رسميًا ..زامبيا تشكو السودان للفيفا وتضعها في مأزق كبير في تصفيات المونديال
السودان مهددة بفقدان ثلاث نقاط مصيرية … والاتحاد السوداني يغضب الشارع السوداني !
أكد الاتحاد الزامبي لكرة القدم على موقعه الرسمي بشبكة الانترنت بأنه تقدم بشكوى رسمية إلى الاتحاد الدولي (الفيفا) بشأن مشاركة لاعب المنتخب السوداني “سيف مساوي” الموقوف في مباراة زامبيا والسودان في الجولة الأولى في تصفيات كاس العالم 2014 .
وبدوره حوّل الفيفا الأمر برمته إلى لجنة الانضباط التابعة له للنظر في القضية الشائكة التي قد تعصف بأحلام المنتخب السوداني في التأهل لمونديال البرازيل 2014.
وأشار الاتحاد الزامبي إلى أنه كان يعلم بعدم صحة مشاركة اللاعب مساوي وان اللاعب قد أحرز هدف في المباراة وذلك فأنهم تقدموا بالشكوي بشكل رسمي وأنهم طالبوا الفيفا بتحويل الثلاثة نقاط إلى رصيد المنتخب الزامبي .
وأفادت المتابعات بأن الاتحاد الدولي قد خاطب الاتحاد السوداني بهذا الشأن وإن المسؤولين السودانيين يعلمون بشكوي المنتخب الزامبي ولكنهم لم يعلنوا هذا الأمر فى أجهزة الإعلام، حتى يتم تدارك الأمر إن استطاعوا ولكن عدم مشاركة اللاعب أمام ليسوتو هو ما فجر الامر .
الاتحاد السوداني أوضح من جانبه بأنهم استفسروا عن مشاركة اللاعب من مراقب المباراة الذي أكد لهم بان البطولتين مختلفتين وأن مساوي طرد في نهائيات أمم أفريقيا ومباراة زامبيا في تصفيات كاس العالم .
ولكن هذه المزاعم لم تجد قبولا حتى في الشارع السوداني وارتفعت وتيرة الغضب تجاه قادة الاتحاد ووصل الأمر حد المطالبة بإقصائهم عن الاتحاد والدعوة إلى الانتخابات .
وكالات
الفوز كان ضربة حظ فقط يعني اذا سحبت الثلاثه نقاط او اعطوه عشره نقاط ما حيجيبوا اي نتيجه نحنا ما عندنا لاكوره ولااداره ولاحتي لاعبين والله لايستحقون ضياع ثانيه لمشاهدتهم خليك من 90دقيقه البطولات الكبيره دايره خبره نحنا ماعندنادايره فهم عالي ودرايه بالعبه ومصارعة الكباروهذا ليس موجود في لاعبينا لانهم في البطولات الكبيره هم يتفرجون عيل امكانيات الاعبين وهم داخل الميدان دايما شاردي الذهن والدليل علي ذلك البطولات المحليه لاتعرف فريق ثالث غير هلال مريخ مريخ هلال ……………………………..
همرنا ما حنفرح نحنا
اساسن الكوره السودانيه مدمره من يوما… انا بفترح انو يعتزل الكوره هو نحن ما مستطيعين ناكل ياخ قايتو جنس فلهمه
هذا هو حال السودان , حيث العشوائية والتخبط .
قال أيه قال بطولتين مختلفتين
ده كلام قولو لزول ما عندو هديده
كل حاجه في البلد ماشيه غلط ْفي غلط من وزير الرياضه وحتي التور الرئاسي والسبب الرئيسي في هذه الازمه هو عدم الرجل المناسب في المكان المناسب والحل المناسب للخروج من هذه الازمه هو اسقاط هذا النظام النازي وانشاء حكومة تكنوقراط
والله انا خايف انو المنتخب يتاهل لكاس العالم ويقابل البرازيل ونتغلب 10وتبقي فضيحه عشان كدا المنتخب دا مفروض يحترم نفسو ويسيب اللعب مع الكبار
…المرة دى بكيتونا عديييل ! انت با مساوى مادام مكرّت بتلعب ليه؟ انت ماعارف ناسنا ديل طراطير ومابعرفوا حاجة؟كان تخليك انت العاقل؟ والله زعلت منك يامساوى ..!!
