أفرج جهاز امن نظام البشير عن أحمد حمد الطالب بكلية الفنون الجميلة – جامعة السودان، ليتبين حجم الأجرام والدناءة التي تميّز أفراد هذا الجهاز اللعين.
شاهد الصور التي نزلت منذ دقائق على موقع الفيسبوك للطالب حيث قام أفراد من جهاز الامن بتعذيبه ، تقريح فروة الراس، وحلق أطراف الحواجب.
| Cookie | Duration | Description |
|---|---|---|
| cookielawinfo-checkbox-analytics | 11 months | This cookie is set by GDPR Cookie Consent plugin. The cookie is used to store the user consent for the cookies in the category "Analytics". |
| cookielawinfo-checkbox-functional | 11 months | The cookie is set by GDPR cookie consent to record the user consent for the cookies in the category "Functional". |
| cookielawinfo-checkbox-necessary | 11 months | This cookie is set by GDPR Cookie Consent plugin. The cookies is used to store the user consent for the cookies in the category "Necessary". |
| cookielawinfo-checkbox-others | 11 months | This cookie is set by GDPR Cookie Consent plugin. The cookie is used to store the user consent for the cookies in the category "Other. |
| cookielawinfo-checkbox-performance | 11 months | This cookie is set by GDPR Cookie Consent plugin. The cookie is used to store the user consent for the cookies in the category "Performance". |
| viewed_cookie_policy | 11 months | The cookie is set by the GDPR Cookie Consent plugin and is used to store whether or not user has consented to the use of cookies. It does not store any personal data. |
دييل كلاب البشير ليكم يوم زي القذافي
حسبى الله ونعم الوكيل ياجماعد بعد كده الراجنوا شنواااااااااااااااا؟؟؟؟؟؟؟؟؟؟
دا ما بحلكم. الناس جاهزة حتى للموت. احسن تتصالحوا مع شعبكم وتشاركوه في ثورته. الانقاذ ما دايمة ليكم. خلاس الحمد لله راحت هباء منثورا
لسه في ناسبتفكر في جلابة و نوبة و زرقة و ما الي ذلك من المصطلحات؟ الجميع سودانيين و الظلم يطال الجميع و ان تعددت او اختلفت الاشكال. و الظالم واحد فلا تتفرقوا كما يريدون و توحدوا لدكهم. المرحلة حساسة من عمر الوطن و لا تحتمل التخذيل. الان هنالك معسكران, معسكر الكيزان و معسكر السودانيين
يا عبدالله آدم ارجو ان تدقق فى هذه الصورة كويس فهذا الفتى جلابى وقدم تضحية بجسده من أجلك لكى تأخذ حقك وانا بعرفك كويس انك كوز ومؤيد للوطنى ونحن آثرنا ان نعارض واقول لك حقيقة بأن الآن فى الجبهة الثورية الآلاف من ايناء الشمالية والجزيرة والشرق وهم الآن فى الخطوط الأمامية وايضا الآن فى الحكومة والمؤمتمر الوطنى الآلاف من ابناء دارفور وابناء النوبة وكردفان وكيزان متشددين فأرجو ان تزور الجريرة الآن وعلى الرغم من إنك زرتنى قبل اليوم ورأيت المعاملة الحسنة وارجو تتأكد بعينك عن المهمشين بجد فى الجزيرة والشرق والشمالية فالقصة ما قصة هذا جلابى وهذا ارقى من ذلك فكلمة جلابى تعنى عند اهلنا فى دارفور والجنوب تلتاجر فالآن اكثر التجار فى السودان هم اهلنا الزغاوة والانجح فى هذا المجال اما بخصوص النظام فنشهد الله تعالى وهو خير الشاهدين انا من أكثر المعارضين له وكان هذا النظام ابعدنى قبل اليوم من الكلية الحربية بحجةاننى واسرتى مؤيدين لحزب الامة وايضا تم فصل اخى من العمل وتهديده بالتصفية لنفس السبب فنأمل ان تكون مساهمتك فى صالح الثورة وليس فى الإساءات للعامة واعطيك مثال آخر الآن الاخ ياسر عرمان ايضا فى الخطوط الامامية للمعركة ضد النظام وهو من ابناء الحصيحيصا فى الجريرة فأرجو ايضا ان تنزل إجازة وترى بأم عينك من هم المناضلين الذين يقودون الثورة الآن فهم خليط من كل قبائل السودان ونحن ندرك تماما بأن هذا النظام القذر هو الذى زرع الضغينة فى الناس وهو الذى زرع الجهوية والقبلية والفتن لذلك يا اخى وصديقى العزيز عبدالله فالآن المسؤلية التى تقع على عاتقنا كبيرة جدا من اجل إسقاط هذا النظام ثم معالجة كل المشاكل التى زرعها فى السودان وإن شاء الله غدا لو سألونا جميعا قبيلتنا وجهتنا سنقول السودان فقط والله على كل شئ شهيد.
