أخبار السودان
جدل فقهي حول شرعية بيع الأعضاء
الخرطوم: رحاب فضل السيد
فجرت قضية بيع الأعضاء والتبرع بها جدلاً فقهياً وسط الأطباء وخبراء قانونيين، بجانب آراء أخرى أعطت مطلق الحرية للمتبرع باعتباره صاحب العضو وله الحق في التصرف فيه، فيما وجه وزير الصحة بولاية الخرطوم بروفيسور مأمون حميدة بتحديث وتطوير قانون نقل الأعضاء لسنة 1978 وتفعيل قوانين جديدة تحكم بيع الأعضاء وزراعتها والتبرع بها .
وأقر حميدة في مؤتمر قضايا الطب الحديث بين الشريعة والحياة بقاعة الصداقة أمس ، بوجود تعقيدات شرعية وقانونية صاحبت قضية بيع الأعضاء. وقال إن الشرعيين والقانونيين تخلفوا عن مواكبة التقدم في مجال قضية بيع الأعضاء .
وأوصى المؤتمر بإعادة النظر في قانون زراعة الأعضاء وفقاً للمستجدات، بجانب إنشاء هيئة سودانية لزراعة الأعضاء تتكون من الجهات الشرعية والتطوعية والطبية على أن تقوم بتبنيها وزارة الصحة.
السوداني
الموضوع لا يحتاج إلى جدال او حوار او مؤتمرات مثلا شخص لديه فشل كلوى ولا يمكن انقاذ حياته الا بزراعة كلية ، فمن أين تكون الكلية؟ لا بد من شخص يعطى الكلية تبرعا او بيعا وان كنت لا أحبذ كلمة بيع لان انقاذ حياة انسان لا تقدر بثمن فمثلا لو اعطيت المتبرع او البائع كنوز الدنيا فإنها لا تساوى ما قام به ، فيا أهل السودان انقذوا حياة الانسان السودانى اولا ثم تجادلوا فيما بعد، وإن أكد 100% ان من يفتى الآن بحرمة ذلك متى ما تعرض لحالة تتطلب زراعة عضو فإنه سينسى كل فتاويه ويبحث من يتبرع له ولو بالبيع ، فاتقوا الله مرة أخرى.
الأخت رحاب فضل السيد …… كتبت تقول (((( فجرت قضية بيع الأعضاء والتبرع بها جدلاً فقهياً وسط الأطباء وخبراء قانونيين، بجانب آراء أخرى أعطت مطلق الحرية للمتبرع باعتباره صاحب العضو وله الحق في التصرف فيه، فيما وجه وزير الصحة بولاية الخرطوم بروفيسور مأمون حميدة بتحديث وتطوير قانون نقل الأعضاء لسنة 1978 وتفعيل قوانين جديدة تحكم بيع الأعضاء وزراعتها والتبرع بها))))
يا أخت رحاب مأمون حميدة باع البلد بحالها وأخذ ما يريد أخذه من البلد وباع هو ومن معه في الحكومة كل مايريدون بيعه وأنت الآن تقولين فجرت قضية بيع الأعضاء والتبرع بها جدلا فقهياً … الا يوجد فقه يفجر من أجل أن نعرف بيع البلد فقهياماذا يعني … ضاع السودان بين الدكاترة والفقه المعوج وضاع الإسلام وضاعت المصداقية فيا أختاه أكتبي فيما يفيد السودان … أي الذي بقي من السودان !!!! والحمد لله ولا نامت أعين الجبناء والخونة …
عجيب أمر البلد..وزير الصحة بولاية الخرطوم عامل ندوة عن زراعة الاعضاء وتأجير الارحام وتحديد الجنين…و…و…مواضيع علمية بحتة..مؤتمر زى ده يدعو ليهو ناس الرابطة الشرعية عشان يفتو فيهو؟؟؟يعنى ح يقولو شنو..هم لاعارفين الجسم فيهو كم كلية ولا البنكرياس موجود بس فى المرأة أم الرجل..لا قارينAnatomy f..لا Physiology..لا Genetics.لا Surgery..