بيان اتحاد طلاب جامعة سنار
ظلت حكومة الجبهة الاسلامية القذرة تستهين بارادة شعب الثورات العظيم ولقد بلغ بها الغرور و الطغيان ان ظنت بان لا نهاية الى هذه المهازل التى تقوم بها ?
ولكن حدث ما كان فى الحسبان وما كان منتظرا منذ زمن بعيد? فلكل اجل كتاب?
فالمجد للثوار والعار للبشير واتباعه
ولاان نقولها لكم وللتاريخ فالسودان بعد هذه الجمعة لن يكون مثلما كان عليه?فمرحبا بربيع التغيير
النظام الاخرق?
ظل اللصوص انصاف الرجال المستبدين بكلابهم و سلاحهم يعبثون بكرامة المواطن السودانى فالبشير الرئيس الفاشل يصرح امام ضباط الجيش ?خلوهم يطلعوا الشارع لو بقدروا? والمغضوب عليه نافع الحقير يقول ?الراجل اطلع الشارع??. وبينما هم فى طغيانهم يعمهون اذا بابناء شعبنا الابى يخرجون من الجوامع والشوارع والاحياء ..خرجوا جميعهم نساءً واطفالاً وشيوخاً هتفوا ضدهم ضد اسلامهم الكاذب ليعلنوا انتهاء الشرعية المزيفة التى اتت بها الانتخابات المزورة?
البشير هو الطاعون?
ردد بعض رجال الدين عديمى الضمائر الجهلاء وانصاف الفقهاء بان ما يحدث من غلاء هو ابتلاء من الله وعلينا بالصبر ?
لا صبر بعد اليوم فما حدث هو بسبب انفصال الجنوب و الحروبات التى ادخلنا فيها المؤتمر الوطنى و فوق ذلك الاختلاسات والبزخ السياسى و مصروفات ما يسمى بالدستوريين والوزوراء?
كيف يكون ابتلا وهنالك من يقبض 22 مليون جنيه راتبا شهرىا دون الحوافز والبدلات ويتمتع باربع سيارات له ولزوجته , و لا ينتهى الامر هنا فحسب بل يتلقى علاجه ايضا بالخارج ? اما الاجهزة الامنية فحدث ولا حرج
وبعد كل هذا لا تريدون عجزا فى الميزانية?.سيدى الشيخ المرتشى انه ليس ابتلاءاً بل طاعون ود البشير فتك بنا وباقتصادنا
كلمة اخيرة? خلى عندك دم
قد قالها ذات يوم بانها سيرحل فورا فى حالة خرج الشعب الى الشارع وهتف بالتغيير ?
الان من الشوارع والمدارس والجامعات نقولها لك عالية مدوية لا لبس فيها لبس ارحل ارحل?.
ونحن هنا كاتحاد وطنى معارض نعلن انضمامنا الواضح وتحيزنا الكبير الى كل قطاعات الشعب و نحي كل الذين خرجوا جمعة امس ?. فى كل المدن والاحياء دونما استثناء
حماهير الحركة الطلابية?. وجماهير الشعب السودانى
باسمكم جميعا يعلن اتحاكم الخروج الى الشارع احتجاجا وتضمامنا وتحريضا?.فلقد ان الاوان
وستكون البداية فى المجمعات الطرفية ثم من بعد ذلك الى السنتر ومن هنا نناشد كل الطلاب بالتواجد المستمر داخل الحرم الجامعى فبكم يصنع التاريخ?
ظلت سنار هى الاكثر تميزا وستظل هكذا حتى النهاية فسنار عرين الابطال ورمز الصمود والتحدى? التاريخ والحاضر
اهالى مدينة سنار ستدفقق الىكم جموع الطلاب فى الايام القادمة فكونوا معهم لاجل هذا السودان الحبيب ولاجل اطفالنا القادمين?.
ان الثورة قادمة لا محالة فعلينا ان نعجل بها?.
