“جازف” بالتي هي أحسن..!..مُنع من النشر – شاهد فيديو لوزير الدفاع –

والله طيارة رش انتو ما تسقطوها
والله محنه دا مستوي وزير دفاع
حسبنا الله ونعم الوكيل

الشوف قسم

ابو ريالة مقتنع واقنعنا بالخيبة العسكرية الكيزانية

لك الذين نادوا وصاقوا اجمل الحكيات الهجليجية

للذين اتغشوا للذين ضحك عليهم بتحرير الوطن

مع العلم الوطن مباح من كل الاتجاهات الجوية شوف ليك عسكرى مرور جوى يعمل مخالفة مرورية لعدم

الانارة .ومخالفة اخرى لعكس السير كانت ماشة غزة

كما تحدث ابو ريالة عن التوقيت وان الوقت وقت صلاة اها الصلاة راى الدين فيها شنو الناس تصلى فى

السهلة كل ما الواحد يقوم من الركوع يديها صنقيعة كدة لفوق
الصرف الامنى دا وين بيمشى.
الضربة الجاية

القصر القصر

ابــو ريالة الله لا كسبك !

تسوق الأوهام واكاذيب لشعب دا مسؤوليتك يا شاويش دا كم مره الطياره جاءة فوق راس و مشا انت في نفس الكلام

يا جماعة الراجل كلامه واضح ،الضربة كانت بعد صلاة العشاء،والانوار مطفية، والناس ضربت الفول أقصد البوش والنوم سلطان، اها بعد داك إسمو شنو الطيارة كانت طافية الانوار وبعد داك صاروخ تشيف ،صاروخ ماتشيف ، اها بعد داك ناس البوليس جو ، وفتحو بلاغ علي يدعوت أحرنوت ،لكن يا جماعة مسعولين من الخير وزير الدفاع ده خشمو ده ما مليان سنون يعني تقول كده والله اعلم ذي 423 سن و14 ضرس عقل ؟؟؟الراجل ده شكله كده imbecile يعني بالعربي كده عوير

ما تشوف لكم وزير الدفاع بدل الراجل العبيط دا حتي كلام ماقادر يتكلم سيبكم من الحرب دا لايمكن ان يكون بواب ما احترامي لابوابيين

(اللمبى)يا عجيــــــــــب

انا نستغرب اللصوص ديل البشير وعبالرحيم والمتعافى وعبدالرحمن الخضر وخلافهم متمسكين ومتشبسين بالحكم كده ليه لمن يكون مصيركم زى القذافى ياخى استقيلو وغورو الله لا يردكم

فضيحة فضحية تضاف الى فضائح وزارة الدفاع السودانية اللانهائية. مضادات قال…. الحرب بقت بالتكنلوجيا وتنمية وتدريب العنصر البشري وليست بالقول امسح اكسح قشو ماتشحدو الصين او ايران تساعدكم في الشغلانة دي لو ماقادرين عليها.

ماذال الرجل يكذب ويتحري الكذب حتي يكتب عند الله كذاب ,كيف تقول نحنا مستعدين ليهم ياهو دا حادث البرادو دليل علي كذبك .

مين الراجل العبيط دة !

سلم باللة سؤال برئ جداجدا السيد الفرايق القائد للجيش ووزير الدفاع اخر مرة قراة او دالخل كورس او اطلع على دراسةالتقدم الحاصل فى التكنولجيا فى العالم الحربى متين وهل عندة وقت لدة ولى تقارير عساكر ساى مازمان قالوا مصنع الشفاء طيب القالوا ناس دارفور ان الطيارة ضربتم كذب ماشافوها واثناء الصلاة والجنوبين مامسحين برضوة طائرات اسرائيل

