مجنونة الحوت : إمتنعت عن الأكل لمدة ثلاث أيام بسبب مرض محمود عبد العزيز.. سأكتبها على جبين المجد عنوانا.. من لايعشق الحوت ليس إنسانا
الشابة مروة ميرغنى التى درست الصيدلة تؤكد سعادتها بلقب (مجنونة الحوت) وتتشاجر مع من يسئ إلى نجمها المحبوب ..!!
إمتنعت شابة تدعى مروة ميرغنى سيد أحمد عن تناول لمدة ثلاثة أيام، وحبست نفسها فى غرفتها الخاصة بعد أن تناهى الى أسماعها شائعات غير صحيحة عن تدهور الحالة الصحية للفنان الشاب محمود عبد العزيز إبان أزمتة الصحية الأخيرة التى أجرى من خلالها عملية جراحية بعد إصابتة بالقرحة.
وأقتحمت مروة التى قالت إنها لاتطيق أن تستمع لأى فنان آخر سوى محمود عبد العزيز مكاتب (فنون) والتقت برئيس التحرير الأستاذ هيثم كابو وأبلغته قلقها البالغ من تكاثر شائعات وفاة الفنان الشاب محمود عبد العزيز فى الآونة الاخيرة عبر الفيس بوك والمواقع الالكترونية . وأوضحت أنها دخلت فى حالة حزن شديد جراء مرور (الحوت) بأزمتة الصحية العارضة مؤخراً وتابعت نفسى اشوفوا واطمئن عليهو).
وأوضحت مروه التى تبدى أعجابها الشديد أنها وزعت الحلوى ابتهاجا بنجاح العملية الجراحية للفنان محمود عبد العزيز وقالت إنها لم تستطع كتم فرحتها الغامرة التى انتابتها بعد أن أطمأنت على مطربها المفضل.
كانت مروة تحمل معها (كوب) وضعت علية صوره (الحوت) مكتوب علية ( سأكتبها على جبين المجد عنوانا.. من لايعشق الحوت ليس إنسانا)، كما أن قلادتها التى كانت ترتديها كانت تحمل صورة محمود عبد العزيز بالأضافة الى أنها تحمل معها البوم صور يحوى صوراً نادرة جدا عن الفنان الشاب فى مراحل مختلفة من حياتة، وقالت أن الألبوم من أثمن مقتنياتها الشخصية.
وأوضحت مروة أن البعض يطلق عليها لقب (مجنونة الحوت) مؤكدة سعادتها بهذا اللقب، وقالت أنها تتشاجر مع اى انسان يتحدث بسوء عن مطربها.
صحيفة فنون
مستحيل تكون من اسرة منضبطة نحن فين فى الغرب نحن فى بلد حاكمانه التاقليد شو مابعشق الحوت ليس انسان ان شاء الله يموت وانشاء الله جهنب السكير هذا ليس انسان انسان كلو حرام خمرة وغيره ربنا يهديك يامحمد وانت يابنت لوحد مسؤال منك ماكنت هاكذا وممكن حب شهرة بس سبحان الله ربناااااااااا يهدى الجميع
ربنا يشفي الحوت ويجعل هذه العلة كفارة ذنوب بس نصيحة اخوية للاخت مروة ادعوها للتدبر في القران الكريم وان تسمع لايات الله وهي تتلي من المسجل عسي ولعل ربنا ان يشفيها من هذه المرض الذي يفوق مرض الحوت نفسة واين والداك يااخت مروة ربنا يعجل بشفاك انت والحوت امين يارب العالمين0
واحده من كثر.
