95% من الشباب يرغبون في الهجرة نهائياً
كشف استبيان أعده طلاب جامعة العلوم الطبية والتكنولوجيا على عينة من الشباب بولاية الخرطوم أن 95% من شباب العينة يرغبون في الهجرة.
وقالت وفاء الأمين التي أعدت الدراسة أن 38% من العينة يرغبون في الهجرة وعدم العودة نهائياً إلى البلاد بينما 57% قال أنه سيعود ولكن بعد التقاعد.
هذه هي النتائج المرة لسياسات سلطة الإنقاذ: مناخ فاسد ونتن وقمع وحشي وفظ واستئثار بموارد البلاد ومقدراتها وموت الطموحات والأحلام باكراً؛ ولكن 95% من الشباب لن يستطيعوا الهجرة ولكن بالتأكيد يستطيعون تغيير النظام.
حريات
ياخ انت بدل تتخارجوا ما تخارجوهم هم احسن و هم لا يتعدون 5% من الشعب
انا اقدمهم اذ انزاح من العارض بس يا فكيك لا بلد اصبحت تشرف لا جنسية تفتخر بها لا لا لا نتركها نهائيا للصفويين وعتاة الذنادقة لا خير يرجي من مواطن كل الحكومات ولا الازله الذين اصبحوا بهوات
Tuz Feeeeeee>>>>>>>>>
المحظوظ اتخارج ويهاجر عشان يخفف على اخوانة الهاجروا قبلوا نحنا بقينا نشتغل نطلع مصاريفنا فقط والباقى نرسلوا لاهلنا عشان اتعالجوا والباقى مصاريف الاكل والشرب .الفقر طال اهلنا بالداخل والمهاجرين لانوا ما بنقدرنوفر اى حاجة كل ما لدينا بنرسلوا لاهلنا بتين يتغير الحال دانحنا قرفنا وزهجنا .
لو وزعوا الاستبيان دة في أي حتة حتجي نفس النتيجة
البحصل دة بي سبب راس الافعى الشيخ الدجال الترابي الذي كانت مسيرة حياته السياسية كلها حافلة بالفشل الزريع عليك الله مابتخجلو من تجربة مهاتير محمد رئيس ماليزيا ربنا يحفظو زول الهدايا الكان بتجيهو عمليها متحف عشان مايقولوا اخد من بيت مال المسلمين حاجة هدايا يااخوانا سبحان الله وهنا الفساد بالجملة عليك الله من وين جيتو انتو لكن الله موجود وسيعلم الذين ظلموا اي منقلب ينقلبون صدق الله العظيم
وانا من ضمنهم انقطعت عن الدراسة لمدة ثلاثة سنوات للعمل حتى استطيع تدبير مصاريف الهجرةوالسفر وخلافه والحمدلله الان جاهز لمغامره والهجرة الى النرويج او بريطانيا اما بالنسبة للعودة اذا ربنا اكرمني واتوفقت وحققت بعض امالي وطموحاتي ربما سوف اعود وعندها ربما يتغير الحال
اللهم ازح عننا شر الكيزان ما ظهر منها وما بطن ,,,,,
ال5 % ديل مؤتمر وثني الظاهر خنازيييييييييييييير منافقين الله يدمركم
العمل الدراسه من ياتو جامعه؟؟؟
نطالب الاخوة المقتدرين من المغتربين مساعدة اخوتهم داخل البلاد الذي اصبح سجنا كبيرا ومحرقة للآمال بارسال الفيز والتأشيرات او حتي المساعدة بالتنوير كيف يقدموا للهجرة الي استراليا وغيرها لانه اصبح الوضع ميؤس منه وأبو جاكومة ده شكله كده بقول ليكم لو اخليها علي جثتي .. يعني قاعد قاعد
الشارع !!!!!!!!!!! الشارع !!!!!!!!!!! الشارع !!!!!!!!!!! الشارع !!!!!!!!!!! الشارع !!!!!!!!!!! الشارع !!!!!!!!!!! الشارع !!!!!!!!!!! الشارع !!!!!!!!!!! الشارع !!!!!!!!!!! الشارع !!!!!!!!!!! الشارع !!!!!!!!!!! الشارع !!!!!!!!!!! الشارع !!!!!!!!!!!
كفاية !!!! كفاية !!!!!