وقد بدأت انطلاقتنا منذ اليوم وذلك بسفر اعضاء المكتب التنفيذي لمجمع ابو نعامة اليوم وسنجا غدا ومن ثم كل الوطن الجريح
عاش الشعب السودانى والسلام عليك يا وطني
اتحاد طلاب جامعة سنار
Mr. Hatim يا خي تربيزة اللحام بالنسبة لوشو .. فورمايكا
والله السودان ده لسه مليان باولاد الناس شباب ذي الورد ما جرو وراء قروش الحرام والنفاق ولا خنعوا كنا قايلين جيل التسعينات هم اخر المناضلين ضد الكيزان في الجامعات .. لكن الحمدلله قد جاء من هم افضل واقوي مننا .. طمنتونا علي مستقبل البلد .. خدر الله ضراعتكم
سنار النار سنار الحديد ،سنار التاريخ ،يلا ياباقي المدن والجامعات ،
يلا،ولازم نقطف الزهور ومانكتفي بس بالمعاينة في هذا الوضع الصعب.
الى الامام ياشعب السودان الجميل البطل
ظللنا منذ اندلاع الثورة السودانية نراقب عن كثب كل مايدور فى الساحة وكان لدينا ترتيبات للقيام بعمليات تعبيرا لمساندة الثورة ولاحظنا المواقف المسانده من قبل بعض المواقع السودانية للثوار ونقل اخبار التظاهرات وهذا حق مشروع فى فضاء النت توصيل ال…معلومه وعدم التعرض لها وحجبها والان نبأ الى علمنا حجب موقع الراكوبه وسودانيز اونلاين وبهذا نعتبر ان حكومة البشير انتهكت مبدأ الحرية فى عالم النت…لذا نتوعد المواقع الحكومية بالتدمير والاستهداف الشامل لن نترك المواقع الحكومية ومواقع التطبيل للنظام الا وهى ساقطه ومخترقه ومعطله
الصفحة مفتوحة لمدنا بعناوين المواقع الحكومية وغيرها من مواقع النظام
والنصر للثوار
https://www.facebook.com/pages/Cobra-Team/366990349986159
امسكوا الوالي نضفوا وشو العامل زي تربيزة اللحام
مسؤولين من الخير – انتو وين ناس عطبرة وين شباب عطبرة – وين بنغازي السودان ، وحمص السودان – لسع خارج الشبكة ؟؟؟ اصحو يا ناس عطبرة ناس غبيش (شمال كردفان قالوا كلمتهم – انتو متين …
سدد الله خطاكم يا بناة مستقبل السودان . انطلقوا اكسروا حاجز الخوف والله إنها حكومة فاشية فاشلة نهبت ثرواتكم وتريد أن تنهب عقولكم الغضة لكن هيهات لها ذلك .إن أفراد المؤتمر الوطني تجمعهم المصلحة المادية وتأكدوا أن صمودكم أمامها سيجعلهم يتساقطون كورق الشجر .هنيئا لسنار التي لحقت بقطار الثورة أنتم مهد البطولات .
هبوا يا رجال سنار
هبوا يا نساء سنار
شيبا وشبابا وأطفالا
إذا الشعب يوما أراد الحياة فلا بد أن يستجيب القدر
ولابد لليل أن ينجلي ولا بد للقيد أن ينكسر
اليكم الأبيات المنقولة التالية
[محمد احمد الغلبان] 0.00/5 (0 صوت)
06-25-2012 05:59 PM
عفوا سيدي الحجاج
كلابك والأفاعي الحايمة من روتانا لي أمواج ..
كاورت البلد بي حالا ..
… ولا لقت اليقولها جر ..
في ناس جيعانة ما قلبت حرف في صاج ..
… في ناس عريانة ما لفحت هدم في الزيفة ..
ما طالت ايديها رغيفه ..
والسبب المعكر كيفا ..
دق بنوتا بالكرباج ..
ناس غلبانة بس دغرية ..
ما بتعرف تخت طاقية في طاقية ..
والدين الحنيف في شرعها الحرية ..
زدتها في الحرج احراج ..
وزدتها في الدجل دجال ..
عوج شفناهو ماسمعناهو في قول زول ..
قال بنات دقوها دق العيش ..
ولاد ما أندقوا في شبال ..
بقت في غصة الأيام ..
قيم غنيتا يا قدال ..
قيم شلناها عمة وتاج ..
رقيص الشامة بت حمدين ..
وخت الحنة لي يات من حضور ضفرين ..
ونمات العديل والذين ..
ورقصة جون مع أوهاج ..
مشينا نقدم البنوت على ضو الرتاين ..
خفت وهج الغنا الوهاج ..
ورحل صوت المغني حزين ..
ورطن صوت العنج هراج ..
سقط في غفلة نون النسوة ..
أخوان البنات والنخوة ..
ستار العيوب والرسوة ..
