كم سيصبح سعر جالون البنزين ؟..مسألة حسابية للشطار

حسبي الله ونعم الوكيل … لو حسبتو سعر البترول عالمياً
وحسب سعر اليوم مفروض سعر الوقود يكون اقل من كدا
بس ربنا موجود ودعوه المظلوم ليس بينها وبين الله حجاب

المنحة الشهرية دي ولو أصلا صاحب العمل وافق وصرفها ما بتأكل عيش في الشهر لأسرة صغيرة ولاحظ أننا عشان نماشي الزيادة في الموصلات ح نمشي كداري كتيييييير يعني ناكل عيش بس بدون محسنات ونمشي كداري بدون طاقات وخليك من الباقي يعني نموت بس

معناها الجالون يبقى ٥٨,٥ يعني جالونين والمنحه يكون فضل فيها سالب 17 جنيه .. كيزان أولاد الكلب

نحن دخلنا خﻻص تحت مظلة المنح والمكرمة والهبة يعنى البناخدو دا ما حقنا بس عطية من الحاكم أو بالعربى مكرمة من صاحب البلد النحن منسوبين ليه ” الحاكم” مش “البلد”

اللهم ولي من يصل حال أهلنا في السودان يارب العباد الشعب تعب يا بشير ما كان العشم …………….

طيب انا ما اديكم سؤال ؟ هو الشعب ده او المواطن ده هم قايلنو بجيب القروش من وين ؟ هم قايلننا فاتحين مصانع قروش ؟ والله دي حاجه قريبه ,,,

بعملية حسابية بسيطة..يكون سعر الجالون
58,500 ج..يتم احتسابه كالاتي:
السعر القديم 8,500
السعر الجديد 13,500
الفرق بين السعرين 5,000 يمثل زيادة بنسبة 10%
اذن الزيادة 100%=5,000/ 10* 100=50,000
اذن اجمالي سعر الجالون=50,000+8,500=58,500
اذن الحكومة ما قصرت معاكم تب..