(مادبو) يدفع بمقترحات لمواجهة الأزمة ويطالب بتوحيد تيارات حزب (الأمة)
الخرطوم: صبري جبور
دفع الدكتور آدم موسى مادبو القيادي بالتيار العام بحزب الأمة القومي بحزمة من المقترحات للحكومة لمواجهة التحديات التي تواجه البلاد للخروج من أزمتها الاقتصادية السياسية، أجملها في الحرب ومحاربة المحسوبية والمفسدين، بالإضافة إلى تقليص مخصصات المساعدين والمستشارين والبرلمانات والقوات النظامية، بجانب تعيين دستوريين من أصحاب المؤهلات وتكوين حكومة قومية انتقالية لإدارة الأزمة وتحقيق التحول الديمقراطي بالبلاد.وقال مادبو في تصريح لـ(آخر لحظة)أمس إن الإصلاحيات الاقتصادية التي أجرتها الحكومة مؤخراً لن تعالج الأزمة ولن يكون لها أثر على الموازنة العامة. وفي سياق آخر قطع مادبو بأن المرحلة المقبلة تتطلب وحدة ولم شمل حزب الأمة، منبهاً إلى أن الأوضاع لا تحتمل وجود خلافات داخل الحزب، وتوقع مادبو أن تضم المجموعة التي يدفع بها الأمين العام الدكتور إبراهيم الأمين لتشكيل الأمانة العامة التي يتم الإعلان عنها خلال الأيام المقبلة، تيارات تحمل وجهات نظر مختلفة، واستبعد مشاركة مساعدي الأمين العام السابق الفريق صديق محمد إسماعيل للأمانة مرة أخرى بعد سحب الثقة منه، وأمن مادبو على تصريحات د. مندور المهدي حول مشاركة الأمة في الحكومة، وقال حديث مندور صحيح، مبيناً أن الأمة مشارك في عدد من الولايات بالإضافة إلى نجل الإمام الصادق المهدي عبد الرحمن مساعد للرئيس، فضلاً عن برنامج الحزب الذي يدعو لإصلاح النظام وليس إسقاطه.
آخر لحظة
الأستاذ الأكرم مادبو ، عليكم لعنة الله جميعا” وبعد:-
-عليك الله يا أستاذي الجليل فقط سؤال واحد وبريء جدا” “كم من الفلوس قبضتم كي تصرح مثل هذا وتنفخ الروح في جثة هامدة وتثبطوا همم الشباب الثوار المنتفضين ضد الظلم ، أولادكم وأبنائكم الشجعان الذين يواجهون السواطير والبمبان من أشباه الرجال من مجرمي الحكم ؟؟؟؟؟؟؟؟؟؟؟؟؟؟؟؟؟ بالله يا سيد مادبو -لا أقام الله لكم قائمة -عليك الله قول آمين ، هل هذا تصريح مشرف منكم؟؟؟؟؟؟؟؟؟؟؟؟؟؟؟ بالله ومادبو نافع ما ليه حق يضحك عليكم وعلي احزاب الفكه؟؟؟؟؟؟؟؟؟؟ يعني بكل صراحة أنت وكمان معاك أخوك الكاشف (أقصد الصادق) كلكم في الهواء (أقصد في الفكه) سواء!!!!!!!!!!!!!!!!!!!!!!!!!! وثم ثانيا” بالله عليكم أنتم وصادقكم وكل سجمكم ورمادكم علي اعتاب القبور دايرين بالفكه الكثيرة دي شنو؟؟؟؟؟؟؟؟؟؟؟؟؟؟؟؟/ هي يا جماعة سؤال “القبور دي عندها جيوب واللا شنوا؟؟؟؟؟؟؟؟؟؟؟؟؟؟؟؟؟؟ مش كفاية مصائف في لندن وشقق في القاهرة وحيشان في الملازمين وطوابق في رياض الخرطوم؟؟؟؟؟؟؟؟؟؟؟؟؟؟؟؟؟؟؟؟// والله يا مادبو ويا سيد صادق ويا ميرغني الخذلان بقولها ليكم من الآن وسوف نكتبها في لافتاتنا لافتات الثورة وسوف نغنيها اناشيد وأشعار وملاحم تقول أبياتها:- لا حزبية ولا كهنه ، ولا أسياد وعبيد بعد الثورة ، إنتهي عهد الخدم يأتين من غرب السودان كي ينظفن …..