بالله الناس فى شنو وزول يجى يقول ليك ابناء الهامش والجلابه,, بالله دا كلام زول عايز البلد تمشى قدام وتحرر من ظلم الكيزان والله الذى فهمك دا هو الخلى الكيزان حتى الان حاكمين ومسيطرين ,,, ولن يسقط هذا النظام الا اذا اتحد الشعب فى جسد واحد ويدا واحده تهتف يسقط يسقط حكم العسكر وتجار الدين
اهداء لك…. ولكل وطني شريف -رجل ، امرأة ، شيخ أو شاب فقد دنت ساعة الخلاص
قصيدة صالح عام
شعر هاشم صديق
************
هديمك يا وليدمقدود
و صابحنا الفقر
و الجوع
صبح باب التكل
مسدود
كمل حتي الملح
في البيت
وشن همّ
الملح في البيت
وكت ملح
الدموع موجود؟!
دحين يا وليد
هو ديل
موُ قالوا ناس
إنجاز ؟!!
وشن سّولنا
مما جونا
غير حرقو
الفضل بالجاز ؟
كّل شيتا
صعب في السوق
من الكبريتة
للطايوق
و كان جانا
البخت تموين
رطيل سكر
و صابونتين
نجيب من وين ؟
و اخوك مرفود
و عدمان الشهر
ملين ؟
أمس زازيت
اكوس الدين
مشيت لسمية
بت مامون
لقيت جابولها
تلفزيون
سمح بالحيل
تشوف الصورة
بى كم لون
وكت في نشرة
ألأخبار
ظهر مك البلد
يضحك
جضومو كبار
مزرر الكرش
بزرار
لا مهموم
لا مغموم
لا زعلان
و شيهو
يراري بالألوان..
وقّد في حشايا
تباق نار
طريت رفد
الوليد و الجوع
و سال
دمع الغبينة الحار
اريتك يا ملك
فد يوم
يخلى الجوع
عينيك ما تنوم
أريتك يا ملك
فد يوم
تحس بي غصة المظلوم
دحين يا وليد
هو ديل ما لهم
و مال الدين
وكت قولهم
كلام الله
و فعالهم
ما فعال صالحين
كتير فيهم
عديل حقار
و بالقرآن
كمان تجار
و كضابين
أكان بنزين
عدم .. أو جاز
وتعبوُ الناس
و ضاقو خلاص
صفوف واقفين
يقولولك
إرادة الله
وكان عدم الرخيص
و الغالى
في التموين
يقولولك
ده . غضب الله
و كان الموية
صبحت طين
يقولولك
ده من امريكا
والعملا
حمونا الشب
ولاد الكـــــــــــلب
عشان الشعب
يحرن تب
يقبّل
من صراط الدين
دحين يا وليد
هو ديل
ما لهم
و مال الدين
أكان كنزو
الدهب و المال
بلايينهم
تسوى جبال
وعرباتهم تخطف
العين
و بناياتم قصور
في قصور
وحاة الله
و كتاب الله
أكان ادونا
طوب فد سور
كان سوينا
الف أويضة
لي مسكين
فترنا من الخطب
يا وليد
و من طيش العقيد
و عميد
و من قل القرش
في الايد
و من تعب الوقوف
في الصف
ومن غبن الرصع
بالكف
و من حفر الدروب
و اللف
و من خت الحلم
في الرف
كل يوماَ
نقيحنا يزيد
دحين يا وليد
هو كم دغشاَ
عشان نلقاهو
دافرنا
و تعبنا شديد؟
و كم حولا
صيامنا صبر
عشان يشرق
هلال العيد ؟!