اللمبي فال اللمبي قال وياريتوا ماتكلم والمذيع المنافق عاوز يلمعه ، اها اخر كلامه قال الضربه كانت بالليل ورد علي المذيع قال الدفاعات جاهزه احسن من أول قومي يا اسرائيل اضربي بالصباح عشان وزير الدفاع مايقول كان في ظلام ويلقي عذر اللهم لا حول ولا قوة الا بك ، نسألك اللهم برفع هذا البلا عنا وان تنقذنا من الانقاذ واخيرًاً اللمبي قال واللمبي صرح واللمبي ……. اقول شنو الله امستعان

السيد المشير
الساده النواب المشير
الساده اعضاء البرلمان
السادة الوزاراء

السلام عليكم

نسبة للكوارث يا كوارث *** انشاء وحده من الكلاب **عملها شم رائحةالقاذفات العابره الحدود وتنبيهكم بدخولها الي عروضكم المنتهكة وتكونون علي اهبة الاستعداد لصد العدوان الذي يستهدف العروبة والاسلام وبوابة الوطن العربي الجنوبية ولحماية المسجد الاقصي من دنس اليهودوالحركة الشعبية ربيبة الغرب وازرعها من احزاب المعارضة المسلحة والمتأبطة عصي وحجارة ومناشير وتحالف كاودا العوير* ومتابعتها عند تنفيذ عملياتها الي عقر دارها وما اكثر الكلاب المحلية بالاحياء الشعبية

مارايكم دام فضلكم
****** الاعمي بن المسكو عكاز بن غوغاء بن رجرجة بن الدهماء

والله من وراء القصد

ما يغيظ فعلا ان وزير دفاعنا كان يروي قصته الخيالية عن ما حدث للسوناتا بطريقة ولهجة اقرب للاحتفاء بالحدث والفخر بدقة الاصابة والقدرة التقنية العالية وكانه وزير الدفاع الاسرائيلي يبشر شعبه اليهودي وقواته بنجاح المهمة.

نحن مقدرين وعارفين انو ماحنقدر نردها ولكن ما حانقدر نعزرالاجهزة الامنية بكثرتها ومخصصاتها المفتوحة ان تكشف لناالعملاء علي الارض المساندين والمشاركين في العملية.ثانيا ماحنقدر نصدق وزرير الدفاع ولاحتي الرئيس ادا طلعو يطمنونا بي كلمتين لاننا شبعنا كلام فاضي والمسالة واضحة ازا كانت الحجة في السوناتا انها ضربت ليلا في عدم وجود اضاءة وفي وقت صلاة العشاءفرايكم شنو في
في توقيت البرادو (عاجز الراى مضياع لفرصته حتى ازا فاته الامر عاتب القدرا)

طيارة ام عبوة مزروعة لا تهمنا كثيرا. النظام يتلاعب بمقدرات وامن البلد بالتعاون مع ما يسمى التنظيم الاسلامي العالمي يعني يقول لهم انظروا انا ادعم حماس التي تزعج اسرائيل.هذا غباء . انت لا تملك امكانية الدفاع عن اراضيك فكيف تتظاهر وتدعم منظمات احق بان يدعمها القادرون حقا من العرب وليس الشعب السوداني الذي صار تحت رحمتكم ايها الفاشلون.اسرائيل يمكنها ان تضرب اي بقعة في السودان انطلاقا من قواعدها في البحر الاحمر وما تملكه من تكنولوجيا قتالية متقدمة لا ولن يملك السودان مثلها في العقدين القادمين الا بذهابكم وترك العقول المكبوتة تبتدع اليات قادرة على ردع العدوان الاجنبي .هذه الفضائح والتصرفات الغبية لابد ان يتم رصدها ومحاسبة مفتعليها ( السيارة لمن واين ذاهبة وماذا تحمل وماهوية الاشخاص بداخلها ؟ نريد اجابة لكن اشك اجدها من حكومة ليست لديها كرامة.

