وفد علماء المسلمين بعد لقائهم به يؤكدون مُساندتهم لجهود الحكومة لاستدامة السلام ووحدة السودان. طه : احترام الأديان أحد عوامل الوحدة والتعايش

يا شيخ عبد الحى .. صحى انت اسأت لبورتسودان عشان سخنت السنة دى وقلت من عمايلهم؟ يعنى الخرطوم الانت قاعد فيها دى مدينة للاطهار والملايكة؟ بعدين ياخى دى دوره مناخية بتحصل كل 30 سنة وزى ماشايف السودان رجع تانى لامطار الستينات العنيفة والخريف الناجح دايما بيكون وبال على بورتسودان لانها منخفضة تحت سلسلة جبال صخرية موجوده من بداية الخليقة .. يعنى ما حاجة جديدة عشان تقول من عمايلهم .. واذا قصدك الكورنيشات واماكن الترفيه وهى طبق الاصل لكورنيشات مدينة جده .. فقول لناس الخرطوم يقفلوا الحدائق والمنتزهات .. اما الشيشة فياخى انتو دخلكم شنو بالناس؟ لو مرضو قاعدين تعالجوهم مجانا ؟ ماالناس قاعدة تتعالج بى قروشها !! وبعدين لو هى حرام ما كان سمحوا بتدخينها فى السعوديه والا انتو بتعرفوا الدين اكتر منهم ؟ ما تقطعوا ارزاق الناس بفتاويكم المتعصبة دى .. الشاى ماجايب حقو لصاحب القهوة ولكن بكسب فى الشيشه وانتو عارفين الكلام دا .. بعدين انطباعك عن والى البحر الاحمر ما يكون سطحى وتسمع كلام الموتورين والسذج عنو .. دا فلتة من فلتات الانقاذ وربنا يرزق كل ولاية بامثالو .

اصحاب الفضيله هيئة علماء السلمين السودانيين مشهوره بأنها قدمت فتاوى عديده لصالح الانفصال خدمة لخط الحكومه فى ذلك الوقت … الان ومع اقتراب موعد الاستفتاء وجدية شعب جنوب السودان فى نيل استقلاله والانفصال عن دويلة الكهنوت الدينى الترابى .. غيرت الحكومة الرساليه موقفها من اجل سواد النفط الجنوبى وليس من اجل سواد آخر .. ولذلك احتاجت لبعض التنازلات فيما يتعلق بالشرع للاخوة الجنوبيين ترغيبا لهم فى الوحده مع دويلة الكهنوت فى الشمال المرفوضه حتى من قبل المسلمين .. فجاء اصحاب الفضيله للموافقه على هذه التنازلات الشرعيه التى كانت حتى قبل ايام من صميم الاسلام… هل عرفتم لماذا تخلف المسلمون عن ركب الحضاره البشريه ..؟ مبروك للاخوه الجنوبيين دولتهم العصريه المستقله ومشوار الالف ميل يبدأ بخطوه ..

يعنى يا منعم الدنيا دى عدمت الزول الكويس ؟؟ لو واحد اشتغل بضمير صافى نحو بلده وشعب ولايتو يكون ما بشبه الانقاذ ؟

تباين الاديان يمثل أحد العوامل المهمة للوحدة والتعايش الديني بين أبناء الوطن الواحد ؟ من زمان ما قولنا ليكم ما فيش اي علاقة هسي ده كلام شنو ده برضو شمال و جنوب سمن علي عسل