برلمان حزب البشير يقلل من تأثير ارتفاع الدولار مقابل الجنيه
الخرطوم
قلل البرلمان من إمكانية تأثير ارتفاع سعر صرف الدولار مقابل الجنيه السوداني بالصرافات والبنوك، وقال إنه يأتي في صالح المنتجين والمستثمرين، مشدداً على أن ارتفاع سعر الصرف يستفيد منه الاقتصاد السوداني، فيما كشفت وزارة المالية عن وضعها لسياسات نقدية جديدة لبنك السودان للمساعدة في استقرار أسعار الصرف.
وقال رئيس اللجنة الاقتصادية بالمجلس الوطني د. بابكر محمد التوم لـ(وكالة السودان للأنباء) يجب أن لا ننظر في التأثير اللحظي والوقتي لارتفاع العملة وإنما للنتائج التي تترتب عليها من الدفع بعجلة الإنتاج والدخل الكبير بمنتجي الصمغ والقطن والسلع النقدية، مؤكداً أن ارتفاع سعر الصرف يستفيد منه الاقتصاد السوداني لأنه سيحقق سياسة إحلال الواردات التي تعمل على كبح جماح الاستيراد بتشجيع المنتج المحلي والمستثمر الأجنبي بالإضافة إلى تشجيع المغتربين بتحويل مبالغهم عبر البنوك ومحاربة سوق سعر الصرف الموازي الرسمي ” السوق الأسود “.
في السياق قال وزير الدولة بوزارة المالية والاقتصاد الوطني د. عبد الرحمن ضرار لـ(إس إم سي) إن وثيقة الحد من الفقر من شأنها الإسهام في وضع حلول جذرية لمشكلة الفقر ومعالجة الديون الخارجية بجانب وضع المتطلبات الأساسية للدولة ووضع الحلول للفقر، مشيراً إلى أن الوثيقة ستعرض على المجلس الوطني توطئة لإجازتها فى القريب العاجل.
السوداني
طيب مادام كان في صالح المنتجين والمستثمرين من زمان ليه ما حررتوا سعر الصرف
اما كلام عبدالرحمن ضرار هل نسي ان رئيس البرلمان قال ان الدول العربيه عليها الاستفاده من تجربة السودان في مكافحة الفقر والبطاله
يعني نجحوا في ذلك
وهو طبعا كذب
فالفقر والبطاله هي في كل السودان إلا اهل النظام والمنتفعين
فى رايى أن أجمل ما كشفته الأزمة الإقتصادية الحالية التى تعانى منها البلاد و العباد ….أنها فضحت و كشفت ضيق الأفق و جدابة الفكر الإقتصادى الإنقاذى …… ما سمعنا و لا عشنا طوال عمرنا و منذ عهد الإستعمار بالجهجهة و التضارب فى القرارات الإقتصاديه مثل ما هو حادث هذه الأيام ….مسئول يقول ( ما فى اليد حيله) حين يراه الآخر علامة الرفاهية …..كل المتناقضات و كل المتضادات…… و قمة المهزلة ما صدر من رئيس اللجنة الإقتصادية البرلمانية و المفكر و المنظر الرئيس و عبقرى زمانو للنظام الإنقاذى د. بابكر محمد التوم ……..لـ(وكالة السودان للأنباء) يجب أن لا ننظر في التأثير اللحظي والوقتي لارتفاع العملة وإنما للنتائج التي تترتب عليها من الدفع بعجلة الإنتاج والدخل الكبير بمنتجي الصمغ والقطن والسلع النقدية، مؤكداً أن ارتفاع سعر الصرف يستفيد منه الاقتصاد السوداني لأنه سيحقق سياسة إحلال الواردات التي تعمل على كبح جماح الاستيراد بتشجيع المنتج المحلي والمستثمر الأجنبي بالإضافة إلى تشجيع المغتربين بتحويل مبالغهم عبر البنوك ومحاربة سوق سعر الصرف الموازي الرسمي ” السوق الأسود “…..
