نافع على نافع: الحلو يستغل أبناء النوبة لتحقيق الأجندة الغربية
كتب مركز حزب البشير الصحفي
الخرطوم (smc)
شن د. نافع علي نافع مساعد رئيس الجمهورية هجوماً لاذعاً على الحركة الشعبية مؤكداً أن المتمرد عبدالعزيز الحلو يعمل على إشعال الحرب في ولاية جنوب كردفان بجانب إستغلال أبناء النوبة لتحقيق أجندة غربية والزج بهم في أتون الحروب.
وقطع د. نافع لدى مخاطبته السبت 9 يونيو المؤتمر التأسيسي لحزب الحركة الشعبية قطاع السلام بزعامة الفريق دانيال كودي والذي رصدته(smc) أن السودان لن يؤتى من بوابة ولاية جنوب كردفان مبيناً أن الحركة الشعبية تقوم بإستخدام أبناء النوبة لتحقيق قضايا ليس لها صلة بمصالح أبناء النوبة مشيداً بتضحيات وفد أبناء النوبة القادم من أمريكا مؤكداً أنهم سيعملون على مبدأ نبذ الحرب والعنف وتوحيد الكلمة والصف وحلحلة قضايا الولاية .
من جانبه أكد الفريق دانيال كودي رئيس حزب الحركة الشعبية تيار السلام أن الحزب يعمل على تحقيق طموحات وتطلعات مواطني الولاية وممارسة الديمقراطية الراشدة وفقاً لقانون مجلس الأحزاب مبيناً أن تنفيذ المشورة الشعبية سيكون من أولوياتهم السياسية خلال المرحلة القادمة مشيراًإلى أن مبدأ الحوار والشفافية بجانب تصحيح المسار سيكون منهجهم في الفترة القادمة بالتنسيق مع الاحزاب والمنظمات الوطنية لاجل الإستقرار والسلام.
وفي السياق شددت د. تابيتا بطرس الأمين العام للحزب على ضرورة تماسك الجبهة الداخلية مشيرة إلى أن الحزب سيعمل لأجل السلام والإستقرار بولاية جنوب كردفان تحت شعار نعم للسلام لا للحرب تحقيقاً لمبدأ التعددية والمواطنة بالولاية.
ههههههههههههههههههههههههههه تابيتاونافع والسكران والامريكان
نافع دائما يكذب ويشتم ولايحترم الاخريين
حركة شعبية جناح ام جكو
غايتو المرا دي تدخل الحمام تاخد دش و تمرق بتطلع زول تاني
و الوانة و باروكتة دي ذي كلام الانقاذيين
الديمقراطية الراشدة … اجندة خارجية …. مصالح ابناء الوطن …. مبدا الحوار و الشفافية و المحاسبة
المشروع الحضاري … التوجة الحضاري … عجلة التنمية … الخطة الخمسية …. الخطة العشرية ….
يحسسوك انهم ناس شضغالييييين فى البلد دي وانك انت زول ماااا ميه ميه و ما فاهم شي ذي البيقولو ليك كدي ما تستعجل و ما تقاطعنا و شوفنا بنعمل شنو لم تتوهم انت ذاتك
غايتو المسطول العمل النكتة حقت ثورة الانخاس جينا عشان ننخسوكم دا جاب الزتونة يا قول اللمبي
ياخ الزول بيحاسب نفسو بينو و بين نفسو في العملو في حياتو انشالله كل خمسة سنين بتحاول تشوف انت انجزت شنو فيها ….. و حقيقة و الله انا مثلا كل كاس عالم بحاول اشوف من كاس العالم الفات للانا فية الجديد شنو في حياتي و انجزت شنو
الناس دي في 23 سنة قدرو بي امتياز :
يفصلو الجنوب و دي الانجليز ما عملوها
يفتحو في السودان 4 جبهات حرب داخلية و الله دي الاستعمار ماعملة في اي بلد استعمرة
دمرو الزراعة و اكبر مشروع زراعي فى الشرق الاوسط مشروع الجزيرة
دمروا التعليم و الصحة و كل الخدمات و كل الخدمات دي ما مبالغة حقيقة كل الخدمات
دمروا الاخلاق الكانت ميزة السوداني و السودانية و الدلايل كتيرة داخليا و خارجيا اغتصاب , قتل , اطفال شوارع , سرقة …..الخ
شوهوا الاسلام لانة الاسلام دين الرحمة و العدل و المساواة و السلام و التسامح و حقوق الانسان و حقوق المراة
ما فعلوة فى الـ 23 سنة اكتر بكتير ان يدرج في احرف او مقال لكن التاريخ سوف يتحدث عنة و سوف تعلم اجيال السودان ما صار الية السودان في عهدكم
والله العظيم انا مشفق عليكم حتقابلو ربنا كيف … انا ممكن اذى نفسي و اسال ربنا الرحمة و المغفرة لاني ما اذيت زول
لكن انتو اذيتو بلد مليون ميل مربع … اذيتو شعب …. جوعتو شعب …. قهرتو شعب ….