راس السنة 89 ستة بعد ستة شهور من الانقلاب ركبت الطياره وفي جواز سفري تاشىرتان لبريطانيا وأمريكا ….. ولم ارجع إيلا بعد 18 سنة لزيارة وطني …ورأيت بلد تاني ….ولوهلة اعتقدت انني نزلت في السعودية …. اجزخانة مكة ومستشفي الفيصل وشارع أبو عبيدة و….و…و غربة وطن… ولم اجد السودانيون وجدت بقايا لسودانيون …. وقفت وزوجتي بسيارتي الفاخرة في تقاطع شارعين رئيسيين وكنت أتحدث بالموبايل…. شرطي المرور أوقف الشارع المقاطع وأشار لينا بالتحرك .. ولكني كنت مشغول بالحديث في الموبايل فنظر لي وأوقف المرور … وآتي الي ووقف امام شباك السيارة
ففتحت الشباك ومازالت أتحدث في الموبايل .. ولم اكن ادري ان هذا ممنوع… فقلت له وبجراءه المواطن امام الشرطي ….. في شنو ليه وقفت المرور تاني؟ … فنظر الي لوهله وهو (يتأمل فينا) وقال لي…
” منتظر سىادك تكمل كلامك ً” فابتسمت وقلت بكل( عفويه) ما حاخلص حسع … ما حت خلينا نمشي ولا شنو؟ … فرد ” حاضر سىادك” … ورجع لمنتصف الطريق وفتح لي الطريق … وتحركت ومازلت أتحدث بالتالفون!!
ومواقف كثيرة وأبواب كثيرة ….فتحت أمامي … ورأيتها تقفل بعد دخولي في وجه أبناء وطني…. شتان ما بين السودان الان وسودان الذاكرة … لقد نجحوا في تخريب الانسان السوداني!
لكي تعيش في السودان الان لابد ان تكون صاحب ضهر او مال… وكثيرون منا لا يقبلون وانا منهم .العيش في عز بقصر ….محاط بفقراء في أكواخ….فنحن سودانيو ما قبل الإنقاذ!
الوطن يبناء بسواعد شبابه لما انتو تهاجرو البقعد منو
دا يعتبر يئس لاتيئسو بل اعملو علي رفعه البلد باي شيئ كان
ولاتتراجعو …. بعدين ان اوان ابعاد الديناصورات التي تتشبث بالسلطه
منذ ان وعينا في هذه الدنياء … فالشباب هم رجال اليوم وصناع المستقبل
بعدين وحسب الدراسه الشباب 95٪ اذن الاغلبيه للشباب …. الهروب من المشكله هو مشكله
اتحدو ستنجحو…
يعني ال 5% ديل ماسكين البلد دي. وال 95% غالبهم يغيروا النظام، دي فضيحة عديييييييييييييل كدا, طيب ما نطرد ال5% ونقعد نحن. ولا رايكم شنوا
الهجرة لا تحل المشكلة بل فى بعض الاحيان تصبح وبالا على الانسان
عشرين سنه بنهنك الكيزان ديل حيودوكم فى 60 داهية الجماعة قالوا البترول طلع قلنا ليهم طالما فى فساد لا بترول حينفع و لا زفت حينفع المشكلة وجود الحرامية و احرف الحرامية المصبوغة بشعار الدين الجماعة اشتروا حافلات و وووووووو و تركوا وظائفهم المرموقة و بعد شوية جاو راجعين يشتغلوا سيكيوريتى و اعمال تافهة. قلنا ليهم السودان ده ما بينتج سكر فى وفرة فى السكر,السودان ما عندو سدود فى وفرة فى الكهرباء و الرى؟؟؟ قلنا ليكم الفساد الفى البلد كان ما راح مافى رجعة حتى اذا ما كان فى بترول و لا……..لا حل للجميع الا اسقاط النظام لانو المهجر ذاتو بقى ما يستوعب غرباء.ذى ما شايفين اليونان و مشكلة اليورو ,,,,,,,,و هلمجرا و لعلمكم بعض دول الخليج الان لا تقبل فييز عمل للسودانيين لانو الجماعة بينافقوا الخليجيين وتحت تحت شغالين مع ايران و الخليجيين كاشفين اللعبة….
