شاهد الفيديو – قصيدة جديدة لمحجوب شريف.. عرض أكتافكم
عرض اكتافكم روِّحوا يلاَّ
محجوب شريف
شعبنا أصبح وأمسي وظل
كترتوها عليه الطله
أكَّلتوهُ زمانِك ممَّا
ولبّستوهُ كذلك ممَّا
عدّمتوهُ الخيت والغله
شبراً شبرأً عابس ويابس
أكتر منها مابتذلّ
الكانون في الشارع ولّع
طَول منّها نار الحله
عِشنا وشفنا تب ماخفنا
العايزكم لمّن جرب كنتو اضلَّ
تلك مآذن ولاَّ مخازن ؟!
خمَّ ولمَّ فساد الدنيا
ثم اتنحنح …هي لله.. هي لله
كبر وصلي
لما رفعتو السيف والمصحف
ولافي المتحف بقى حق الله
باسم الدين والدم والدمعه
وباسم الخالق عزَّ وجلَّ
اتعذبنا … وما كذبنا
حليلو الفات … والمات وإتشل َّ
بيوت اشباح وجراح ومذله
دم الشهدا رصاصه رصاصه
وحبل المشنقه داك إدّلي
ومع ذلك حتي اللحظه
ما اتربَّصنا …ولا فجَّرنا
إلا كذلك ما اتحجَّرنا
قد أدبنا الشعب الطيب
نحن جميعاً دونو اقلَّ
بيتنا وساسنا ورفعة راسنا
نحن حنانو وجَنا وجدانه
مش لافتات في الإيد ومظله
إيد علي إيد وسِلِّم سِلم
ما بنسلم وشعب مُعلم
ما بتخلَّي
حاشا وكلا ما بنتْخلَّي
غُبننا أكبر من تتصور
وحكم الفرد زمانك ولَّى
القذافي وأصبح مافي
حسني مبارك …وعلي عبد الله
ياحاج زين إستغفر ربك
تسرق شعبك
وتهرب تلبد جمب بيت الله ؟
والغرقان في الدم السوري
حتي الحاجب منو اتبلَّ ومابتحلَّ
الهبباي سوداني مُدرب
جرَّب هدم وجرب عَلاَّ
ما بالصدفه ولاها لعلَّ
فيكم ريحه من الشبيحه
خلوا البلطجه روِّحوا يلاَّ
كل العالم عين بتاوق
صوره وصوت وكتاب ومجله
( التحيه للشعب السوداني )
البسك الله لباس الصحه والعافيه شاعر الشعب والنضال,وسنحتفل قريبا باذن الله بكنس قمامه انقاذ ورميهم فى مزبلة التاريخ…
مساجينك مساجينك
نغرد فى زنازينك
عصافيرا مجرحه بى سكاكينك
نغني ونحن في أسرك
وترجف وأنت في قصرك
سماواتك دخاخينك
برغمك نحن ما زلنا
بنعشق فى سلاسلنا
بنسخر من زنازنا
وبنسخر من زنازينك
للسودان مواقفنا
وللسودان عواطفنا
ولما تهب عواصفنا
فما حيلة قوانينك
القذافي وأصبح مافي
حسني مبارك …وعلي عبد الله
ياحاج زين إستغفر ربك
تسرق شعبك
وتهرب تلبد جمب بيت الله ؟
والغرقان في الدم السوري
حتي الحاجب منو اتبلَّ ومابتحلَّ
الهبباي سوداني مُدرب
جرب هدم وجرب عَلا
سلمت يا أبو زينب يا صوتنا وضميرنا!
احبك احبك يا شاعر الحريه والديمقراطيه
بيك ثورتنا ما تخمد وما بنتخاذل ان شاء الله
استاذنا وقائد ثورتنا وابونا الروحي الثوري .. متعك الله بالصحة والعافية .. وانجى سوداننا الابي العزيز الشامخ من هذه الطغمة الحاكمة .. (عصابة الجبهة الاسلامية ).. ومن فسادها وحقدها ..
