الصرافات : سنواصل رفع سعر الدولار ونطارد السوق الاسود لتحجيمه نهائيا
الخرطوم : عاصم اسماعيل :
بدأ اتحاد الصرافات امس في مجاراة السوق الموازي برفع سعر بيع الدولار مقابل الجنيه الى 5.530 والشراء بـ 5.500.
وكشف الاتحاد عن عدم ثبات السعر في هذه الحدود وقال انه في حال ارتفع السعر الموازي سترتفع اسعار النقد بالصرافات، وشدد على ضرورة عودة الصرافات لممارسة دورها الطبيعي الذي من اجله انشئت دون الاعتماد على البنك المركزي في تغذيتها بالدولار.
وقال رئيس اتحاد الصرافات جعفر عبده حاج لـ»الصحافة» ان الصرافات تسعى لان تكون قريبة من السوق الموازي لتحجيمه نهائيا الامر الذى دفعها الى اضافة عمولة تقدر بـ 8% ، لان الطلب على الدولار «الكاش» كبير جدا وهو في حد ذاته مكلف من حيث الترحيل والتأمين، ووجه اصابع الاتهام الى جهات ـ لم يسمها ـ قال انها تقف وراء بعض المواطنين لشراء كميات كبيرة من الدولار الموجود بالصرافات، مضيفا ان اليومين الماضيين شهدا بيع اكثر من 5 ملايين دولار للمسافرين الامر الذى يجافي الحقيقة في الواقع.
من جانبه، قال الامين العام لاتحاد الصرافات، عبد الحميد عبد الباقي، لـ»الصحافة» ان هدف الصرافات من زيادة السعر هو استقطاب موارد خارجية وتحجيم السوق الموازي، مبينا ان الاتحاد يسعى لان يكون له دور في السوق وفق بند تأسيسه المراد له الشراء والبيع في النقد الاجنبي، واضاف ان المكتب التنفيذي للاتحاد قرر في اجتماعه امس شراء الدولار من السوق بـ 5.500 والبيع بسعر 5.530 لجذب موارده بطريقته الخاصة اعمالا لمبدأ عمل الصرافات دون الاعتماد على البنك المركزي في تغذيتها وممارسة دوره الطبيعي، وقال «اذا اراد بنك السودان التدخل فيحق له ذلك عبر آلياته المعروفة». وزاد «لكننا لن نتوقف اذا زاد سعر السوق الموازي حيث تعمل الصرافات على زيادة السعر لديها».
الصحافة
قال احد تجار العملة نحن ننتظرهم حتى يلغو بحبالهم فى تلك اللحظه نتلقف مايلقون فى اشارة الى سيدنا موسى والسحره. هذا هو حال تجار الدولار وفلاسفة تحريره رحمه الله المواطن السودانى واسكنه فسيح جناته.
البصيرة ام حمد
اهكذا تعالج الامور
ههههههههههههههههههههههه والله الدولار دا غلبكم تب الا تعملو مصنع دولارات
شوف الفوضى كيف ضربت البلد, وهل تحجيم السوق الموازي يمكن أن يكون سبب مقنع اذا كان من يحجمه يتسبب بنفس المشكلة؟!
البلد عدمت من يفكر بطريقة سوية وعدمت من يلاحظ الخطأ أو الصواب
عايرة وبطنها فايرة
الأدوية والألبان وغيرها حيصل سعرها فى السوق كم ؟
سعر الصادر كم؟
الجمارك كم؟
منصرفات الأمن والجيش كم؟
********* البنى آدم السودانى بساوى كم؟؟؟؟؟؟؟؟؟؟؟؟؟؟؟؟؟؟؟؟؟
ناس الصرافات ديل ناس هبل
وماشين بسياسات عليا
انت السوق الموازي تجرو ولا اجرك
اجروكم في الشوك
بيع الدولار بي 3 جنيه شوف في زول بمش اشتري من السوق الاسود
لكن غلبكم وعاوزين تتربحوا الله لا كسبكم
قال شنو يا نحن يا السوق الموازي
طالما انت بترفع السعر كل شوية
انت زاااتك مابقيت سوق موازي
اها وبعد داك البحصل شنو
بلد فوضي ما عندها وجيع
ياخوانا انا اليوم الصباح رديت في مقال يخص التمويل الربوي في فتاوي الانقاذ وقلت ليكم الدولار مع الكبوة الحاصلة دي وانفجاروشيك للوضع الاقتصادي في البلد الدولار يصل لـ10جنية مع نهاية السنة دي وانتظرو وشفوولحين ذاك الوقت مامعروف المواطن حي ولا مات من عدم قدرته لشراء ابسط مقتضيات الحياة المعيشية.وخليكم قاعدين جوا بيوتكم لاثورة لاغيرو وخليكم ماشين بنظام الخواف ربى عيالو يالشعب السوداني لمتين القهر دا.وياحليلك يامقاصر…
طبجوها وجنيها عام على وزن دخلوها وصقيرها حام
ما قلنا خلو العملة دولار والفكة جنية وريحونا وارتاحو
زمان واحد قال الحكومة دي تجار ولو التجار اتولوا امر العباد الله يكون في عونهم ، الكلام ده قبل المفاصلة.