الله اكبر الله اكبر الله اكبر قد شارفت نهاية هؤلاء الهمج البربريين …الي متي ي شعب …ي شعب ي سوداني قوم انتا الاصلا ما تحب اللوم قوم قوم كفاية رضوخ كفاية هموم…جنينة ما قادرين يحرسوها (الخرطوم مقدودة /بورتسودان مقدودة /هجليج مقدودة/الغرب دا كلو مشرط/الشرق مفتح كلو (حادثة الشفتة الضربو كرمالله الوالي ))….الله اكبر بدر النهاية سطع الله اكبر ..تذكرو حديثي هذا

اول حاجة حكاية عملاء موساد وما عملاء موساد فالتعلموا انه السودان دا قاعد سااااااي والحكاية ما محتاجة عملاء ممكن عديييييييل كدا اسرائيلي يخش بالبحر الاحمر ويثبت جهاز التعقب في البرادو ويغشى الميناء يضرب ليو سمك ويبقى مارق ..
اما العنبلوك الفوق دا … بالجد رغم المأساة إلا أنني اتفنقلت من الضحك وشغلت الفيديو اكثر من 10 مرات بغرض الفكاهة …
يا آخي هبنقة دا لو عايز تضحك وترفه على نفسك بس قوليو : وصف لي القيادة العامة بوين وحاول قاطعوا سريع وصر ليو وشك .؟؟ هههههههههههههه

امريكا اعظم دوله فى العالم من حيث التكنولوجيا الحربيه …وتستطيع امريكا ضرب اى شبر داخل السودان ان ارادت ذلك رضى وزير الدفاع ام لم يرضى …واذا ارادت امريكا ان تدمر السودان كله فلن يستغرق ذلك اكثر من ساعات معدوده ويمكن ان تفعل ذلك دون ان ترى امريكيا واحديمشى على الارض السودانيه …فضرب خزان الرصيرص وخزان سنار وسد مروى وكذلك تدمير سلاح الجو السودانى وكل الرادارات على الارض وكل المرافق الحيويه التى تستند عليها حكومه السودان من منسئات بتروليه وابار وكل هذه الاشياء يمكن ان تدمر فى ساعات معدوده حتى لو كان عندناعلم مسبق بان امريكا ستفعل ذلك …وما ضرب مصنع الشفا ببعيد .
عليه فلماذا نعادى نحن امريكا؟ قد يقول البعض ان امريكا تحارب الاسلام والسودان دوله اسلاميه .طيب ليه امريكا لاتحارب السعوديه وهى دوله تحكم بالشريعه …؟؟
الموضوع لاعلاقة له بحكم الشريعه ولكن له علاقه كبيره بسياسه السودان الخارجيه …وقد ظهر توجه الحكومه وسياستها الخارجيه منذ بدايه التسعينات متحدين امريكا والعالم اجمع الى ان وصلنا الى ماوصلنا اليه الان لقد اصبح السودان الان تحت الوصايه الدوليه وما قرار مجلس الامن الاخير رقم 2046 ببعيد …والبلد المحن لابد يلولى صغارها ..؟؟وشكرا

سؤال يا جماعة الخير
البشير ووزراه وأجهزته الأمنية وجيشه وشرطته ما بقروا الكلام المكتوب في الراكوبة دا واللي هو بمثل رأي الشعب السوداني في حكومة سجم الرماد الحاكمانا ليها اكتر من عشرين سنة دي ، الراكوبة دي ما منظار لأي حاكم غبي عايز يشوف كيف حكومته شغالة ، طيب الرئيس الما فاضي من الرقيص والعوارة والحليفة بالطلاق فرت يوم ما دخل الراكوبة وشاف مكتوب شنو عن حكومته ووزير دفاعه الخرية أبو ريالة الما عارف لغاية الليلة اسرائيل ضربت السوناتا بي صاروخ ولا بي قنبلة ولا بي طوبة ، وبعدين الكلام البيطلع عن حكومة السجم والرماد دا ما في الراكوبة براها دا مالي الواطة كلها وحتى الما عنده انترنت عارف كل شي ، طيب دا معناه شنو يعني ؟ هل معناه اننا كلنا عايشين في كوكب وحكومة سجم الرماد في كوكب تاني؟ يا جماعة مافي زول يحل لينا الغلوتية دي ؟