طيب وين كانت مثل هذه النظرية الرهيبه من زمان ياإقتصادى الحيرة؟؟؟؟ ……. و الا الوزير الإسبير للماليه…. وزير الدولة بوزارة المالية والاقتصاد الوطني د. عبد الرحمن ضرار و الذى لم نسمع له حس و لا خبر من قبل و بعد بيات شتوى طويل إستغرقه فى التفكير العميق خرج إلينا بالخلاص من هذه الأزمة الخانقه…..قال إيه لا فض فوه( وجدتها …وجدتها) و هى…..(( وثيقة الحد من الفقر من شأنها الإسهام في وضع حلول جذرية لمشكلة الفقر ومعالجة الديون الخارجية بجانب وضع المتطلبات الأساسية للدولة ووضع الحلول للفقر، ))… إيه العظمه دى يا ولد؟؟؟ وإيه بالله عليكم العبقريه دى؟؟؟ و المأساة أن هؤلاء عينه من الإقتصاديين الذين يديرون الإقتصاد ….مهزله و الله مهزله…
ياراجل دا كلام برضو
بالإضافة إلى تشجيع المغتربين بتحويل مبالغهم عبر البنوك ومحاربة سوق سعر الصرف الموازي الرسمي ” السوق الأسود “.
——————————————————–
لن نحول عن طريق البنوك ولو كانت أسعارها تزيد عن سعر السوق الموازي لأسباب كثيرة :-
– كُرهنا للنظام وعدم ثقتنا فيه, ونحن لا نخف معارضتنا له ومحاربته, و لن نعدم حيلة في مساعدة إسقاطه بأي طريقة كانت, وأننا لا ننسي وصف النظام لنا بالعمالة, والإرتزاق, والخيانة الوطنية وإنتزعها منا , و لا ننسي ( جرابيع ) ومؤيدي النظام الذين يسبوننا ويتوعدوننا ويشتموننا ليل نهار. ولا ننسي مضايقاتنا بالمطارات والموانيء السودانية , ولا ننسي التعامل السييء لنا بجهاز المغتربين والسفارات السودانية بالخارج , ولا ننسي خداعنا في المشاريع الزراعية وخلافها وإعطائنا مخططات سكنية ليست فيها خدمات , وأخيرا لا ننسي أن النظام نظام أناني لا يحب إلا نفسه لذلك وجب علينا هذه المرة أن نتعلم منه ونحب أنفسنا وأن نحمل صفة الأنانية مثله.
– هذا التشجيع الذي عناه النفعي المنافق( بابكر التوم ) ليس الغرض منه فائدة المغترب إنما يشجع المغترب لضخ أمواله في أوردة إقتصاد نظامه الجافة , ليستفيد نظامه, وليس حباً في عيون المغترب .
– إتضح أن معظم الصرافات وأصحاب السوق السوداء إن لم تكن كلها هي لمسئولين في النظام وإلا لكانت حاربتهم الدولة وقتلتهم شر تقتيل مثلما حدث لمجدي جرجس وغيره .
– المغترب يتعامل مع شخص ( خارج البنوك ) ويثق فيه أكثر من ثقته في البنوك لأنه يطمئن علي أن المبلغ المتفق عليه سيصل كما هو كاملا غير منقوص بصرف النظر إن كانت هناك زيادة أو نقصان للسعر بعد الإتفاق.
– يقوم الشخص الذي يتعامل معه المغترب بتوصيل المبلغ بطريقة أسرع من طريقة البنوك التي تؤخر تسليم الحوالات حتي يتم تشغيل المبلغ الذي تم تحويله ويستفيد منه البنك.
– الشخص المستلم في البنوك السودانية يجد الكثير من العناء والإنتظار الطويل في الصفوف .
– الشخص المستلم في السودان يستلم المبلغ منقوص علي الرغم من أن الشخص المحول قد دفع قيمة التحويل مسبقاً للبنك المصدر للحوالة.
– كثير من المستلمين بالسودان يتعرضون لسرقة أموالهم المحولة والسرقة تتم داخل البنك أو خارجها.
أما الشخص ( المحول ) الذي يتعامل معه المغترب يقوم بتوصيل المبلغ المحول إلي البيت أي يتم التحويل من الباب إلي الباب.