والله بالجد مهما اختلفنا وحتي اذا مساوي موقف كان من العميل الخائين مزمل ابو القاسم صحيه الزعيم بالجد عيب تنشر هذا الموضوع طرد مساوي عشان هو هلالي موسف هذا مزملل والله العظيم لو كان مريخي كنت نشرت هذا انت مغرور وعمل بتعرف مصلحه الوطن هل عندك نشر غسيلك الغزر بالخارج انت شوف المصريين في المنتخب الكل بتوحد ومعهم الاتحاد مستحيل تجد ثغره فيهم لانهم يحبون وطنهم انت كان ممكن تجي الاتحاد وتعلمهم غلطهم مش تكتب في الجرائد بالجد اتمني من الوزير يتدخل ويكون في عقاب قوي بقوف هذا العميل منك لله هذا كل كرهك الي الهلال
بالله ده كلام ياجماعه . الواحد يعلق يقول شنو . والله مافي اي حاجه يتقال . بس الله يكون في عونا كل مانفرح لا زم يكسرو الفرحه . وانت يامازدا مكانك فريق الرابطه شمبات مع انو كتير عليك بس ماعاوزين نقطع عيشتك . الله يجازيك ياشيخ .
ماذا تم فى موضوع رئيس النادى الذى ضرب الحكم “الضيف”…. لماذا لم تطاله العقوبه الرادعه الى الآن يا اتحاد الكوره ..ماذ انتم فاعلون لو كررها هو ذات نفسو او رئيس النادى التانى.؟ .. ويا كبير اباطرة الملاعب فى السودان .. ويا رئيس لجنة الحكام المركزيه … ويا يا فيصل يا سيحه .. هل تذكر كيف كان رجال اتحاد كرة القدم السودانى (ايام كنت حارس مرنى فريق النيل – رد الله غربته واعاده الى مكانه الطبيعى مع الأهلى و استاك والكوكب) الا تذكر كيف كانت القوانين والضوابط هى سندة المواقف .. بروفسير كمال شداد هو ألأمتداد الطبيعى وهمزة الوصل بين ذلك الماضى “الذى كان لنا وكانت منه تنساب المنى .. نحو سودان جديد” .. وبين حاضر بائس … لو ظل ذلك الرجل ( بما يحمله من اسم ساحر سطع فى عالم كرة القدم) فى قيادة الأتحاد وحدث ما حدث وهو على قمة الأتحاداكيد كان “لزّم كل متلاعب عرضووختّاه فى مواعينو” ؟؟ “مو هيك” ثم اين ألأخوة ألأخرين من الحكام. لماذا لم نسمع لهم صيحة احتجاج او همسة شجب او صوت تنديد بما قام به رئيس النادى الذى يدعى حارقو البخور والمتفالون ومدعو التفانى من المشجعين انه “سيد البلد” ..الى اى بلد تشيرون وعن اى بلد تتحدثون؟ انها فضيحة الدهر .. ماذا لو تكرر ذلك المشهد لأى منكم – يا حكام – خارج السودان ؟ اشهد الله انها بكل المقاييس لكارثة اخلاقيه ….
This is the situation in Sudan
since 1989 up to now
there are no
professional
administerator
in all sudanese entities
that why
every thing is
happening accidentally.
God bless Sudan
سبحان الله السودان كما بقي يشتكو للفيفا
لو الخبر دا صحيح فعلي اتحاد كرة القدم السوداني تقديم استقالته اقتداءا بنظيره العراقي عندما تم اشراك لاعب موقوف افقد المنتخب الاولمبي حظه في الاولمبياد
وليس عليهم البحث عن كبش فداء لان هذه مسئولية اتحاد وليس اشخاص وهذا ان دل علي شئ يدل علي ضعف المنظمومة الادارية في اتحاد كرة القدم
لكن انا لا الومهم لان ثقافة المحاسبة الادارية غائبة تماما ليس في كرة القدم بل في مختلف التنظيمات الادارية التخصصية.