دا كلو كوم
المذيع الاهبل العامل فيها احمد منصور
قال يعني هسي الدفاعات بقت قوية
انتو الناس الهبل ديل بتلقوهم وين

هههههههههههههههههه ده وزير شنو ياجماعة والله ولا غفير في عمارة ههههههههههههه الله يرحم الوزراة الصح

تقدم العلم في الغرب واستخدمت التكنولوجيا الحديثة في ضرب الأهداف بكل دقة وسهولة ويسر دون نزف بقعة دم واصبحت الأقمار اصلناعية العسكرية التجسسية تحوم وتسبح فى السماء وتقوم بالتصوير والتحليل والتحديد لدرجة أن الأقمار تلتقط دبة النمل حسب التركيز المحدد له ولضرب الأهداف في الأرض يتم ارسال أشعة ليزرية اسمها caltoonex وتسلط هذه الأشعة على الهدف لمدة معينة ثم يتم التحليل فاذا كان هدفا مطلوبا يبرمج به الصواريخ استنادا على خريطة مبرمجة تحدد تحرك الهدف وبعد عن المناطق الآهلة بالسكان ويترك الهدف ومت ما وصل للمكان المبرمج له يصاب بصاروخ موجه وبدقة متناهية ، وقد عفا الزمن على لصق الشرائح الالكترونية كما كان يحدث في غزة ، الفرق بيننا والغرب هو أنهم ينفقون المليارات في العقول البشرية للابتكار والابداع ونحن ننفق المليارات في جهاز الأمن لحماية السلطة وليس الدولة ..

من المؤسف جداً أن يكون وزير أهم وزارة في الدولة بهذه البلاهة , ما علاقة الليلة والنهار بعمل الرادارات لكشف اختراق الاجواء السودانية ؟؟ الزول ده كان ما قرا ما بارى !!؟؟ حاجة مخجلة جداً .. أنا لاحظت أنو معظم المسؤولين والدبلماسيين السودانيين لا يستطيعون التعبير أو الدفاع عن أرائهم بالحجة والمنطق , عشان كدا سياساتنا الخارجية ماشة بالبركة دون منهجية ؟؟

الزول ده زمباوووووى خالس خالس
قال ليك بعد الحلقة دى الوزير صرح بانو حيركبو في اي عربية في بورتسودان لادار واللادار نظام احدث من الرادار لانو بكشف الخطة الاسرائيلية قبل تنفيذها وبكتشف الطيارات في الظلام الدامس خالس خالس حتي لو كانت الطيارة قدر الضبانة وطافية نور – ماركة يكشف البلا قبال وقوعو – ويمكن الفكرة تعمم لبقية الولايات ما مركب لادار طوالي شرطة المرور تعمل ليك مخالفة وتدفع وانت واقف

الشركة المستوردة تابعة لمواطن سوداني شمالي طفيلى اسمها شركة( تمساحكو) وهي بصدد ان تعمم فكرة اللادارات دى وتطورها وتعمل لادارات موبايل – لادار لكل مواطن – بعد ده نشوف اسرائيل بتدخل بي وين عليك امان الله تتزره زرة كلب في طاحونة – نحن بنلعب ؟

يا خواننا ده كلو معروف عوير و دلاهة ما جبتو جديد ده كلو معروف عن الزول العبيط ده مما ابوهو طردو من البيت.
المهم انو الناس ديل ما يجروكم للهم دايرينو
كدي انتو ارجعوا و دققو في الصورة القالوا انها للعربية و رجاء ركزوا شديد على شكل العربية و استحضروا كل ما شفتوهو في صور التفجيرات المالية العالم هسع و قولوا بعد داك رايكم شنو … هل هذه العربية مفجرة ولا محروقة بس .. هل هذه العربية مفجرة من الداخل ولا مضروبة او زي ما قالو مقصوفة من الخارج
و لمان تعرفو حا تتأكدو انها مجرد فوبيا اسرائيل و اي شكل من اشكال الدعاية المقصود منها لفت الإنتباه عن الحاصل هي البلد
و عليكم الله ما يجروكم للهم عايزينو بالسهولة دي