بالنسب للجيل الجديد من تعلم فى زمن الانقاذ موضوع تعليم الاساس اصبح عائق كبير فى تقييم الشهادات المطلوب 12 سنة تعليم مدرسى بعدها تقييم شهادة الجامعة و كده معناهو شيلوا شيلتكم يا جيل الانقاذ بقيتوا ذى عبدالله الفقر من ك……الى القبر. و لذا ايها الجيل الضائع لا حل لكم غير اسقاط النظام مع علمى ان اغلبكم تدرب على السلاح فى الدفاع الشعبى و الخدمة الالزامية.
السودان سمعته بقت سيئة جدا خصوصا فى موضوع التعليم و الشهادات المزورة .
شيلوا شيلتكم البحر خلفكم والعدو(الكيزان) امامكم …..
لكن الصوره مبالغه … شفتو الكبير بيئكل الصغير يعني الشغله
سلسله ممتده … طيب اكلو وادو الشعب المسكين دا معاكم والبياكل
براه بيخنق … ناس مالاقيه حق الدواء وناس قرصه نمله تسافر بيها الاردن
والله بلد غريبه بقينا زي الهنود فيها اغني اغنيا العالم وافقر فقراء العالم
تلقي العربات في الشارع وفي المعارض تقول السودان دا اغني منومافي بس تشوف المتسولين واصحاب الحاجه
تستغرب امبارح في الاسطوب واحد راكب مارسدس اخر موديل وجمبو بتاع كارو والله الحمار وشو جوه قزاز المارسدس
مفارقات غريبه …والله البلد دي دايره ليها قياده همها الاول والاخير المواطن والبلد الدول النهضت دي احسن منناء في شنو مانحنا
قبلهم في كل شئ
أشجع جميع الشباب للهجرة من السودان لانه بهذا تكتسبون الخبرة في الحياة عامة واذا بقيتم في السودان كل حياتكم لن تكتسبوا غير الخبرة في سرقة المال العام والرشاوي والكسب الحرام والضياع وارض الله واسعة وحتما سيجيء اليوم الذي يحاكم فيه هؤلاء الحرامية(الكيزان) او ما يعادلهم وساعتها لن ينفعهم اكلهم وعدم محافظتهم علي اموال الشعب سنقتلهم شر قتل لانهم أعداء للوطن
اخي سوداني ليست هذه اخلاق المسلمين سواء كنت صوفي او وهابي او ارهابي فهذه اسماء لفرق قال عنها الرسول صلي الله عليه وسلم ( كلها في النار ما عدا واحدة ما عليه انا واصحابي) او كما قال الرسول عليه الصلاة والسلام واذا اراد السودان التحرر من الحكام الطغاة يجب عليهم نبذ الطائفية والقبلية والرجوع للاسلام والعمل به لان الله لا يغير ما بقوم حتي يغيروا ما بانفسهم
اسال الله ان يعيننا لان نغير ما بانفسنا حتى يغير حالنا الان ان يهديني واياكم الي سواء السبيل
يا شباب اليوم ..احسن بدل ماكلكم تفتشوا للاغتراب و( تتخارجوا)… احسن تنطفضوا.. ضد طغمه الانقاذالفاسدة الحاكمه البلد 23سنه ,,
عشان تغيرو واقع حالكم وحال البلد … وتمهدو لينا الطريق عشان نرجع نحن كمان من الغربه
الاغتراب عباره عن العذاب رغم العائد المادي,, اشياء كتيرة الواحد مننا بعاني وبفقدا منها.. البعد والانقطاع عن الاهل والاحباب لفترة طويله .. اختلاف العادات والتقاليد.. والغربه بتخلق الجفوة والقسوة .. واجمل سنوات العمر بتضيع بعيد عن الوطن .. وتربيه الابناء ونشاءتهم على التقاليد السودانيه الاصيله في بلاد الغربه صعبه جدا .. وغيروه.. وغيروه
المهم .. نحن جيل السبعينات والثمنينات وكنا في بدايه الصبا او عنفوان الشباب .. صنعنا انتفاضه .. ابريل عام/1985ضد حكومه مايو الدكتاتوريه وجبنا الديمقراطيه الثالثه و تنسمنا عبير الحريه والديمقراطيه واتعودنا انو مانخاف من قول كلمه الحق في وجهة الظلم ,,, وكذلك الجيل القدامنا جيل الستينات والخمسينات هم الصنعوا انتفاضه اكتوبر عام/1964 ( جيل الشهيد القرشي )ضد حكومه عبود الدكتاتوريه ,, وجابو الديمقراطيه الثانيه … بالرغم من انو كان حالنا احسن من زمنكم دا .. وكان السودان مليون ميل مربع بالتمام والكمال..