اح ح يا وليد
لا حتى الخبيز
إنضاق
و لا هدما
كسانا جديد
و شوف المغسة
يا وليد
سموُ شقانا
صالح عام
و كل دمعاَ
نزل من عين
و كل جوعاَ
سكت بالدين
و كل زيناَ
محاهو الشين
ختو وقعيتو
في الإسلام
حرامهم يا وليدي
حلال
وا نحنا حلالنا
كلو حرام
يقلبو الدين
نصّل سكين
و ناسين
الحساب قدام
اخر زمن
يا وليد
نشوف كل البشاتن
لون
يفوت هولاكو
دوب نرتاح
ينط في الكرسي
نابليون
اريتك يا أمير
حالي
جعيص في الكرسي
في الخرتوم
و ساويلك
الف والي
نبايعك للظلم و الجوع
نبايعك
وكل ضيم مشروع
نبايعك
و جيتنا جيش
و دروع
نبايعك و الحكم
مقلوع
نبايعك
و القسم مخدوع
نبايعك
من سجن عالى
أخر زمن يا وليد
حصيف العين
يلاقى و يشوف
زمان
ظلم السلف
بالسيف
و حسه السيف
كلاشينكوف
غير زمن
الهوان و الجوع
كمان طالع
زمان الخوف
ديل ما برتو
لى إنسان
كم ولداَ
وقع نشفان
وكم زهراَ
كِتل و اتحت
في رمضان
لا شهراَ حرام
إتصان
لا كفنا ستر صبيان
لا شاهد
قبر معروف
لا اماَ
برد نارها
سكت و إرتاح
نزيف الجوف
دحين يا وليد
أ كان حسع
ده ديش مصعب
و أكان بيرق
علي الكرار
منو الكفار ؟!!!
منو القاصدينو
بالتكبير
و بالتهليل
و ضرب النار؟
اخاف نحنا
و أكان نحنا
أخير نضحك
كتير سبب
الضحك بخته
شوف المغسة
يا وليدي
ديل ما حسه
ناس حُقار؟
ده ذى دق الطبول
للموت
وذي وقد البلد
بالنار
* *
إلا نشوف
أ كان ساهرين
معاك يا جوع
و أ كان ضيقنا
إتحفر في ضلوع
و أكان صابرين
علي الفجار
وحاة الله
و كتاب الله
وكت نغلي
و نكوس التار
لا سوراَ
بقيف في وش
و لا لهب الغبن
بترش
و لا صفاَ
يميل بالقش
كل ظالماَ
يقع و يندش
و سيل دمع البلد
ينقش
لا بحبس حلقنا
الخوف
و لا بترجع
اكان لعلع
كلاشينكوف
هديمك يا وليد
مقدود
و صابحنا الفقر
و الجوع
صبح جلد البطن
مشدود
شن بتسو
و أخيك
من شهر مرفود
قالو صالح عام
عشان قال
العوج في العود
* *
نان ما يقول
أريت يقول
عديل يا زول
هديك
البغلة في الابريق
ما هامينا
-صالح عام-
وديش مصعب
و لا الحجاج
و لا بكتل
قلبنا الجوع
و موت منقذنا
ولا الضاج
خلي الضيق
يزيد يا وليد
بكرة الضيق
يخلى الناس
تبقى عُصّار
علي الحقار
و تبقي حريق
* *
قريب يا وليد
صيامنا يتم
و يهل و يشرق
هلال العيد
نحس طعم الخبيز
و يتبدل هدمنا
جديد
تحياتى للاخ المناضل اما بعض المعلقين الانصرافين او الامنجية او الجهلة لا يسهالو الرد
التحية لهذا الشاب المقدام وليعلم أنه قد قلد من رجال جهاز الأمن الجبان أوسمة فى جسده تترفع به عن واقعهم المتدنى.
وكلمة إلى إخوانى هدهد ، عمار ، عصام الدين ، يسقط البشير و كيزانه ، بيبو ، أسمس ، مهند طرزان، إس بى إل إم: إن من يسمى “عبد الله” واحد من كلاب الأمن يود لكم الفتنة مع أحبابكم أبناء الهامش المناضلين بإثارة نقاش فوضوى بينكم و بينه فلا تكلفوا نفسكم بالرد على أمثاله وتنادوا مع إخوانكم بالهامش بالكلمة الطيبة حتى تفشلوا مخطط تقسيم السودان الذى ينفذه الكيزان نيابة عن الأمريكان لينالوا رضاءهم.
أبوهدى لك كل الشكر والتحايا أرجو من كانت له وجهة نظر مخالفة أن يناقش بكل هدوء وهزا لعمرى
سلوك حضارى ديمقراطى اخونا عبدالله هزا النظام نعلم جيدا الغبن والظلم الزى أوفعه بكل الشرفاء
فى السودان ولكن نتفق معك ان الهامش كان له النصيب الاكبر جنوب كردفان النيل الازرق دارفور
وهزا للسلوك العنصرى لهزا النظام ولراس العنصرية البشير الزى يصف أبنا شعبه باالحشرات
ولزالك أرجو أن توحد الرؤى والجهود لاسقاط هزا النظام العنصرى بعدها سوف تتم معا لجات لكل هزه
المشكلات بازن الله الخيار الان اسقاط النظام وليس سواه الشعب يريد اسقاط النظام.
