سد مروي تقولوا الضرورة تبيح المحظور وهنا تقولوا ربا انتو ما شغالين بالفكة قاعدين تستلموا في العربات البرادو(الله يعينك يا محمد احمد)
والله انا كتبت في التيار عنهم ودي خطوه كويسه وكتبت برضه عن…… ياريت تتموا قتواكم ولا نسالكم.اغبياء اسمه ربا الفكه ما بيع الفكه
الفكه تفتى .. البرادو ما تفتى ..
الواحد لوما لقا حاجة يفتي فيها افضل يصمت
ماتفتي في الجمارك والاسعار المولعة نار ماتفتي في تهريب الذهب بالمليارات وماتفتي في تقسيم السودان لدويلات وماتفتي في ناس الغرب اللاتحولت بيوتم لمعسكرات وماتفتي في البلد المعرضة للنتهاكات من قبل حراميت العربات والجديد الدولارات
كل البنوك في السودان تعمل بنظام الربا من بنك الشمال الى بنك فيصل وكل البنوك التى تحمل اسم اسلامي للتمويه وأين فتاويكم من كبار الموظفين فى ديوان الزكاة والذين يتقاضون البدلات والعلاوات والحوافز بحجة أن العاملين عليها لهم حق فى مال الزكاة فعندما يصرف له راتبه فهذا هو حقه وبالمثل معناه كل العاملين من الكبير للصغير فى الادارات الحكومية لهم حق فى الحوافز والهبات مقابل ما يقومون به من جهد وعمل .. أين فتاويكم عندما يقوم ابنك الزراعي باعطاء سلف للمزارعين قبل الموسم ويشترط عليهم ارجاع المحاصيل بدلا من المال حتى وان لم ينجح الموسم عليه البحث عن المحصول فى أماكن اخرى وتوريده للبنك .. أين الفتاوي فى الاعتداء على المال العام وهو مؤتمن عليه أفتتتتتتتتتتونا …
المنافقون ديل منذ اول يوم للانقاذ وهم يمارسون الحرام وعلي راسه الربا وماذا اكثر من مال السحت حرامه؟فهم آخر من يحلل ويحرم ولكن نقول الحق هذه اول مره يقولوا الحق فبأي حق تأخذ من احدهم جنيه وتعطيه 90 قرشًاًولكن بما انهم منافقون وكذابون حتي هذه الفتوه والتي هي صحيحه في رأيَي فقد يكون لهم من ورائها مصلحه وقصد وجائز لان العائد تافه وهم عايزين بالملايين وليس بالفكه وعايزين يضيقونها علي الغلابه اكثر واكثر
فكة؟! و عليكم الله الموضوع دا قعدتوا ليه و اجتمعتوا ليه و عملتوا صياغة للفتوى فيه؟ و الجاب ليكم قصة الفكة دى ما جاب ليكم سيرة و كيل وزارة الارشاد الماهيته الشهرية أكتر من مائة مليون جنيه و عقد العمل حقو منصوص عليه انو يكون سرى بينه و بين الوزير؟ دى ما سمعتو عنها؟قال فكة قال !! ياخى قوموا طيروا لا بارك الله فيكم يا أرذل الأراذل. تفوووو عليكم يا تافهين.