اها ..انتو ياجيل اليوم,, جيل الثمنينات والتسعينات ,, يعني شباب اليوم الاعمارهم مابين( 18 – 30 ) شباب الثانويات والجامعات ..منتظرين مساهمتكم في البلد وتغير واقع حالكم وحالنا ,,,, ومنتظرنكم عشان ماتجيبوا الديمقراطيه الرابعه,,,,,,,, يأيديكم ان تصنعو التأريخ وتسطروا اسمائكم فيها بأحرف من ذهب ……. او لاتكونو فالخيار بأيدكم
الحكومات الشموليه في العالم كلوا .. ماشه تنقرض , لانو ثبت انها اخصب بيئه للفساد وانو.. غير ما تأخر البلد.. مابتقدم وانو (الديمقراطيه ودوله المؤسسات )هي اعرق وانجح النظم في الحكم في تاريخ الأنسانيه ,,, و اقرب مثال واضح ..انظروا من حولكم الآن كل الدول المتقدمه هي تحت ظل حكومات ديمقراطيه شفيفه ونزيه والدول المتخلفه هي من ترزح تحت حكم حزب الرئيس الاوحد اوالتى ترزح تخت الحكم شمولي وقائم على الايدلوجيه والدين وتتخذ منه عباءه لها لتمرير اهدافهم …. زي حكومه الانقاذ
انتم مستقبل البلد .. لاتخنعوا ولاتستكينوا وتهاجرو .. وتفضو ليهم البلد … عشان ما يسرقوا و ينهبوا زي ماعايزين
أنه سيعود ولكن بعد التقاعد.
************************
بس اعملو حسابكم التلفزيون السودانى ما حيخليكم تحصلوا سن التقاعد يعنى لو اغتربتوا و عاوزيين تحصلوا سن التقاعد خليكم بعيدين من التلفزيون السودانى و خاصة عمر الجزلى الاعلامى الذى تحول الى ممثل بارع.لان الاعلام السودانى خدع كثير من المغتربيين السذج بوعود البترول والدهب و حاليا الزراعة كانهم اكتشفوا سر عظيم انو السودان طلع بلد زراعى يا رقالة (السودان يكتشف انه بلد زراعى) المكتشف هو عمر البشير و المتعافى و هذا الاكتشاف الخطير سيوهلهما لنيل جائزة نوبل للاكتشافات الزراعية.
بالامس كنت اتفرج على التلفزيون الزراعى اقصد السودانى وجدت عمر الجزلى يبكى و يتمرمط فى رثاء المذيع الراحل المقيم عبدالرحمن احمد محمد صالح رحمه الله عليه الرجل الذى قدم كثيرا للاعلام و الاذاعة السودانية و بعد تفكير و حيرة فى تمثيل هذا الرجل اكتشفت ان عمر الجزلى تذكر يوم موته و ان لا احد سوف يتحسر عليه خاصة اذا رحل بعد الانقاذ و فجاءة تحول الى مدح الرئيس. و نتمنى من الله عز وجل ان يرحل عمر الجزلى بعد الانقاذ…,,,,,,؟؟؟؟؟
اذا اجريب هذة الدراسة علي عموم اهل السودان الغبش الكالحين الذين ارهقتم حكومة هؤلاء الزبانية سوف تكون النتيجة هي هي اذا لم تكن اكبر منها ولكن الذي يسير الاسي في نفس الواحد هو ان الذين يمثلون العمود الفقري للمجتمع والسواعد التي تبني وتؤمن هذا التراب وصل لدرجة من الياس بان اختار الهجرة والهروب وهي نتيجة طبيعية لافرازات حكم العسكر وبكل تاكيد الخاسر الوحيد هو السودان الذي فقد حتي الان اكثر من 10 مليون مهاجر ينتشرون في شتي بقاع الارض وهي نسبة تضعنا في مقدمة الدول التي اصبحت طاردة لبنيها.
ومع ذلك اقول لكل من يفكر في الهجرة هي قد تكون حلا لمشكلة شخصية بينما يحتاج اكثر 99% من الشعب السوداني لمن يحلهم ويخلصهم من هذة الفئة التي جسمت علي صدرة لما يقارب ال23 عاما عاثوا فيها قتلا وتنكيلا وتشريدا وفسادا علي هذا التراب وكل ذلك باسم الدين والذي نهم براء.