ألم أقل لكم أن هذا المساوي هو سبب خروج الهلال من بطولات الرابطة الأفريقية … أنا ما زلت أصر على شطبه من كشوفات الهلال مهما كان وضعه … والله يكذب الشينة ويظل سوداننا في صدارة مجموعته … بالله عليكم مساوي مهم للدرجة دي حتى يصر مازدا وفريقه الفني إشراكه في مثل هذه المباريات الهامة ؟؟؟؟؟؟؟؟؟؟ …
ان شر البلية ما يضحك يعنى الاتحاد السودانى كان عارف انه مساوى ماخذ كرتين صفراوين ولكنه ما عارف الكرت فى الامم الافريقيه بوقف فى تصفيات كاس العالم؟لا رئيس الانحادولاالسكرتير ولاسى اسامه وكالات ولا مدرب الهنا المشغول بالكابتن ولا الكابتن نفسه ولا حتى مساوى ايه البلوى التى نحن فيا دى
هل يعقل هذا اتحاد دولة لايعرف القانون والله العظيم فضيحة وياحليلك ياشداد وبدل ماتحاربو شداد مروض يكون مستشار اداري وترجوا له في كل القوانين يابجم الاستقال اهون لكم من غضب الجمهور .
صحيح انه ليس لدينا مستوى يؤهلنا لكي نلعب مع فرق كبيرة وصحيح كانت مفاجأة ان ننتصر على زامبيا .. ولكن ليس من الممكن الا يكون اي مسئول في الاتحاد السوداني ولا المدرب ولا قائد الفريق ولا اي لاعب (لا نلوم الفاقد التربوي ) لانهم لا يستوعبون ولكن من يتقدم اسمه دكتور واستاذ وغيره
ما ياهو ده سودان الانقاذ اقصد الخراب اللاوطنى وقالوا ايه ح نفوق العالم اجمع واهو فقتوه فى الحروب والتمزق والجنود الاجانب لحماية مواطنين سودانيين ومنظمات اغاثة دولية لاغاثة مشردى الحروب الداخلية!!! اما الرياضة الماشة بدون تخطيط كبقية القطاعات الاخرى فحتى اذا فزنا يكون الفوز بحماس اللاعبين الذين يلعبون حسب امكانياتهم وهم مشكورين على ذلك وهذه هى امكانياتهم لكن فى المباراة البعدها يكون ادائهم مختلف وتتذكروا لما تعادلنا مع غانا فى ارضها و وسط جمهورها وبكل محترفيها جينا اتغلبنا منها فى الخرطوم اتنين صفر!!! انحنا ما عندنا تخطيط فى اى حاجة بس شغالين بالحلاقيم وانه انحنا اسسنا الاتحاد الافريقى وانه نحنا ارجل ناس فى العالم وتاركين العلم والتخطيط السليم البيطور الامم والشعوب!!! بس فالحين فى الكنكشة فى الحكم والحروب الداخلية فى سبيل ذلك وفى دى فقنا العالم اجمع!!!!
تأهل السودان إلى نهاي كاس العالم في عهد ابوحراز ورُفعت ضدهة شكوى وفقد فرصة التأهل –السؤال ،، لماذا يتصارعون في الانتخابات وكل واحد عايز يبقى رئيس الاتحاد وهم لايفقهون شيئاً ؟؟اين مساعد المدرب ؟؟اين سكرتير الاتحاد العام ؟اين مدير الكرة ؟؟اين رئيس البعثة ؟؟ لماذا لم ينبة اللاعب المدرب ؟؟ اين المسؤلية ؟؟
مهما كان مساوي لاعب كبير فقد تسبب في خروج الهلال من البطولات الأفريقية فهو سيء جدا وآمل التخلص منه في الهلال والمنتخب …. نريد للهلال أن يحرز كأسا أفريقيا ونريد للمنتخب أن يتأهل لمنديال البرازيل … وأخاف مساوي يورطنا في أخطاء تبعدنا من كل شيء …… آمل من مساوي أ، يعتزل اللعب نهائيا لأنه فاشل وفاشل جدا …
هه منتخب السودان شنو البمشى البرازيل والله كلام وكمان بشكوه للفيفا والله لو سمعتوا كلامى وبقيتوا على دورى السودان دا انا عندى اخير من الفضايح واللعيبة البتشتروا فيهم بالاموال الطايلة دى كان صلحت اقتصاد السودان بعدين انتوا ليكم كم سنة ما جبتوا كاس للبلد دى ما بتخجلوا ولا بتغيروا
يا جماعة كورة شنو ولعب شنو المفروض قروش السفر والمعسكرات دي يلموها ويشوفوا المستشفيات محتاجة شنو يوفروه .. يشوفو المحتاجين أكل وتعليم .