ردا على ابوالعفين وعلى رفاقه من اللصوص والحرامية فى كل مؤسسات السلطة المتسلطة نقول لهم ان الروح وصلت الحلقوم وان الجوع كافر وسوف ينقلب الحال عليهم نتيجة لسياسات الاستنكاح والاستعباط التى يتعاملوا بها مع معايش الناس ، وسوف نخرج للشارع ونقلب عاليها واطيها ، وسوف ترون العجب فى الايام القادمة يا لصوص ويا حرامية ،
ولله يا ابوالعفين حديثك عن عدم انهيار الاقتصاد واحدة من مسلسل الكذب والنفاق الذى ادمنتوه، وليك حق تقول الكلام دا لسبب بسيط انك ماقاعد تمشى السوق تشترى احتياجاتك المنزلية ، قوم لف بلا يخمك ، الاقتصاد انهار وشبع انهيار ، والطريقة لادارة الاقتصاد بالاستكناح والفهلوة فشلت فشل ذريع واليوم الشعب السودانى يدفع فى التمن من خلال الجوع والفقر الذى تمدد فى كل بيت سودانى وانت جماعتك عايشين فى ابراج عاجية ماحاسين بهذا الواقع ، انتم عبارة عن لصوص وحرامية ، انتم مجموعة من عصابات المافيا ، انتم مجموعة من المخنسين الباطلين ، انهيار الاقتصاد يعنى انهيار المجتمع وفشل القائمين على امره لذلك وجب كنسكم وازالتكم وهذا سوف يتم قريبا جدا ياحرامية ويالصوص
اقتباس المعلق ( زول )
( طيب مادام كان في صالح المنتجين والمستثمرين من زمان ليه ما حررتوا سعر الصرف )
ده سؤال يبقى ليهم زي المثل الدارفورى ( جراداية فى سروال ولا بعضي ، إلا قعادو ما حلو )
الله ينصر دينك يا زول ..
هذا السؤال يدل على ذكاء وفطنة معلق الراكوبة …
بلاي هو من زمن الصمغ والقطن .. دا كان نايم ولا شنو .؟
بلد ما ليها وجيع !! بلد اسلمت نفسها للفاقد التربوي وطلاب المال ..؟
اخخخخخخخخخ تفوووووووووووو عليكم يا نواب يا حرامية الواحد فيكم عايز يستغل منصبوا في البرلمان عشان يبني بيتوا او يستفيد من المخصصات المالية ضارباً بعرض الحائط مصالح الوطن ..
تفووووووووووو عليكم اخخخخخخ تفوووووووووووووووو
واللة لو سالوا بتاع الورنيش بيقول ليك الاقتصاد ماشي الدلجة
OK WE CAN AGREE THAT LEBERATION OF EXCHANGE RATE WILL BE ON THE BENIFIT OF EXPORTERS, INVESTORES, SUDANESE WORKING ABROAD,,, ETC,,,, AND IT WILL MAKE THE WHEEL OF THE ECONOMY ROTATE NO. DOUBT.,,,,,, BUT,,,,,, AND A BIG STUPID BUT,,,,,,,,, WHAT WILL HAPPEN ON THE EFFECT ON THE POOR SUDANESE PERSON WHO IS LIVING INSIDE SUDAN, FULL OF POVERTY,,,,AND ALREADY DIENG FROM EXPENSIVE LIFE,,,, EATING ONE MEAL AND SOME OF THEM NO MEAL AT ALL.
YA NAS,,,,,,THEY REPRESENT,,,,90 PERCENT OF THE POPULATION ,,,, BECAUSE I BELIEVE THAT EVEN THE SENIOR OFFICIALS OF GOVERMENT,,, BANKS,,, COMPANIES,,,,WORKERS,,, IN ALL GOV.AND PRIVATE SECTORS ARE ALL POOR NOW,,,WHAT WILL HAPPEN TO THEM IF U ADD A MORE DEVALUATION ON THE EXISTING RATE BY ANOTHER 95 PERCENT TAGREEBAN. WHAT WILL HAPPEN,,,, I AM FEELING ABSCENT MINDED OF THIS IGNORING OF THE SITUATION.
