ذكر شهود عيان أن الثوار يسيطرون تماماً علي شوارع ود نوباوي وقد وضعوا المتاريس في كل شوارع الحي ولا اثر للشرطة ولا رباطة النظام . وقد ذكر شاهد عيان آخر أن البوكس الأخير للشرطة في المنطقة الواقعة بين حي ابوروف وحي ود نوباوي قد فر أمام المد الجماهيري وترك أحد افراده الذي حاول الفرار من المتظاهرين الغاضبين ولم يتسني لشاهد العيان معرفة مصير الشرطي الذي تركه زملاءه فريسة للمتظاهرين الغاضبين
| Cookie | Duration | Description |
|---|---|---|
| cookielawinfo-checkbox-analytics | 11 months | This cookie is set by GDPR Cookie Consent plugin. The cookie is used to store the user consent for the cookies in the category "Analytics". |
| cookielawinfo-checkbox-functional | 11 months | The cookie is set by GDPR cookie consent to record the user consent for the cookies in the category "Functional". |
| cookielawinfo-checkbox-necessary | 11 months | This cookie is set by GDPR Cookie Consent plugin. The cookies is used to store the user consent for the cookies in the category "Necessary". |
| cookielawinfo-checkbox-others | 11 months | This cookie is set by GDPR Cookie Consent plugin. The cookie is used to store the user consent for the cookies in the category "Other. |
| cookielawinfo-checkbox-performance | 11 months | This cookie is set by GDPR Cookie Consent plugin. The cookie is used to store the user consent for the cookies in the category "Performance". |
| viewed_cookie_policy | 11 months | The cookie is set by the GDPR Cookie Consent plugin and is used to store whether or not user has consented to the use of cookies. It does not store any personal data. |
هكذا تبدأ الثورات وهكذا شرارة الانتفاضة والخير قرب
الم نقل انها حكومه نمر من ورق؟؟؟؟ هنيئا لكم ياثواااار فالنصر ات لا محال
تبا للبشير والكيزان مااجبن تصريحاتكم…..
كسره: هسه الثوار ديل لو وديتوهم هجليج ماكان احسن ليكم؟؟!!
صحى وين المجاهدين؟؟؟
الله اكبر و لله الحمد ثورة حتى النصر … الموت للكيزان … الموت لتجار الدين
والله من الفرحه دمعتي نزلت الالي الامام ايها الابطال ولتسقط كل ام درمان ولنحرر السودان من الكيزان
سفلة لن يصمدون
ارجو ان يكون الثوار قد افترسو هذه الفريسة ونحن نعرف انهم جبناء وايضا كلاب الامن كلهم لقطاء اتى بهم نظام الهالك باذن الله البشير من دار المايقوما لاذلال الشعب التحية لابطال ود نوباوى .
جمعة مباركة
هكذا تكون المظاهرات يجب على جميع الاحياء طرد الشرطة والسيطرة التامة على الاحياء . بهذا نجعل الجميع يلف حول المظاهرات .ثورة حتى النصر
الله اكبر ولله الحمد ، هو ده السودان
ربنا ينصركم علي الكيزان
وزي ما قلنا سابقا سيولون الدبر ، لانهم علي باطل ، ايامهم معدودة ، انهم جماعة مصالح ، كل يوم سيتناقصون وسنذداد اضعاف
والنصر للثوره
الله اكبر ولله الحمد يا احفاد المهدى الخير قرب
تمام
ود نوباوي رمز الصمود ولها تاريخ عريق في مقارعة الاستبداد
ههههههههههههه العساكر كبروها ،الله اكبر وللعزة للثوار الشرفاااااااااااااء ،الى الامام لححححححس الكوع
ثورى ثورى ياامدمان ضد الحكم الدكتاتورى
فى الحارة تهتفوا ليهم وبكرة تقبلوا ع حزب الامة تنبذوهم
الله اكبر فوقك يابلد الله اكبر عليك يا ولد
بيك الفخر يتباها والفرح الغايب رجع
أنحر خوفك الما ليك طبع واشرط بطن اولاد الفجع
اجمع عليك رسن الوطن والخاين دابره انقطع
هله هله ياودنوباوي
هكذا تبدأ الثورات وهكذا شرارة الانتفاضة والخير قرب
هدية لك ايها الوطني الشريف :ايها الرجل ، أينها المرأة ،أيها الشيخ أو الشاب ، ايتها الشابة ….فنحن معا في الطريق – تباركت جمعتك أيها الوطن العظيم
شعر الرائع هاشم صديق
قصيدة صالح عام
************
هديمك يا وليدمقدود
و صابحنا الفقر
و الجوع
صبح باب التكل
مسدود
كمل حتي الملح
في البيت
وشن همّ
الملح في البيت
وكت ملح
الدموع موجود؟!