شاعر كل الاجيال….عجبت لكلماتك التى تعبر عن ما يجيش بداخل كل سودانى اصيل…
حفظك الله يا شاعرنا ويا استاذنا انت ذخرنا. شفاك الله وعافك لشعبك
يديك العافية شاعرنا الوطني الكبير،،،، يكفي احترامك لشعبك لأنك أصيل ومنو ،،،،
آن للعسكر كف ايديهم
حكم الشعب ما دايم ليهم
ثلاث مرات قطعوا طريقنا
وثلاث مرات ثرنا عليهم
اخير يتعظوا ويرعوا حدودنا
ويخلوا الحكم المدني يسودنا
نغلط فيهو مرة وكمين مرة
إلى أن يرسو فينا يسوسنا
نعبر جهراً عن آراءنا
ونعمل سراً عشان سودانا
ربنا يديك الصحة وترجع من المانيا كلك عافية
دائما رائع يا ود مريم نسأل الله ان تحتفل معنا يوم كنس لصوص الدين
اكلتوه زمانك مم!!
ولبستوه كذلك ممّ!!
جزاك اﻷه الف خير يا شاعر الشعب العظيم. ،عندما قرأت هذه القصيدة ارتفعت معنوياتى حتى بلغت عنان السماء
شاعر الثورة محجوب شريف يا شريف…. لك التحية والتجلة ولك وسام الثورة يابطل الكلمة . فى انتظار المذيد وياشعراء بلادى اتحركو شوية وساهموا .
يا استاذ, القصيدة هي ملحمه في ذاتها,اوضحت كل انواع المعانه وقسوه حيات الشعب, وفضحت نوع الدجل باسم الدين ومص دماء الابرياء. لك منا كل التحايا. وعاش نضال الشعب السوداني ضد حكم الفرد والقوي الظلامية.
كلماتك زاد حقيقى لنا ولها قوة تفوق رصاص الطقمة وغدا ح نطلع افواج من الشواذ.مع تمنياتى بالصحة والعافية وتعود وتجدنا كنسنة النبت الشيطانى
أخى الحبوب محجوب
معاك معانى حياتنا تبدأ
ونفتح بابا ياما إنسده
نشوف العالم ربوه جميله
عليها نسيم الصبح مخده
أحبك أنا زنقار مجنونك
طولنا من دموع الفرح
الله يديك الصحة
يا أبونا وشاعرنا و ملهمنا و حبيبنا
الله يحفظك لينا يا بديع زمانك
من غيرك يعطي لهذا الشعب معني أن يعيش وينتصر !!!
لك كل الدعوات والأمنيات بالصحة . حتي نعيش الزمن القادم مع روائعك يا زول يا سمح يا زين !!
شكرا لك شاعرنا وضميرنا
ما اعظمك يا المحجوب ( محجوب شريف ) لك الشكر و التقدير
شباب ماشىن فى السكة نمد ولا رجوع وعدا لشاعر الثورة
يوماً ما ستسطع شمس الحريـــــــــــــــــــــــة
الشعب الثائر قرر
المارد فارق قمقمه
الشعب الهادر اقسم
سيدك حصون الدكتاتورية
ويودع تلك الحقب الماساوية
الف شكر يا شاعرنا المبجل بارك الله فيك وفى يراعك العظيم وكلامك المقفى الرصين ربنا يكثر من امثالك وبارك الله فى الشعب السودانى الذى اشعل ثورة لم تمت نارها الا بزوال هذه العصابة الفاسدة السارقة . لم ير السودانيون منذ ان قامت دولة السودان استعمارا وفسادا وبطشا كهذا الذى نعيشه اليوم ( من اين اتى هؤلاء !!!؟؟) الاستعمار الانجليزى كان ارحم من هؤلاء القوم الطغاة، فقد تجاوزوا فى الظلم والطغيان والفساد ورئيسنا الرقاص كان هو راس الفساد ومنبع الشر ، فقد فسد وتستر على الفاسدين بعد ان قسم ثروات الوطن لأهله وعشيرته واركان حزبه وترك المواطن يلهث وراء لقمة العيش وحقنة الدكتور بعد ان حرموه من مجانية التعليم والعلاج وضاعت مليارات الدولارات من البترول بين عبيد السلطة والثــروة وفرعونهم الخاسىء وعسكرهم الذى يحميهم من الشعب و عملوا له ميزانيات مفتوحة واغروه بالمال وفتحوا له ابواب الفساد كى يبطش بالمواطنين والذين يطالبون بحقوقهم لكن دنت الان ساعة الحساب وهاهى نهاية الطواغيت على الابواب بنى على ، القذافى ، مبارك ، على صالح ، بشار الاسد ، والان الدور على فرعونهم الاسوء بشير الشؤم والفقر قاتله الله مطلوب العدالة الدولية ومبيد الشعوب السودانية هيهات هيهات ان تنجو وانت غارق فى هذه البحيرة من الدماء .