GOVERNMENT SHOULD SUBSIDIDE AT LEAST ALL THE MAIN FOOD ITEMS,,,, ENERGY,,,,, MEDICINE ETC..BEFORE DOING THIS,,,,,OTHER WISE,,,,, IT IS A DISASTER,,, BELEIVE ME
الشيء المحير الناس ديل بتاعين البرلمان بتكلموا عن الاقتصاد السوداني دة ولا نحن بنشوف في بلد تاني………… ياخ والله ما قادر اكتب تففففففففففففففوه
هذا البرلمان عبارة عن مجموعة من الكذابين والمنافقين والدجالين والمطبلين الذين لا تربطهم صلة بحياة الشعب السوداني لا من قريب ولا بعيد- اسأل الله تعالى ان يفجر هذا المبنى على رؤوسكم – لقد ارهقتم الشعب السوداني برواتبك ومخصصاتكم العالية – اسال الله ان يقتلكم بددا ولا يبقي منكم احدا ايها المنافقين.
الان تدعون ان ارتفاع سعر صرف الدولار لا يؤثر على الاقتصاد وانه في صالح المنتجين والمستثمرين – لما لم يقم برلمانكم الاخرس هذا ممثلا في لجنته الاقتصادية برفع توصية الي وزير المالية في الفترة السابقة ليقوم برفع سعر صرف الدولار مقابل الجنيه؟؟!! والمتوقع منكم ايها الاذناب حين ياتي الدور على رفع الدعم عن المحروقات الذي سبق وان اعترضتم عليه ان تقولوا لا يؤثر رفع الدعم عن المحروقات على الاقتصاد وانه في مصلحة المواطن… !!
الله ينتقم منكم ويشتت شملكم ويجعلكم عبرة واية لمن يعتبر – اللهم امين – اللهم امين- االلهم انصر عبادك المستضعفين والمساكين والجائعين في السودان على شرزمة المؤتمر الوطني – امــــين.
البرلمان دا مش يقلل من تأثير ارتفاع الدولار مقابل الجنيه ويس , لا ديل ممكن يقللوا من تأثير نار جهنم وعذاب الله على اجسادهم!!! استغفر الله العظيم . بالجد ديل اشد ضلالا من ابليس .
ارجو من القراء ان يسامحونى على كلامى بس لانى موجوع حااااار
أمانة يا زمن ….. كفاية
كفاية علينا هّم كل يوم
هّم العيشة – هّم الغربة حتى – ونحنا بين نيلين
وألم مدفون ( بقالو ) سنين
يبتق لي شقاوة الحال
زراعة المحن توطين!
شهر شهرين يموت فارسين
أصحاب كلمة دغرية..
نُضاف وعُفاف..
جباه بالعزة مروية
كانوا لطاف … كانوا خفاف
وجد سمحين.
سماحة وطن
بي فد شختة..
صار نُصين!
…
بحر.
( حميد )
من اللحن البيحكي ألمنا .. وحمم ناساً كرام طيبين
يحس إحساسنا يبكي أحوالنا .. يبكي عمرنا
وفي شعره
بنتلذذ معاناتنا ونتناسا العذاب والويل
لاهو شيوعي لا شعبي
ولا بعثي لا أنصاري لا ختمي ولا حالتين!
كل الوطن حميد يا هو هو السودان
كل القيم حميد يا هو هو الانسان
شال الأمانة بدلنا وقال التنوع خير
قال السلام إسلام! … قال العدل إسلام! … قال الأمانة إسلام!
وكل التعايش زين!… لا للمحبة بديل
جانا الخبر يوم داك
زاد المرارة أضعاف
عكر مزاج النيل
قامت قيامة الناس
إشهدو وقالوا البلاك سودا
قالوا السكك خطرة كل السكك خطرة
نمشي الطريق من وين
منو البلاك دليل
وداليا ..
في فضاء أم در .. تعِدّ في مآثره أكان تِنعد
.. تعزينا
دموعا تصب ..
.. تواسينا
تبكي على بلد
صبح ( سُلفة! )
تجرِسنا .. وتبكينا
بلد منكوب ..
