تحويل بيع خط هيثرو إلى النائب العام: بعد تحديد المتورطين في القضية

البرلمان : علوية : اعلنت وزارة النقل عن اكتمال التحقيقات في بيع خط هيثرو، وتحويل الضالعين الي القضاء ،وقال وزير الدولة بوزارة النقل فيصل حماد في اجتماع مع لجنة النقل بالبرلمان ، ان قضية بيع خط هيثرو ستحول الي قضية جنائية للنائب العام بعد ان تم تحديد الضالعين في بيع الخط .
وابلغت مصادر «الصحافة « ان لجنة التحقيق الخاصة بالخط اكتشفت ان هناك سماسرة متورطين في بيع الخط .
وفي السياق نفى وزير الدولة فيصل حماد وجود تكدس للبضائع بميناء بورتسودان واكد ان المشكلة الرئيسية في الميناء تكمن في التعريفة، واشار الي انها تقلل من المنافسة بالميناء .

الصحافة

تعليق واحد

  1. حنشوف حيتحاكموا ولا لا
    إذا إتحاكموا إكونوا ما كيزان أو ما حيجرجروا معاهم كيزان ..والحكومة حتقول ليكم أها ..نحنا بنحارب الفساد
    وإذا ما اتحاكموا تبقى القصة تبع التقاوى الفاسدة وجماعتهاوتكتر اللولوة والدغمسة
    أمسك قوى يا جبرة فى الكسرة ( لحدى ما نشوف آخرتها شنو)

  2. لجنة تكتشف أن هناك سماسمرة متورطين في بيع الخط !!!!!!!!!!
    تركوا اللص الحقيقي وأمسكوا بتلابيب السماسرة …
    من الذي أصدر ببيع هذا الخط هل هم السماسرة أم هناك مسئولين كبار قاموا بذلك!!!
    من الذي أتي بهؤلاء السماسرة!!
    وكيف عرف السماسرة بأن هناك خط سيتم بيعه إن لم يكن هناك شخص من الكبار وذا أهمية قد قام بالإتصال بهم !!!!
    هل يبيع السماسرة هكذا ( بمزاجهم ) ناقل وطني ( قدر الدنيا) كناقل الخطوط الجوية السودانية!!
    هل الناقل الوطني هو شركة كبري ومؤسسة ضخمة أم هو قطعة أرض أو ميدان كرة!!!

  3. اخيييييييييييييييييرا اثمرت طرقات جبرا المتلاحقة ….الملحاحة…..التى لاتعرف الياس شيئا ملموسا….لكن لقد استغرق ذلك وقتا طويييييييييييلا جدا……..مامشكلة…..بس الشيء الاكيد ان هذا انجاز لجبرا و كسرته الثابتة
    …..نرجو فى المقالات القادمة ان يختار كسرة من العيار الثقيييييييييييييل

  4. الله يستر من المدير العام ما يكون متورط الزول قريبنا ومننا
    اخبار شراكة عارف شنووو — الملكية الفكرية للفاتح جبره

  5. اعلنت وزارة النقل عن اكتمال التحقيقات في بيع خط هيثرو، وتحويل الضالعين الي القضاء ،وقال وزير الدولة بوزارة النقل فيصل حماد في اجتماع مع لجنة النقل بالبرلمان ، ان قضية بيع خط هيثرو ستحول الي قضية جنائية للنائب العام بعد ان تم تحديد الضالعين في بيع الخط .
    السؤال خط هيثرو ده خروف فى زريبة…. الحاصل شنو ارحمونا شوية

  6. عمو جبرا. أخيرا. بدات خيوط ضوء بعد ليل مدللهم السواد. ابشر وأعلموا. انه. لابد. ان ينجلى. اليل بكامله. ونغنى. معا. اصبح. الصبح. شكرًا. عموا جبرا شكرًا. كثير. وارجوا. ان. تختار كسره اخرى.

  7. خط هيثرو مرة واحدة انا ما عارف غايتو هنالك شخصيات تعرف معنى هيثرو يعنى بريطانيا العظمى يعنى استرلينى اقوى عملة حتى من الدولار واليورو يعنى لو اتباع هذا الخط بمليون واحد بس احسب بالحسابة كم ستساوى بالجنيه السودانى ويا حليلو عندما كان الجنيه السودانى يساوى ثلاثة استرلينى طبعا لما ينفض سامر اخوان نسيبة يكون تم بيع كل السودان بواطاته ومويتو وهواهو وطبعا الخطوط اكيد اتباعت كلها وبالذات زي خط نيويورك(بالدولار) خط هيثرو( بالاسترلينى) خط جدة(بالريال السعودي) خط دبي(بالدرهم) جميع خطوط اوربا(باليورو)وخط كوالالمبور(لارنجت الماليزى) وووو وانا حاسس انو ورا السماسرة ناس كبار ومفتحين ومعاهم جوازات اجنبية وبعرفو قيمة العملات الصعبة حذر فزر اعرف لى واحد من هؤلاء وغدا سوف تحفظ القضية ريتما تتم التحقيقات

  8. اذا كانت فعلا فى شفافية يورونا المتورطين ديل بالاسم والوظيفة … ما تبقى ذى قضية الاقطان …. دقمسة فى دقمسة
    يا جماعة نطلع الشارع بعدين نحن برانا البنحاسب

  9. المبلغ كان 30 مليون دولار

    المشتري مستر مايكل بيشوب مدير عام شركة بي ام اي

    البائع الرئيسي كابتن عبدالله ادريس و كان وقتها مديرا للعمليات الجويه بالاشتراك مع العبيد فضل المولي