دحين يا وليد
هو ديل
موُ قالوا ناس
إنجاز ؟!!
وشن سّولنا
مما جونا
غير حرقو
الفضل بالجاز ؟
كّل شيتا
صعب في السوق
من الكبريتة
للطايوق
و كان جانا
البخت تموين
رطيل سكر
و صابونتين
نجيب من وين ؟
و اخوك مرفود
و عدمان الشهر
ملين ؟
أمس زازيت
اكوس الدين
مشيت لسمية
بت مامون
لقيت جابولها
تلفزيون
سمح بالحيل
تشوف الصورة
بى كم لون
وكت في نشرة
ألأخبار
ظهر مك البلد
يضحك
جضومو كبار
مزرر الكرش
بزرار
لا مهموم
لا مغموم
لا زعلان
و شيهو
يراري بالألوان..
وقّد في حشايا
تباق نار
طريت رفد
الوليد و الجوع
و سال
دمع الغبينة الحار
اريتك يا ملك
فد يوم
يخلى الجوع
عينيك ما تنوم
أريتك يا ملك
فد يوم
تحس بي غصة المظلوم
دحين يا وليد
هو ديل ما لهم
و مال الدين
وكت قولهم
كلام الله
و فعالهم
ما فعال صالحين
كتير فيهم
عديل حقار
و بالقرآن
كمان تجار
و كضابين
أكان بنزين
عدم .. أو جاز
وتعبوُ الناس
و ضاقو خلاص
صفوف واقفين
يقولولك
إرادة الله
وكان عدم الرخيص
و الغالى
في التموين
يقولولك
ده . غضب الله
و كان الموية
صبحت طين
يقولولك
ده من امريكا
والعملا
حمونا الشب
ولاد الكـــــــــــلب
عشان الشعب
يحرن تب
يقبّل
من صراط الدين
دحين يا وليد
هو ديل
ما لهم
و مال الدين
أكان كنزو
الدهب و المال
بلايينهم
تسوى جبال
وعرباتهم تخطف
العين
و بناياتم قصور
في قصور
وحاة الله
و كتاب الله
أكان ادونا
طوب فد سور
كان سوينا
الف أويضة
لي مسكين
فترنا من الخطب
يا وليد
و من طيش العقيد
و عميد
و من قل القرش
في الايد
و من تعب الوقوف
في الصف
ومن غبن الرصع
بالكف
و من حفر الدروب
و اللف
و من خت الحلم
في الرف
كل يوماَ
نقيحنا يزيد
دحين يا وليد
هو كم دغشاَ
عشان نلقاهو
دافرنا
و تعبنا شديد؟
و كم حولا
صيامنا صبر
عشان يشرق
هلال العيد ؟!
اح ح يا وليد
لا حتى الخبيز
إنضاق
و لا هدما
كسانا جديد
و شوف المغسة
يا وليد
سموُ شقانا
صالح عام
و كل دمعاَ
نزل من عين
و كل جوعاَ
سكت بالدين
و كل زيناَ
محاهو الشين
ختو وقعيتو
في الإسلام
حرامهم يا وليدي
حلال
وا نحنا حلالنا
كلو حرام
يقلبو الدين
نصّل سكين
و ناسين
الحساب قدام
اخر زمن
يا وليد
نشوف كل البشاتن
لون
يفوت هولاكو
دوب نرتاح
ينط في الكرسي
نابليون
اريتك يا أمير
حالي
جعيص في الكرسي
في الخرتوم
و ساويلك
الف والي
نبايعك للظلم و الجوع
نبايعك
وكل ضيم مشروع
نبايعك
و جيتنا جيش
و دروع
نبايعك و الحكم
مقلوع
نبايعك
و القسم مخدوع
نبايعك
من سجن عالى
أخر زمن يا وليد
حصيف العين
يلاقى و يشوف
زمان
ظلم السلف
بالسيف
و حسه السيف
كلاشينكوف
غير زمن
الهوان و الجوع
كمان طالع
زمان الخوف
ديل ما برتو
لى إنسان
كم ولداَ
وقع نشفان
وكم زهراَ
كِتل و اتحت
في رمضان
لا شهراَ حرام
إتصان
لا كفنا ستر صبيان
لا شاهد
قبر معروف
لا اماَ
برد نارها
سكت و إرتاح
نزيف الجوف
دحين يا وليد
أ كان حسع
ده ديش مصعب
و أكان بيرق
علي الكرار
منو الكفار ؟!!!
