مشتاقين
في صالة المغادرة بمطار الخرطوم تجتمع دوما ثلاثية الفراق ( الدموع و العبرات والشوق) ، ومهما كثر حلنا وترحالنا الا ان مرارة لحظات الفراق تظل كماهي دائما محتفظة بنفس طعم الحنظل.
اول امس غادرت ارض الوطن الي (القاهرة) ضمن بعثة لحضور احدي الدورات التفاعلية ، وفي صالة المغادرة بالمطار ظللت ارقب لحظات الفراق والم الوداع عند الآخرين.
ومابين ام تودع ابنها ،وزوج يودع زوجته، وفتاة تودع اهلها،كانت الدموع والاحضان سيدة الموقف ، وعلي الرغم من ارتفاع سقف الوداع عند البعض والذي يدخلهم في حالة وداع هستيري عبر النشيج والكثير من القبل والاحضان الطويلة الا انها تظل لحظات خاصة تعبر عن حالة داخلية يعيشها احدهم .
احيانا يخيل الي ان صالة المغادرة في مطار الخرطوم هي بوابة الاحزان ، واحيانا اخري يخيل الي انها طاقة للفرج وانها من احب الاماكن لدي السودانيين وذلك بسبب العنت والمشقة وسوء الاوضاع الاقتصادية والسياسية والاجتماعية في البلد.
واحيانا ايضا يخيل الي ان المسافر يبكي علي حال اهله الذين تركهم خلفه ، او ان المودعين يبكون علي حالهم وعدم استطاعتهم الخروج من البلد.
علي كل يبقي القاسم المشترك الكثير من الالم والحزن والدموع.
ورغما عن هذا وذاك الا اني علي يقين ايضا ان الجميع تنقبض قلوبهم لحظة ختم الجواز والحصول علي كرت الطائرة .
عندها يكبر الاحساس بالوطن ويزيد حتي يصبح عبرة عظيمة لحظة ربط حزام الامان.
ان الذين يكثرون من الاسفار تتشابه عليهم المحطات والمدائن ويعتادون ارصفة الوداع ووجوه الطائرات ، ويصبح السحاب والفضاء والطعام البارد جزء من احداثيات حركتهم ولكنهم رغم ذلك وفي كل رحلة يحزمون مع امتعتهم حقائب الشوق.
والشوق مخالفة صريحة لقانون بقاء الاجانب ، وهو السبب الرئيسي في الابعاد الي ارض الوطن.
والشوق حالة لاترتبط ابدا ببعد المسافة من الاوطان او بمقدار المدة الزمنية التي نغيبها ،بل الشوق يرتبط اصلا بمانحمله من اسماء واماكن داخل ذاكرتنا وبماتعنيه لنا تلك الاسماء وماترتبط به تلك الاماكن ،لذلك يبقي الشوق عضلة اساسية تجعل قلوبنا تعمل بكفاءة اعلي .
لذلك لاتحاولوا التخلص من اشواقكم عند استلام امتعتكم لأن الشوق مثل الرمال المتحركة كلما حاولنا التخلص منه غرقنا داخله اكثر….؟؟
و……مشتاقين
*نقلا عن السوداني
عظيم هو وطننا السودان ولكنا ضعفاء , اصبحنا نري الغربه وصالة المغادرة هي الحل ولكن للاسف هي عبارة عن حبه بندول او حقنة مخدر مهما طال تخديرها ستزول , تخيلي اخت سهير لو طلبت الدول العربية والاجنية اجلاء جميع السودانيين ليها ماذا سيحدث حينها ؟؟؟؟؟؟؟
المنزل يخدمه اهله” مقوله للمقتول القذافي . ان لم نرجع ونعمر بلدنا فمن يعمرها لنا ؟
وبالاكتر,,,,
بالتوفيق و عودا حميدا
الوالدة العظيم سعاد إبراهيم عيسي
الاخوات الكريمات سهير عبدالرحيم
وشمائل النور
لكن التحية والاحترام والتقدير ونتمنى ليكن التوفيق في حلكن وترحالكن ومها سافرتن وبعدتن عن الوطن فأرجو ان لا تغادروا الراكوبة فأتن مقيمات في القلوب وأول ما ندخل للراكوبة بنفتش مكانكن وين قعدات
نتمنى عوداً حميد لأختنا سهير وانشالله لم ترجعي تلقي المشير وحكومته حكموا صوت العقل ورحلوا طوعا واختياراً او كونوا حكومة قومية انتقالية لمدة ثلاثة فبقاءه شر المحن والخراب والدمار
الشوق مخالفة صريحة لقانون بقاء الاجانب !!!