    الوزير كمال عبداللطيف مد قرعتوا لمن عرف الموضوع سكتوهو بي 5 مليون دولار

    السمسار شخصيه كبيره صاحب شركة طيران شغاله في الخرطوم و اشتري طياره بتاعة شركة دلتا الامريكيه عن طريق تسجيل مزور في افريقيه الوسطي و الطياره 737 هسه قااااااعده في مطار الخرتوم

    اها قصرنا معاكم؟

  10. اها ياالفاتح جبرة قادينا طوالي اخبار خط هيثرو؟الليلة جابو ليك الشمار وياريت لو بقو كريمين ورونا مذيدا من التفاصيل ؟
    اولاد الاية بس شغالين لهط دايرين اقعدوافي تلهاااااااااااااااااااا؟
    اها النشوف بحاكموهم لا بلحقوا جماعة المستشار………………؟

  11. ويعني شنو ؟؟
    الحل بسيط

    يمشوا للأمن الاقتصادي
    ويتحللوا من المبلغ اللي سرقوه ..
    وبلاش يقولوا بعناه بثلاثين مليون . ممكن يخفضوه إلى عشرة مثلا
    ويدفعوا ما يعادله بالجنيه

    وكلوا يروح في حالو
    ويا دار ما دخاك شر

    ومن ستر على .. ستر ….

  12. الشريف بدر اول هؤلاء اللصوص من الذين قاموا ببيع خط هيثرو
    لكن بالجد ( الجماعة ديل ما خلوا حااااااااجة ما باعوها الله
    يستر ما تجينا بكرة اسر اوروبية واسيوية وامريكية ببيانات
    عن خادمات وخدم سودانيين قاموا بشرائهم من اهل المؤتمر
    الوطني !!!) ما تستبعدوا اي حاجة !! ربنا ينتقم منهم في
    الدنيا وفي الاخرة .

  13. يا عمك سودانير ذاتها مبيوعة من زماااان للسماسرة وحاتكم في الرياض اللعب على ودنه الوكالة في شارع الاربعين وواحد عامل مدير قاعد خلف الوكالة وومنوع الدخول ليهو الا بالواسطات .. والتذاكر مجاااااان وحاتكم والعفش مجاااان وحاتكم ….ااااااااااااخ يا بلد من غير وجيييييع

  14. صحي باعو ولا ما باعوة* برجع ولا ما برجع *صحب باعو برجع اي برجع صحي برجع ولا باعوة هو في شنو

  15. اخيرا يا سيد الواوات واواتك جابت نتيجة- لو اترشحت المرة الجاية في الانتخابات احتمال كبير تفوز

  16. الحسادة ليكم شنو الراجل عايز يكون نفسه زي بقية خلق الله ؟؟؟ يعني الواحد ما يستفيد معاكم ويكون نفسه والا شنووو؟؟؟ اها كمان احسدوا أخونا مبارك الفاضل !!! ود العز مبارك عندما كان وزيراً للتجارة في حكومة عمه الصادق باع قطن السودان الذي كان يقدر سعره ب100 مليون دولار باعه ب60 مليون دولار لتاجر هندي يحمل الجنسية البريطانية اسمه باتيا وعندما احتج محافظ بنك السودان لرئيس الدولة آنذاك سيدكم الصادق المهدي زعل من المحافظ المرحوم الشيخ بليل اذ كيف محافظ يسائل الوزير ود العز ؟؟؟ وصفت احد الجرائد البريطانية هذه الصفقة بصفقة القرن ؟؟؟ ومنذ ذلك الحين اصبح مبارك الفاضل وجيهاً وتمرد علي عمه الذي علمه السحر وكون لمة سماهاحزب خاص به ؟؟؟ وقبل ان يكون وزيراً كان يعمل موظف في مصنع خليل عثمان بمرتب متواضع وبعد ما إستلم وزارة التجارة وهاك يا بيع في الرخص التجارية كون نفسة وأشتري عقارات في لندن والآن يعيش في سبات ونبات وملعون ابوك بلد؟؟؟ والذي يريد ان يتحقق من هذه المعلومات وما خفي أعظم فليسأل كبار موظفي بنك السودان والأقطان في ذلك الزمان ؟؟؟ واخبار قضيةدكتور/ فاروق محمد إبراهيم مع نافع شنووووووو؟؟؟ أفتحوا قوقل وأكتبوا اسمه حا تعرفو القضية شنوووو ؟؟؟

  17. يا داب شفتو الكلام ده ويا داب دايرين تحددوا منو الحرامي ……….. يالله شدوا حيلكم ايام السخانة جاية بوتيرة عنيفه

  18. سودانير التماسيح مافضلو فيها اي حاجة خلاص انتهت وشارفت على الاحتضار من تدنى خدمات وشح الطائرات والاهمال فى صيانتها بلغت حد من التدهور انو لحدى هسة موظفينها ماصرفو رواتبهم هل تصدقو الكلام دة بس املنا فى ربنا كبير هو المنتقم الجبار

  19. البشير زاتو متورط في البيعة ،قبض التمن وراح اشترى مزرعة والباقي عرّس بيهو الزوجة التالتة وفضلت حاجة بسيطة من المبلغ ،مشى قضى الاجازة في كازبلانكة سياحة كدة ،خلوها مستورة

  20. يا اخوانا الصورة دي شكلها دول اوربا من الطقس وكاد ولا انا غلطاااااااان ؟؟!!
    لانو شكلو ضبابي كدا !!!

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..