انهيار بعض شركات النقل وزيادة التعرفة بنسبه (30%) للولايات،
الخرطوم: إقبال العدني
أعلنت غرفة البصات السفرية زيادة تعريفة النقل بنسبه (30%) للولايات، بعد فشل الشركات في تغطية تكلفة التشغيل، و كشفت عن خروج (12) شركة من السوق أشهرها شركة أفراس للنقل والمملوكة لرجل الأعمال الشهير جمال الوالي، وأقرت الغرفة بانهيار شامل للقطاع، وقطع الأمين العام لغرفة البصات السفرية عوض عبد الرحمن لـ(الأحداث) أمس بضعف تعريفة النقل مقارنة مع ارتفاع تكاليف التشغيل التي وصفها بالمحررة ما أدى إلى اختلال الميزان وظهور السوق الحر بجانب عجز عدد من الشركات عن تسيير رحلاتها بنسبة (40%)، وكشف عن تكوين لجنة طارئه لتعديل وإعادة النظر في التعريفة واستيعاب المستجدات بعد أن قررت الزيادة بنسبة (59%) حسب آخر دراسة لتكلفة التشغيل، على أن تتم الزيادة بنسبة (30%) للتعريفة، وقطع بإعلان التعريفة الجديد اليوم وتطبيقها بعد أن اجتمعت الجهات المختصة التي تشمل جهاز الأمن الاقتصادي ووزارة النقل واتحاد النقل السوداني والغرفة السفرية بجانب شرطة المرور ووزارة المالية، واشتكى من غياب وزاره النقل باعتبارها الجهة المشرفة على الموانئ البرية مما أدى إلى ظهور “السماسرة” ووصفها بالمفتقرة للنظام والانضباط، وحذر من خطورة تحول الموانئ إلى سوق أسود، واعتبر عدم تدخل الدولة لحل مشاكل القطاع بالكارثة واعتبرها غائبة الدور عن الموانئ. و أعلن اتحاد غرف النقل تجميد نشاط شركة أفراس، وكشف عن تعطيل (30) بصا من جملة (85) بصا، وعزا إيقاف الشركة إلى عجزها عن سداد (3) ملايين جنيه كفاقد ضريبي على الشركة.
الاحداث
ولسه يا ما حاتشوفوا .. دي المناظر الفيلم ليسه ما بدأ ..
الجاي احلى ..
( karlos( حاتشوفو النجوم عز الظهر
الله يعينكم
زيد وبارك ،عاش المؤتمر الوطني حبيب الشعب!!!!!
اركبووا اللواري
انهيار متواصل
انهيار في كل شي
انهيار في الاقتصاد
انهيار في الاخلاق
انهيار في الجيش
انهيار في الصحة
انهيار في العملة
انهيار في كل شي
بسبب الجشع والطمع وغياب الضمير والوعي
ضيعتونا الله يضعيكم الله يضعيكم الله يضعيكم ياناس المؤتمر والانقاذ والترابي الله لا رحمكم لا في الدنيا ولا في الاخرة
نصلى صلاة الغائب على البلد الكان جميل
تشوفو النجوم عز الظهر والباقي اتي
عرفنا نسبة الـ 30% عشان يغطوا تكلفة التشغيل.. طيب ،، في المقابل الزيادة دي المواطن البسيط (يغطيها) من وين؟؟ مع العلم إنو دخل المواطن ثابت وما حيزيد .. ده إذا كان أصلاً في دخل.. مع العلم إنو المواطن بيشمل العامل والطالب والأجير والعاطل و ….إلخ. ليه ما الدولة تدعم القطاع ده وتخفف عنو الجبايات بدل ما تبقى عبء عليهو.. ربنا يكون في عوننا إن شاء الله.