كيف يعني ؟ ما فاهمين
ربنا يصلح الحال
*انتو لو صحى مشتاقين “نحن بالآكتر”..وبأذن الله “لم ترجعو بالسلامه تجدونا كما كنا والشوق كتر علينا”
وان شاءالله تلقو لٍسّ “الدموع بتتقطر” .. سفرن سعيدن وعودن حميدن!
مشتااااااااااااااااااااااااااااااااااااااااااااقين
عليكم الله البت صحفيه وفتحي الضو وعثمان شبونه صحفيين؟
الشوق في المطار وفي الطيارة لكن بعد ما نوصل المحطة التانية بنعرف قدر شنو فقدنا اهلنا واحبابنا وو وبنقول ياريت لو نرجع ونقعد في بلدنا بس في حاجة اسمها لقمة العيش.
* اكره الوداع لابعد الحدود *
والله نحن بالأكثر ..
كل ما اقرا لك اجد انك تكتبين عن نفسك وحتى الان عرفنا عنك التالي :-
1- عندك عربية دفع رباعي .
2- جدك كان ضو قبيلة.
3- دائما بتسافري بصالة كبار الزوار.
4- عندك شركة خاصة.
5- عندك صديق متزوج بهديك هدايا في عيد الحب.
6- حسي انتي في القاهرة.
دا طبعا في المواضيع القريتها ليك يمكن في المواضيع الفاتت علي كتبتي عن بيتكم كم طابق وغرفتك تصميها شكلو كيف وعطورك وكريماتك.
فارجو منك ان تركزي على المواضيع فقط وان تبتعدي عن الكتابة عن نفسك وصدقيني بتكون اجمل لو ما حشرتي لينا حاجاتك المافي داعي ليها دي في نص الموضوع.
والشوق مخالفة صريحة لقانون بقاء الاجانب ، وهو السبب الرئيسي في الابعاد الي ارض الوطن
هل يوجد احد من يستطيع أن يفسر لى الاقتباس أعلاة .. والله البنيه دى قدر مانصحناها انها تقوم تقراْ
كثير وتزيد من حصيلتها المعرفية لازال راسها قوى ابت تسمع الكلام تب .. احترنا معاك يا بت أم مغد
لعل وعسى الدورة التدريبية دى تستفيدى منها شوية .. وما تجى بعدين تكتبى لينا زى الهندى عزالدين
عندما قام برحلتة المشهورة الى المانيا وتقدينا قد!!
…………. عبر النشيج والكثير من القبل والاحضان الطويلة
انتي طوالي في حالة القبل والاحضان ياخي اكتب بدون ما تحاولي تدخلي ايحاءات ما تخلي كل مواضيعك كلها شارع النيل و ناس الجزيرة ارتقي بفهمك العام
نسال الله لنا ولك الهداية
والله الناس فى شنوا الحسانبة فى شنوا
ثلاثية الفراق بالنسبة لك : الدموع و العبرات والشوق.
اما ثلاثية الفراق بالنسبة لنا:
1- انت الان بعيد عنا فى القاهرة.
2- صورتك الخايفة عليها ونحن ما خايقين عليها.
3- العودة متين ان شاء الله.
لأن اذهب لساحات القتال في بلادي خير لي من فراق الاهل والوطن لبلاد الغربة
اجمل مكان في السودان هو صالة المغادرة اما الدموع فهي دموع الفرح
نحن بالاكتر يا سهير , وانتي اخبارك شنو ؟
مشتاقين انتو متين تجونا زهجانين والليل طال علينا