قائد الهلال السوداني هيثم مصطفي يعتذر لجماهير ناديه بسبب تصرفاته في مباراة الأهلي
السودان: نادر حلفاوي
بعث قائد الهلال والمنتخب السوداني هيثم مصطفي برسالة اعتذار إلي جماهير ناديه فيما بدر منه في مباراة الفريق أمام أهلي شندي في الدوري السوداني الممتاز التي فاز فيها الهلال بأربعة أهداف مقابل هدف.
وقال هيثم مصطفي في رسالته التي تحصل عليها موقع كووورة مساء امس : إن لكل مباراة ظروفها الخاصة، والانفعالات تحدث عادة في المباريات لا سيما المباريات ذات الحساسية والاهتمام الجماهيري والإعلامي الكبير والتي تخلق ضغوطاً داخل الميدان يصعب على اللاعب في بعض الأحيان السيطرة علي تصرفاته.
وأضاف إن جماهير الهلال كانت علي الدوام زاد رحلته لمدة 17 عاما وهي فترة مسيراته الكروي مع الهلال ومهما قدم لها لن يوفي دينها عليه وهو الذي ارتبط وجدانيا بها منذ أن أتي يافعا واضحى ارتباطا وثيقا وعشقا يفوق مدي الإدراك.
وأكد ان كل ما يفكر فيه مع كل شروق شمس هو تحقيق أملهم المرتجي ولم يفقد الأمل فيما يفكر فيه وكله ثقة ان يوم الفرح قادم لا محالة. ووعد مصطفى في ختام رسالته لرفقاء عشقه كما وصف بمزيد من الانتصارات علي الصعيدين المحلي والخارجي حني تتحقق أشواقه وأشواقهم.. مؤكداً احترامه للجميع جهاز فني ولاعبين واداريين. ويذكر ان هيثم مصطفي كان قد غادر الملعب احتجاجاً علي قرار المدرب الفرنسي جارزيتو بتغيره في الشوط الثاني من مباراة الفريق أمام الأهلي شندي في الدوري السوداني إلى منزله مباشرة دون الجلوس في دكة البدلاء حتى انتهاء اللقاء.
كووورة
الناس في شنو وال…. في شنو …. وحتى ولو افترضنا انو الراجل ده عندو حق مبارة وحساسية وجمهور وكانوا بتكلم عن نهائي ابطال افريقيا رغم انها كانت مباراة عادية في الدوري وفي استاد الهلال وعند اخراج السيد كااابتن الفريق كان فريقه متقدم على الخصم بعدد وافر من الاهداف .فبالعقل اين اسباب التوتر وما الخ … ياخ نحنا شذاذ افاق لكن برضو عندنا الة بتفكر وتقيم اسمها المخيخ …
يا اخوانا دة سلوك لاعبي كرة القدم – قبلها كان قد شات قارورة المياه عند تغييره .. وكثير السلوك المشين لهذا اللاعب بالتحديد فليس بغريب ان يأتي بنفس التصرف الان بعد وصل الى عمر الشيوخ!! لا عجب ..مفتعل المشاكل مع زملاء الميدان خاصة المنتخب .. وكم سمعنا (بلنجات وبونية في معسكر فريق المنتخب – ) ولكن اذا رب البيت بالدف ضارب (لكمة الحكم الجزائري) اكيد شيمة اصل البيت الرقص والطرب.. والملاحظ انه عند غياب هذا اللاعب عن تشكيلة الفريق تجد ان بعض اللاعبين ومنهم بالتحديد (مهند الطاهر وكاريكا) يلعبون بمزااااااج ويقدمون احل من عندهم وهذا ما يدل على عكننة هذا اللاعب على زملاء الفريق…
عندما اتذكر بان هؤلاء (فاقد تربوي) كما قيل عنهم لا اعيب تصرفاتهم .. فماذا ننتظر منهم؟؟
لم اعجب حين صرح ذات مرة بأنهم لا يملكون قوت يومهم كلاعبين.!!! ويأكلون سندوتشات الفول بالطعمية.. اي لاعب مسئول لا يمكن ان يصرح بمثل هذا التصريح ولكن هذا قدر لا بد ان نسأل الله تعالى ان يلطف بنا
يا جماعة انتو الزول ماخلاص كفاهو…ملو عاوز يكرهنا الهلال….ياخ (فان باستن) اعتزل….اعتزل ياخ…..ما كرهتنا
يا سيدا بعد دة سيبا
معليش يا كابتن دي اسمها المراهقة المتأخرة .