ولا الواحد فيهم عارف انو مخ المرة والرجل تشريحيا واحد…ديل كيف ح بفتو فى موضوعات زى دى…طبعا مافى قانون لتنظيم نقل وزراعة الأعضاء من السبعينات لأنو اذا طلع قانون أول المتضررين منو مامون حميدة لأنو الملايين البقبض فيها من بيع الكلاوى والكبد من الطلاب المعدمين تانى ح تقيف..والموضوع بالنسبة ليهو تجارة..زى ماهو والوالى ح يقفلو مستشفى العيون لأنو الاتنين متشاركين فى عمل مستشفى خاص للعيون ح يفتتح قريبا…ومامون داير يقفل مش المستشفيات الحكومية وبس..لأنو عايز الناس يجوهو فى مستشفياتو الخاصة..والماعندو مايتعالج..أو يمشى للطب الشعبى ..مامون عايز يقفل كل كليات الطب الفى الخرطوم عشان الطلاب يجو عندو فى جامعته..عشان كده الوالى داير يبيع جامعة الخرطوم وجامعة السودان..حكاية اجتماع زى ده بالله يدعو ليهو علماء طب ولا علماء حيض ونفاس..مافى مراكز نقل وزراعة أعضاء معترف بيها على مستوى العالم وأخدت Accreditation..من مؤسسات عالمية..نجيب ديل واللى ممكن يجو تبرع لأنو العلم عندهم حق انسانى للفقير قبل الغنى ولا نجيب علماء السوق أو علماء السوء..ده زى مابنسمع مذيع فى أم درمان يستضيف لاعب كورة من زمن الليق عشان يعلق على مباراة برشلونة وريال مدريد ويقوم يقول ليك افتكر انو لو ميسى كان عمل دبل كيك..دبل كيك فى عينك.. ياأمة ضحكت من جهلها الأمم..حكومة نصها مجتمع مع ناس المحايات والنص التانى مجتمعين مع فكى اسمو (بلة) فى سجن أم درمان عشان يحل الأزمة المالية العويصة بتاعت على محمود..تتذكروا على محمود مش قبل كم يوم قال جاتنا تمويلات بالعملة الصعبةكتيييييرة لكن ما ح أوريكم هى كم ولاجات من وين…هسع بس فهمنا انو قاصد الدهب البحفرو كايسين ليهو والى الخرطوم ومعتمد أمدرمان تحت سجن أم درمان..والوالى الكراكات والحفارات المؤجرنها لحفر الخيران استعدادا للخريف حولها كلها عشان تحفر تحت سجن أمدرمان…وهى لله..هى لله..لا للسلطة ولا للجاه..ويحلكم الحلة (بلة)!!الفكى
مامون حميده ده اتخرج من الطب امس؟الشرعيين قاصرين دي بتوديه التوج كفر عدييييل.!
الكلام ده ما فكر فيه لما اتخرج من الطب؟ لما فتح عياده.؟لما بقا وزير ؟بس لما …..الوطن.
؟
؟
يا وزير بيع الاعضاء حراااام .لانها ليست ملك لك .والتبرع بها حلااااال وفي بعض الاحيان فرض كفايه يصعد لان يكون فرض عين وكذلك علاج الفقير في المستشفي بتاعك لو داير فتوى طز في علماءكم البتشوفهم ديل والله انا افتيك افتي ابوك وابو اهلك لو زول مات محتاج لعلاج وما عنده قروش ومستشفاك طرده ربنا بطلع زيتك وذنبه عليك .وبتتراوح بين ديه الي قتل عمد لو في حاكم عادل قتل عمد لما انت تكون وزير وصاحب مستشفي وبتكون ديه لما تكون ما عارفه .ولو في دين عشان تجمع ليك علماء حللوا الربا للحكومه والربا حرام حتي فتواهم في ربا الفكه ده غبي لانه ما بيع الفكه اسمه ربا ما بيع .تقول لي دين يا حميده لم ليك قروش تلاقي بيها الله في يدك وما ح تكملها لمن تموت والله احسن ليك لو اكلت كل يوم خروف براك قروشك ما بتكمل خت الرحمن في قلبك واتق الله .