فرفور ليس مجرد «مهرج» وهو مغنٍ مؤدٍ ..ورماز فعلت هذا بصورة مطربة جداً..عصام محمد نور (بلاع اللحن والكلام)!!..السودان أصبح كله مغنواتية – شاهد فيديو محمود عبد العزيز"في ربيع الحب"

انا اضيف ايضا تعليقي وراي للاستاذ عبد العزيز المبارك فعلا فرفور مهرج وسوف يفضل مهرج وليست لديه اي علاقه بالفن ماعرف مين الذي اجاز صوته فرفور ده
ينفع بياع ملابس اوخضار بالمايكرفون بصوته ده لكن ما ينفع للغناء ابدا

قلت يافرفرا اقعد تحت وخليك تقيل في الشاشه وود البنا كمان عامل سمح بي جلاليبو الكتيره يجيب السخانه والله ياناس بس رماز والباقي كل كرور حتي قدور بس الضحكه هه ه هااااااااااااااااااااااا

رماز وعمك قدور – و الباقي كرور .
فروفور جلاليب سيد السكسك و بائع الكبكبي . وعاصم البناء الخيم و الخمخمة و محاولة خفة الدم .
عصام نور مهذب و راقي – الجميع يحاول ان يتعلم اللبس الجيد و الاناقة . باستثناء رموزة :lool:

البرنامج أكتر من رائع بس في مجاملات حاصله وده الطبع السوداني البفشل أي عمل
لأوو شريف مكانوو بره الاستديو
وأميمة كمان المفروض تمشي تشوف ليها شغله
والبت الصوتها سنين ديك ما بعرف اسمها منو مفروض تمشي تشوف ابوها بسأل عليها

أما الترتيب في روعة الأداء وجمال الصوت

في المرتبة الأولى دون منازع رماز ميرغني مدهشة رائعة عشرة من عشرة

ثانيا محمود عبد العزيز لو كان في المود يعني ماااا نايم أو … ولا دي بلاش منها

ثالثا فرفووووووور وود البنا

رابعا نادر خضر يا حبيبووو
خامسا الود المبرم شعرو وشايف حالو ود حارتنا أحمد الصادق

عصام بلاع كلام وما بتفهم منو شي أوافق وأبصم بالعشرة

صباح عامله تبييض السنون براقن يشيل

غايتو انتو يالسودانيين لمن تمسكو الحاجه بتمسخهوها عدييييييييل مابقى برنامج ده بريتونا قلنا البرنامج ناجح ومافيهو كلام والماعجبو يغير المحطه مامجبور يحضرو وخلو الناس في حالها لااعتراض في حكمك يارب:lool:

والله عالم فاضية صحيح ..
أنا لا أعتبر فرفور هذا فناناً
وكل ما أشوفو في قناة بغيرها على طول ..
قال فنان قال .. هو فنان بس للناس الداخل السودان ..
أما اللي بيسافر برا ويشوف الطرب يقول في السودان مافي فن اصلاً
وفي مقولة بتقول (الفن ولد في مصر وعاش وتربى في لبنان ومات واندفن في السوادن) هههههههههههههههههههههههههههه
فنانين آخر زمن ..

هذا زمانك يامهازل فامرحي

كل الذين علقوا علي هذا الموضوع لم ياتو بالحقيقة الكاملة لا اعرف لماذا الانسان عندما يكتب عن شي لابد ان يقول الحقيقة المجردة هذا البرنامج جميل وجميل بجد بكل ما يحمل من كلامات من تقديم الي الي الاخر ومن شباب يقدمون لنا اغنيات خالدة قديمة قدم سفينة موسي علية السلام تم احياها وهنالك اغنيات التاريخ نساها تم احياها والله بما لا يجعل مجال للشك بان البرنامج ناجح ولكن مشكلتة في رمضان ممكن يكون قبل رمضان او بعد رمضان لحرمة الشهر الكريم فقط لا غير وموعدة شوية صعب علينا ولكن ناجح مائة في المائة ؟
نعود للمقدم الفنان المبدع السر قدور هذا الرجل يعرف كل صغيرة وكبيرة عن الفن السوداني رغم غيابة لمدة طويلة عن الساحة الفنية ولكن استفاد من وادي النيل كثيرا
من اجمل الاصوات صوت المبدعة ريماز هذة البنت غنت كما لم تغني من قبل واختارت الاغاني التي تاتي بالقرب من صوتها فنانة بما تحمل من كلمة لا تعليق عليها
الفنان الراقي الواعي عصام محمد نور هذا هو الفنان بحق وحقيقة فنان في كل شي وهو الفنان رقم واحد في كل الحلقات ويغني بكل ما اوتي من قوة
اما الفنان الاصلي محمود عبد العزيز فنان شامل ولكن اعيب علية اللبس الذي يلبسة وتسريحة شعرة والسلاسل والحجابات وفك الصدر ماذا حصل لهذا الرجل تقدم في العمر مليون ومائة عام ولم يهتم بنفسة داخل سجن خارج من اصلاحية هو صوتة من اجمل الاصوات في الساحة الفنية ويغني من داخل اعماق قلبة بس المظهر ويقال
في المثل القلب يعشق والعين تدمع والقلب يموت وهذا هو محمود
اما فرفور يحاول ان يكون فنان مكتمل ولكن مشكلتة الوحيدة مراجعة نفسة قليلا وانا متاكد بان جمال صوتة شجي ويختار الاغاني التي تليق بصوتة وهو فنان وعبد العزيز المبارك حاسد وعبد العزيز كان فنان يوما ما ولكن اكل زمنة ويريد زمن غيرة
اما البقية من الفنانين طة سليمان محمد الصادق وابو كبك والبوت وناس السلاسل والختم ديل زيادة عدد لماذالاصرار عليهم خلاص اتركوهم الي غير رجعة لا يغنوا ولا يلبسوا ولا يتركوا غيرهم يغنوا ارحمونا منهم يرحمكم الله لا صوتهم ولا لبسهم ولا جلساتهم وكانهم جالسون في حديقة في شارع النيل والتلفزيون لة جلسة معينة ومعروفة وديل جالسين بشربوا في شيشة وما كثرة سلاسلهم وحجباتهم الله يعين المشاهد عليهم
اما بقية العقد ناس شموس ديل زيادة عدد لمل الكراسي الفاضية ويوم بملابس ويوم بملابس وكانهم متفقون بس نعيب عليه الاصفرار ولاحمرار في وجوهم وكانهم دعاية لماركات عالمية ويقال محمد الصادق كان سبب في طلاق عروس اشك لا يمكن ان يكون سبب في طلاق ديك ودجاجة ما بالك في بشر والله اعلم

الاخ العزيز انا اتفق معاك في ما اوردت عن فرفور ولكني قد لا اتفق معك فيما اوردت عن عصام فالرجل هذا قمة في الاداء