للان حيكومة الهناء ما حددت قصف العربة تم كيف من السماء ولا الارض وفي الحالتين المصيبه كبيره لو من السماء الاجواء السودانيه مفتوحة لبرطعه الطيران الاجنبي لو من الارض فلها الف عدر لان الجهات الامنيه مشغوله باعتقال النساء واهانتهم

الله يرحم الفاضل سعيد ..لو كان حي ..كان ألف مسرحية بعنوان ( رادار اللمبي )

———————–
ورد في الاخبار ان هنالك أنثى فيل تسعى لتصبح عرافة “يورو 2012”
بالله اعرفوها في ياتو بلد ..وكلمو اللمبي السوداني 2012

كان الله فى عون بلد وزير دفاعها يدير وزارته باسلوب شختك بختك والتبرير للعدوان عليه بعد وقوعه بما يسمع من الاهالى و قناة الجزيرة منذ قصف الشفاء..هجوم امدرمان 2008 .. الدخول لهجليج مرتين فى ظرف اسبوعين .. واخيرا الغارة الاسرائيلية الثالثة على الشرق .. الم تسمعوا بادب الاستقالة او الاقالة ؟؟؟

حكومة تصب على أهله بالانتوف وابل الموت صبا وما قادر يضرب عدو الله وعدو الاسلام سبحان الله بحمده سبحان الله العظيم

محمد عادل ـ ود القرية ـ ود البلد ـ أبو مأزن ـ الطيب بدالله ـ مريود ـ سودانى اصيل ـ طارق طه ـ ابوعبدالله ـ جاهزين ـ فقري ـ عبدالله ـ حماده ـ ادوارد ـ سوداني جدا ـ مجدى ـ الكجور ـ سوداني عاقل ـ ود المؤتمر الوطني ـ مواطن سودانى ـ حسك ـ ابوحندل ـ ندمان وسافي التراب ـ تمساح ـ جحا ـ ابو التيمان ـ ابو الناس ـ الفادني ـ

ABUWAGGAR – BIG MO ? HHMAHMOUD ? Mom – Tagwa – Wadoud – Makin – yasir Ahmed Hamo –

… الخ، الخ، الخ !!!!

مييييييين طفأ النور !!!!!!!؟

عايز اقول حاجة اوجد الرابط بين جهاز الامن السوداني وكل التفجرات الحصلت في بورسودان وابحث عن معلومات لتاجر المتوفي في الحادث الاخير وعلاقتو بجهاز الامن وكل العربات التم تفجيرها هل لها علاقة بالمخابرات ؟؟؟ ستجد اللغز

في أمريكا و الدول المتقدمة لو أن مرفق من الامرافق العامة حدث فيها و لو قضاء و قدر نري أن الوزير المختص يقدم أستقالته فورا متحملا تبعات الحطأ و ما يتؤتب عليه من عواقب لكن في سوداننا الحبيب يحدث العكس تماما فكلما أمعن المسئول في الخطأ يرقي إلي مرتبة أرفع؟؟؟ فالترقيات عندنا تتماشي طرديا مع كثرة الأخطاْو لا شنو يا أخواننا
خطرية بريطتنيا دولة قوية بحري و سما
يا هتلر يا ألماني و موسيليني الطلياني
لو تضرب السوداني تصبح ريال براني
ما بسير هنا
طيارة جاتنا تحوم شايلة القنابل كوم
جات تضرب الخرطوم ضربت حمار كلتوم ست اللبن
طيارة جات من بدري شايلة القنابل تجري
المدفع الجبلي خلي البحر يغلي و الجو هنا
الله يرحم يا عائشة موسي أحمد (الفلاتية)