ما خاب شعب شاعره محجوب شريف
لك التحية يا شاعر الشعب السوداني المعلم
لك التحية والتجلة يالشريف ود الشريف ودمت ودام نضال الشعب السوداني الابى وربنا يديك العافية وتغني للحرية وانكشاف الغمة.
الفارهاتو مصفحة
كان السفر بالأجنحة
و اذا مشى يمشى الهوينا
مدججا بالأسلحة
حتى و ان لم يلتحى كان التحى
وما اســـــتحا
دى قالوا جديده لنج منقوله ليكم من سودانيز
الله أكبر ثم بعدها بحبحة
قد كان هذا كله حتى مساء البارحة
لكنو وينو الليلة
يا دبورة تحت العين
تحت عمة و عصاية و مسبحة
ذمة و و صاية منقحة
بسم الله أو قواتنا المسلحة
ان الدوام لله لم تسمع بها
للقصر أنت
و نحن لينا اذا نضمنا المشرحة
الظبط و الربط انتما
للشعب شعب الملحمة
لكنما لكنما
هبت خيول المصلحة
الشعب أبقى
و الأذى حتما تميطو عن الطريق
الجلجلات الصادحة
أيدى الجموع الكادحة
النهر بيتو الضفتين
أما الجبـــــل لن تستطيع الزحزحة
عدد حروف كلماتك و عدد ذرات تراب السودان الفضل و الانبهل وعدد أنفاس ما كان و ما سيكون، لك الدعوات بعاجل الشفاء أيها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
صحيت بالمؤذن وحالتك تحزن
مرقت وسرقت الوبال
معكز ملكز بسيخة ونعال
مكتف ملتف بأغلظ حبال
وغيرك بخزن جميع الغلال
يسرق ويهرب جمال
باسمه اللواري تهد الكباري تباري الجبال
سيادته يتدبر شئونه الأماسي
يرش الحديقة ويرص الكراسي
ما بين الغواني ورنين الخماسي
تعاين تشوفه تقول دبلوماسي
يمضي ويرضي ويهدي المحال
كمان لو تلاحظ صديقه المحافظ
وقالوا الملاحظ عيونه الجواحظ تباري الريال
حليلك بتسرق سفنجة وملاية
وغيرك بيسرق خروف السماية
وفى واحد لو تصدق بيسرق ولاية
ودا أصل الحكاية وضروري النضال
ضروري النضال
القصيده كتبها الشاعر وهو بسجن بورسودان عندما أحضروا واحد سرق سفنجة وملاية
نسأل الله العلي القدير ايها الشاعر القامة ان يشفيك ويمتعك بالصحة والعافية..وحيقية لاك الوليد العاق لا خنت لا سراق يا ولد مريم..
الشفاء العاجل لنبض الوطن المعطاء الحبيب محجوب شريف
………..وانت يامحجوب…………….فقير ومريض………إلا عندنا………..تساوى………كتير………تساوى الخير…………..تشد الحيل………….تهزم الليل………………تداوى عليل……………
هذه قصيدة جديدة مني لدعم الكتاحة السودانية وجمعة لحس الكع القادمة باذن الله
عفارم تمام .. صاح الكلام .. كده يا شباب
كتمت خلاص بلغ النصاب
نفد الصبر والجو كتم.