يتمتو اطفال . .. رملتو نسوان … بوظتو اخلاق …. جوعتو البلد …. والاكبر عند ربنا انكم شوهتو الاســـــلام .
حسبنا الله ونعم الوكيل حسبنا الله و نعم الوكيل حسبنا الله ونعم الوكيل
وسخخخخخخخخخخخ.
فعلا المصالح تجمع التافهين الذين يتخلون عن مبادئهم . هل هنالك مثقال ذرة من تشابه تجمــع بين هذه المرأة المتبرجة والتى تسمى تابيتا بطرس المسيحية وهذا الاسلاموى المشلخ المدعو نافع المانافع ؟؟؟؟ لقد ضحكوا عليك ايتها الخائنة واغروك واشتروك بالوظيفة والدولارات فصرت خادمة مطيعة وجندية مخلصة لبنى كوز وعقبال يعقدو عليك ويمهروك .ولا اسفا على المبادىء والاخلاق .
كل النوبة مع تغيير نظام المؤتمر الوطني ما عدا الارتزاقيين والمنتفعين
والله السكران دا بكون ماسك البيره في يدو يا ناس النظام العام وجابو ليه نافع
ناس نافع ادمنو تقسيم الاحزاب لكن المشكلة انهم بيجيبو ضعاف النفوس وشذاذ الافاق و بائعي دماء مواطنيه ماذا يمثل كودي مقارنة بود الحلو اما كان الاجدر بالحكومة بدل التمثيليات الممجوجة بذل مجهودها ومال الشعب السوداني في محاورة الحلو وعقار انه الضحك علي الدقون و متي يستفيق كودي من السكرحتي يعلم ما هو الصحيح و الخطأ اما تابيتا جارية ورا مصالحها الشخصية زي الركشة بكرة ابو العفين حا ينقلب عليهم ويشتمهم زي العجب و معاهم الديناصورات المستجلبة من امريكا لزوم الديكورالسياسي عوووووووووووووووووووووع يا ناس الحقونا باليمونة
لقد كنت من الحاضرين لهذه المهذلة ( وهذه زمانك يا مهاذل فافرحي) تفرست في الوجوه ولم اجد من الصادقين الا قليلا ، فكان اكبر تجمعاً الانتهازيين رأيته في حياتي ومنهم أتي عابراً للقارات امثال الثلاثي منتهي الصلاحية طبخة عفاف تاور قبيحة الخلق والاخلاق .
انتم عاراً للنوبه وعزة النوبه وشموخ جبالها انتم عار فالنوبه قادمون بقوة لصناعة التاريخ فلا تقفوا في الجانب الخطئ من التاريخ
يبدو انها الحركه الشعبيه قطاع المؤتمر الوطنى …. مين البصرف على الحزب ودانيال والبنيه تابيتا بطرس …. بختك يانافع عملت حزب جديد لنج
أحبك يا تابيتا يا أميره ياأنبل إنسانه ,الله يحفظك ويخليك
هههههههههههه
الحوار معى جزب الحركة الشعبية لأ يجدى نفعأ وهى مجرد حوارات وكلام على الورق فرضنا وافق كل شعب النوبة العظيم على الحبر الانسكب على الورق هل فى مقدورهم اقناع الحركة الاصل على رمى البندقية والعيش فى سلام لأاظن
لوارادت الحكومة الحل الجزرى عليهم الجلوس معى الحركة الحاملة للسلاح الذى لهاء الكلامة حتى لايكون كلام حبر على ورق ومجرد تخدير لشعب النوبة القابض على الجمر