لو كنت تعلمي الغيب ما كنت غنيتي لهؤلاء القوم الرعاديد , حقا إن الذين كانوا يحاربوا بجد هم الغرابة و الجنوبيين و قبائل شرق السودان؟؟
الخيل تقلب و الشكر لحماد؟؟؟

والله أنا لو منك يا وزير الشقاء كنت قمت بإنقلاب عسكري و خليت نفسك حاكم مطلق تأمر و تنهي كيفما تشاء و تمنع السفر و تمنع دخول الأجانب بتأشيرة أو بدونه و تنكفئ علي نفسك الجوة و البرا برا و تعمل الإنتا عاوزه لا تصوير و صحافة و لا تلفزيون فقط تريهم ما تري تماما مثل فرعون؟؟؟؟لأنه إستقالتك من سابع المستحيلات يا أبو ريالة سايلة؟؟؟؟

شر البليه ما يضحك .يمكن ضرب العربيه شيطان يا ناس.مع انو الشياطين في دوله الوهم الدينييه مافي قالوووا

يا سعادة الزير لمبه ونسينى ساكت ما كان مولعه هههه ياجماعه الكلام دا ما يطلع لي الجيران خلونا في خيابتنا برانا

إنتو ما تمشو بعيد٠هي إسرائيل ما قاعدة معانا جووووووة هنا موحودة في الخرطوم وبورتسودان وكمان داخل القصر الرئاسي متوفرة بكثرة٠!وإنتو قايلين في ولاء ودين ووطنية ومروءة وشهامة والله غاشين أنفسكم ما سياسة الكنكشة والتمكين خلت الجماعة يبقو٠موساد ومخابرات أمريكية وعملاء وغيرو !!وأنا أحلف ليكم صادق الآن هم عارفين الحاصل تماما وكمان عندهم يد في العملية !!ومرتاحين لأنهم نالوا٠ رضا إسرائيل !وطتعا في جماعة مسطحين ما جايبين خبر ذي أخونا الرقاص وتورالله الأنطح أبوريالة وبعض من الفارات طبعا ديل المفتحين باعوهم وأستلموا ثمنهم بدري وبينهم وبين التسليم مسألة زمن فقط!! وبعدين معاكم ناتنياهو دة٠ما نشأ٠في السودان دة وقرأ الأولية هنا معانا وقالوا ولد أختنا يعني نحنا خيلانو٠ والخال والد يا جماعة !!مرة سألوه في لقا !!لما تدبرس من العمل العام بتعمل شنو ؟!قال ليهم بغني طمبور لأنو بزكرني بالطفولة٠!!هههههاهاهاه كع !!تقول لي بورتسودان ما فيها ملح
؟!!؟

علي الطلاق اللمبي دا شكلو مافاهم اي حاجة واحتمال يكون اصلاً ماعارف انو وزير دفاع قال الانوار كانت طافية قال طيب علي الاقل ورينا الطفي النور منو

ـــــــــ
مقطع من فيلم اللمبي

http://www.alrakoba.net/videos-action-show-id-982.htm

انتا اسمك عبد الرحيم والله الرحيم ماعندك به اي علاقه والله مقهوررررررررررررررررررررررررررررر منك حتي الان ماعرف الضربك منو يازول انتا عوير عبد الرحيم ه ه عوووووووووووووووووووووووووووووووووووك عين جاي خليك من البتاع بتاع البتعين جا ضرب البتاع عليك الله اليوم الصباح فرشة اسنانك

اللهم اسالك باسم الاعظم العظيم كما تعلم ان عبدك عبدالرحيم قتل وسفك دماء عبادك المخلصين فى دارفور والخرطوم ان ترينا فيها فى هذه الدنيا اللهم اسالك بحق كل عبيدك اللذين ظلمهم هذا ابو لغب اللهم دمره اللهم اخذه اخذا عزيزا هووذمرته وارح منه عبادك اللذين ضاقوا فقرا وجوعا ومرضا وجهلا وهم صابرون لا حولة ولا قوة لهم الا بك وصلى الله على سيدنا محمد مفتاح كل امرا عسير

دا كل مامشكلة بس وروني الطفاالنور مننننننننننننننننو

الطيارة جات بي فوق الله ليا
جات تضرب الخرطوم ضربت حمار كلتوم
ست اللبن الله ليا
اللهم نسالك العفو والعافية ونسألك الستر والرحمة فقد امتحنتنا بهولاء وصبرنا فاجزينا بصبرنا هذا فتح عظيم وارنا فيهم عجائب قدرتك . اللهم امتحنهم في الدنيا قبل عذاب القبر .