تزيد آهاته كل يوم..
صُبح وغُروب
وناس أخوان .. عشان تفهم … تهِـد الحيل
.. تعذبنا
……
فقدنا الحكمة في الكلمة!
مسكنا السونكي والبارود
طريقنا أشتر و ماهو عديل
نحاحي نخاف من الخازوق!
حليل جلسات صفاء النية
راح طعم الحلال لي وين
طال المُسخ حتى الحان غناوي النيل
طال المَسخ حتى صورة بنات النيل
طال المُسخ حتى مكارم السالفين
طال المَسخ حتى وحدة قبائل النيل
حليلو الكان نعدو نحسبو مليون ميل
فقدنا إحساسنا بي وطن
صبح في غفلة مجرى
.. وسيل! ..
……….
ألف حكاية
أمانة كفاية…
ألف حكاية..
حكايات شعب كلو أغراب
يصدِق وعد كل كذاب
يداوي أمراضه .. كل آلامه
بالأعشاب!
نسألك إنت بالمحجوب
ألطف بينا صبرنا داب
سلاح مرفوع
كفانا خراب
وجع مصنوع
وجع تلقاه في كل
باب
وطن..
في كل ( لفة !)
تحلف..
تقول محروم..
من الإنجاب!.
……….
وطن مكلوم .. وطن مذبوح .. وطن ممكون بي جنس تمكين!
نعيشا حلم ..
يعبوا زفير!
نسوي عمل..
يشخروا شخير!
وياكلوا الزين يعيشوا الحين زي ما يبين!
ونتوسد دفاتر الهم
ونتكاشش ونتدافر
وتتوه آمالنا
في طلت
( قمر تسعة وعشرين!)
كتر الكلام يا ناس
طول اللسان مترين
ايه لازم العمل مادام
الكلمة بي قرشين
يبست عروق عزة من شفط العدار والويل
…………
وبابك.. يـــااااا كريم
.. مفتوح
تبدل همنا..
المفضوح
ويتحقق أمل حميد
تشرق شمسك..
الحرة
وتنقذنا.. من المُقبِل
وفي المُقبِل..
بنحلم بي سفينة نوح
وتحفظ ( نورا ) بي قدرك
ونتعشم.
تلم من تاني كل السوح
وتتلون وجوه دنيانا
خدار .. أخضر شمع وقموح
أريتك .. أريتك
أريتك تجبر الخاطر
وتختم لينا ساعة خير
تصالحنا..
وتلملمنا
يغور في سمانا..
.. كل ممحوق
وكل كذاب ..
وكل مسنوح
ونكتبك يا وطن آية..
…….
أمانة .. كفاية
أمانة عليك.. يا زمن.
كفاية
دا البلد أصبح..
حكاية
تحرت في البلاء وتنكت..
حواديتاً تحرق قلب العدو الما بلين
يقولولك:
أسكت عيب!.. إستغفر
دا حكم الله .. وحكم المولي ألف حباب
وقدر الله أصلوا كتاب.
وكت ما يحين.