وجيبك نضف
وطنك نشف
كتمت سخانة الف الف
اغضب وثور
قوم وانتفض
قف وانتصب ..
لا تستكين ..أو تستخف
للحالة والعيشة القرف
نفد الصبر والجو كتم ..
جيبك نضف
وطنك نشف
لو بكرة عن وطنك سئلت
امام عيالك تنكسف
مهما تبرر او تقول .. ومهما تصف
حتنكشف
لا تنحبس للحسرة والالم المرير لا ترتجف
فك البلف
كتــــــــاحة تكتـح
ما تخلـــي تك تح
غبارها يلفـــــــح
تكشف وتفـــضح
للدمعة تمــــــسح
للظلم تكــــــــشح
حرية تشطـــــــح
في وطن مشــلح … حضن العذاب
عفارم تمام … صاح الكلام كده يا شباب
كتمت خلاص بلغ النصاب
*******
كتاحة كتاحة
اعصار ودوامة
طلاب شيوخ ورجال
نسوان بنات اطفال
الناس هناك لآمة
ام در وارض القاش
جرافا ديامة
كتاحة قبلية تبرق أمل وشعاع
تحمل صراخ الجاع
تهتف بصوت مسموع .. عن ظلم ساد أنواع
تبكي الصرير المر.. من شدة الأوجاع
كتاحة تلغي فساد .. وتقلع قلع من باع
تنقذ بلد قد ضاع . .. من خائنا جعجاع
كتاحة غربية … ومرات جنوبية
وفجأة شرقية ….. تقلب شمالية
شايلة البرق والرعد
شايلة الأمـل والوعد
تحمل دعاش وعبيـر
لثورة التغير ..كتاحة للتغير
كتاحة تحت وفوق .. تكسر قـيود الطوق
تقذف يمين وشمال… تنسج خيوط الفال
كتاحة للتعبير عن ثورة التغير
الحكم ما هو خلـود
بكرة الظلم حيفوت
الكبت والجــبروت
لو كان دوام لســـواك
ما كان بترجع ليك !!
والله أحسن ليك … فالنفس لوامة
حسرة وأسف وندامة
والحالة مش دوامــة
كتاحة كتاحة… إعصار ودوامــة
طلاب شيوخ ورجال
نسوان بنات وأطفال
ام در وارض القاش
ساحات هناك لأمـــة
جرافا ديامة .. الكل نزل وأجاب
عفارم تمام …صاح الكلام … كده يا شباب
كتمت خلاص بلغ النصاب
*************
كتاحة كتاحة … جوة البلد لافة
يا العسكري السراق
مين فينا شاذ آفاق !!
ياالكاذب الافاك .. لا خلقة لا أخلاق
مين الاباد شعــــبو ؟؟
مين الخســر ربــو ؟؟
مين الكــلام كذبــو ؟؟
مين الخلف وعدو ؟؟
مين البخون للـعهد .. للكلـمة والميـثاق؟؟
مين فينا شاذ افاق !!مين الكلامو نفاق ؟؟
ياالكاذب النقناق .. لا خلقة لا أخلاق
قول ياا
اسم مكتوب .. في المحكمة العلياا
يا متهم مطلوب…… لعدالة دولياا
يا هاربــا شــارد .. في هذه الدنياا
وينك تمش حتروح ؟؟
من رب عوضيــــاا ؟؟
انت الشذوذ نفسو لو تم وصفك بيه
اتبرا منك وزاق !!
مين فينا شاذ آفاق!!!
والكل منك ضاق
طبعك كضب ونفاق ..اصلو الطبع غلاب
عفارم تمام ..صاح الكلام ..كده يا شباب
كتمت خلاص بلغ النصاب.
قرفان خالص
أخخخخخخخخخخخخ
الأستاذ/ محجوب شريف..
