تفاصيل اعتقالات المحامين بالابيض
سيرت مجموعة من المحامين مسيرة تظاهرية خرجت من دار المحامين بالابيض بغية تسليم مذكرة أحتجاجية لوالي شمال كردفان ترفض رفع الدعم عن المحروقات والزيادات وغلاء الاسعار حيث أعترضت قوات الشرطة المسيرة وتم توقيف عشرة محامين وتمت مواجتهم بالمواد 69،67 من القانون الجنائي الازعاج العام ، أثارة الكراهية ضد الدولة ، تقويض نظام الحكم حيث صرح الاستاذ أحمد ابوبكر احمد المحامي بان الهدف من المسيرة رفع مزكرة للسلطات نرفض غلاء الاسعار والزيادات والنقص في الخدمات من ماء وصحة والتردي في التعليم ونحن كمامحين منحازين لقضايا المواطن ونرفض هذه الزيادات الاخيرة وفيما يلي تورد (الاهرام اليوم) أسماء المحامين الموقفين من قبل الشرطة وهم المحامي عثمان حسن صالح ، نجوي عثمان علي ، عماد حسين ، سمية أحمد اسماعيل ، الحاج ابوبكر ريفا ، علي ابوالقاسم ، محمد ادم ، التاج ، عمر العوني الي ذلك تم الافراج عن المحامين بالضمانة بعد ان قضوا ساعتين في القسم الاوسط بالابيض.
التحية لمحامين مدينة الابيض الشرفاء
كردفان الغرا أم خيرا جوه وبرا
محامينا في الطليعة وشيكان في التاريخ
وين ناس شندي ومروي .. ما قلتوا المك نمر جدكم ومهيرة حبوبتكم…
لمن شفتوا العين الحمرا من الحكومة عملتو زغبير … مش زغبير من عطبرة…
ناس بورتسودان زمان قتلوكم كتلة الكلاب الضالة زمن حاتم الوسيلة.. ما تورونا حاجة .. ولا أدروب ولوف .. والف على المهانة الذلة من قريبكم كيلا ولا إيلا ما عارف. اللهم أنصر الحق.
عاش السودان حرا ابيا بابنائه الابرار , والقانونيين تقع عليهم مسؤليه عظيمه فى تحريك وقيادة الجماهير فى الثورات على مدى التاريخ وانتم لها.ونرجو ان تتحرك مواكب القانونيين فى كل بقاع السودان والخزى والعار لرئيس نقابة القانونيين ورئيس مجلس الشعب .
يا اخوانا بأمانه شرزمة الانقاذ دي مادايرا أي زول يقول لا ، تطلع تظاهر يرهبوك ويملوك بمبان ورصاص ويقول ليك وفقاً للقانون ، يعني جوعونا وأذلونا ودمرو بلدنا واكلو قروشنا وقروش اهلنا وكمان عايزننا مانقول لا ونواصل في الرضوخ والانصياع ونسمع ونطيع بس ، لكن دا كان زمان بعد دا لا وألف لا والله أكبر على كل شر
الله أكبر والعزة للسودان إلى الأمام وثورة حتى النصر ويلا يا جماعة ندك ونهز قصور الدكتاتوريات وسقطت سقطت يا تجار الدين وعاد لا وين
أيوه كده رفعتوا راسنا يا أولاد أب قبه و ربنا ينصركم والتحيه للأخ المناضل
ود أبكر.