والله حاجة مزرية, ومقرفة بالذات لمن جرب الاستثمار فى السودان, محل ما تمشى الكيزان مسيطرين على “البزنس”, ولا يمكنك منافستهم, ليس لأنهم أذكى ولا أشطر, بل لأن بيدهم قوانين البلد الهامل دا… القانون بيتغير على مدار الساعة لضربة ما يخطط لها الكوز الفلانى “تخزين سلعة ثم يتم منع استيرادها”, أو لأن الكوز العلانى يريد إخراج احد منافسيه من السوق “اغراق السوق بسلعة كانت شحيحة”… مسخرة ما بعدها مسخرة.
حتى المشاريع النادرة الناجحة لواجهات غير كيزانية, عندما تدقق فيها ستجد الشريك فيها كوز, وأخص بالذكر أربع شخصيات متأكد منها تمام وشوف عينى ديل, حتى لا أظلم أحد: “المتعافى”, “الجاز”, “كرتى” و “عبدالرحيم”. ديل لو رجعوا ماااكلهم للبلد سيتحول السودان الى دولة غنية ولن يحتاج احد للإغتراب مجددا.
سأشرح باختصار طريقة السرقة التى رأيتها, وهى واحدة من الالاف, المتعافى مثلا مشارك فى مصنع حديد أو مواسير, تمنع الدولة استيراد الحديد الجيد والمواسير الممتازة من الخارج وبالأسعار الرخيصة “بدعوى حماية الصناعة الوطنية”, ثم يتم التصديق لهذه المصانع بجميع أعمال الانشاء فى الولاية, ثم الدوله. كما يتم الفرض على المواطن إن حب يوصل موية من الشارع, الا بيماسورة من مصنع المتعافى “جودة رديئة بالغالى” والا لن يصدق له وهكذا والضحية فى النهاية المواطن والدولة. وغير ذلك كثييير
الحل الوحيد تحرير الاقتصاد, الغاء الضرائب والاتاوات المطبقة فقط على الما عندو ضهر “كوز” وترك المواطن يعيش, ترك السوق للعرض والطلب, كما هو الحال فى معظم دول العالم المتقدمة والبقاء للأنجح والأشطر والأقوى, كما أن التنافس دائما من مصلحة المواطن حيث يستطيع المنافسة المنتجات الجيدة ذات الأسعار الرخيصة.
دي عملوها فى مامؤن ترطيبة اذا عملوها فى النيلين اقصد الصين الشعبية البحصل شنو؟
طبعاً الكيزان يفرحوا جداً لما الشباب يقول عايز يهاجر، لأن هجرة الشباب بالنسبة لهم تخفف عنهم الضغط من احتمال انفجار قريب، لكن برضو ما بنلوم الشباب لأن كل واحد منهم بيسأل نفسه، أخرج الشارع عشان الانتهازيين بتاعين الأحزاب؟ أهو الشباب المصري عملوا فيه إيه؟ وعندنا أكتوبر وأبريل ضاعوا بنفس الطريقة. أنصح الشباب يشوفوا مستقبلهم بدل ما يعرضوا نفسهم للهلاك من أجل التنابلة!!! والكيزان نسأل الله العلي القدير أن يجعل كيدهم في نحرهم ويعجل بالإنتقام منهم جميعا في الدنيا قبل الآخرة.
انتو نسيتو ولاشنو ياناس الحكومة دى بدايتة قالو يموتو تلتين السودان ونحكم تلت ونعيشو مرتاح
اتخارجو يا شباب ما تضيعوا نفسكم مع الكيزان ديل اطلعوا عيشوا حياتكم انتوا لسه شباب خلوها للعجايز ديل يبلوها ويشربوا مويتها
ياجماعه الخير والله انا واولادي حاجزين يوم 28 الشهر الجايي نعمل شنو نغير وجهتنا ؟
افيدونا بي سرعه حتي نتمكن من حجز لانو الموسم خلاص بدا انا في انتظار ردودكم يااهلي
الجوه السودان بكل امانه كم انا محتاج ليكم ربي مايحرمني منكم وصاحب الرد المقنع
جلابيه العيد جاهزه معاها عمه وشال زي حقت بشبش اها قصرت معاكم وكان واحده من الاخوات
زي ثوب ودو ملحوظه اخوكم مقيم في ابوظبي