عندما يكون الناس في مجلس من المجالس فهناك من يسمع وهناك من يتكلم فمن يسمع لا يستطيع الكلام ولكن نجد بعض من لا يجيد الكلام يفتح خشمه ويا ليته مافتح فتفوح منه انتن الاشيا (دعوها فانها نتنة) الان الوضع لا يحتمل الجهوية السياسية ولا القبلية ولا الجغرافية يا من تتحدث عن الهامش اريد ان اوضح لك حسب الوضع الجديد اعتباراً من 1989 أن الهامش يبدا من المنطقة الخارجية من القصر والخور الفصل بين كافوري ومصحة كوبر للامراض العقلية ومادون ذلك فهو الهامش. الرجاء نبذ الروح الجهوية والتوحد لاسقط النظام فليس بالمهم من سياتي بعد اسقاط النظام المهم الان هو وقف نذيف الوطن والمواطن فاذا لم يتم ذلك فسوف يموت الوطن والمواطن فلن تجدوا بعد وفاة الوطن والمواطن ما تتصارعو عليه ياهل الهامش انتم والجلابة الرجا عدم الانصراف عن الموضوع الاساسي
الله الوطن الشعب الثورة
التحية لكل من يضحي من اجل هذا الشعار
اللهم اصلح الحال
انا بقترح انو الناس تتحرك بصورة سلمية في السوق العربي وتحتل ميدان الامم المتحدة قديما او موقف امدرمان القديم لانو موقعو استراتيجي جدا وبالذات لانو بقرب الجامع الكبير حيث تتوفر الحمامات وحنفيات المياه وتكون دي بداية اعتصام سلمي طويل لا ينفض الا برحيل هذا النظام الغذر واذا نجحنا في احتلال الميدان ممكن عمل اذاعة داخلية ومكبرات صوت ومن هناك يمكن ادارة الثورة بصورة منظمة
يعنى إنتو دايرنها سهله كده ما لازم الناس تدفع ضريبة الوطن ,, الناس فى سوريا بيموتوا بالالاف , مافى شىء بيجى بالساهل , لوعاوزين الحريه لازم تسيل الدماء ولا خليكم قاعدين فى البيوت زى النسوان
سوف ياتى يوم قريب جدا سوف نقول فيه (( يا عبدالله خلفك كوز فا قتله ))
خير الكلام ما قلّ ودلّّ فقد قلت المختصر المفيد لمن ألقى السمع وهو شهيد ولا مجال لمن يفتعل المعارك الجانبية لصرف الثوّار عن الثورة فسيروا وغداً يكون أحلى وأنضر بكم يا أبو هدى وسدّد الله خطاكم وزال بكم هذا الغمّ الذى جثم على صدر الوطن باسم الدين وباسم الله وهي ليست لله ولا للدين قاتلهم الله أينما ثقفوا.
على نيل بلادنا سلام وشباب بلادنا سلام ونخيل بلادنا سلاااااااااام
تحية الاعزاز والاكرام لشبابنا الثائر في وجه الكيزان
تحية لكل من قال لا لعمر البشير وبقية السدنة الخونة
لا لليأس وغدا قريب ان شاء الله
مهما طال ليل الظلم فلابد من صباح ابلج وضاح مبتسم
هنت ياسوداننا مذ تولاك فاقدي الوطنية وبائعي الضمير
من قسم ارض المليون ميل محبة ومودة وسماحة ستتقاسم جسده ان شاء الله كل شعب بلادي الحرة
نحن من خلفكم فسيروا ان شاء الله وعين الله ترعاكم
حكومة النفاق والعنصرية ستذول ان شاء الله قريبا
نتمنى ان يعود بلادنا كما كانت ارضا للمليون حب وسماحة
ارقص يانخيل لتعانق اشجار الابنوس في جنوبنا الحبيب
الطيب مصطفى وابن اخته وكل الخائنين لاتنتظرونا فالقادم اسوأ بكتير