واذا كان رب البيت بالدف ضارب فشيمة اهل البيت الطرب والرقص
ربنا يشفيك و يشفي الحوت يا بتي
ونعم التربية يا عم ميرغني !!!!! حوت يبلعك
اتمني واطلبي الشهادة في سبيل الله
الحوت ما بنفعك في الدنيا والا في الاخرة
وجريدة فنون طوالي طبعاً بتجري للفساد الزي ده
غايتو بلد ما عندها وجيع
ناس بتموت من نقص الاوكسجين والغسيل والامراض والضنك وناس ترفع لافتة تموت عشان الحوت
الله ياخد دي نوعية وليهم حقو يقولوا علينا شذاذ افاق اذا كان ده افقنا يا ناس فنون
دي دارسة صيدلة .. يعني مهنة طبية عظيمة … بكرة تفتح صيدلية وتلقوها ترقص على انغام الحوت
بلد شنو الجنها رقيص وغناء وطرب دي ؟؟؟؟؟؟؟؟؟؟؟؟؟؟؟؟؟؟؟
يا عم ميرغنى لو اتلحس الحوت ده الله اعينك غايتو على البت دى ولا اقوليك شى انت ما تعرسها ليه غصب ياخى حتى لو مسيار بدل تقوم تنتحر ليك وابقن عليك مصيبتين
هم ديل شذاذ الافاق الطلعوا فى زمن البشير قالت مجنونه واطلع واحد كلب اقول ليك فى شريعه فى السودان تنشرع ليكم طاقه من جهنم يا الكنتم السبب
الجنون فنون
أهم شئ هل يبادلك الحوت نفس المستوى من الحب ؟ اذا كانت الاجابة لا فأنت مغبونة
لو كان ابوك يدري بكل هذه الافعال تكون اكبر مصيبة يابنتي والمصيبة الاكبر انك متعلمة وربنا يهديك وفعلا الناس في شنو والحسانية في شنو مع احترامي لكل قبائل السودان
يا سبحان الله… يا سبحان الله… يا سبحان الله. تصدقوا أن زول الظاهر علي متاخر شوية عشان انا زولي اربعيني… انا قريت الحوت… وقايل البت دي تابعة لحماية البيئة والموارد المائية.. وونزلت تحت افتش في صورة الحوت بتاع البحر… لكن لما قريت الموضوع عرفت انو الحوت دا الفنان…
يا اختي الكريمة الناس في السودان داير الحوت(السمك) عشان تأكلوا أنت داير الحوت عشان تسمعي ليهو…
أها كان مات لا قدر الله …. بتعملى شنو ؟ اوعى تمشى تتلبى من هناك !, شوفى مستقبلك ويين بلاش كلام فارغ معاك يا سمكة انتى .
(سأكتبها على جبين المجد عنوانا.. من لايعشق الحوت ليس إنسانا).. أنا لا بعشقه ولا بطيق أشوفه.. يا بنت اتق الله.. الموت يأتي بغتة.. شوفي ليك عمل صالح ينفعك..
ياجماعة الخير البنت دي عاوزة تظهر في الجرائد
ووجدت ان اقرب طريق هو هذا التصريح الغريب الذي
لايدل على انها صادقة في شعورها..
يا سبحان الله . دا الشباب العايزنوا يغير النظام , وماهي لوحدها القالت الكلام دا عمنا نافع سبقها لمن قال السودان محتاج للحوت . فعلاً السودان محتاج للحوت ولكن الحوت الطبيعي (السمك).ياأختي اتق الله
تضحكـــي على نفسك سااااااااااكت .. بتروحي شمار في مرقة .
انشا الله مرتى تقرأ الخبر ده وتدينى منه فقط 10% وتسمينى صير وليس حوت
البنت دي عايزه ليها واحد من شواذ الأفاق اوريها معنى الحب الحقيقي أقصد الحوت الحقيقي.لأنو صامت ثلاثه ايام. الافطار هيكون في بيت ود المك في كافورى هو أرقصو أصلو متعود علي رقصة الحوت. يا بنت أتقي الله وتوبي أو بعدين الحوت في البحر والبحر قريق والشباب عندو قضيه أهم من أن اشوف ليو حوت مع تانبيره كان ما بتعرفي ألتنبيره دي بت عم الحوت . ثوره ثوره ثوره
البنت شكلها بايركس وفاتهاالقطارها
وعاوزة تلف النظر … هل من مجيب
عدم الشغلة مصيبة ,,,,, الله يشفيك