تعليقات مريخية حاقدة… … يا مريخاب عين الحسود فيها عود.. لسه الدنيا بخير يا حبيي لسه الدنيا بخير.. ولسه كابتنا بخير… ما دام هيثم موجود في خط الوسط.. إن كان في الهلال أو المنتخب فهو بعافية وبفاعلية وبيقول كلمتو… افهموا افهموا ترشدوا.. وبطلوا احقاد… وبعدين الزول دا دايرين تلحقوه كابتنكم البقى ما قادر يمشي مشي ساي كدي.. خليهو يلعب كورة… والله عجائب…. مالكم أنا اسه قلت العجب قلت عجائب.
حساسية مباراة شنو انت فريقك فاز بعدد وافر من الاهداف . شنو دخل التوتر والانفعالات . أحسن تنسحب ويكفيك ماقدمت للهلال والمنتخب . ماتجازف بتاريخك الناصع ياكابتن
كل المريخاب ينتظرون إعتزال هيثم مصطفى، هذا دليل على حقدهم على أفضل من أنجبت الملاعب السودانية في مجال كرة القدم، فقط أقول لهم ششششششششششششششششششششششششششششششوقكم
هيثم دا بقي زي القذافي مثير للشفقه و متوهم و مغرور و مصاب بمرض الكنكشه عايز يلعب و يكون كابتن لحدي مايموت . بعدين قله ادبو سببا الاحباط لانو بقي ما قادر يلعب بمستوي مقبول وعاجز عن تقديم حاجه حتي الحركه بتاعت الكعب مافي زول شغال بيها و لما يفشل بيغضب و يتصرف تصرفات شاذه . نصيحه للطاووس هيثم يعتزل او يلعب كورتو و يحترم راي المدرب و انشالله يلعب دقيقه لانو دا مازمنو و لازم يدي الفرصه للشباب كاكا و مهند الجابو قبل 9 سنه عشان يكون خليفه لهيثم شكلو حيعتزل قبليه و الهلال اكبر فريق في السودان و ممكن يجيب الف لاعب و قائد احسن منو . اما الاعلام الحقير و زي ناس رمضان و كبوتش و فاطمه الصادق العفنه و مزمل و ابو شيبه ديل سبب المشاكل بتعرصتهم و كذبهم .و برضو العجب لازم يعتزل في اقرب فرصه و شكرا ليهم وانشالله نعمل ليهم مهرجان اعتزال و نرسل دعوه للبشير في لاهاي
ما طلع من بطولة اليورو الا بقلة أدب لعيبة فرنسا على مدربهم لما يطلعهم
ليهم حق يقولوا عليكم قرود
تقلدوا في الشين بس
الناس ماشة لي قدام ونحن كورتنا لي ورا
لا هلال مريخ بعد اليوم
ليه كل من يتكلم أو يقول رأي بطريقه ما تعجبنا
نعتبره من أصحاب المربع الثاني
وين إحترام الرأي والرأي الآخر
لاحظت في كل المواضيع التي تطرح على الراكوبه…
عندما تحسو بأن هناك شخص كتب شيئ ليس على هوانا…
نصفه بأنه من الجماعه أو كوز ( يا خونا انت كوز ولا شنو)
(يا خونا انت مريخابي ولا شنو)
عيب كدا……
عشان كده نحنا قلنا ثوره حتي التغيير
تغيير وإبعاد كل اصحاب العقول العفنه والمريضه
سواء معانا أو ضدنا
التغيير جاي جاي
لنحصل على سودان جديد خالي من كل إنسان مريض
سودان نتقبل فيه كل الآراء…..
ونأخذ الرأي الصائب الذي يصب في مصلحة البلد
عشان نتقدم لقدام