5 مليون دولار في يوم واحد
حكومة ورسخه 2 مليار القطري ديل عايزين يلهفوهم بالنصب والاحتيال حقهم ده
الجماعة وراء المسافرين ديل هم الموتمر الشعبي والمؤتمر الوطني ناس حراميه عديل كده
اتعظوا من القذافي وحسني مبارك وعلى عبدالله صالح وبن على وآل القذافي وآل حسني مبارك يا مؤتمرجيه
اقتباس
وجه اصابع الاتهام الى جهات ـ لم يسمها ـ قال انها تقف وراء بعض المواطنين لشراء كميات كبيرة من الدولار الموجود بالصرافات
الجهات معروفه الكيزان واتباعهم ولا حيتحاربوا ليكم
اقتباس
وزاد «لكننا لن نتوقف اذا زاد سعر السوق الموازي حيث تعمل الصرافات على زيادة السعر لديها».
بالله دي بلد فيها اقتصاديين دا كلام بتاع عنقاله ساكت
ارحلوا ايها اللصوص دخلتوا البلد في ورطة
يا ناس الراكوباااااااااااااااااااااااااااااااااااااااااااااه
قولو لوزبر الماليه انا لقيت الحل
وهو
يمسّكو تجار السوق الموازي ادارة البنك المركزي و الصرافات
وكده ما حيذيدو سعر الدولار لانو ما من مصلحتم
تلاتة كباري وشارعين وسد…
قديتونـــــا قصــادهــــم قــــد…
لو جينـا لكشف حساب وجرد…
أمسك واحد أول بدء:
سرقتو وطن واسع ممـــــتد…
فكفـكتوهــــو…
وزعزهتوهو…
وأرهقتوهــو…
وبشتنتوهــو…
وهديـــــــتوهو هــــدا هــــد…
وهاك التاني أمراً أد :
حكمتو شعب كان زي الورد…
أفقـرتوهـــــو…
وشردتوهـــو…
وجهجهتوهو…
وعنصرتوهو…
وقطعتو حبل كان واصل ود…
أُخد التالت لو ترتد:
وجدتو مصانع لقيتو مزارع…
وسكـــة حديـــد جد بالجــــد…
عطلتوهـــا…
وفرتقتوهـا…
ووقفتوهــا…
وشلعتوهـا…
وقطعتو رزق عمـال من حد…
أحسب رابع وتابع العد:
وين تعليمنا ووين ترنـيمــنا؟
وين آدابنــا ووين كتــابنــــا؟
وين رياضتنا ووين ريادتنا؟
مرمطوهـا…
وأخرتوها…
وأفشلتوها…
وطيشتوها…
وخلفـــتوها جهـــل عن قصد…
شوف الخامس أخذ ورد:
كيف وحدتنا وكيف دولتـــنا ؟
كيف عيشتنا وكيف حالتــــنا؟
ووين ثرواتنا؟
ووين أموالنا؟
وين غيرتنا؟
وكيف سمعتـــنا؟
خرمجتوهـا…
وبشتنتوهـا…
وبـددتوهــا…
ولوثـتوهــا…
وبي سمعتنا مسحتو الأرض….
هاك السادس ونفسك سد:
((رئيساً راقص)) رقصاً شين…
مسئول ((مزواج)) ركاب سرجين…
وزارة تجارة وبياعين…
ناساً عايشة ومبسوطين…
جضوم منفوخة ملمعة زين…
كروش ممدودة متر مترين…
أيادي طرية نعومة ولين…
طالعين ماكلين نازلين بالعين…
مناشر تنشر مطحونين…
بفقه السترة محميين…
ومندسين ومدسوسين…
بفقه ضرورة وقوة عين…
نهابين ومغتصبين…
فساد شفناهو رأي العين…
وشميناهو أبو العفين…
وناس بهناك دايشين دايخين…
بطونهم خاوية وما لاقين…
وجوهم هايمة وفقرانين…
وعينهم طالعة وكمان صابرين…
وليه ساكتين؟؟
ولي متين ساكتين؟؟
بإسم الدين الخداعين…
خلو حياتنا زفت وطين…
تجار الدين الأفاكين…
ملعونين ملعونين…
ملعونين لي يوم الدين…
غشيتونـــا…
وبشتنتونـا…
وعذبتونـــا…
وجننتونـــا…
وبكيتونا دمع ودم ولطخة خد…
وتقولي كمان!!!!!!!
