شابة سودانية تتفاجأ بأن وثائقها تحمل في مكان المهنة وزير – صورة –

بختك يمكن وزيرة عروس مبروك

كدي يا جماعة قولو بسم الله وواحدة واحدة

كل الوزرا ارباب بيوت عادي المشكلة وين

والمشكلة شنو ؟ خليها على كدة عشان امورك تسلك , محل ما مشيتى الناس حا يجو جارين عشان اخدموك , جواز السفر حا يدوك ليهو اكرامى لا قرش لا تعريفة, وكمان ممكن تشتغلى تجارة دولية وتمررى حاويات من الميناء بدون جمارك …يا بت دى ليلة القدر و جاتك فى محلك ما تفويتيها.

أين المشكلة ففى السودان كل من هب ودب اصبح وزير ربما رأت إدارة السجل المدنى أن ربة البيت هذه يمكنها أن تدير السودان أفضل ممن يديرونه الآن بحسن ادارتها لبيتها لهذا انعمت عليها بلقب وزير ، وهى بالفعل افضل منهم فى فن الادارة.

انا لسع ما قدمت على السجل المدني .. أدعو لي يسجلوني رئيس جمهورية!!!

ههههههههههههههههههههه
انا داير مستشار بالقصر الملكي
هذا زمانك يامهازل امرحي وعربدي كمايعربدناس البرادو االلة رادوووووووووووووووو

السيدة الفضلى ربما تكون نست ان زوجها احد الوزراء الاتحاديين او الولائيين او وزراء الدولة او الوزراء المفوضين بالخارجية وتم تجنيبها للاحلال بقاعدة مثنى و ثلاث ورباع وزواج المتعة وزواج المسيار او الزواج العرفى وصاحبنا نسى الموضوع من كثرة ما ملكت يداه

شئ يمحن

بختك ياعفاف .. أصل .. ناس الإنقاذ ديل .. زي الدنيا : تعطى من لا يشتهى ، وتحرم من يريد !!؟

الجماعة بتاعين السجل مفتكرين البنت مؤتمر وطني عشان كده ادوها وظيفة وزير وكمان دكتوراه ذي باقي الجماعةومافي حد احسن من حدولو عاوزة صك الغفران اتصلي بالكاروري يطلع ليك واحد ولو عاوزة رخصة في العبادات فقهاء المؤتمر جاهزين يطلعوا ليك فتوة مناسبة لظروفك

مستغربيين ليه مافى زول شغال فى البلد غير الوزراء عاوزين المؤظف يكتب ليكم شنو بعدين اى واحد راكب عربية و مليانة بنزين معناهو وزير او دستور المؤظف ما غلطان

مش حاجه غريبه في زمن الجهل والبلاده والوزاء بالكوم وخاوها تكون وزيره او والي كمان.دي مش مشكاه الشعب بل ازالت هذا الكابوس القبيح هو المطلب.

أنا لو مكانها كان طالبت بمخصصاتى على طول راتب وزير+البدلات الكثيرة بدل لبس بدل خطر بدل شقاوة بدل سكن بدل سفريات وكمان أطالب بالعلاوات علاوة غلاء معيشة علاوة حماية شخصية علاوة بدل غبار علاوة مناطق شدة(باعتبار التعيين فى الخرطوم)..وصدقونى يمكن يمكن كمان تمشى عليهم (عايرة وأدوها صوت)

في عهد الانقاذ كل شي متوقع دي مسكينة بقت وزير في ناس بقو حاجات ما تعرف زاتو كويس انها بقت نزيحة وعرفت الحاصل كان تقع في مشكلة بعد الانقاذ وتحسب مع البلطجية والكارثة الكبري والحمد لله النزيح نزيح

طيب المشكلة شنو ، ما البشير رئيس وعبد الرحيم وزير ّ!!!

اخر الابداعات فى الدول المتقدمة .. مش المتعدمه .. البطاقة الشخصية بدون مهنة .. ووين ماتشتغل الجهة البتشتغل فيها تديك بطاقة عمل وتكتب ليك مهنتك فيها .. والمفاجاءة انو كل التعاملات الرسمية .. يعنى اثبات شخصيتك .. البنوك والمرور ومراجعة الجهات الحكومية لاجراء شخصى وغيرها لاتقبل فيها الا البطاقة الشخصية .. وبطاقة العمل تستخدم فقط ان سئلت عن المهنة او فى مكان عملك .. وكويس كتبو ليك زير / اقصد وزير .. لانو لوكان كتبو ليك كوز كان اصبحتى مشبوهة من الجهتين ..