بعد اصابته بتليف في الكبد وانفجار القرحة.. أطباء : حالة الفنان محمود عبدالعزيز الصحية في تحسن

اعوز بالله منك ياخي انت والله مرض عديل ياخي خلي عندك شويه دم يا الاسمك شادي

الله يشفي لينا الرجل المحبوب محمود وتقوم با السلامه وربي يشفيك ويشفي كل الامه

هنا مشكلتنا كسودانيين نهتم بسفاسف الامور واطلاق الشائعات دون النظرالي مستوي حال البلد الذي وصل الي حد الكفاف السودان مشاكلو اكبر من مرض الفنانيين نرجو النظر بعين ثاقبة تجاة البلد الذي وصل الي ادني مستواياته اقتصاديا يعني شنو لو مرض محمود اوغيرة فكلنا لامحاله سنموت

والله يا حوت لو في بلد بتقدر مبدعينها المفروض تمشي امريكا و تدخل احسن المصحات للعلاج

من الحاجات ديك كلها و علي حساب الدولة و بالخصوص وزارة الثقافة

لكن نعمل شنو مع اني ما عارف وزير السخافة هو منو لكن اهو واحد من السخفا

الفي حكومة النخاس الجات تنخس الناس دي

نسأل الله الصحة لجميع المرضى . ومرض الكبد مرض خطير . واسال الله ان يعافى كل المرضى وان يتوب هذا المغنى عما سمعناه وان يرجع لله تعالى

الله يهديه و يشفيه، و نسال له التوبة من الالتحاق بالمؤتمر الوطني

حبيبنا الحوت تعرف ايه معنى تليف الكبد وانفجار القرحه؟؟؟ يا راجل انتبه لنفسك وانت ما زلت فى التلاتينات؟؟ انك وباستمرار الكأس والمخمخه تلقى بنفسك الى التهلكه والموت البطئ@ آن الاوان لاصدقاء ومحبى الحوت ان يتدخلو ويشرفو بانفسهم على صحته قبل ان يهلك!!!!

مرض محمود ، مات نادر ، فلان طريح الفراش ، و المبدع فلتكان يعانى الاهمال ،ديك مشت وين ، وعلانه جات هسى و راجعة بكره ، انعل ابوكى بلد وهم وهم وهم وهم وهم الناس فى شنو و ناس فلانه و فلتكانه فى شنو ،ياخى الشعب السودانى كل مرض فى مرض

إنسان تتجسد فيه معاني الإنسانية بكل مفرداتها شفيف لأبعد الحدود محب للخير لدرجة بعيده نقي السريرة طيب الدواخل نعم إن الله قد إبتلاه بالذي نعرفه جيدا وهذا أمر ربما يكون نتاجاً لحساسيته المرهفة في التعامل مع البيئة المحيطة لكن أن يهمل هذا المبدع صحته لهذه الدرجة فهذا امر أقترح فيه وقوف معجبيه معه فيه كأن تتم رعايته طبياً وبصفة دورية بواسطة كادر من الكوادر السودانية المعروفة للأخذ بيده وما أكثر بني بلدي عباقرة الطب وهذه دعوة مني لكل محبي طرب ذلك الفتى الأسمر الجميل الرائع

عاجل الشفاء لمحمود السودانى البسيط وطيب ,, ونرضى بمراد الله ,,بس مش ملاحظين السنة دى حزينة على الفنانين والادباء عموما..

نسال الله له عاجل الشفاء وربنا يكضب الشينه واتمنى ان يكون له عبره ويتعالج ويبطل الهباب البيشربو دا والكيزان المباريهم ديل