كم ، إنتهي عهد زوجاتكٌ وبناتكن وابناؤكم يتفرجون التلفاز والخادم تكنس تحت أرجلكم القذرة وتاتي الحنانة وست الكوافير لمنازلكم مع معداتها حتي لا تذهب اليها نساؤكٌن ، الثورة القادمة يا سيد مادبو ليست ضد وداد بابكر والراقص وعبد المتعافي وسكان قصور كافوري فقط ، الثورة القادمة سوف تكنسكم وتكنس سيدك صادق والحسيب النسيب أبو هاشم ، جميعا” إلي مزبلة التاريخ مع ولي نعمتكم بشبش ومالك مفاتيح المال علي كرتي وقريبا” سوف تنمحي ذاكرتكم من الوجود فالتاريخ لا يرحم يا أبناء أشعب الأكول .. واللي إختشو ماتوا زمان زمان ……………………………………………………………………..أمل محمود
دكتور مادبو ليس فى كل الاوقات يصلح اسلوب او سياسة مسك العصاء من الوسط اتمنى ولو لمرة واحده يتخذ حزب الامة موقفا واضحا من ما يدور فى البلاد
وهل ترى بعد 23 عاما ان الحوار يصلح مع حكومة المؤتمر اللاوطنى بكل المقايس لن ينجح وانتم اعلم بذلك اذا لماذا التردد ماذا لديكم لتخافو ان تخسروه هل نسيتم ثقة هذا الشعب فيكم فى العام 86 وسرقت السلطة وانتم من يدير البلاد حقيقة نتعجب لامركم ولتردتكم فى اتخاذ القرار الحاسم وكلنا امل ان لايطول الانتظار
سعادة وزير الدفاع السابق الدكتور آدم موسى مادبو نائب رئيس حزب الأمة السابق .. عايز ترجع الأضواء .. ناس حزب الأمة ديل ما دقو ليك ولدك وجهجهوك ومرمتوك … يا عمنا لم عضماك وورينا عرض أكتافك .. أقرأ قصيدة شاعر الشعب… مرة في 2003 في مدينة الرياض في لقاء خاص سألتك: هل إذا رحل “الإمام الصادق المهدي” رئيس حزب الأمة، ح تكون إنت رئيس الحزب باعتبارك نائبه؟ يا جماعة الدكتور سكت وقلب الونسة…. عشان كدة يا دكتور احنا عايزين نقلب الونسة برضو… بالله غوروووووا
الزول ده ما ماسك عصا ولا حاجة ديل ماسكين في جيوبم بس, و اي زول بيطالب بانو ياخدوا موقف غير كدا بكون بدون قصد ضر السودان….
خليهم ماسكين في المخصصات وبعدين يجو يقولوا انحنا الديمقراطية زاتا ….. وكنا بنقاوم من جوه وكدا…..
يا مادبو انت بتتكلم عن شنو بالظبط ؟
اصلاح وطنى ده كيف يعنى يعينو ليك ولدك مساعد رئيس برضو ولا شنو ورينا عشان نفهم
قال اصلاح وطنى ومشاورات !!
يا شيخنا نحن هدفنا واااحد قلنا مليون الف مرة اسقاط الكـ … استغفر الله
عايزين تشاركو مع الناس شاركو ما عايزين لمو خشمكم عليكم واقعدو وبطلو النفاق
بتاعكم ده ,,
اصلاح يعنى حيكون البشير رئيس ونافع مساعد وعبد الرحيم وزير دفاع وعلى عثمان نائب
والمتعافى وزير و نفس الافكار القديمة بالاضافة لى مجموعة جديدة من الناس البايعين
امثالك ديل ,, نفس الغلاء ونفس الكبت للحريات ونفس التعزيب ونفس السرقة والنهب
ونفس الاشكال والخلق ..