تلاتة كباري وشارعين وسد!!!
بس يــا ود…
حيلك شـــد…
ويد علي يد…
كلنـــــا ضد…
ضد العسكر وحكـــم الفرد…
ضد الظلمــة ومــن أفســد…
نضال وارثـنو أب عـن جد…
أكـتوبر أولى لــنا بتشــــهد…
وأبريل التانية أعادت مجد…
والتـالتة قريبة وما بتبــعد…
خليك واثق واتأكــد…
للأحلى حيكون الغد…
للأفضل راجنو الغد…
للأجمل حنبني الغد…
للأحلى حيكون الغد…
للأفضل راجنو الغد…
للأجمل حنبني الغد…
مافى شك أبدا إنفصال الجنوب دخل على الكيزان بالساحق و الماحق.
انتو زيدو والسعر الموازي يزيد لما تلقوه حصل 20 ج والله البلد عدمت اسم الزول البفكر ديل ناس بلطجية وحراميه فقط
دا كلو كلام فارغ . عايزين نعرف سعر العملة الصعبة والساهلة اليوم بي كم .
وقال رئيس اتحاد الصرافات جعفر عبده حاج لـ»الصحافة» ان الصرافات تسعى لان تكون قريبة من السوق الموازي لتحجيمه نهائيا
الفرق شنو بينكم و بين البيبيعوا في الشارع ؟؟؟ اذا هو زاد انت بتزيد و اذا انت زدت هو يزيد الي ان تصل الي العشريين جنيه و بنك السودان يتفرج و يتمسك بالسعر المعلنه في الورق ما في الهواء و هو 2.7 جنيه . والله صحيح البلد همله , و المواطن هو الذي يدفع ثمن هذه العواسة.
الصرافات دى صرافاتهم …. ويلعبوا بالدولار ذى ما عايزين
لمن جوالكيزان قالو لوماجينا كان الدولار بقي بعشرين جنيه اسي بقي اكتر من العشرين مقارنه مع الجنيه البلعبو بيو ذي الكوتشينه ؛الناس دي قايله المواطن التعبان ده بنسي ليهم السوهو فيه؟؟!
التجار معلميييييييين ومفتحين ،ممكن يخسروا يسفروا ناس برة استجمام خمسة ستة يوم،ويشتروا من صرافاتكم دي ياكيزان ياوهم ،ديل ناس قدااااااااااام في السوق ههههههههههههاي.
بالله ده اقتصاد دولة في القرن الواحد والعشرين ، يدار بعلقية سوق الغنم ، ما في حسيب أو رقيب ، حتى الصرافات اصبحت تشتري من السوق ” الأبيض الناصع البياض ” وليس اسود كما يصوره البعض لان السعر عادل وحقيقي
السلام عليكم
الحديث والعمل يجب أن يكون حول آليات اسقاط هذا النظام الفاسد ، يجب على الجميع أن يساهم بالكيفية التي تخلصنا من هذا الكابوس ، من الأفكار التي أرى أنها فعالة لاسقاط النظام هو أن يتحرك قادة المعارضة نحو تكوين نقابات مستقلة مثل (الأطباء ، أساتذة الجامعات ، المزارعين، المعلمين ، المهندسين ، العمال ، التجار ، اصحاب الحرف ، النقل والمواصلات ، الصيادلة … الخ) ، يجب اختيار ممثلين لكل نقابة لتكوين مجلس كل نقابة ، بعد تكوين النقابات يجب أن يتحرك مجلس كل نقابة لجمع التوقيعات لتنفيذ اضراب عام بعد احكام التنسيق يستمر هذا الاضراب إلى أن ينهار النظام.النظام استهدف النقابات وكون نقابات صورية لأنه يخشى تحرك الجماهير الآن الكل معبأ فقط الناس تحتاج إلى تنسيق المواقف والنظام هذا يمكن أن يسقط دون أن تراق أي دماء فهو نظام هالك فقط عن طريق الاضراب سوف يسقط هذا النظام الفاسد إن شاء الله.
المصير المحتوم
يا هدير الموج العاتي
ويا صحوة شعبي الدافر آتي
ويا فجر الصحوة وذكرى الثورة
الدكت حصن الطاغية الباغي….
شعب العزة في ارض العزة
رغم ظروف العيشة المرة
مرة ومرة فجر ثورة
وهذي المرة قادم آتي ….