منو القاصدينو
بالتكبير
و بالتهليل
و ضرب النار؟
اخاف نحنا
و أكان نحنا
أخير نضحك
كتير سبب
الضحك بخته
شوف المغسة
يا وليدي
ديل ما حسه
ناس حُقار؟
ده ذى دق الطبول
للموت
وذي وقد البلد
بالنار
* *
إلا نشوف
أ كان ساهرين
معاك يا جوع
و أ كان ضيقنا
إتحفر في ضلوع
و أكان صابرين
علي الفجار
وحاة الله
و كتاب الله
وكت نغلي
و نكوس التار
لا سوراَ
بقيف في وش
و لا لهب الغبن
بترش
و لا صفاَ
يميل بالقش
كل ظالماَ
يقع و يندش
و سيل دمع البلد
ينقش
لا بحبس حلقنا
الخوف
و لا بترجع
اكان لعلع
كلاشينكوف
هديمك يا وليد
مقدود
و صابحنا الفقر
و الجوع
صبح جلد البطن
مشدود
شن بتسو
و أخيك
من شهر مرفود
قالو صالح عام
عشان قال
العوج في العود
* *
نان ما يقول
أريت يقول
عديل يا زول
هديك
البغلة في الابريق
ما هامينا
-صالح عام-
وديش مصعب
و لا الحجاج
و لا بكتل
قلبنا الجوع
و موت منقذنا
ولا الضاج
خلي الضيق
يزيد يا وليد
بكرة الضيق
يخلى الناس
تبقى عُصّار
علي الحقار
و تبقي حريق
* *
قريب يا وليد
صيامنا يتم
و يهل و يشرق
هلال العيد
نحس طعم الخبيز
و يتبدل هدمنا
جديد
الله اكبر
لله الحمد
الى الاما الى الامام….. اين الرباطة والهمباتة…. الخير قرب….
اللهم عليك بالانجاس……
اغلقوا الشوارع بالمتاريس…..
حمس …. جارك … ارسل ولدك…. الخير قرب الداء هو الانقاذ الارجاس…
يارقاص يا رقاص …….. الخلاص الخلاص من الرقاص
ان شاء الله نخلي منهم السودان كافة في اقرب وقت وكل ما نريده هو انسلاخ ما تبقى من الجيش والانضمام الى ركب الشرف والكرامة ركب الثورة الظافرة باذن الله وكذلك اجهزة الامن والشرطة عليها السبق في تسجيل موقف تاريخي يذكر لها ويضاف الى موقفها المشرف في ثورة ابريل حيث انها لم تطلق طلقة واحدة على المتظاهرين بل انضمت لهم وتركت النظام وحده كما ابليس يوم القيامة وهذا ما نرجوه منهم في هذه اللحظات الفارقة من عمر السودان او ما تبقى من السودان وإلا يكونوا مثل بلطجية مبارك او شبيحة بشار ونحن ناس مختلفون عن باقي الامم برغم ما اعطانا الله من بساطة اعطانا القوة في التفريق بين الحق والباطل……
فاليوم يوم الرجال الذين عاهدوا الله باسم السودان الوطن الحر الأبي الذي يستوعب كافة ابنائه دون تمييز بالعرق او اللون او الدين فلكنا سودانيون ولن تتفرق بنا السبل والله اكبر ولله الحمد والعزة للسودان ولشعب السودان الحر الأبي
نرجو من هذا المد الجماهيري أن يتعدي حدود ودنوباوي للأحياء الأخري ,وألا ينحصر في المنطقة نفسها فقط حتي يشكل سيلاً عرمرم ونأمل من كل أحياء الخرطوم وأمدرمان وبحري والمدن المجاورة لها الخروج حتي يتفرق ويتشتت جهود كلاب الأمن والشرطة.
يا بوليس…اقلع طاقيتك…نحنا بندفع ليك ماهيتك
أنا أمدرمان أنا السودان
يا جماعه البوليس دا أمرو هين -ما حيستمر في قمع المتظاهرين لأنو ببساطه ما في سبب بخليهو يدافع عن الحراميه في و كمان عارف انو المتظاهرين كل واحد عندو ألف سبب
ناس الديم قالو حرقو 3 بكاسي
قاطعوا قناة الجزيرة
تحيه لابطال السودان وشباب ام درمان
انه السودان ، يتسابقون لخير البلد
كل مدن السودان مشتعله
لا وقت للحزبية ولا للقبيلة ولا للمدينه
نريدها للكل.