يا شباب إنتوا نسيتوا قولة الكيزان الشهيره أطفو النور والذنب مغفور..ولا شنو؟

يعنى لو وقعت حرب بين السودان ودوله مش من أللى دنا عذابهم حتقول ليهم إنتو لو رجال حاربونا بالنهار عشان نوريكم نجوم الظهر.

أيها المعلقين الشرفاء…يظهر إنه تعليقاتنا الألكترونيه لم تصل لهؤلاء القوم…ولذلك يجب علينا إتباع أسلوب آخر وهو الكتابه على الجدران فى قلب الخرطوم معقل العصبه ذوى البأس ويا حبذا لو كانت على جدران بيوتهم أو جدران المبانى الحكوميه..أظن دى سهله وأكثرها قوه وتأثيرا بس عايزين كتيبه من الشباب الغيور وأن يعملوا بصمت شديد جدا وحتشوفوا نتائجها .

أفيدونا برأيكم فى الفكره وشكرا

يا خلف الله ما عزبتنا الهجوم القادم أعمل كشافات لكل السودان هههههههههه قال اضاءه مافي

ضحكتونى والله

إنت عار على قبيلتنا ..
يجب طرد هذا العبد الرحيم -ابو لسان كبير- الذي لا يستطيع التحدث من قبيلة المحس

قرفان خالص منك

اها المرة دى ضربوها بالصباح عديل ولا كان فى غيوم وضباب يا كضاب واللة يا ايا جماعة انى ارثى لحال هذا الشخص لكن العيب ما منك من الجابك ختاك فى محل زى دة

والله ده ما ينفع يدافع عن …. وحراسها خليك من وطن حدادي ومدادي .. يا جماعة عملنا شنو في دنيتنا دي حتي نبتلي بمثل هذا الدلاه ده وابلد عسكري جابته الكليه الحربية وينك يا نميري وابوكدوك وفتحي وعبدالماحد حامد خليل .. بلاء يخمك .. قال الانوار طافية يعني في الايام دي ممكن يضربوا القياده في وسط الحرطوم لانه الكهرباء تقطع زي كلامه النصه وقطيع تمتمه ده

الفريق عبد الرحيم حسين وحرام فريق . يمكن فريق كورة . أبو ريالة قصتو زى الراجل معه ثلاثة تفاحات قرم الاول لقاه مسوس رماه والثانى مسوس الثالث طفى النور وأكله . يا أخى نحن العادين ما عندنا خبرة فى العسكرية نحلل أحسن من وزير دفاعنا والله دى ترقيات فى الهبالة والخشمرة وزير دفاع يتمتم لايستطيع أعطاء جملة مفيدة والله نحن فعلا عايشين زمن الالقاب لا الانقاذ .قال تتخيل الوقت كان وقت صلاة الشعا والنور طافى لأن المواطنين كانو يسمعو صوت الطيارة ولم يروه عجيب والله ولسع قاعد وزير دفاع جمهورية السودان كما علق الزميل المعلق أتفق معه أن عبد الرحيم حسين ينفع سائق للبشير بديكور البدلة العسكرية والنياشين فى الصدر لكن وزير دفاع بين السماء والارض . ولكن هبالة وعوارة عبد الرحيم حسين يعجب البشير لأنو مابفكر فى إنقلاب عليه وعايزو يكون هليلى فى مكتبه ويجرى خلفه والبشير هو القائد الاعلى للقوات المسلحة ووزير دفاع وعبد الرحيم حسين ديكور صورى حتى لا يتهم البشير بجمع المناصب العسكرية والمدنية والله دى فضيحة إعلامية كبيرة وزير دفاعنا فى مقابلة هههههه وشر البلية ما يضحك .