شيال الحمول أبعاج ..
.. فيا حجاج أكل نارك ..
واتلفح بشاكيرك ..
مع طلعة شهر زو الحجة ..
وأحرم حاج ..
وطوف فوق الجثث طاؤوس ..
وشعبك لا أكل لا علاج ..
وحاج في شنو؟ ..
معاك كل البلد هاصت ..
وفار نحل الجباية وهاج ..
فيا فالق نواة الحبة يافراج ..
ويا باسط عجايب الإسرا والمعراج ..
ويا خالق الخلايا الحية .. أمشاج ابتلت أمشاج ..
طحنتنا طاحونة الفقر ..
طحنتنا سنواتا العجاف ..
يا الله تلزمنا الصبر والسترة ..
والعيش الكفاف ..
وترحمنا من صرة وشي ..
في وش وليداتنا الضعاف ..
…………..
غرقان بيرقص منتشي ..
ووطنا مقطوع من خلاف ..
وبأسم الله ما خلالنا شي ..
وفصلنا في آخر المطاف ..
يا ناسي أقدار الرجال ..
ما تخشى غدر الله وتخاف ..
كتر عوج الكلام والميل ..
وتحت الجزمة مليون ميل ..
تحت الأزمة طاحونة حوافر الخيل ..
سقط تلت البلد عفوا ..
سقط نص البلد لهوا ..
سقط كل البلد سهوا ..
فهل صحاك ضمير الأمة في هجعة هوايد الليل ..
على زبد الغنا الممحوق؟ ..
شنو الخلاك تنوم تحلم على على خرطة وطن مسروق؟ ..
وطن في السوق .. وطن أشتر ..
مرق من ذمة التاريخ على ذمة كلاب الحر ..
ينوم في جبة الدرويش ..
يقوم بي بدلة العسكر ..
.. فيا ويلك في يوم الويل ..
ويا ويلك .. تقوم تحتك قيامة الناس ..
أفواج الضحايا ..
ستات الكجيك والشاي ..
والناس البعرفو شليل ..
حشود الطلبة والعمال ..
وبنوت الغياب والليل ..
طفولة مشردة ونازحين ..
وكم حجاج .. يجيك من ديل يجيك من وين ..
أولاد الشوارع عووك .. المعدمة ومعدومة ..
قطامة وقرضمة وراندوك ..
لماضة وطرقت حلقوما ..
من كل حتة يجوك .. يوم التسود يوما ..
ناسات حكومة الجن .. وناس جنها الحيكومة ..
ما طالا الشوارع في .. في ولاد بعرفوا القوما ..
ولاد راقدين .. وأولاد اسمها المايقوما ..
ديل أولاد شريعة قوش .. المستضعفين في الأرض ..
يبنوا ويهدوا عروش ..
لا بتخون البعض لابتشتريها قروش ..
في كل حته وراك تمرق تلاقي جيوش ..
أصدق لسان الحال من نضمك المهبوش ..
نفس الولاد جايين من طينة حضارة كوش ..
حافظين شعر حميد ..
فاهمين قصايد الدوش ..
ما تمشي يا محجوب دايرين نظبط بوش ..
يا داب عرفنا الصاح ..
دخل الكلام الحوش ..
اعان الله كل الاحرار في بلادي وسدد خطاهم وانه الطريق الي المجد ولا للظلم والقهر لقد عدي زمن المهازل فالواقع اصبح اكثر تجريحاً وايلاماًولابد من وقفة قوية لكل سوداني يحب بلاده ويعشق اهله وكلنا صفا واحدا نحو انتزاع الحقوق فما اخذ بالقوة لا يسترد الا بالقوة والله اكبر ولا نامت اعين الجبنا جمعة لحس الكوع 29/6
لكم التحية الاخوة الطلاب في جامعة سنار
المجد للشرفاء المجد للاحرار
كيف لرئيس في اعلى السلطة يمتلك ملشيات خارج نطاق القانون
يجب على الحقوقيين ان لا يفوتو هذه المسألة الخطيرة
يعني اي رئيس يجي يحكم السودان يكون عندو ملشيات خارج نطاق مؤسسات الدولة والله دي مسألة خطيرة ويجب علينا ان نصعد هذا الامر الى اعلى المستويات
بصراحة انا كنت محبط شديد من استقبال ناس سنار لعلى عثمان محمد طه والتهتاف له .اما وقد صدر بيان طلاب الجامعة اليوم فاننا سعداء بسنار التى هى شرارة حارقة من شرارات الثورة الحارقة للظلم والظالمين.نعم هناك شعب نفخر به فى سنار دائما وابدا فمن سنار قامت السودان.