very funny… liars
انت بالله بابكر محمد توم ده انا سمعت بيه رئيس اللجنة الاقتصادية من قبل عشرين سنة .. هو لحدى هسع قاعد ؟؟؟ قال شنو قال ؟؟ قال ان انخفاض الجنيه السودانى مقابل الدولار يستفيد منه القطاع المنتج والمواطن … يعنى هو يقصد انه عندما يزيد التضخم وترتفع الاسعار فالمواطن يقلل من الاكل والشرب والباسطة والحلويات والبقلاوة والحاجة الباردة وبذلك يكون المواطن قد استفاد بأن حفظ صحته من امراض كثيرة مثل الضغط والسكرى وغيرها ولايكلف الدولة مصاريف مأكله ومشربه وتتفرغ الدولة من اجل بناء المسيرة القاصدة وترميم السفينة التى لاتبالى بالرياح … هل رأيتم محلل اقتصادى بارع مثل بابكر ؟؟؟؟
والله العظيم شافع في الروضة ما بقول كلام زي
يا كيزان يا جاهلين انتو عاملين فيها بتلعبوا بعقولنا
والله انتو ابلد من خلق ربي .. يا حسالة البشر يا باقي الناس يا وسخ المجتمع
ياناس الحقوا اشتروا دولار من الصرافات
الحكومة السجمانة عرفت الفيه وفكت الجنيه انتوا ما سكنوا لي شنو ؟
انتو بتعرفوا اكتر من الحكومة
والله بغد اسبوع الا تعملوا بالجنيه ملاح ورق
هو برلمان الجن ده إنتخبوهو متين؟ وكت الناس نايمين؟
01- يا د. بابكر محمد التوم …. سلام علك ….. إذا كانت لكم سياسة إقتصاديّة واضحة وثابتة وموثوق بها …. وإبتعدّتم عن طباعة العملة بدون تغطية …لكيما تشترون بها الدولارات … ثمّ تمنحوها لأنفسكم كتجّار كمؤتمر وطني مثستجدّين … تسيطرون على كلّ مجالات اللإستيراد والتصدير بدون خبرة تجاريّة وبرأسمال ما ضاربين عليه طوريّة ….. على حساب المنتجين والتجّار الوارثين الآخرين …. في هذه الحالة فقط …. يجب أن لا ننظر في التأثير اللحظي والوقتي لارتفاع العملة وإنما للنتائج التي تترتب عليها من الدفع بعجلة الإنتاج والدخل الكبير بمنتجي الصمغ والقطن والسلع النقدية، مؤكداً أن ارتفاع سعر الصرف يستفيد منه الاقتصاد السوداني لأنه سيحقق سياسة إحلال الواردات التي تعمل على كبح جماح الاستيراد بتشجيع المنتج المحلي والمستثمر الأجنبي بالإضافة إلى تشجيع المغتربين بتحويل مبالغهم عبر البنوك ومحاربة سوق سعر الصرف الموازي الرسمي ” السوق الأسود “… ؟؟؟
02- يا د. بابكر محمد التوم … هل يحتاج السودان إلى هذا العدد الهائل من الولايات … بل الحكومات … لماذا لا يتكلّم أمثالك بشجاعة عن الإستغناء عن حكومات هذه الولايات … والإكتفاء بحكومة واحدة …. كما هو الحال في دول الخليج مثلاً ؟؟؟
03- يا د. بابكر محمد التوم … إذا كان هنالك إنتاجاً حقيقيّاً …. فكيف يمكن تصديره إلى العالم بدون قطارات ولا طائرات ولا بواخر سودانيّة …. أعني كيف دمّرتم البني الترحيليّة … ولمصلحة من … ومتى ستصلحونها ….. وتبعدونها عن الحصار الأمريكي …. أو تذهبوا إلى بيوتكم …. يرحمكم الله ؟؟؟
04- التحيّة للجميع مع إحترامنا للجميع … ؟؟؟
انا كنت نايم صحيت من النوم تانى يوم على طول من الصباح وكان فى جيبى 2.880 جنيه قلت اشترى 5عيشات ب المبلغ العندى دى الفران قال لى يازول قروشك دى ماتجيب ليك عيش لازم تدينا تانى 2.12 جنيه عشان المبلغ يكتمل لشراء عشرة عيشات زى امس هذه واحده اجيب من وين يابتاع البرلمان 2.12جنيه فهمت يا دلاهة على التوم الفرق؟؟؟؟؟؟؟؟؟؟ الشئ الثانى قلت من الصباح ارسل 2.880جنيه للسعودية عشان واحد يرسل لدواء سعرة واحد دولار الصرافة قالت لا السعر اتعدل لازم تجيبل 2.12جنيه ثانيه عشان تكمل الدولار عشان تشترى دواك دى من وين اجيب الفرق ياكلاب يا …… منعول ابوكم ولعنة الله عليكم الى يوم الدين ولعنة الله على اى مواطن سودانى راضى بالتعملوا فيهو فينا والله النار فيكم خصارة انتو مفروض يجروكم على الارض الى أن تفارق ارواحكم الفاسدة اجسامكم واقسم بالله العظيم هذا مصيركم0.