الحرب الإعلامية تعريفاتها: فن الانتصار بدون حرب. وهي في الأغلب تسعى للسيطرة على عقل وقلب الخصم بحيث تصنع ضبابية في الفهم والتصور. إنها تقوم علي صُنع هالة أمام أعين الخصم، يعجز معها عن تقدير قوة خصمه بما يُمكِّن للطرف المستهدِف السيطرة العقلية والروحية على المستهدَف. وكمثال لهذة الهالة كلمة جلابي التى جاء بها الغواصة الامريكية (عبدالعزة ) وامريكية نظرا لتبعية الجهاز عبر سنين طويلة لل C I A بواسطة رئيسهم السابق صلاح قوش وفضيحته المعروفة والتى بموجبها تم اعفاه من الجهاز بعد ما تم حرق كرته بواسطة الجعليية بالمؤتمر البطني بقيادة الشافع الما نافع مما اثار حفيظة الماسونية الشاقيية بقيادة عميل نفاشا SHOOT TO KILL الاخوة النشطاء الرجاء عدم الانصراف عن الهدف المقدس المنشود وهو اسقاط النظام كما ابشر المناضل صاحب الصورة [ان صورتك الان بجميع شاشات الموبايلات ونبارك لك شهادة الخدمة الوطنية الحقيقية وانضمامك لسلسلة المناضلين الشرفاء التحية لشهداءنا الابرار ( الشهيد دكتور الفضل ومجدي واكرم والكدرو والتحية لك خاصة مني وابشر كما قال اخوانك بقلادة الشرف هذة فى زمن قل فيه الشرفاء
ياخى قوم لف ده حبشى يا حبشى
واللة وعلى ماقول الكلام داء كان يوم 30 6 1989 يوم الانقلاب كنا فى السعودية جالسين نلعب كوتشينا انتو عارفين السعودية كلها كوتشينا كان فى واحد اعرفو حق المعرفة سمع خطاب البشير وهو ايضن من سكان كوبر قال ليا البشير فى كوبر ملقب بى عمر بنقو واللة الكلام داء حقيقى
اللهم اعنه…وثبت اقدامه ووفقنا في طريق الصلاح …وميزنا عن ظلمتنا ولا تفتنا فيما بيننا….
ولاخ المصاب والمعتقل اللهم اجعله في ميزان حسناته ..واخلفه خير الثواب واجعله مثالا للشرف والتجسد في الانتفاض من الظلم
كرري تحدث عن رجال كالاسود الضارية **خاضو الليهب وشتتوا كتل الغزاة الباقية
هم باقية الغزاة
الوضع متازم ما تتركوا الطلاب براهم قصاد الامن الشرس. لابد من تضافر الهود على مستوى النقابات ولنبداء بالاطباء والمهندسين واساتذة الجامعات
التنظيم مهم وأن يكون لكل مظاهرة قيادة تعمل على تنظيم الحركة وتوحيد الشعارات
وتحضير خطط بديلة في حالة هجوم أوباش الشرطة وكذلك التواصل الشبكي عبر الوسائط الألكترونية والتوثيق ذو الجودة العالية بالصوت والصورة لمراسلة الفضائيات ذات المهنية
والدعوة للتظاهر الليلي من داخل الأحياء لأن الحكومة الخائفة المهلوعة ستسارع بتعليق الدراسة كالعادة
وعمق أحساسك بحريتك
يبقى ملامح في ذريتك !
هذا الشاب ارجل مننا كلنا نحن كلاب جهاز الامن
نحن نلعق جزم الكيزان من اجل لقمة العيش فما اوسخنا
البركة في انهم سرحوه اي فكوه فيا ويلك لو كنت من جبال النوبة او دارفور او النيل الازرق فكان المصير الموت وبس ويعني بالواضح عزبوه لانه راجل يقول الحق وتشوه بالكهرباء
اتصلت السودان ولقيت الحياة ضاقت بالناس وصلت الحد البعدو الموت اما جوع او مرض ولكن الشعب لم يتحرك قيد انملة في جميع انحاء السودان زمان في عهد نميري عشان زاد السكر قامت اروع ثوره سلمية في افرقيا والوطن العربي سؤالي وارجو الرد حتي اعرف اين نحن ماذا حصل للشعب السوداني ؟؟؟؟؟ وهذا موضوع للنقاش الجاد ان نبدا متاخرين خير من ان ننتظر الظروف لكي تصنع لنا المستقبل
هوى يا اخوانا بطلو الاحتيال يعني كان الزول دا قبضوهو ناس الامن جد جد حالقين ليهو حواجبو لي
كدي ركزو في الحته دي شويه لانها ما منطقيه
والسوودان دا كلو عارف انو الجماعه ديل نظامهم قزاز بس
يعني البطلع منهم ما هيجي يتصور ويقول قعدوني في القزازه هيمشى يتلم
شوفو الشافع د مشا اشاكل مع منو وكبعو ومعط حواجبو
حسبي الله ونعم الوكيل