شاهد الفيديو – نانسى عجاج في ” حكاية الوردة والشارع ” دعما للثورة –

تسلمي نانسي من يومك ذكية و شاطرة وتفهميهاوهي طايرة وتختاري الاختيار السليم

شكرا يا رائعة وشكرا من يزرع الفرح فينا هاشم صديق

وما في خوف وربنا يحفظك

نريد من الكل المشاركة بما يستطيع

ربنا يحفظ وطنا

ح نرجعو زي اول واحسن مع هولاء الرائعين دمدمت لوطنكم

الله يرحمك يا حميد
البركة في باقي المبدعين

الي وردي وزيدان والحردلو وحميد ونقد ومصطفي سيداحمد، سنحتفل بنجاح ثورتكم بوجود ابداعاتكم الكانت زادنا ووقودنا للثوره الحلمنا بيها كلنا

وشكرا كثير ا للثوار الذين جعلو المستحيل ممكن
وهذا هو السودان

عاوزين يا ود صديق حاجة علي وزن “جاءنا هتاف من عند الشارع” ودي اجلوها لبعد كنس دنس الكيزان

إنحنيت للوردة ما للريح ولا سيف الخليفة
إنحنيت لي بسمة صالحة ودمعة صادحة ولقمة مالحة وراحة في سُترة رغيفة
…….
لي قمر مدّ اللسان بي طولو للضلمة المخيفة .
إنحنيت بي كُلي لي جرحاً بنافح ولي وطن فوق للمصالح
ولي صباح وردي الملامح ولي قلُب أخضر مسامح ولي سلام إيداً نضيفة
……..
إنحنيت بي كُلِّي لي ستي الشوراع ولي بلد معشوق وفارع
لي عشم من (جرحي) طالع لي قلم ما بخون ويبايع
ولي عيون صاحية وشريفة
……..
أنحنيت أنا للقطاطي للمرافي للمنافي للسواقي
لي جَمُر والدنيا زيفة لي حروف صابرة وعفيفة.
………
إنحنيت بي كُلي لي شعبي المنارة
للمناديل القناديل المواويل والجسارة ولي قلوب حاره ورهيفة
……
أنا الشعب الكِبرتَ وعيت ضهبت على الصحاري وجيت.
مشيت فوق الجَمُر حسيت فهمت الحال وغبني جبال
أذوني صحيت كروني أبيت طروني نسيت نسوني طريت
حلفت أشوف بعين نفسي ولا صدّقت عين الغير
شربت من العكر مرات وكان واعديني لبن الطير
لاخلوني يوم حجِّيت لدار حلمي أضوق زمزم وازور البيت
ولا سابوني حتى أقيف على صهوة جبل عرفات أتمتم بي عِقِد دعوات
ولا سابوني أنهي صلاه ولا خلوني حتى بديت .
……….
أنا الشعب الكبرت وعيت لا بايعت يوم حجّاج
لا مديت إيدين قسمي عشان يبتاع
وكت أحتاج لاسكّيت بنات الحور لا اتبهدلت تحت السور لا اتغابيت
عيون نفاج ولا خنت الجروح ومشيت

عينيّ شايفة سماكِ زرقا صافية سمحة الزمن أنصف وهادك
كلو ذرة في رملة قمحة. النجم بارك مساكْ كلو غصة
في لمحة فرحة. قلبي شايفك مارقة طيبة شايلة وردة
قاْلدة ناسك وزفة ضحكة لابسه بلدك تاج وطرحه.
……..
إطمئني الله غالب عطفو واصل لا حواجز (لا فواصل) بكرة نهتف للسنابل
………
قلبي شايفك راجعه طيبه زاهيه سمحه بيكْ مطارنا (يهز ويعرض)
وكل لمبه في أي شارع ليكي تصحا حضنكْ ماهل ضحكك جنه
حزنك وترك وفرحك ساهل يا إنسانه ويارويانه حنين ومشاتل
ياتعريشه في شمس (البُقعه) غويشه تحندك إيد المطر السمحه البضه
وضمه تدفِّي المطر النازل

فهمت جموح لسان الشوق وكت يلسع قليب معشوق قريت لوح اللهب
في عروق وحال موج الجنون معتوق
….
أَلِمِّك جوه في الأغوار مسامك ضاجّه بالأسرار وعسلِك في النَفَس يجري
ومن يدري إذا كنت في الحاضر أو حلّقت واتلاشيت على باكر
وكان حُضنك جواز سفري إتكيت في دمعه حَرّى واقفه في رمش المجره
…..
جيت ألوك المُرة حلوه لُكتَ طعم الحلوه مُره
……
إنتظرت الشمس تشرق من سواد شعر المسره إنسجن نورا في سبيبه
نام تحت أقدام غريبة خاصم الدنيا القريبة إنكسر
من برّه جوّه وانتحر من جوه بره
……..
إنشطرت في لحظة ذره من أسف وخزة غبينه ومن قلق رهبة سكينه
إنعزلت رماد في جمره خجلت من سُترة عرايا غطست في قعر الدواية
إنجرحت (بشوله) عايمه وانبهطت (بشدّه) حايمهوانشرقت (بنقطه) حُره .
…………
إتسقيت مُراَ أمرّ جيت على غابة قوافي شفت كل الغابه مافي
نجعت لي سطرين كتابه إنجلدت من الغرابة
……
مالي طششت ونِشفْتَ؟!! كلو غابه أخُم سرابا وكلْ (كتابه) أشوفها (طُرة)

جوايا شي زي غابه من شوك السدر. كلْ ما العصار جواي يقوم الشوك يخربش في الضلوع
النار تَبَلْبِل في القَلِب والحيل يناقر وما يموع
الروح تَفرفِر في الجروح والخَيره تَغْرَق في السِحِر
…….

……
غبيان أنا؟! مسكين أنا ؟! الناس تساسق للمطار
وانا غابّي في نوبْة الوطن رقّعت أعضاي بالصَبُر
درويش مشوكش بالنَضُر رقاني سيدي نَفَر حوار
……..
الدنيا بتناغم علي من جنه من آخرْ البحر ممدودة لي باب الجوار
وانا لسه غرقان في السِبِر مدفور ومعصور في شِبِر
ممنوع وما داير أفِر مطرود وما داير أقر
ساكِنّي في الطين الهوى حفيان ومطعون من ورا
لكني بس لي كل هم لي كل غم لي كل يم عندي المراكب والدوا
………
وضحكت في وش اليفط وبصقت علكة ( يا أكون أو لا أكون)
……..
إنتي بختك. نايمة حالمة إلا زولك صاحي ساهي لامّي صورتك روح وجته ديمه حاضنك
حال وهامه خاطرو يتقلّب معذّب وفي القليب قايمة القيامة.
……..
نومي يا ورد النضاره خلي أحلامك بشارة بكرة تشرقي بالسلامة هالة في صهوة غمامة

أغنية مليانة بالحزن … تعبر تماما عن الواقع المرير اللي عايشنو

ميلودية غنائية مبدعة لا تكرر نفسها

تنوع في الآداء الصوتي رائع … اضاف بعد تاني للمضمون الحزين للأغنية

اعجبتني كتير

Thanks Nansi, May Allah forgive your father for his high performcne that we see on you

http://www.mediafire.com/?56lpjnx8s5zsd0y

صوت اوضح

رائعة يا نانسي قصيدة اكثر من رائعة

نانسي سبقتي الكبار والقدرك
ناس ود الامين بكونو منتظرين الثوره تجي وكل شئ ينتهي عشان يجو يغنو زي ما عملو قبل كدا