دمتم ذخراً لهذا الوطن
من غيرنا يعطي لهذا الشعب
معنى أن يعيش وينتصر
من غيرنا ليغير التاريخ
والقيم الجديدة والسير
من غيرنا لصياغة الدنيا
وتركيب الحياة القادمة
جيل العطاء المستجيش
ضراوة ومقاومة
المستميت على المبادىء مؤمنا
المشرئب إلى النجوم لينتقي
صدر السماء لشعبنا
جيلي أنا..
هدم المحالات العتيقة
وانقضي سيف الوثوق مطاعنا
ومشى لباحات الخلود
عيونه مفتوحة
وصدوره مكشوفة
بجراحها متزينة
متخيرا وعر الدروب وسائرا
فوق الرصاص منافحا
جيل العطاء لك البطولات الكبيرة
والجراح الصادحة
ولك الحضور هنا
بقلب العصر فوق طلوله المتناوحة
ولك التفرد فوق صهوات الخيول روامحا
جيلي أنا ..
جيل العطاء لعزمنا
حتما يذل المستحيل وننتصر
وسنبدع الدنيا الجديدة وفق ما نهوى
ونحمل عبء أن نبني الحياة
ونبتكر
سنار .. التاريخ بدأ من هنا … وسوف يبدأ سحق هذا النظام من هنا إن شاء الله.
أقوى وأشجع وأوضح بيان حتى الآن، كلمات واضحة وصريحة، لله دركم من شباب (يصراحة كده .. أحرجتوا ناس كتيرين، وخاصة ما يسمى بالأحزاب الكبيرة).
سيرواالله معكم، ثم بيوت سنار جميعها مفتوحة لكم، وجماهير سنار كلها خلفكم.
أهم حاجة والي سنار البعاتي ما يفلت من يدكم.
عفوا سيدي الحجاج
كلابك والأفاعي الحايمة من روتانا لي أمواج ..
كاورت البلد بي حالا ..
… ولا لقت اليقولها جر ..
في ناس جيعانة ما قلبت حرف في صاج ..
… في ناس عريانة ما لفحت هدم في الزيفة ..
ما طالت ايديها رغيفه ..
والسبب المعكر كيفا ..
دق بنوتا بالكرباج ..
ناس غلبانة بس دغرية ..
ما بتعرف تخت طاقية في طاقية ..
والدين الحنيف في شرعها الحرية ..
زدتها في الحرج احراج ..
وزدتها في الدجل دجال ..
عوج شفناهو ماسمعناهو في قول زول ..
قال بنات دقوها دق العيش ..
ولاد ما أندقوا في شبال ..
بقت في غصة الأيام ..
قيم غنيتا يا قدال ..
قيم شلناها عمة وتاج ..
رقيص الشامة بت حمدين ..
وخت الحنة لي يات من حضور ضفرين ..
ونمات العديل والذين ..
ورقصة جون مع أوهاج ..
مشينا نقدم البنوت على ضو الرتاين ..
خفت وهج الغنا الوهاج ..
ورحل صوت المغني حزين ..
ورطن صوت العنج هراج ..
سقط في غفلة نون النسوة ..
أخوان البنات والنخوة ..
ستار العيوب والرسوة ..
شيال الحمول أبعاج ..
.. فيا حجاج أكل نارك ..
واتلفح بشاكيرك ..
مع طلعة شهر زو الحجة ..
وأحرم حاج ..
وطوف فوق الجثث طاؤوس ..
وشعبك لا أكل لا علاج ..
وحاج في شنو؟ ..
معاك كل البلد هاصت ..
وفار نحل الجباية وهاج ..
فيا فالق نواة الحبة يافراج ..
ويا باسط عجايب الإسرا والمعراج ..
ويا خالق الخلايا الحية .. أمشاج ابتلت أمشاج ..
طحنتنا طاحونة الفقر ..
طحنتنا سنواتا العجاف ..
يا الله تلزمنا الصبر والسترة ..
والعيش الكفاف ..
وترحمنا من صرة وشي ..
في وش وليداتنا الضعاف ..
…………..
غرقان بيرقص منتشي ..
ووطنا مقطوع من خلاف ..
