افرض أن ز = الأزمة السودانية.
وفق المعادلة التالية:
ز= أ ? س
حيث ف: الفساد وس: الاستقرار السياسي
بينما س = ت + ق
حيث ت: التنمية، ق: حقوق الإنسان
المطلوب أن تصبح قيمة ز = صفر.
عليه تصبح المعادلة:
ز= ف? ( ت+ق)
ز= ف? ت ? ق
وحيث إن ت هو ثابت يعادل القيم والقيمة المطلوبة للتنمية في السودان
وحيث إن ق هو ثابت محدد بالإعلان العالمي لحقوق الإنسان.
إذن:
ز= ف? ت ? ق
إذن لتصبح ز = صفر، فإن المطلوب هو زيادة القيم ( ت، ق) إلى أعلى درجة مع تخفيض قيمة ف إلى أدنى درجة
مثلاً.. إذا كانت ز =100 فإن أفضل قيم لـ (ت ، ق) هي افتراض أن تكون القيمة ف = صفر.
وكلما زادت قيمة ف (إلى الدرجة القصوى 100) فإن قيم (ت ، ق) تضمحل طردياً. أي أن العلاقة بين ف وكلاً من ت، ق علاقة عكسية.
إذن للحصول على قيمة صفرية لـ ( ز) يجب التعامل مع المتغيرات ف، ت، ق. بتخفيض قيم ز وزيادة قيم ت، ق على النحو التالي:
أولا: للحصول على قيمة صفرية لـ (ف).
ف= -(ش+ م) ( حيث ش: شفافية م: محاسبة ومسؤولية).
لكن ش+م= س حيث س: سيادة القانون Rule of law
إذن ف= – س.
للحصول على حل مستدام للأزمة السودانية يجب البحث عن المعالجة التي تحافظ على قيمة موجبة لـ(س)
هذه المعادلة سهلة جداً.. ومباشرة جداً.
وبدونها – والله العظيم- لن ينفع حوار وطني شامل.. ولا آلية أفريقية رفيعة المستوى.. ولا دستور .. ولا يحزنون..
كيف نحصل على قيم تحقق قيمة موجبة لـ (س).. يجب تفكيك (س) إلى المعادلة المكونة لها.
أتركها لكم.. وعلى مسؤوليتكم..
التيار
الله يستر ما تكون آثار حادث اواخر رمضان بدأت تظهر!!
اهو دانت لس متذكر ان فى حروف وعلامات + و = الخ.. يعنى ما حصلت ليك اعادة صياغه رغم الحادث!
الحمد لله “You managed to survive it” الف الف مبروووك ..
بس اعمل حسابك وخليك جنب الحيط “!To be thus is not the issue, BUT to be safely thus”
يا استاذ عثمان الظاهر عليك طيب اكثر من اللازم .الكيزان مباراتهم انتهت وبقت الحكاية حماية مصالح مثلا السفاح لايستطيع ان يعيش حرا بدون سلطة والا مكانة لاهاى اما المرتزقة تبعة كلهم يجب محاكمتهم بالميادين العامة لاعادةما نهبوه خلال 26 سنة .وبعدين دايرك تكتب لينا وترسم خطة محكمة لعدم الخروج للتصويت
دي نظرية جديدة يا هندسة؟
يا رجل بدون السويتو ده هي معقدة ومستعصية علي الحل تقوم تطينة زيادة.
الله يستر بكرة عامودك ما يبقي كلمات متقاطعة .
بالمناسبة الكلمات المتقاطعة دي فكرة حلوة وبتنشط ذهن القاري وإمكن تفرّق عليه شوية.
مثلاً تقول . دولة تضاعفت قيمة كباية الشاي فيها ميتين الف مرة (200,000) والله كلام زاتو ما بتصدق مع إنو صحيح . كباية الشاي كانت بقرش، والجنيه فيهو مية قرش بقت بي ألفين جنيه، يعني ميتين الف قرش . بالله شوف وين كنا ولي وين وصلنا.
يا عثمان بلي قول لي السواق كفاية نزّلنا.
يا حليل وكت كنا شحادين وشبعانين، قبل مايجونا مقطوعين الطاري وناس التوجه الحضاري
هو يا عثمان ميرغني بالله خليك فس شغلك وما ليك علاقة بالسياسة ما دمت لست في مركز القرار فلا يحق لك التدخل وهندسة السياسة بقلمك ومسطرتك وده ياهو المضيعنا لو كل واحد فينا ركز في شغلته كنا عمرناها بس لما اكون أنا طيار وعندى رأي في الحكم وأنت تكون صحفي وعندك رأي في الحكم وواحد تانى يكون مزارع وعنده رأي في الحكم تفتكر الحكومة تحكم برأي منو فينا حتقول لي برأي الجميع؟ اجابة خاطئة ومدمرة لان ما في اثنين عندهم رأي واحد ومافي ورق يسع رأي 34 مليون بني أدم خليكم منطقيين الشعب السودانى اكان ما داير البشير هاديك الصناديق ما زول يقوم من سريره بس في الحالة دى لو صوتوا 5 للبشير يبقي نقبل بيه غير كده الموضوع يبقي حشرية ساكت وتلميع صور
الكوز يستعرض فيما تبقي من ذاكرته من دراسة الرياضيات .. كان من الاول امتهنت العمل الذي تم اعدادك من اجله وريحتنا (افرض ان مهندس فاشل = م , كوز =ك فان م + ك = ايش ياود ميرغني
إنك فارغ تلعب بالفراغ. لا أكثر. حفظ الله كل صحفي فارغ عشان من دون فراغ بتبقى المعادلة فارغة!!! ما كان العشم يا جماعة حمزة هههههههه
ارحل
يا جماعة الخير كدى اتبنو (بكسر التاء) عصمان دا
قووم لف بالله
فيثاغورث معادلة تشبهك اقل ما يقال انك نضب معينك وانك اسخف مما تتصور ولن تستطيع مهما اوتييت من خباثة ان تستخف بالعقول
القضية لا تحتاج معادلات نحتاج ضمير ضمسر حى واخلاق التى ندرت
تعال ياشيخ عثمان نفككها لك كالاتى :-
ذ = ذهاب / ق = الانقاذ + ث ش = ثورةشعبية + كك = كنس كيزان = ر +ت = رفاهية + تنمية.. يلا نجىء نكتبها بلغة الرياضيات :-
ذق +ث ش + ك ك = ر + ت .. غايتو يحلنا الحلا بلة !!!
مقولة للفزيائي انشتاين لا يمكن حل المشكلة بنفس العقلية التي انتجتها وهذا يعني س – ج = ر
حيث إن ر هو رفاهية الشعب السوداني
إن ج هي اجتثاث الانقاذ
إن ر هي رفاهية الشعب السوداني
كما المعادلة لها نفس المعنى
س – ح = ر
ح رحيل المرغني والصادق المهدي والترابي
ر رفاهية الشعب السوداني
الظاهر انو اثار ضربة رمضان يادووووب بدت تظهر، الله يعينك يا عثمان
زبالة+جيفة= مياه راكدة+ناموس= فطايس+رمم=
كمل الباقى يابشمهندس
ياعثمان النوع دا لقيتو وين؟؟؟؟؟ ياربى الجماعة وزعوا ليكم من الصنف بتاع الحاويات
الله يكبر العقول التسوه ما عرفتوه بلا تقطعها حروف مقطعة