اها الجديد شنو يعنى حيطلع راجل فيكم يكسر كلام لى نافع ؟
ولا كلام لى شيخ على ؟
ولا حتعترضو فى برلمان على قرار رئيس ؟
نحنا قمنا بالثورة عايزين نسقط نظام ونحاسب نظام وافراد والحساب ده اهم من الاسقاط
الحساب ولد يا شيخ مادبو
زى ما قال جورج بوش زمان
يا معانا يا علينا
المحظور وقع! وها هو الامام وبطانته بيلوو رقبة الحقيقة وبكل المقاييس حزب الامة طلع برة اابوسبيبة وعلى السيد يشتكون لطوب الارض من ان لا دور لوزرائهم المشاركين فى الحكومة ولايؤخذ رايهم فى مشاكل البلد وان وزرائهم ينفذون برنامج حزب المؤتمؤ الوطنى ن بالله عليكم لا تستخفوا بعقول لحسبه بهذا التصريح ، شنو يدوكم كم وزارة وكم مستشار لتجميل وجه النظام القبيح ؟، اهو ناس الناس ولا عقول طائفتك ولاعقول جماهير حزبك- هل ترى بأن هذه بهائم تسوقونهم بالاشارة لما يريده الامام ومطبلى الامام وكماقلت انت بنفسك “المرحلة المقبلة تتطلب وحدة ولم شمل حزب الأمة، منبهاً إلى أن الأوضاع لا تحتمل وجود خلافات داخل الحزب”
طيب المختلفين معاكم ديل حتفصللوهم وهم شباب ومثقفى الحزب ، يعنى تكريس جديد لانقسامات فى داخل الحزب ما يتمسك به الامام يصب فى توريط نفسه فى اتون حرب مع حزبه وجماهيره وقوى الاجماع الوطنى ؟ لماذا؟هل لكرسى السلطة؟ ما كان على رأسها حين وأدت اليمقراطية بفعل اخوان الشياطين ، ماذا فعل لاسترجاع سلطتة ؟ قام يقدم المشروع تلو المشروع لأطالة عمر النظام وسيتحمل مسئولية تاريخية ان فعل ما يرمى اليه تصريحك ، وبيقولوا الكلام حلو من خشم سيدو لذا فاننا نطالب الامام بتكذيب هذا التصريح اللعين ويكشف حقائق ما يدور وراء الكواليس ويقود جماهير طائفته وحزبه للشارع مع الذين خرجو منذ 15 يوما مطالبين بأسقاط النظام
واذا لم يقم سيادة الامام بتكذيب ها التصريح المدفوع الاجر فهو يقامر بتاريخه السياسى وارث اجداده وآبائه – فلا يستحق بهذا انتمائه لطائفة الانصار
هذا المادبو واحد منتفع وخيبان, هذا الحزب نخر السوس عظامه والامور اتغيرت,وكمان هذا الامام البرطمان هو الوجه الاخر للانقاذ,اولا سلم السلط للبشير في 89, وبعدها ارسلته الانقاذ للعمل كطابور خامس ضد التجمع ولم يفلح, والان حوبه وعشيرته في السلطه وهو كمان ينافق. يا جماهير اهي نصيحه للهو الزول دا عامل مع المعارضه وعينو في القصر. انتهي زمنك يا حاج ابراهيم, دايرين قيادات جديدة وهي تتولد من براكين الثورة.
ماذا يقول هذا الديناصور …؟؟؟؟
( برنامج الحزب الذي يدعو لإصلاح النظام وليس إسقاطه.)
إن كان هذا فهم كل عضوية حزب الأمة فعليهم السلام …
كلامك هذا كان يكون مقبول قبل 16/06 .. تجاوزه الزمن شوف غيرو ..
نحن لن نرضى بأقل من إزالة .. إزاحة .. كنس تجار الدين …
اسمعوا هوي نحن كلام مثبطي الهمم دا ماعايزنو ووفعلا >اما معانا او علينا وبالله عليك يا د مادبو انت ماشاعر بالحاصل لينا لانك اصلا نبت نظام اهلك المواطن قبل كدا ونحنا ثورتنا دي قاااايمه بس بالله عليكم ماتلعبوا بعقل المواطن البسيط لاجل مصلحه خاصه ولا شوري بعد اندلاع الثوره وعاش شذاذ الافاق
ياخوان اي تنظيم يميييني مابينفع في بلد مواصفاتها زي السوداااااااان ،اليسار وبس الناس تلف وتدور لي يوم القيامة غير اليسار مابينفع.
لانو مبدأ المحاسبة اول بأول ،مافي هذا خليفة الله في الارض ولايحزنون.
الرجعية ما بتنفع التقدمية وبس نحن في عصر تقدمت فيه الامم.
من الاستقلال غير هؤلاء الرجعيون مافي زول مسك الحكم .
واللبيب بالاشارة يفهم
خالص ما انتم ولى زمنكم غابر اكلها الدهر واصبحتهم زى ماكنة هالك لا تنفعوا اتركووووا ساحة للجيل الزمن. واسكت واصمت من فضلك.