حانت ساعة الصفر الكبرى
وقرّب وقت الحارة المفرح
واشرق وجه الصبح الهادي ………
ويوم ما تطلع اول زفة
الشارع يعمر بالآف
واول صرخة الناس تتلمة
تزيل الغمة زئيرها يتاتي ….
يهز الشارع والبنيان
.يخرْط الغضب الجوة نفوسنا
يشيل الهم يريح ذاتي …..
يزيل القرف الراكد فينا
وكل سنين الكذب الاسود
وشبح الهم والجوع البادي …
وكل الامة تقيف في صف
تلف الدنيا توحد صوتها
عشان ما يزيلوا الحكم السادي…
ضد الحكم الدمّر وخرّب
ضد الحكم الفرّق وشرّد
وما هماهو كلابو تنادي ……
ديل الهدموا خصالنا السمحة
وفرّقوا بين الناس في بيوتا
بدون احساس او أي مبادي…
هدّوا اساس الدولة الحرة
وعادوا كمان الدول الكبرى
وفرّجوا فينا الرايح وغادي …….
وآذوا الجار في كل مكان
وزادوا النار في حربا غاشمة
سباب وشتيمة عبر الرادي …..
ودوام الحال من المحال
يوم ما يظهر المستور
ونخلص حق الناس الصابرة
تفوح الريحة عرب وبوادي……
ويظهر حق الشعب الصابر
رغم انوف الزمرة الفاسدة
الجبهة الضالة ليها نعادي…….
ويهدر سيل الثورة العارم
ويكسر شوكة الطاغية الظالم
عشان ما يطّهر ارضي الحرة
وتنبت زهرة في يوم ميلاي
وتنبت زهرة في يوم ميلاي …
هذا عنوان مضحك لان السوق الاسود والصرافات وجهان لعملة واحدة
بات من الواضح أن البلاد تديرها عصابات اجرامية فى جو من الفوضى لم يسبق له مثيل, وكل عصابة تريد أن تؤمن غنائمها وهم يرون البلاد تنجرف نحو الهاوية فى سرعة جنونية, هؤلاء هم اصحاب السلطة ووكلائهم فى مشهد الخبطات الاخيرة قبل الانهيار التام.
ياجمااعة نحناا طلاب الخارج ذنبنا شنو ؟الان الرسوم الجامعية باعتبارها زادت80% لاحول ولاقوة لابالله.
يااخوانا التغيير بدا ودقت اجراسو
والكوز انزوى وفي الرمال دس راسو
السوق ود الحرام ما معروفين ناسو
والشعب المسكين مات بكترة امغاسو
ياجماعه النظام سقط فعليا , فقط تبقي اعلان ذلك رسميا , الامور باتت الان خارج سيطره المؤتمر (الوطني) , بعد ان تم تسليم البلاد لمجموعه من المشعوذين وبائعي الاوهام, هم الان بانتظار المعجزه او خروج الجماهير.
المشكله الان باتت في تامين وضمانات تقدم لاعضاء النظام وخاصه قائمه لاهاي .
اعلان ذلك بات الان مهمه الشعب , الذي عليه ان يخرج للشارع ليعلنها لنفسه اولا (لان الكثيرين غير مصدقين لامر كهذا ) ثم ليعلنها للعالم .
فقد حانت الساعه ..
الله يكون في العون
ارفعوه لحقوا السماء هو حقكم حق الامريكان ناس الجزرة والعصا عصاية مكسرة في راسكم
أقول حسبناالله و نعم الوكيل ، لافهم لاحكمة،، تحاربون السوق السوداء!؟، أنتم تحاربون المواطن بجميع الجهات، الزول لايقدر يسافر و لايتعالج،، لانو الحرامية و المنافقين منكم و فيكم،،اللهم بعزتك و جلالك حارب كل من اراد بنا سوءا ياقوي ياعزيز ياودوود يارب العرش المجيد يافعال لما تريد، هو الدعاء.
ياعمنا اذا قلت انك لا تعتمد على البنك كذاب واذا قلت انك سوف تحارب السوق نهائيا برضو كذاب فعلا الطلب على الدولار كبير جدا بعين انت بتنغض نفسك بى نفسك تقول عايز تحارب السوق وتجى تقول ان فى ناس واقفة وراء المواطنين لشراء الدولار منكم وكدا كيف تحاربهمبعدين ما نقول ان الهدف من الذيادةاستقطاب موارد وتحجيم السوق الموازى . بعدين دا شغل سوق كل الاطرف مستفيدة منه سوا التجار ولا البنك المركزى ولا الصرافات ولا المواطنين.الفائدة تعم كل الاطراف دى حاجة واضحة زى وضوح الشمس بعدين انت لو ما معتمد على البنك المركزى وتغزية الصرافات دى من جهدك الخاص كان عملت بنك ماكان عملتو شغل صرافات.