تحيه اجلال واحترام للقابضين علي جمره الثوره بالمشاركة الفعليه في الميدان ،
ونعلم وكل الدلائل تشير الي نصركم الذي بات قريبا، ربما اقرب مما تتوقعون
قصيدة هلموا ..للشاعرة عرفة جودة
قرعوا الطبول .. وغنــــــــوا.
غنوا .. غناء المجانينــــــا
لبسوا جلباب التخفي والعمامـة
وتميسوا كالطاؤوس في اراضينـا
نصبوا خيام الفرقـــــــــــة
وجعلوا لكل قبيلة بيتـــــــاً
من الاعشــــاش و الطينــــــا
بنوا العمارات قلعوا المساحات
والبنوك بإمضائهم تمشينـــــا
تمنوا سلطنة الاجــــــــــدادِ
فطرضوا الاشاوس من مناحينــــا
وتضرعوا لإبليس الذي جالســـهم
ايامـــــــاً وسنينـــــــــا
فتمـــــردوا وتأوهــــــــوا
حبــاً للدنيــا و ما فيهــــا
تنكروا لربهم و فتحوا ابـواب
النفاقِ..ولم يعرفوا الايمان دينا
فاصبـح الســـــودان بفعلتهم
اشـــــــواكٌ تغطينــــــــا
فنادينا بعضًـــتا بعضــــــا
وقلنا هلموا نطرد الطغيـــان
مــن اراضينـــــا
وخرجنــــا في الشــــــوارع
في يوم الكــــوعِ
نهتف بإسم الله يحمينــــــــا
***
أفو أفو أفو ? يا مولانا المرغني .. النظام يضرب ويقتل المواطنين السودانيين العزل في المساجد وأنت مشارك فيه?
هذا لا يليق بكم ولا بتاريخ الحزب الاتحادي ولا بكيان الختمية?
? عليكم بالخروج الفوري من النظام والا سيلحق بكم العار الى الأبد !!!!!
هؤلاء هم شذاذ الآفاق يا عمر ..
يراهم الناس .. لكن ليس عبر سشيارتك المكشوفة ..
و لا تحاول قراءة الشارع لأنك فشلت فيها طيلة 23 عام
شباب والله ، اخرسوا السنتهم بانها مظاهرات محدودة، بل انهم محدودى العقول والانظار
ماشين فى السكة نمد
اخوتي الاعزاء لاتضربوا الشرطي عاملوه معاملة حسنة لاتضربوه…..نريدها ثورة سلمية والنصر لنا ان شاء الله
ود نوباوى وما أدراك ما ودنوباوى..شهدت الانتفاضة على نظام الرئيس نميرى وكانت ودنوباوى فى الطليعة،وأذكر بالخير المذيعة الرائعة تيسير كانت تقود المظاهرات..والان يتجدد التاريخ فودنوباوى حين تنتفض على النظام أن يبل رأسه أقولها بصدق ..فلا نامت أعين الجبناء..وهذا الشعب المعلم يقرأ جيدا فلو أن الزيادة فى السكر والمحروقات جاءت لضرورات يحتمها الوضع الاقتصادى لصبر أهلنا الطيبين كما صبروا قبلها كثيرا على المحن والضنك الذى جلبتموه لنا بسياساتكم الرعناء هذه السياسات التى تعادى أمريكا وبريطانيا وفرنسا وتتحالف مع تشاد وأفريقيا الوسطى، ولكن الشعب يرى فى منسوبيكم سواء بالحكومة أو حزب المؤتمر الوطنى انكم بعيدون عن الشعب وتعيشون فى بحبوحة ورغد عيش، قصوركم عامرة وسياراتكم فارهة وأموالكم تزخر بها البنوك فى الخارج قبل الداخل واستثماراتكم الخارجية كادت أن تستولى على دولة ماليزيا وفيكم المتعافى الذى لانعلم أهو تاجر أم هو عضو فى حكومتكم وفيكم نافع الذى لايجيد التحدث ويحمل لسانا يتغزز من نتنه الصديق قبل العدو وعضويتكم فيها من اللصوصية ما الله به عليم ، وهذا الشعب المغلوب على أمره يعلم كل ذلك وبذكاء فلماذا يصبر هذا الشعب..هل أنتم صبرتم أم أنكم شبعى وتريدوننا أن نصبر…وأنا أتمنى أن تكون الجمعة القادمة جمعة (لحس السكر) حتى يلحس النظام هذه التسعيرة المجحفة التى لاطاقة للشعب بها وليس لنا غير السكر ، فقد قال أحدهم فى غباء لماذا تركزون على السكر فالفواكه قد تعوض!!!وهو لايدرى أن الشعب يرى الفواكه ولاسبيل له فالفواكه لكم أنتم يا فسدة..والى جمعة لحس السكر…