شعبنا جادى ومافى هزار
شعبنا ولع نار الحلة
شبعتوا وجعنا خلاص ملينا
شبابنا خوض المعركة يلا
شذاذ افاق!!وداد وأخوك
شذاذ افاق!!نافع ومتعافى
شبابنا الليلة ما بتسلى
والشعب القاعد جوة
والمرقوا كتار ناس برة
الكل يتوحد ويلا
نشيل ناس نافع برة..وبينى وبينكم والله مانافع
والمتعافى مريض بالمال مال الشعب الختفوا مضرة
الشعب الليلة اتوحد ويا نافع قوم واتجرأ
بنشوف البلحس كوعه والبشرب من الأحمر
بنشوفكم بكرة مساجين وبتاكلوا عدس ومدمس
والشعب يدوس صورتكم ويديكم كرته الأحمر
والشعب يدوس صورتكم ويديكم كرته الأحمر…
اتغطي ونوم…….. الليله اظنك محموم
ارفع كرعينك من الطين اوعك تتجلبط هاك الشربات
ربنا يشفيك ويعافيك وتعود للسودان وهو خالى من الكيزان
يا رائع يا انسان
فيكم ريحة من الشبيحة خلو البلطجة روحو يلا
فيكم ريحة من الشبيحة خلو البلطجة روحو يلا
فيكم ريحة من الشبيحة خلو البلطجة روحو يلا
فيكم ريحة من الشبيحة خلو البلطجة روحو يلا
فيكم ريحة من الشبيحة خلو البلطجة روحو يلا
فيكم ريحة من الشبيحة خلو البلطجة روحو يلا
فيكم ريحة من الشبيحة خلو البلطجة روحو يلا
………..وانت يامحجوب…………….فقير ومريض………إلا عندنا………..تساوى………كتير………تساوى الخير…………..تشد الحيل………….تهزم الليل………………تداوى عليل……………
………..وانت يامحجوب…………….فقير ومريض………إلا عندنا………..تساوى………كتير………تساوى الخير…………..تشد الحيل………….تهزم الليل………………تداوى عليل……………
عليكم بالخروج و المشاركة في ( جمعة لحس الكوع) ..
يجب أن تتم التعبئة في كل مدن السودان و على الناس ألا تتهيب المواجهة و ما أصدقكم و أطهركم و أنتم على ( وضوء الجمعة) ..
حتما سينصر الله الله الحق على الباطل ..
بلغوا الناس بـ (جمعة لحس الكوع) و الهتاف مباشرة عند الخروج من المساجد و الإعتصام حولها لأطول فترة ممكنة. و لا تهنوا و لا تحزنوا و أنتم الأعلون …
حــبابك شريفتود
حــبــابك ود شريف
تعــيــش أنت ويــمــوت غــيــرك
البــلــدغرقتو بخيرك
البلد في حاجة لصــوتك لشعرك لشخصك
ايها الكوز المنافق
عدو الله عدو الوطن الاكبر
سرقت الحياة
جعلت النفوس تتصحر
وصرت تقطع الأوصال
وفوق الجماجم تتبختر
ظننت ان الشعب غافل
فظللت تتجبر
اردت ان تطفئ نور الحرية
فكان ضؤ الثورة اكبر
ان اعتقلتم الف
إن قتلتم الف
فستخرج الجماهير اكثر
تخافون هتافا
فماذا انتم فاعلون إذا السيف لجز الرقاب أحضر
الطوفان آت
وللحرية نبحر.
للشعب ذاكرة
وكل ما تفعلونه لن يغفر.
سلمت ودمت ,,, سلمت ودمت ابدا ذخرا للسودان ,,, ياشاعرنا الكبير وحفظك الله من كل مكروه ومتعك بالصحه والعافيه وطوله العمر ,,, ويكفينا فخرا قصيدتك ملحمه اكتوبر فمازالت وبعد اربعين عاما متألقه و تمدنا بالقوة والعزيمة والاصرار
الهبباي سوداني مدرب…..افتكر تاني مافي داعي لحكاية ربيع عربي دي لانو ما حقنا ومامن بيئتناواي بلد عندو خصوصيتو