الحكومة مسكينة الشعب بهدلة بهدلة شديده و عشان كده لازم المواطنين يقيفو مع الحكومة و يسندوها
عشان يقدرو يشتغلو كويس وكل يوم تشتكي من الشعب
انا اقترح على حكومة البشير الحقير انها تعمل دلالات واسواق تبيع فيها باقى المواطنين الفضلو كرقيق وتقبض الدرلارات وتوزعها بين افراد المؤتمر اللاوطنى البطنى وكده الانقاذ ترتاح مننا ونرتاح منها وانا اول واحد دقوا فينى الجرس.احسن نكون رق ومملوكين للخواجات ارحم من عصابة الحقير وابعفين وبقية السفهاء الضالين الفسقة الاوغاد القتلة السفاحين المنافقين اكلى الدنيا بالدين عبيد ابليس الكلاب حطب جهنم الله اكبر عليهم الى يوم الدين
شركات النقل زيادات في الاسعار (لتغطي) ارتفاع تكاليف التشغيل الجزار زيادة اسعار المواشي برضو (لتغطي) تكاليف النقل من الولايات المزارع زيادة الاسعار(لتغطي) تكاليف مدخلات الانتاج الخضرجي زيادة الاسعار (لتغطي) زيادة تكاليف الزراعة و النقل من المزارع بتاع البقالة زيادة الاسعار (لتغظي) تكاليف ارتفاع السلع و الايجار و المطاعم زيادة الاسعار (لتغطي) زيادة اسعار الخضر و اللحوم و الحكومة زيادة اسعار المحروقات (لتغطي) عجز الميزانية المواصلات زيادة اسعار تعرفة النقل (لتغطي) زيادة اسعار المحروقات.. أها و راتب المواطن البسيط و الثابت دا البغطيهو شنو؟! رشوة !! إختلاس !! سرقة !! استغلال منصب !! احتيال !! شنو؟؟ و الضيق دا كلو عشان شنو؟؟ عشان الكوز يقدر يبني الشاهقات من البنايات و يركبو الفارهات من المركبات و ينكح ما طاب لهم من السيدات.. وانتو ؟ من انتم يا جرذان أو كما قال صاحبهم
Inhyar Afrass mo ashir khateer gidan lay ma hwa aatin min inhyarat kabeera wa khateera fi al igtisad al sodani!!!!!arfeen laih?lano haza al isim (Gamal Al walee)isim youshakilwijood dayem fi kol mahawir al nashat al igtisadee wa al malee fi hazihi al dawla al habeeba!!!!!!wa fi tagdeeri wa katheer min al motabeen lay haza al shaan inna haza al isim youstakhadam fagat lay al tamyeez bayna mashroaat al damar al igtisadee al lazee todeeraho ingaz al keezan….lay zalik wa min khilal hazihi alzawya fa inaho iza ma suha khabar inhyar Arass, fa arjo an tantabihoo ayoha alsada ila ayee tatawrat malya ao masrifya ao (Ecoploitical)khilal al ayam al gadima…wa raban yekadip al shaina.
Breif in English:
The name of (Gamal Al wali )is really a critical factor in the overall economic activities of our beloved country,because as I and others believe that the continuous use of this name is just an attempt to cover the corrupted game of the (Keezan)… so in my opinion ; the announcement of (Afrass) is just an introduction of a very tough coming news concerning the Sudan Banking and Financial system…….may allah keep our home,people and the all safely.
انتو المسافرين ليها شنو؟ البصات المرسيديس قيمة الواحد 350000 دولار امريكى كافر. الجنوبيون و قفلوا ماسورة البترول ، وين تلقوا قروش بهذه الكمية؟ نصيحة ، اكثروا من الدعاء .
(ك) كفيايه زيادات (س) سئمنا (م)مرقتو روحنا (البشير)
؛اجة غريبة و الله
واحد عايز الموت عشان ما في كرامة و التاني بتكلم عن دمار السكة حديد بعد ما يقارب التلاتة او الاربعة عقود و تالت بقول دي بداية ترجمها واحد تاني و متوقع انو الجايات اكتر من الرايحات.
لكن ما في واحد نظر بعين البصيرة البصيرة مش البصيرة ام حمد
و حتى ما في واحد فيكم يا المعلقين فكر مجرد تفكير في اساس المشكلة وين و القاعد يستغل المشاكل الزي دي منو
طيب قولو معاي لو زول كده عندو ما عندو او تحت ايدو ما تحتها من بنوك و قنوات فضائية
و شركات تسد عين الشمش تقوم شركتو بتاعة النقل تطلع من الخدمة عشان غلاء الاسعار يا ربي داير يبتز منو ؟ طبعا الاجابة بسيطة لو عرفنا انو زول نافد و متنفد و منفد يعني بي جرة قلم ممكن يلقى الدايرو يبقى ببتز في منو ده يا سادة ببتز فيكم انتو يا مساكين
و قصص اكل اموال الناس بالباطل دي بقت حاجة عادية عند الناس النافدين ديل
و اهو تمسيلية زي دي يقومو ناس و مشجعين المريخ من السزج و البسطاء يتحسرو و يقولو بالله شوف جمال الوالي مسكين ما قادر يشغل شركتو بتاعة النقل عشان غلاء اسعار الاسبيرات
طيب يا مساكين اهو واليكم ادى واليكم الدايرو انتو بتلقو شنو و البقيف معاكم منو
اصحو يا ناس و ما تمشي عليكم التمسيليات السازجة دي