وبأسم الله ما خلالنا شي ..
وفصلنا في آخر المطاف ..
يا ناسي أقدار الرجال ..
ما تخشى غدر الله وتخاف ..
كتر عوج الكلام والميل ..
وتحت الجزمة مليون ميل ..
تحت الأزمة طاحونة حوافر الخيل ..
سقط تلت البلد عفوا ..
سقط نص البلد لهوا ..
سقط كل البلد سهوا ..
فهل صحاك ضمير الأمة في هجعة هوايد الليل ..
على زبد الغنا الممحوق؟ ..
شنو الخلاك تنوم تحلم على على خرطة وطن مسروق؟ ..
وطن في السوق .. وطن أشتر ..
مرق من ذمة التاريخ على ذمة كلاب الحر ..
ينوم في جبة الدرويش ..
يقوم بي بدلة العسكر ..
.. فيا ويلك في يوم الويل ..
ويا ويلك .. تقوم تحتك قيامة الناس ..
أفواج الضحايا ..
ستات الكجيك والشاي ..
والناس البعرفو شليل ..
حشود الطلبة والعمال ..
وبنوت الغياب والليل ..
طفولة مشردة ونازحين ..
وكم حجاج .. يجيك من ديل يجيك من وين ..
أولاد الشوارع عووك .. المعدمة ومعدومة ..
قطامة وقرضمة وراندوك ..
لماضة وطرقت حلقوما ..
من كل حتة يجوك .. يوم التسود يوما ..
ناسات حكومة الجن .. وناس جنها الحيكومة ..
ما طالا الشوارع في .. في ولاد بعرفوا القوما ..
ولاد راقدين .. وأولاد اسمها المايقوما ..
ديل أولاد شريعة قوش .. المستضعفين في الأرض ..
يبنوا ويهدوا عروش ..
لا بتخون البعض لابتشتريها قروش ..
في كل حته وراك تمرق تلاقي جيوش ..
أصدق لسان الحال من نضمك المهبوش ..
نفس الولاد جايين من طينة حضارة كوش ..
حافظين شعر حميد ..
فاهمين قصايد الدوش ..
ما تمشي يا محجوب دايرين نظبط بوش ..
يا داب عرفنا الصاح ..
دخل الكلام الحوش ..
وشكرا .. شكرا سيدي الحجاج
واد مدني وسنار وسنجة والدندر والدمازين والروصيرص وكوستي وسوكي وما بين هذه المناطق به ربع سكان ما تبقى من السودان واذا خرجوا في واحد خرجة رجل فذلك يعتبر نصف النصر والنصف الآخر يعتمد على ناس العاصمة المثلثة وهذا ليس تقليل من اهمية باقي المدن الاخرى في السودان ولكن يعتبر كله زيادة خير يعني نحن قادرين نشيل الحكومة بنصف عدد السكان والباقي يعتبر رصيد استراتيجي وهيلا هوبا…..
شباب أمنو بقضيتهم وتحركوا فى سبيل كشف معنات شعبهم
سنار انا
سنار افقر الولايات السودان
لامدارس لامستشفيات لا مساجد ولا بنية ولانهضة تنموية
لاتجد في الريف الشرقي فريتين مع بعضفيها فصول مكتملة لصف الثامن
وابو الجاز مالك لية 30فيلا في دبي
الوالي ربنا ينتقم منه قبل الرئيس البشير يارب وشو العامل مثل تربيزة اللحام
التحية لكم ايها الاشاوس
ماقمت به يوم تحريركم زميلكم من براثن الاجهزة الامنية وخروجك للشوارع ما هو الا دليل علي وطنيتكم وعدم الخوف من اله القمع الانقاذية
نعم فالريحل البشير ويبقي هذا الوطن
الله أكبر الله أكبر الله أكبر
ذكرتونا الزمن السمح
زمن الرجال البتهد الجبال
زمن النضال و البسالة و الجسارة
لكم الله أيها الثوار
تقدموا الصفوف يا من قدموكم أهلكم لتغيير حياتهم العائلية و المجتمعية و السودانية
و الله زرفت عيناي و أنا أقرأ بيانكم و تذكرت أيام لنا بجامعة الجزيرة قلعة الأحرار التي استعصت على الزئاب الضالة أن تنالها و كذا ولدت جامعة سنار بنت الوسط الرئووم
لكم الله و تقدموا و عين الله ترعاكم
ثورة حتى النصر