2(قالوا الزول الماسك الرادار مشى يصلي واصلهم الطيارين كانو لابدين قريب منو وهو ما شايفهم اول ما الاذان اذن صاحبك اتوضا ومشى يصلي وقبل ما يمشي طفا النور عشان مافي واحد يجي يسرق الرادار المهم الجماعة ضربو العربية السوناتا وعشان المرة الجاية ما يشوفوهم بالرادار قاموا سرقوا الرادار وتاني الضرب بالنهار ولما وزارةالدفاع جابت رادار تاني تجميع دبي طلع برنامج التشغيل السوفتوير شالوا بتاع الترلة بعد مانزل الرادار عشان كدا الرادار الجديد (التجميع) لسه ما اشتغل وعملوا لجنة محاسبة في البرلمان عشان يعرفوا السرق السوفت منو وانتهت التحقيقات بادانة العتالة النزلوا الرادار وما نزلوا معاهم السي دي الغريبة انو العتالة ذاتم ما عارفين السوفت دا شنو عشان كدا اعترفوا على طول المهم تاني حكومة بورتسودان قالوا طلعوا (قرار شعبي) كل واحد مركب طبق في راس البيت لازم يركب معاهو رادار والا (الحكومة غير مسؤولة عن سلامة من لم يطبق القرار) يعني حتكون مسؤولة عن الناس الركبوا الرادارات بس عشان لما تحصل مصيبة المواطنين يدوهم المعلومات الصحيحة وبعد داك يكون الرد الحاسم على اعداء الوطن (تلفونيا)… الله يكون في عون البورسودانيين…

اللمبى
اللمبى
اللمبى
اللمبى
اللمبى
اللمبى
اللمبى……………………………………….؟

اخر افلام اللمبي السوداني وحصريا في سنما بورسودان فلم : “مين طفا النور ؟؟”

متخلف! قال النور طافى وكمان وكت صلاة عشاء……لك الله يا بلد البحكموك أشكال عبد الرحيم والرقاص الكضاب.

حكم السودان اراذل االناس

اللمبي 8 قيقا

وبعدين يا ابو ريالة
المرة دى ضربوا البرادو بالنهار والشمس فاااااقعة وما فيش وقت صلاة
رأيك شنو
عالم تخاف ما تختشيش

ياناس المجلس الوطنى مافيكم واحد عنده نخوة يطالب بسحب الثقة من الوزير الكارثة دة..هذا الوزير لايصلح لقيادة فصيلة من فصائل الجيش السودانى الشجاع لأنه ببساطة وللذين لايعرفونه مجرد فنى طيران وكل مؤهلاته التى جعلته فى يوم أسود على كل السودانيين أن يكون وزير هو أنه صديق شخصى( للرقاصة)عمر البشير…ويا للعار ويالعار ماذا قال الوزير الطائرة كانت بدون نور..لا أحسن تضرب بورى وتأخذ اذن من سيادتك لدخول الأجواء السودانية!!الراجل دة فيه عبط غير طبيعى، وتانى قال شنو الطائرة جات وقت صلاة العشاء وماشاء الله جنوده الأشاوس كلهم فى صلاة الجماعة!!ياخى ده وزىر دفاع؟؟ معقول جيشك كله يمشى يصلى فى وقت واحد ويترك شعب السودان غنيمة للأعداء!!ياخى الله سبحانه وتعالى ماقال كدة…الوزير دة أهبل وعمر البشير يكون مافايته عليه الحكاية دى لكنه طبعا مبسوط جدا عشان يضمن وجوده ودى مابتفوت على زول…حراااام عليكم كفاية كدا الراجل دة فى عهدة كاد جيش السودان الوطنى يفقد هيبته لاقدر الله…